ভারত রেলৱেজগী হৌজিক লৈরিবা নেতৱার্কশিং কিমি ৬০১ রোম হেনগৎহনবা, উত্তর প্রদেস অমসুং অন্ধ্র প্রদেস রাজ্যশিংগী জিলা ১৫ রোম কোনশিনবা মল্তিত্রেক্কিং প্রোজেক অনি মন্ত্রীমন্দলনা অয়াবা পীরে

ঙসি প্রধান মন্ত্রী শ্রী নরেন্দ্র মোদীনা লুচিংবা কেবনিতে কম্মিনিতি ওন ইকোনোমিক এফেয়ার্সনা লুপা করোর ২৪,৮১৫ গী রেলৱেজ মিনিষ্ট্রিগী প্রোজেক অনি অয়াবা পীরে। প্রোজেকশিং অদুদা য়াওরিবদি:

লাইন হেনগৎলকপা অসিনা চৎথোক-চৎশিন শিংথাবা য়ানা ফগৎহনগনি, মসিনা ভারত রেলৱেজগী থবক ফজনা পাংথোকপা হেনগৎহনগনি। থবকশিং ফজনা পাংথোক্নবা অমসুং চিনবা হন্থহন্নবা ত্রেক মশিং য়ামখৎহন্নবা থবক পায়খৎলকপনি। মীয়াম থবক ফংবা/মশানা মশাবু থবক পীজনবগী খুদোংচাবশিং হেনগৎহন্দুনা লমদম অসি অপুনবা ওইনা চাউখৎহন্দুনা লমদম অসিগী মীয়াম অত্মনির্ভর ওইনবা প্রধান মন্ত্রী শ্রী নরেন্দ্র মোদীগী পান্দমগী শরুক অমা ওইনা প্রোজেকশিং অসি পায়খৎলকপনি।

অপুনবা ওইনা থৌরাং তৌবা অমসুং মরী লৈনবশিং খন্ন-নৈনবগী খুৎথাংদা মল্তি-মোদাল কন্নেক্তিবিতি অমসুং লোজিষ্টিক্স হেনগৎহন্নবা মীৎয়েং থমদুনা প্রোজেকশিং অসি পি.এম-গাতি শক্তি নেসনেল মাষ্টর প্লান্দা থৌরাং তৌবনি। প্রোজেকশিং অসিনা মীয়াম, পোৎ-চৈশিং অমসুং থবকশিং অপনবা লৈতনা চৎথোক-চৎশিন য়াহনগনি।

উত্তর প্রদেস অমসুং অন্ধ্র প্রদেস রাজ্যশিংগী জিলা ১৫ রোম কোনশিনবা প্রোজেক অনি অসিনা ভারত রেলৱেজগী হৌজিক লৈরিবা নেতৱার্কশিং কিমি ৬০১ রোম হেনগৎহনগনি।

দুধেশ্বরনাথ মন্দির, গড়মুক্তেশ্বর গঙ্গা ঘাট, দরগা শাহ উইলায়ত জামে মসজিদ (আমরোহা), নৈমিষারণ্য (সীতাপুর), আন্নাভারম, অন্তরবেদী, দ্রাক্ষরামম য়াওনা লৈবাক শীনবা থুংনা লৈরিবা মমিং চৎলবা লমকোয়ফমশিং রেলনা য়ৌবগী খুদোংচাবশিং হেনগৎহল্লগনি।

পায়খৎকদৌরবা প্রোজেকশিং অসিনা কয়লা, চীঞ্জাকশিং, বিলাতিমাতি, পি.ও.এল, য়োৎ অমসুং ষ্টিল, কন্তেন্নর, হার, চিনি, কেমিকেল সোল্তশিং, সুনু নুঙগুম্বা পোৎ-চৈশিং পুথোক-পুশিনগী তঙাইফদবা লম্বীশিং ওইরগনি। রেলৱেজনা মহৌশাগী অকোয়বগী ফিবম শোকহন্দবা অমসুং ইনর্জি য়াম্না চঙহন্দবা ত্রান্সপোর্তেসন মখল ওইবনা, মসিনা উ পাম্বী করোর ৭.৩৩ থাবগা মান্নবা কার্বোনদাইওক্সাইদ থাদোকপা (কেজি করোর ১৮০.৩১) হন্থহন্দুনা লৈবাক অসিগী ক্লাইমেত গোলশিং ফংবা অমসুং পোৎ-চৈ পুথোক-পুশিন্দা চঙবা শেনফম হন্থহনবদা মতেং পাংগনি।

ঘজিয়াবাদ-সিতাপুর ৩শুবা অমসুং ৪শুবা লাইন (কিমি ৪০৩)

•        ঘজিয়াবাদ-সিতাপুর অসি দিল্লি-গুৱাহাতি হায় দেন্সিতি নেতৱার্ক (ঐচ দি এন ৪) গী মরুওইবা শরুক অমা ওইরিবা হৌজিক লৈরিবা লাইন অনিগী সেক্সননি।

•        লৈবাক অসিগী অৱাং থংবা অমসুং নোংপোক থংবা লমদম অনিগী মরক্ত চৎথোক-চৎশিন ফগৎহনবদা প্রোজেক অসি য়াম্না মরুওই।

•        সেক্সন অসিগী লাইন শীজিন্নবা ঙম্বা অসি চাদা ১৬৮ ফাওবনি অমসুং করিগুম্বা প্রোজেক অসি পায়খৎত্রবদি মসি চাদা ২০৭ ফাওবা ওইগনি।

•        মসিনা উত্তর প্রদেসকী ঘজিয়াবাদ, হাপুর, আমরোহা, মোরাদাবাদ, রামপুর, বেরেলি, সাহজাহানপুর, লখিমপুর খেরি অমসুং সিতাপুর জিলাশিং ফাওগনি।

•        প্রোজেক অসিগী লম্বীনা মরুওইবা উদ্যোগকী মফমশিং- ঘজিয়াবাদ (মেছিন্নরি, ইলেক্ত্রোনিক্স, ফার্মাসিউতিকেলশিং, মোরাদবাদ ( শেঞ্জেংগী পোৎলমশিং অমসুং হেন্দিক্রাফশিং), বারৈলি ) উপু-কাংথোল, তেক্সতাইলশিং, ইঞ্জিনিয়ারিং), সাহজাহানপুর (কার্পেতশিং অমসুং বিলাতিমাতিগা মারী লৈনবা উদ্যোগশিং) অমসুং রোজা (থর্মেল পৱার প্লান্ত) ফাওদুনা চৎকনি।

•        অপনবা লৈতনা চৎথোক-চৎশিন য়ানবগীদমক, হাপুর, সিমবাওলি, মোরাদবাদ, রামপুর, বারৈলি, সাহজহানপুর অমসুং সিতাপুরগী য়াম্না চিনবা ষ্টেসনসিং প্রোজেক অসিনা থৈদুনা চৎকনি, লম্বী থৈদুনা চৎলিবা সেক্সনশিংগীদমক অনৌবা ষ্টেসন ৬ শেমগৎকনি।

•        প্রোজেক সেক্সন অসিগা নক্নবা/ নাকলদা লৈবা মরুওইবা লমকোয়ফমশিং/লাইনিংগী মফমশিংগী মনুংদা দুধেশ্বরনাথ মন্দির, গড়মুক্তেশ্বর গঙ্গা ঘাট, দরগা শাহ উইলায়ত জামে মসজিদ (আমরোহা), অমসুং নৈমিষারন্য (সিতাপুর) অমসুং অতোপ্পশিং য়াওরি।

•        কয়লা, চীঞ্জাকশিং, কেমিকেল হারশিং, শেম-শাবা লোইরবা ষ্টিল য়াওনা এম.তি.পি.এ ৩৫.৭২ গী অহেনবা ফ্রেদ ত্রাফিক হাপচিনগনি হায়না পানরি।

•        লুপা করোর ১৪,৯২৬ (চাউরাক্না) চঙগনি হায়না পানরি।

•        হুমেন-দেস লাখ ২৭৪ থবক পীগনি।

•        কার্বোনদাইওক্সাইদ থাদোকপা থিংবা: উ পাম্বী করোর ৭.৩৩ থাবগা মান্নবা কার্বোনদাইওক্সাইদ কেজি করোর ১২৮.৭৭

•        পোৎ-চৈ পুথোকপ-পুশিন্দা চঙবা শেনফম কনবা: চহি অমদা লুপা করোর ২,৮৭৭.৪৬

ঘজিয়াবাদ-সিতাপুর ৩শুবা অমসুং ৪শুবা লাইন (কিমি ৪০৩)

রাজমুন্দ্রি (নিদাদাবোলু)-বিশাখাপত্নম (দুবাদা) ৩শুবা অমসুং ৪শুবা লাইন (কিমি ১৯৮)

•        রাজমুন্দ্রি (নিদাদাবোলু)-বিশাখাপত্নম (দুবাদা) সেক্সনশিং হাওরা-চেন্নাই হায় দেন্সিতি নেতৱার্ক (ঐচ দি এন) গী শরুক অমা ওইরি।

•        পায়খৎকদৌরিবা প্রোজেক অসি হাওরা-চেন্নাই হায় দেন্সিতি নেতৱার্ক (ঐচ দি এন) লাইন মরি ওইহনবগী থবক্কী শরুক অমনি।

•        প্রোজেক অসিনা অন্ধ্র প্রদেসকী ইষ্ট গোদাবরী, কোনসিমা, কাকিনাদা, আমপালে এবং বিশাখাপত্তনম ফাওদুনা চৎকনি।

•        এস্পিরেসনেল দিষ্ট্রিক প্রোগ্রামদা বিশাখাপত্তনম এস্পিরেসনেল দিষ্ট্রিক অমা ওইনা মশক খঙলে।

•        মসিনা বিশাখাপত্তনম, গঙ্গাভারম, মাছিলিপত্তনম অমসুং কাকিনাদাগুম্বা নোংপোক থংবা সমুদ্র খোঙবালগী মরুওইবা হিথাংফমশিংগা শম্নহনগনি।

•        প্রোজেক অসিনা নোংপোক থংবা সমুদ্র মপান্দা চৎকনি অমসুং মসি ইষ্ট কোষ্ট রেল কোরিদোরগী খ্বাইদগী চিনবা ফ্রেদ সেক্সনশিংগী মনুংদা য়াওরি।

•        সেক্সন অসিগী লাইন শীজিন্নবা য়াবগী চাং চাদা ১৩০ য়ৌখ্রে, মসিনা য়াম্না তোইনা চিল্লে অমসুং থবকশিং থেংহল্লে। লমদম অসিদা মখা তানা হিথাংফমশিং অমসুং উদ্যোগশিং পাকথোক-চাউথোরকপদগী মখা তানা লাইন শীজিন্নবা হেনগৎলকপা য়ারি।

•        প্রোজেক সেক্সন অসিদা গোদাবরি তুরেল মথক্ত কিমি ৪.৩ গী রেল ব্রিজ ওভর, কিমি ২.৬৭ গী ভাইয়াদক, বাইপাস ৩ য়াওরি অমসুং অনৌবা লম্বী থৈবা অসিনা হান্নগী লম্বীদগী কিমি ৮ রোম তেনশিনগনি, থবক ফজনা পাংথোকপা হেনগৎহনগনি।

•        অন্নভারম, অন্তরবেদী অমসুং দ্রক্ষারামমগুম্বা মরুওইবা মফমশিং য়ৌবা হেনগৎহন্দুনা সেক্সন অসিনা তুরিজমসু চাউখৎহনগনি।

•        কয়লা, সিমেন্ত, কেমিকেল হারশিং, য়োৎ অমসুং ষ্টিল, চীঞ্জাকশিং, কন্তেন্নরশিং, বোক্সাইত, জিপসম, সুনু নুঙগী এম.পি.পি.এগী অহেনবা ফ্রেদ হাপচিনগনি হায়না পানরি।

•        লুপা করোর ৯,৮৮৯ (চাউরাক্না) চঙগনি হায়না পানরি।

•        থবক পীগদবা: হুমেন-দেস লাখ ১৩৫ ।

•        কার্বোনদাইওক্সাইদ থাদোকপা থিংবা: উ পাম্বী করোর ২.০৬ থাবগা মান্নবা কার্বোনদাইওক্সাইদ কেজি করোর ৫১.৪৯

•        পোৎ-চৈ পুথোকপ-পুশিন্দা চঙবা শেনফম কনবা: চহি অমদা লুপা করোর ১,১৫০.৫৬

শেন-থুমগী কান্নবা:

•        এস্পিরেসনেল দিষ্ট্রিকশিং – বিশাখাপত্তনম জিলাগী চৎথোক-চৎশিন ফগৎকনি।

•        তুরিজম অমসুং উদ্যোগশিংগী খুৎথাংদা লমদম অসিদা অহেনবা শেন-থুমগী খুদোংচাবশিং পীগনি।

•        রেলগী চৎথোক-চৎশিন হেনগৎলকপা মরম ওইদুনা মীয়ামদা অনা-লাইয়েং অমসুং লাইরিক-লাইশুগী খুদোংচাবা হেন্না ফংহনগনি।

রাজমুন্দ্রি (নিদাদাবোলু)-বিশাখাপত্নম (দুবাদা) ৩শুবা অমসুং ৪শুবা লাইন (কিমি ১৯৮)

রেলৱেজদা প্রধান মন্ত্রীনা মীৎয়েং চঙবা।

•        শেনবা চহি ২৬-২৭ গীদমক বজেত্ত লুপা করোর ২,৬৫,০০০ কাইথোকখ্রে।

•        লোকোমোতিপস ১৬০০ হেন্না শাদুনা লোকোমোতিপ শাবদা য়ু.এস অমসুং য়ুরোপতগী হেল্লে।

•        শেনবা চহি ২৬ দা, কার্গো তন বিল্লিয়ন ১.৬ পুদুনা, ভারত রেলৱেজ মালেমগী মকোক থোংবা ফ্রেদ কেরিয়র অহুমগী মনুংদা য়াওরবা য়ানা লৈরে।

•        ভারতনা অষ্ট্রেলিয়াদা মেত্রো কোচশিং অমসুং য়ু.কে, সাউদি অরাবিয়া, ফ্রান্স অমসুং অষ্ট্রেলিয়াদা বোগি থাদোকপা হৌরে।