প্রেসিদেন্ত বাইদেন অমসুং প্রেসিদেন্ত কিশিদা
ঐখোয়গী লুচিংবা পুম্নমক ভর্চুৱলগী ওইবা পাম্বৈগী খুত্থাংদা কনেক্ত তৌরি
এক্সেলেন্সীশিং,
ঙসিগী য়াম্না মরু ওইবা থৌরম অসিদা নখোয় পুম্নমক্কা মরী লৈনবা অসি ঐহাক য়াম্না নুংঙাইবা ফাওই। ইন্দো-পেসিফিক ইকোনোমিক ফ্রেমৱার্ক অসি রিজন অসিবু গ্লোবল ইকোনোমিক গ্রোথ ইঞ্জিন আমা ওইনা ওইহন্নবগী ঐখোয় পুল্লপকী ওইবা অনিংবা - অপাম্বা অদুগী দেক্লেরেশন্নি। ঐহাক্না প্রেসিদেন্ত বাইদেনবু মসিগী য়াম্না মরু ওইবা অনৌবা খোংথাং অসিগীদমক্তা থাগৎপা ফোংদোক্লি। ইন্দো-পেসিফিক রিজন অসি মেন্যুফেকচরিং, ইকোনোমিক এক্তিবিতী, গ্লোবল ত্রেদ অমসুং ইনভেস্তমেন্তকী সেন্তরনি। ভারতনা চহি চা কয়াদগী ইন্দি-পেসিফিককী ত্রেদ ফ্লোশিং অদুগী য়াম্না মরু ওইবা সেন্তর অমা ওইদুনা লাক্লি হায়রিবা ৱাফম অসি পুৱারীনা শাখিনি। পনবা য়াবা অমনা মালেম অসিগী খ্বাইদগী লিরবা কমর্সিয়েল পোর্ত অসি ভারতকী গুজরাত রাজ্যদা ঐহাক্কী পোক্নফম লমদম লোথলদা ওইখি। মরম অদুনা রিজন অসিগী ইকোনোমিক এলেঞ্জশিং অদুগীদমক্তা ময়ামগা মান্নবা অমসুং ক্রিয়েতিব ওইবা সোল্যুশনশিং থিবা হায়বসি য়াম্না তঙাইফদে।
এক্সলেন্সীশিং,
ভারতনা নখোয় ময়ামগা পুন্না ইনক্লুসিব অমসুং ফ্লেক্সিবল ওইবা ইন্দো-পেসিফিক ইকোনোমিক ফ্রেমৱার্ক অমা শেম্বদা পুন্না থবক তৌমিন্নগনি। তুং কোইনা চৎকদবা সপ্লাই চেনশিংগী মরু ওইবা য়ুম্বিরেল অহুম: ত্রস্ত, ত্রান্সপরেন্সী অমসুং তাইম্লিনেস হায়রিবা অসি লৈগদবনি হায়না ঐহাক্না থাজৈ। মসিগী ফ্রেমৱার্ক অসিনা মসিগী য়ুম্বিরে অহুম অসিবু হেন্না মপাঙ্গল কনখৎহল্লগনি, অমসুং ইন্দো-পেসিফিক রিজনদা চাউখৎ-থৌরাং, শান্তি অমসুং নুংঙাই-য়াইফবা পুরক্নবগীদমক্তা লম্বি শেম্লগনি হায়না ঐহাক্না থাজৈ।
নখোয়বু হন্না-হন্না থাগৎচরি।
