হিজ এক্সিলেন্সী জোসেপ বোরেল ফোন্তেল্স, য়ুরোপিয়ন হাই রিপ্রজেন্তেতিব/ভাইস প্রসিদেন্ত (ঐচ.আর.ভি.পি.)না ঙসি প্রধান মন্ত্রী শ্রী নরেন্দ্র মোদীগা উনখ্রে। শ্রী বোরেল অসি রাইসিনা দাইলোগ ২০২০ শরুক য়ানবগীদমক জনুৱারী ১৬তগী ১৮ ফাওবা ভারত্তা লাক্লি। ঙরাং মহাক্না মফম অদুদা ভেলেদিক্তোরী এদ্রেস পীখি। ২০১৯গী দিসেম্বর ১দা ঐচ.আর.ভি.পি. ওইনা মহাক্না থবক পায়রবা মতুং য়ুরোপিয়ন য়ুনিয়নগী ৱাংমদা চৎপা মসিনা মহাক্কী অহানবা খোংচৎনি।
প্রধান মন্ত্রীনা ঐচ.আর.ভি.পি. বোরেলবু তরাম্না ওকখি, ঐচ.আর.ভি.পি.গী থবক পায়রকপদা নুংঙাইবা ফোংদোকখি অমসুং মাইপাকপা তেন্যুর অমগীদমক য়াইফ পাউজেল পীখি। ঐচ.আর.ভি.পি.না রাইসিনা দাইলোগতা চাংনাইনা শরুক য়াবগীদমকসু প্রধান মন্ত্রীনা থাগৎপা ফোংদোকখি।
প্রধান মন্ত্রীনা ফোংদোকখি মদুদি ভারত অমসুং য়ুরোপিয়ন য়ুনিয়ন অসি নেচরেল পার্তনরশিংনি অমদি ২০২০গী মার্চতা প্রদক্তিব ইন্দিয়া-য়ুরোপিয়ন য়ুনিয়ন সম্মিত অমদা মহাক্না মীৎয়েং থম্লি। প্রধান মন্ত্রীনা ক্লাইমেৎ চেঞ্জ অমদি ত্রেদ অমসুং ইকোনোমিক রিলেসনশিংগী লমদা চাং নাইনা য়ুরোপিয়ন য়ুনিয়নগা লোয়ননা এঙ্গেজমেন্ত চেৎশিলহন্নবা ভারতকী ৱারেপ অদু অমুক হন্না ফোংদোকখি। প্রধান মন্ত্রীনা মমাংদা য়ুরোপিয়ন কমিসন অমসুং য়ুরোপিয়ন কাউন্সিলগী লুচিংবশিংগা লোয়ননা উনদুনা ৱারী শানখিবশিং অদুসু নৌহৌনা নিংশিংখি। ঐচ.আর.ভি.পি. বোরেলনা ফোংদোকখি মদুদি য়ুরোপিয়ন য়ুনিয়নগী লিদরশিপনা মথংগী ইন্দিয়া-য়ুরোপিয়ন য়ুনিয়ন সম্মিত অঙনবা মতমদা ব্রুসেলদা পাংথোক্নবা মীৎয়েং থম্লি।
