ইকায়খুম্নরবা,
শক্নাইরবশিং,
ঙসি ঐখোয়না কান্নরবা ৱাফমশিং খন্নখিবা অমসুং অদোমগী মমল য়াম্লবা ৱারোলশিং অমসুং পাউতাকশিংগীদমক ঐনা তৌবীমল খঙবা উৎচরি।
ঙসিগী মীফম অসি মাইপাক্না পাংথোকপগীদমক ঐনা প্রধান মন্ত্রী সোনসয় সিফানদোনগী মফমদা ঐনা থম্মোয় শেংনা থাগৎচরি।
দিজিতেলগী অওনবা পুরক্নবা অমসুং ঐখোয়গী কমপ্রেহেন্সিপ স্ত্রাতেজিক পার্তনরশিপ মপাঙ্গল কনখৎহন্নবা ঐখোয়না অপুনবা ৱারোল অনি চৎনবা অসিনা তুংদা ঐখোয়গী মতেং পাংনবগী য়ুম্ফম থোল্লগনি। মসিগী মাইপাকপা অসিগীদমক ঐনা থাগৎপা ফোঙদোকচরি।
হৌখিবা চহি অহুমদা অসিয়ানদা ভারতকী কন্ত্রি কোওর্দিনেতর ওইনা লৈবাক অসিনা মরুওইবা থৌদাং লৌবগীদমক ঐনা শিঙ্গাপুর থাগৎপা ফোঙদোকচরি। অদোমগী মতেংগীদমক থাগৎপা ফোঙদোকচরি, ঐখোয়না মমাঙদা অমুক্তা ওইখিদ্রিবা মওংদা ইন্দিয়া-অসিয়ান মরীশিং ফগৎলে। ঐখোয়গী অনৌবা কন্ত্রি কোওর্দিনেতর ওইনা ঐনা ফিলিপিন্স তরাম্না ওকচরি অমসুং তৌবীমল খঙবা উৎচরি।
মীওই মিল্লিয়ন অনিগী তুংগী য়াইফনবা অমসুং লমদম অসিদা শান্তি, তংদু-লৈতাবা অমসুং নুংঙাই-য়াইফবা পুরক্নবা ঐখোয় মখা তানা মতেং পীনগনি হায়বগী থাজবা ঐনা থম্লি।
অসিয়ানগী তমজনফম ওইরবা চিয়ারমেন ওইবগীদমক, ঐনা অমুক হন্না লাওগী প্রধান মন্ত্রী থম্মোয় শেংনা থাগৎপা ফোঙদোকচরি।
মালেএসিয়ানা মথংগী চিয়ারমেন ওইবগা লোয়ননা, ভারতমচা বিল্লিয়ন ১.৪ গী মহুৎশীন্দুনা ঐনা ঐগী য়াইফ-পাউজেল পীজরি।
অদোম্না চিয়ারমেন ওইবা অসি মাইপাক্নবগীদমক ভারতনা মপুংফানা শৌগৎপা অসিনা অদোমগী পাম্বৈ ওইগনি।
অদোম ঙমখৈ লৈতনা থাগৎপা ফোঙদোকচরি।
