অন্ধ্র প্রদেসকী শ্রীহরিকোতাদা লৈবা ইসরোগী সাতিস ধাৱান স্পেস সেন্তরদা অহুমশুবা লঞ্চ পেদ (থার্দ লঞ্চ পেদ) শেমগৎপা ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।
অহুমশুবা লঞ্চ পেদ প্রোজেক অসিনা ইসরোগী তুংগী লঞ্চ ভেহিকলশিং থাগৎনবগীদমক অন্ধ্র প্রদেসকী শ্রীহরিকোতাদা লঞ্চ ইনফ্রাস্ত্রকচর শেমগৎকনি অমসুং শ্রীহরিকোতাগী অনিশুবা লঞ্চ পেদকী স্তেন্দবাই লঞ্চ পেদ ওইনা লৈগনি। মসিনা তুংগী ভারতকী মীওইবা শরুক য়াবা স্পেসফ্লাইত মিসনশিংগীদমক লঞ্চ কেপাসিতি হেনগৎহনগনি।
প্রোজেক অসি লৈবাক্কী ওইনা মরুওইবনি।
থবক ওইনা পায়খৎনবা লাল্লোংশিং অমসুং পান্দমশিং :
অহুমশুবা লঞ্চ পেদ অসি হিরম কয়াদা শীজিন্নবা য়াগনি অমসুং মসিনা এন.জি.এল.ভি খক নত্তনা সেমিক্রাইয়োজেনিক স্তেচগী এল.ভি.এম৩ ভেহিকলশিংশু থাগৎপা য়াবগা লোয়ননা এন.জি.এল.ভিগী থাকশিং য়ৌনা পুখৎলে। মসিনা মমাঙদা লঞ্চ পেদশিং শেমগৎপদা লৈখিবা ইসরোগী হৈশিংবা অদু মপুংফানা শীজিন্নদুনা ইন্দস্ত্রিনা মপুংফানা শরুক য়াবা ঙমগনি অমসুং হৌজিক লৈরিবা লঞ্চ পেদকী খুদোংচাবশিং মপুংফানা শীজিন্নগনি।
অহুমশুবা লঞ্চ পেদ থা ৪৮ নত্ত্রগা চহি ৪ গী মনুংদা মপুংফানা লোইশিন্নবা পান্দম থম্লি।
চঙগদবা শেনফম:
লঞ্চ পেদ অমসুং মরী লৈনবা খুদোংচাবশিং শেমগৎপদা অপুনবা ওইনা লুপা করোর ৩৯৮৪.৮৬ চঙগনি হায়না পানরি।
বেনিফিসরিশিংগী মশিং:
য়াম্না তোইনা থাগৎপা ঙমহন্দুনা অমসুং মীওইবা য়াওবা স্পেসফ্লাইত অমসুং স্পেস এক্সপ্লোরেসন মিসনশিং পায়খৎনবা লৈবাক অসিগী শক্তি হেনগৎহন্দুনা প্রোজেক অসিনা ভারতকী স্পেসকী থবকশিং ফগৎহনগনি।
নুঙগীৱারোল:
ঙসি ফাওবদা, ভারতকী ওইনা স্পেসতা চৎনবগী থবকশিং অসি লঞ্চ পেদ অনি হায়বদি অহানবা লঞ্চ পেদ অমসুং অনিশুজবা লঞ্চ পেদকী মখা পোল্লি। পি.এস.এল.ভিগী ওইনা অহানবা লঞ্চ পেদ চহি ৩০ গী মমাঙদা শেমগৎখিবনি অমসুং মখা তানা পি.এস.এল.ভি অমসুং এস.এস.এল.ভি থাগৎপদা শীজিন্নরি। অনিশুবা লঞ্চ পেদ অসি মরুওইবা জি.এস.এল.ভি অমসুং এল.ভি.এম ৩ গী শেমগৎখিবনি অমসুং মসি পি.এস.এল.ভিগী স্তেন্দবাই ওইনশু শীজিন্নরি। অনিশুবা লঞ্চ পেদ অসি থবক তৌরকপা চহি ২০ মপুংফারে অমসুং চন্দ্রয়ান-৩ মিসন য়াওনা পি.এস.এল.ভি/এল.ভি.এম ৩গী কম্মর্সিএল মিসন খরগী লঞ্চ কেপাসিতি হেনগৎহল্লে। গগানয়ান মিসনশিংগীদমক মীওইবা য়াওবা এল.ভি.এম ৩ থাগৎনবা অনিশুবা লঞ্চ পেদ অসি থৌরাং তৌরি।
২০৩৫ ফাওবদা ভারতিয় অন্তরিক্স স্তেসন (বি এ এস) য়াওনা অমৃত কাল মনুংদা ভারতকী স্পেসকী থৌরমগী পান্দম পাকথোক চাউথোক্লে অমসুং ২০৪০ ফাওবদা ভারতকী ক্রিয়ু অমা থাদা খোঙদানবা অনৌবা প্রোপুলসন সিস্তেমশিংগা লোয়ননা অনৌবা হেন্না লুম্বা থাগৎপা ঙম্বা লঞ্চ ভেহিকলশিং দরকার ওইরিবা অসিদা হৌজিক লৈরিবা লঞ্চ পেদশিং অসিনা দরকার ওইবশিং ফংহনবা ঙমদে। মথংগী মীরোলগী হেন্না লুম্বা লঞ্চ ভেহিকলশিংগীদমক অহুমশুবা লঞ্চ পেদ অমা লিংখৎপা অমসুং অনিশুবা লঞ্চ পেদকী স্তেন্দবাই ওইনা লৈবা অসি তঙাইফদে অমসুং মসিনা মথং চহি ২৫-৩০ গী স্পেস ত্রান্সপোর্তেসনগী দরকার ওইবশিং ফংহনবা ঙমগনি।
