মখাগী অসি প্রধান মন্ত্রী শ্রী নরেন্দ্র মোদীনা মহাক্কী ভুতান খোংচৎকী মাংওইননা পীখিবা ৱারোলগী শরুক্নি।
“২০১৯গী ওগস্ত ১৭-১৮দা ঐহাক রাজ্যগী খোংচৎ অমদা ভুতান্দা চৎকনি।
হন্দক্কী ওফিস পায়বা হৌরকপদা ভুতান্দা চৎলিবা ঐহাক্কী খোংচৎ অসিনা ঐখোয়গী থাজনীংঙাই ওইরবা মরূপ অমসুং য়ুম্লোন্নবা ভুতানগা লোয়ননা ভারতকী মরীশিংদা সরকার অসিনা য়াম্না মরুওইনা লৌরিবা অদুগী মমি তারি।
ঐখোয়গী এক্সতেন্সিব দিবেলপমেন্ত পার্তনরশিপ, নাকল অনিমক্না কান্নবা ফংলিবা হাইদ্রো পাৱর কোওপরেসন, অমসুং অচেৎপা ললোন ইতিক অমসুং শেল-থুমগী মরীনা খুদম ওইরগা ভারত অমসুং ভুতান্না লৈবাক অনিগী ওইবা অফবা মরী থম্লি। মখোয়শিং অসি স্পিরিচুয়েল হেরিতেজ অমসুং মীয়ামগী মরক্তা লৈনরিবা অচেৎপা মরীনা মপাঙ্গল কনখৎহল্লি।
মমাং চহীদা লৈবাক অনিমক্না ফোর্মেল ওইবা দিপ্লোমেতিক মরীশিং লিংখৎখিবগী গোল্দন জুব্লী পুন্না পাংথোকমিন্নখি।
ঙসিদি ভারত-ভুতান পার্তনরশিপ অসি অখন্নবা মওং অমা ওইরে অমদি ভারত সরকারগী ‘নায়বরহুদ ফাস্ত’ পোলিসীগী মরুওইবা য়ুম্বী অমা ওইরে।
ঐহাক্না ভুতানগী নিংথৌ, মরিশুবা দ্রুক গ্যালপো অমসুং প্রধান মন্ত্রীগা লোয়ননা ঐখোয়গী লৈবাক অনিগী মরীশিংগী পরিং খুদিংদা মহৈ য়ান্না খন্ন-নৈনরক্কনি হায়না থাজবা থম্লি। ঐহাক্না ভুতানগী মমিং লৈরবা রোয়েল য়ুনিবর্সিতীদা ভুতানগী নহা ওইরিবা মহৈরোইশিংদসু ৱা ঙাংগনি।
ঐহাক্না থাজবা থম্লি মদুদি ঐহাক্কী খোংচৎ অসিনা ভুতানগা লোয়ননা ঐখোয়গী মতম শাংলবা অমসুং মগুন লৈবা মরূপ ওইবগী মরী হেন্না চেৎশিলহল্লগনি অমদি ঐখোয়গী লৈবাক অনিমক্কী মীয়ামগী তুংগী চাউখৎ থৌরাং মখা তানা চেৎশিলহল্লগনি।”
