ঐ উজবেকিস্তানগী রাস্ত্রপতি ঐচ.ই. মিস্তর সবকৎ মির্জিয়োয়েবকী পাউকৎ মতুং ইন্না সাংহাই কোওপরেসন ওর্গনাইজেসন (এস.সি.ও.)গী কাউন্সিল ওফ হেদ্স ওফ স্তেতকী মীফম য়াওনবগীদমক সমরকন্দা চৎকদৌরি।
এস.সি.ও. মীফম অসিদা তোপিকেল, রিজনেল অমসুং মালেমগী ওইবা ইসুশিংগী মরমদা ৱাখল্লোনশিং ফোঙদোক্ননবা, এস.সি.ও. পাকথোক চাউথোকহন্নবা অমদি লূপ অসিগী মনুংদা মায়কৈ কয়া লোঙবা অমদি নাকল অনিমক্তা কান্নগদবা তেংবাংনবগী মরী হেন্না চেৎশিনহন্নবা থৌরাং য়াৎনবগী মীৎয়েঙ থম্লি। উজবেক চেয়রসিপকী মখাদা, লল্লোন ইতিক, শেন্মিৎলোন, নাৎ অমসুং তুরিজমগী লমদা নাকল অমগা অমগা তেংবাংনবগী ফিরেপ কয়া লৌরবা য়াই।
সমরকন্দদা রাস্ত্রপতি মির্জিয়োয়েবকা উননবা ঐনা থৌরাং তৌরি। মহাক্না ভারত্তা ইং ২০১৮দা লাক্লমবা ঐ নীংশিংলি। ইং ২০১৯দসু ভাইব্রেন্ত গুজরাত সম্মিত্তা মহাক্না ইকায়খুম্নরবা মীথুং ওইনা শরুক য়ারম্বনি। মসিগী মথক্তা, ঐনা মীফম অদু শরুক য়ারিবা অতৈ লুচিংবা খরগসু নাকল অনিগী ওইবা মীফমশিং পাঙথোক্কনি।
