প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী কেবিনেৎনা নেস্নেল রিক্রুইতমেন্ত এজেন্সী (এন.আর.এ.) শেম্বগী অয়াবা পীদুনা কেন্দ্র সরকারগী থবক খনবগী মওং মশক থোক্না শেমদোকপগী লম্বী য়াৎখ্রে।
থবক লৌবদা শেমদোকপা- নহাশিং অচৌবা কান্নবা পীবা
হৌজিক্কী মতমসিদা সরকারগী থবক থিবা মীওইশিংনা পরিখা থাবগী মতিক চাবশিংগী মান্নবা কয়া য়াওদুনা মশিং য়াম্বা থবক লৌবগী এজেন্সীশিংনা পাঙথোকপা থবক কয়াগী তোঙান তোঙানবা পরিখা থাবগী তঙাই ফদবা লৈরি। মশিং য়াম্বা থবক লৌবগী এজেন্সীশিং অসিদা কেন্দিদেৎশিংনা ফী পীদুনা অমসুং তোঙান তোঙানবা পরিখা কয়া থানবা অরাপ্পা মফমশিংদা চৎনরি। মসিগী য়াম্লবা পরিখাশিং অসিনা কেন্দিদেৎশিংদা অৱাবা পীবতা নত্তনা থবক লৌরিবা এজেন্সীশিংদসু হঞ্জিন্না তিংদ্রসু য়ারবা চাদিং তিংবা, লো অমসুং ওর্দর/সেক্যুরিতীগা মরী লৈনবা খুদোংচাদবশিং অমসুং মফমগা মরী লৈনবা খুদোংচাদবা কয়াসু থেংনহল্লি। চাংচৎকী ওইনা হায়রিবা পরিখাশিং অসিদা মীওই কোতি ২.৫দগী ৩ ফাওবনা পরিখাশিং অসি থানরি। কম্মন ইলিজিবিলিতী তেস্ত অমনা পরিখা অমখক থাদুনা হায়রিবা থবক লৌবগী এজেন্সীশিং অসিগী মনুংদা অমদা নত্ত্রগা পুল্লপ্তা অৱাংবা থাক্কী পরিখা থানবা হায়বা য়ারগনি। মসিনা কেন্দিদেৎশিংদা তসেংনা কান্নবা অমা পীরগনি।
নেস্নেল রিক্রুইতমেন্ত এজেস্নী (এন.আর.এ.)
এজেন্সী ময়াম্না পুনবা নেস্নেল রিক্রুইতমেন্ত এজেন্সী (এন.আর.এ.) কৌবা বোদী অমনা গ্রুপ বি. অমসুং সি. (নন-তেক্নিকেল) পোস্তশিংগী মী খন্নবা কেন্দিদেৎ খন্দোক্নবা কম্মন ইলিজিবিলিতী তেস্ত (সি.ই.তি.) অমা পাঙথোক্কনি। এন.আর.এ.দা রেলৱেজ মন্ত্রালয়, ফাইনান্স/ ফাইনেন্সিএল সর্বিস বিভাগকী মন্ত্রালয়, এস.এস.সি., আর.আর.বি. অমসুং আই.বি.পি.এস.কী মীহুৎশিং য়াওগনি। কেন্দ্র সরকারগী থবক খনবগী হীরমদা এন.আর.এ.না মতমগা চানবা তেক্নোলোজী অমসুং খ্বাইদগী ফবা চৎনবী পুরক্কনি হায়বগী থাজবা থম্লি।
পরিখা সেন্তর য়ৌবদা লাইহনবা
জিলা খুদিংদা পরিখাগী সেন্তর লৈহনবা অসিনা অরাপ্পদা লৈবা কেন্দিদেৎশিংদা য়াম্না চাউবা খুদোংচাবা পীরগনি। এস্পিরেস্নেল জিলা ১১৭তা পরিখাগী সেন্তর লৈহন্নবা অখন্নবা মিৎয়েং চংলিবা অসিনা কেন্দিদেৎশিংনা মখোয়গী লৈফমগী অনকপদা পরিখা থাফম লৈহন্দুনা য়াম্না কান্নহল্লগনি। শেল চংবা, চৎনবা শেম-শাবা, তেক্ত কায়দবা অমসুং অতোপ্পা হীরম কয়াদা কান্নবা পীরগনি। মসিগী খুদোংচাবা অসিনা খুঙ্গংগী কেন্দিদেৎশিংদা পরিখা থাফম নকহনবতা নত্তনা অরাপ্পা মফমশিংদা লৈবা খুঙ্গংগী কেন্দিদেৎ অয়াম্বদসু পরিখা থাবগী ইথিল পীবগা লোয়ননা কেন্দ্র সরকারগী থবক তৌদুনা মীহুৎ শিনবসু ঙমহনগনি। মীয়ামদা থবক্কী খুদোংচাবা কয়া নকশিনহনবা অসিনা নহাশিংগী পুন্সি মহিংদা নুংঙাইহনবা ওইবগী অফবা খোঙথাং অমনি।
লায়রবা কেন্দিদেৎশিংদা চাউনা তেংবাংবা
হৌজিক হৌজিক্কী ওইনা কেন্দিদেৎ অমনা থবক লৌবা এজেন্সী ময়াম্না পাঙথোকপা তোঙান তোঙানবা পরিখা কয়া থাবা তারি। পরিখাগী ফীগী মথক্তা কেন্দিদেৎ অমনা চৎথোক-চৎশিন তৌবা, মফম অমদা লৈবগী হীরম্নচিংবা কয়াদা অহেনবা শেনফম কয়া তিংলি। পরিখা অমখক লৈবা অসিনা হায়রিবা খুদোংচাবা কয়া অমদি হন্থহল্লগনি।
নুপী কেন্দিদেৎশিংদা য়াম্না চাউনা কান্নহল্লগনি
মরু ওইনা খুঙ্গংগী মফমদা লৈবী নুপী কেন্দিদেৎশিংনা চৎথোক-চৎশিন অমসুং অরাপ্পা মফমদা লৈবনচিংবা খুদোংচাদবা কয়া থেংনবা অসিনা মরম ওইদুনা পরিখা মশিং য়াম্না থাবদা অয়েৎপা কয়া অমা থেংনরি। করিগুম্বা মতমদা মখোয়গী ওইনদি অরাপ্পা মফমদা লৈবা পরিখা থাফম অসিদা চৎমিন্ননবা মতিক চাবা মীওই অমা থিবগী তঙাই ফদবসু লৈ। জিলা খুদিংদা পরিখা থাফম লৈহল্লকপা অসিনা খুঙ্গংগী মফমগী কেন্দিদেৎ কয়াদা কান্নবা পীবতা নত্তনা মসিনা য়াম্না মরু ওইনা মসিগী নুপীশিংদা অহেনবা কান্নবা পীরি।
খুঙ্গংগী মফমগী নুপী কেন্দিদেৎশিংগী অচৌবা কান্নবা
শেল-থুমগী অমসুং অতোপ্পা হীরমশিংগী খুদোংচাদবা কয়া য়েংলুরগদি খুঙ্গংগী মফমদা লৈবা কেন্দিদেৎশিংদি মখোয়না করম্বা পরিখা ওইনা থাগদগে হায়না খনবগী ফিভম কয়া লৈ। এন.আর.এ.গী মখাদা পরিখা অমখক্তদা থাদুনা অপাম্বা থবক কয়া অমা খনবা য়াবগী খুদোংচাবা লৈরে। এন.আর.এ.না অহানবা থাক/তাইয়র ১গী পরিখাশিং পাঙথোক্কনি অমসুং মসিনা মখা তাবা থবক অতোপ্পা কয়া খনবগী অহৌবা খোঙথাংনি।
সি.ই.তি.দা ফংবা স্কোর অসি চহি অহুম চৎনগনি অমসুং পরিখা থাবগী অকক্নবা মশিং লৈরোই
কেন্দিদেৎ অমগী সি.ই.তি. স্কোর অসি পরিখা হায়দোকপা নুমিত্তগী চহি অহুম চৎনগনি। চৎনবা য়ারবা স্কোরগী খাইদগী ফবা অদু কেন্দিদেৎ অমগী হৌজিক্কী স্কোরনি হায়না লৌগনি। কেন্দিদেৎ অমনা মহাক্কী মশাগী চহিগী অয়াবগী মতুং ইন্না সি.ই.তি.গী সবজেক্ত অমদা পরিখা থাবগী অকক্নবা মশিং লৈরোই। পরিখা থাবগী চহিদা কোমথোকপগী ওইনদি এস.সি./এস.তি./ও.বি.সি.গী কেন্দিদেৎশিং অমসুং অতোপ্পা কাংলুপকী ওইনা হৌজিক লৈরিবা সরকারগী কাঙলোনগী মতুং অদুমক ইনগনি। মসিনা চহি খুদিংগী অসিগুম্বা পরিখা থানবা হোৎনবদা কেন্দিদেৎশিংনা মতম, শেল অমসুং হোৎনখিবা কয়া অসিবু য়াম্না হন্থহনগনি।
স্তেন্দর্দ ওইরবা তেস্তিং
এন.আর.এ.না গ্রেজুএৎ, হাইয়র সেকন্দরী (ক্লাস ১২ পাস তৌবশিং) অমসুং মেত্রিক্যুলেৎ (ক্লাস ১০ পাস তৌরবশিং)কী থাক অহুমগী ওইনা হৌজিক স্তাফ সেলেক্সন কম্মিসন (এস.এস.সি.), রেলৱে রিক্রুইতমেন্ত বোর্দ (আর.আর.বি.) অমসুং ইন্সতিত্যুৎ ওফ বেঙ্কিং সর্বিস পর্সোন্নেল (আই.বি.পি.এস.) হৌজিক লৌরিবা নন-তেক্নিকেল পোস্তশিংগী ওইনা তোঙানবা সি.ই.তি. অহুম লৈগনি। সি.ই.তি.গী থাক্তা স্কোরগী স্ক্রীনিং তৌবা অসিদা য়ুম্ফম ওইরগা মরী লৈনবা থবক লৌবগী এজেন্সীশিংনা পাঙথোকপা তোঙানবা অখন্নবা তাইয়রশিংগী (২ অমসুং ৩নচিংবা) পরিখাগী স্কোরগী মতুং ইন্না অকোনবগী থবক খনবগী থৌওং পাঙথোক্কনি। তেস্ত অসিগী করিকলম অসি চৎনরিবা অসিগা অদুমক মান্নগনি। করিকলম তোঙানবগী মতুং ইন্না পরিখা খুদিংগী তোঙান তোঙান্না হোৎনদা থেংনরিবা অৱাবা কয়া অসিদগী মসিনা কেন্দিদেৎশিংবু কোমহল্লগনি।
তেস্তকী মতম লেপ্পা অমসুং পরিখা থাফম খনবা
কেন্দিদেৎশিংনা মীয়ামগী ওইবা পোর্তেল অমখক্তদা রেজিস্তর তৌবা অমসুং পরিখা থাফম খনবগী খুদোংচাবা লৈগনি। মফম ফংবগী মতুং ইন্না মখোয়দা পরিখা থাফম পীগনি। মসিগী থৌওং অসিগী মপুং ওইবা পান্দমদি কেন্দিদেৎশিংনা মখাওয়গী অপাম্বা পরিখা থাবা মতম অমসুং মফম খলহনবা য়াবা অসিনি।
এন.আর.এ.গী আউৎরিচ এক্তিবিতীশিং
লোল য়াম্বা
সি.ই.তি. অসি লোল ময়াম অমদা থাবা য়াগনি। মসিনা লৈবাক অসিগী তোঙান তোঙানবা মফমগী মীওইশিংদা পরিখা থাবদা য়াম্না তেংবাংগনি অমসুং মসিদা খল্লকপগী অতৈগা চপ-মান্নবা খুদোংচাবা ফংগনি।
স্কোর- থবক লৌবগী এজেন্সী কয়াদা য়ৌবা ঙম্বা
অহানবগী ওইনা স্কোরশিং অসি থবক লৌবগী মরু ওইবা এজেন্সী অহুম্না শিজিন্নগনি। তৌবতবু, মতমগী মতুং ইন্না কেন্দ্র সরকারগী অতোপ্পা থবক লৌবগী এজেন্সীশিংনসু মসিগী চৎনবী অসি শিজিন্নরক্কনি। মখা তাবা ওইনা, মসিনা অপাম্বগী মতুং ইন্না পব্লিক্কী অমসুং লন্নাইগী দোমেনশিংসু মসিদা য়াওরকপা য়াবগী খুদোংচাবা লৈগনি। মতৌ অসুম্না তুংদদি সি.ই.তি. স্কোর অসি কেন্দ্র সরকার, রাজ্য/য়ু.তি. সরকারশিং, পব্লিক সেক্তর অন্দরতেকিংশিং অমসুং লন্নাইগী সেক্তরশিংগী মরক্তসু লান্নদুনা শিজিন্নরক্কনি। মসিনা অসিগুম্বা ওর্গনাইজেসনশিংদা থবক লৌবদা মতম অমসুং শেল য়াম্না তিংলরোই।
থবক লৌবগী থৌওংবু তেনশিলহনবা
ইলিজিবিলিতী তেস্ত অমখক লৈবা অসিনা থবক লৌবগী থৌওংবু য়াম্না তেনশিনলহল্লগনি। বিভাগ খরদি অনিশুবা থাক্কী তেস্ত লৌদনা সি.ই.তি. স্কোর, ফিজিকেল তেস্ত অমসুং মেদিকেল একজামিনেসন্দা য়ুম্ফম ওইদুনা থবক লৌবগী মতাংদা ৱাফম থম্লক্লি। মসিনা খোঙ্কাপ অসিবু য়াম্না তেনশিলহন্দুনা নহা কয়াদা খুদোংচাবা য়াম্না পীগনি।
শেলথুমগী ওইবা ফিভম
নেস্নেল রিক্রুইতমেন্ত এজেন্সী (এন.আর.এ.)গী ওইনা সরকারনা লুপা কোতি ১৫১৫.৫৭ শেন্থংগী অয়াবা পীখ্রে। মসিগী থবক অসি চহি অহুমগী মনুংদা পাঙথোক্কনি। এন.আর.এ. শেম্বা খক্তা নত্তনা এস্পিরেস্নেল জিলা ১১৭তা পরিখাগী ইনফ্রাস্ত্রকচর শেমগৎপগী অচংবা শেনফমসু সরকারনা পুথোক্কনি।
