প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা ঙসি লুপা করোর 13,966গী অপুনবা আউৎলেগা লোয়ননা লৌমীশিংগী পুন্সি অমসুং হিংনবগী লম্বী ফগৎহণ্নবগীদমক মরু ওইবা স্কিম তরেৎ অয়াবা পীখ্রে।
1. দিজিতেল এগ্রিকলচর মিসন: দিজিতেল পব্লিক ইনফ্রাস্ত্রকচরগী স্ত্রকচরদা য়ুম্ফম ওইদুনা, দিজিতেল এগ্রিকলচর মিসন অসিনা লৌমীশিংগী পুন্সি মহিং ফগৎহন্নবা তেক্নোলোজী শীজিন্নগনি। মিসন অসিগী অপুনবা শেনফম লুপা করোর 2.817নি। মসিদা য়ুম্ফম ওইবা য়ুম্বী অনি য়াওই
1. এগ্রি স্তেক
- লৌমীশিংগী রেজিস্ত্রী
- খুঙ্গংগী লমগী মেপশিংগী রেজিস্ত্রী
- মরু হুখিবা মহৈ-মরোংগী রেজিস্ত্রী
2. কৃশি দিসিজন সপ্পোর্ত সিস্তেম
- জিওস্পাসিএল দেতা
- ঈকং/ঈচাও য়েংশিনবা
- ৱেদর/সেতলাইৎ দেতা
- গ্রাউন্দৱাতর/ঈশিং লৈবগী দেতা
- ক্রোপ য়িল্দ অমসুং ইন্সুরেন্সকী মোদেল্লিং
মিসন অসিদা য়াওরিবা প্রোভিজন
- সোইল প্রোফাইল
- দিজিতেল ক্রোপ এস্তিমেসন
- দিজিতেল য়িল্দ মোদেল্লিং
- ক্রোপ লোনগীদমক শম্নহনবা
- AI অমসুং বিগ দেতাগুম্বা মোদর্ন তেক্নোলোজীশিং
- বায়রশিংগী শম্নহনবা
- মোবাইল ফোনশিংদা অনৌবা লৌশিং ফংহনবা
2. চিঞ্জাক অমসুং ন্যুত্রিসন সেক্যুরিতীগীদমক ক্রোপ সাইন্স: লুপা করোর 3,979গী অপুনবা শেনফমগা লোয়ননা। খোঙথাং অসিনা লৌমীশিংবু ক্লাইমেৎ রেসিলিয়েন্সকীদমক শেম-শারগনি অমসুং 2047 ফাওবদা ফুদ সেক্যুরিতী ফংহল্লগনি। মসিদা পীরিবা য়ুম্বীশিং অসি য়াওরি:
- রিসর্স অমসুং এজুকেসন
- প্লান্ত জেনেতিক রিসোর্স মেনেজমেন্ত
- চিঞ্জাক অমসুং ফোদ্দর ক্রোপশিংগী জীনেতিক ওইনা ফগৎহনবা
- পল্স অমসুং ওইল সীদ ক্রোপ ফগৎহনবা
- কম্মর্সিএল ক্রোপ ফগৎহনবা
- ইন্সেক্তশিং, মাইক্রোবশিং, পোল্লিনেতরশিং অসিনচিংবগী রিসর্চ
3. লৌউ-শিংউগী এজুকেসন, মেনেজমেন্ত অমসুং সোসিএল সাইন্স মপাঙ্গল কনখৎহনবা: লুপা করোর 2,291গী অপুনবা শেনফমগা লোয়ননা লৌউ-শিংউগী মহৈরোইশিং অমসুং রিসর্চ তৌরিবশিংবু হৌজিক থেংনরিবা খুদোংচাদবশিংগীদমক্তা শেম-শানবগী খোঙথাংশিং অমসুং মসিদা মখাগীশিং অসি য়াওরি
1. ইন্দিয়ন কাউন্সিল ওফ এগ্রিকলচর রিসর্চকী মখাদা
2. লৌউ-শিংউগী রিসর্স অমসুং এজুকেসন মোদর্নাইজ তৌবা
3. অনৌবা এজুকেসন পোলিসী 2020গী মতুং ইন্না
4. খ্বাইদগী নৌবা তেক্নোলোজী শীজিন্নবা... দিজিতেল DPI, AI, বিগ দেতা, রিমোৎ, অসিনচিংবা
5. নেচরেল ফার্মিং অমসুং ক্লাইমেৎ রেসিলিয়েন্স য়াওরি
4. তুং কোইনা চৎকদবা শা-শনগী হকশেল অমসুং পোত্থোক পুথোকপা: লুপা করোর 1,702গী অপুনবা শেনফমগা লোয়ননা, ৱারেপ অসিনা শা-শন অমসুং দাইরীদগী লৌমীশিংগী শেন্দোং হেনগৎহন্নবা পান্দম থম্লি। মসিদা মখাগীশিং অসি য়াওরি:
1. শা-শনগী হকশেলগী মেনেজমেন্ত অমসুং ভেতেরিনরি এজুকেসন
2. দাইরী প্রদক্সন অমসুং তেক্নোলোজী চাউখৎহনবা
3. এনিমেল জেনেতিক রিসোর্স মেনেজমেন্ত, প্রদক্সন অমসুং ফগৎহনবা
4. শা-শনগী মচি ওইবা চিঞ্জাক অমসুং অপীকপা রুমিনেন্ত পুথোকপা অমসুং চাউখৎহনবা
5. হোর্তিকলচরগী সস্তেনেবল দিবেলপমেন্ত: লুপা করোর 860গী অপুনবা শেনফমগা লোয়ননা হোর্তিকলচরগী পাম্বীশিংদগী লৌমীশিংগী শেন্দোং হেনগৎহন্নবা পান্দম থম্লি। মসিদা মখাগীশিং অসি য়াওরি:
1. ত্রোপিক, সব-ত্রোপিক অমসুং তেম্পেরেৎ হোর্তিকলচরগী মহৈ-মরোংশিং
2. রুত, ত্যুবর, বল্বস অমসুং এরিদ ক্রোপশিং
3. মনা-মশিং, ফ্লোরিকলচর, অমসুং চেঙ্গুমগী মহৈ-মরোংশিং
4. প্লান্তেসন, স্পাইসেস, মেদিসিনেল, অমসুং অরোমেতিক প্লান্তশিং
6. লুপা করোর 1,202 গী শেনফমগা লোয়ননা কৃশি ৱিজ্ঞান কেন্দ্র মপাঙ্গল কনখৎহনবা
7. লুপা করোর 1,115গী শেনফমগা লোয়ননা নেচরেল রিসোর্স মেনেজমেন্ত
