প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ঝার্খন্দগী দিওঘরদা অনৌবা ওল ইন্দিয়া ইনস্তিত্যুৎ ওফ মেদিকেল সাইন্সেস (এম্স) অমা লিংখৎপদা অয়াবা পীখ্রে। প্রোজেক্ত অসিগীদমক লুপা কোতি ১১০৩গী ওইবা ফন্দগী প্রোভিজন অমা অয়াবা পীখ্রে অমদি হায়রিবা এম্স অসি প্রধান মন্ত্রী স্বাস্থিয়া সুরক্ষা য়োজনা (পি এম এস এস ৱাই)গী মখাদা শেমগৎকনি।
মচা নাইবা ৱাফম:
দিওঘরগী এম্সতা লৈগদবশিং:
- ফমুং ৭৫০গী কেপাসিতীগা লোয়ননা ত্রাউমা সেন্তরগী খুদোংচাবা ফংবা হোস্পিতাল অমা
- চহি খুদিংগী মহৈরোই ১০০ লৌগদবা মেদিকেল কোলেজ অমা
- চহি খুদিংগী বি.এস সি. (নর্সিং) মহৈরোই ৬০ লৌগদবা নর্সিং কোলেজ অমা, ন্যু দিল্লীদা লৈরিবা এম্সকী পেতর্নদা রেসিদেন্সিয়েল কমপ্লেক্সশিং অমদি এলাইদ ফেসিলিতীশিং/সর্বিসশিং।
- ওপরেসন থিয়েতর ১৫ য়াওনা স্পিসিয়েলিতী/সুপর স্পিসিয়েলিতী দিপার্তমেন্ত ২০
- ত্রেদিস্নেল সিস্তেম ওফ মেদিসিনগী ত্রিতমেন্তকী খুদোংচাবা ফংহন্নবগীদমক ফমুং ৩০ লৈবা আয়ুশ দিপার্তমেন্ত অমা
থেংনরিবা:
দিওঘরদা অনৌবা এম্স অমা লিংখৎপা অসিনা নেস্নেল হেল্থ মিশন (এন ঐচ এম)গী মখাদা শেমগৎলিবা প্রাইমারী অমদি সেকেন্দরী-লেভেল ইনস্তিত্যুসন্স/ ফেসিলিতীজ ফংহন্দুনা রিজন অসিদা লৈরিবা প্রজা মীয়ামদা সুপর স্পিসিয়েলিতী হেল্থ কেয়র ফংহনবতা নত্তনা দোক্তর অমদি অতোপ্পা হেল্থ ৱার্করশিংগী অচৌবা পুল অমা শেমগৎপদা মতেং ওইরগনি।
য়ুমফম:
পি এম এস এস ৱাইগী মখাদা, ভুবনেশ্বর, ভোপাল, রাইপুর, জোধপুর, রিশিকেশ অমসুং পত্নাদা এম্স লিংখৎখ্রে। রাই বরেলী (য়ু. পি.), নাগপুর (মহারাষ্ট্রা), কল্যানী (ৱেস্ত বেঙ্গোল) অমসুং গুনতুরগী মঙ্গলাগিরী (এ. পি.) গী এম্সশিং শাবগী থবক হৌজিক চত্থরি। এম্স, গোরখপুর (য়ু. পি.) শেমগৎ শাগৎপগী থবক্তসু হান্ননা অয়াবা পীখ্রে।
মখাগী এম্সশিং অসিদসু সেঙ্কসন তৌখ্রে:
- ভতিন্দা (পঞ্জাব), জুলাই ২০১৬
- গুৱাহাতী (অসম), মে ২০১৭
- বিলাসপুর (হিমাচল প্রদেশ), জানুৱারী ২০১৮
