প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলনা সেন্ত্রেল সেক্তর স্কিম "গ্রান্ত ইন এদ তু নেস্নেল কোওপরেতিব দিবেলপমেন্ত কোর্পোরেসন (NCDC)” অসি চহি মরিগী ওইনা লুপা করোর ২০০০গী শেনফমগা লোয়ননা ২০২৫-২৬দগী ২০২৮-২৯ ফাওবা (FY ২০২৫-২৬দগী চহি খুদিংগী লুপা করোর ৫০০) অয়াবা পীখ্রে।
FY ২০২৫-২৬দগী FY ২০২৮-২৯ ফাওবগী মনুংদা NCDCদা লুপা করোর ২০০০গী তেংবাং পীবদা য়ুম্ফম ওইরগা NCDCনা চহি মরিগী মনুংদা ওপন মার্কেৎতগী লুপা করোর ২০,০০০ পুথোকপা ঙম্লগনি। ফন্দশিং অসি NCDCনা কোওপরেতিবশিংদা অনৌবা প্রোজেক্তশিং/প্লান্তশিং পাকথোক চাউথোকহন্নবগীদমক লোন পীনবা অমসুং মথৌ তাবা ৱার্কিং কেপিতেল ফংহন্নবগীদমক লোন পীনবা শীজিন্নগনি।
শেল-থুমগী মরী-লৈনবশিং:
NCDCদা পীবা লুপা করোর ২০০০ (FY ২০২৫-২৬দগী FY ২০২৮-২৯ ফাওবদা চহি খুদিংগী লুপা করোর ৫০০) গী গ্রান্তকী শেনফম অসি ভারত সরকারগী বজেৎতগী ওইগনি। FY ২০২৫-২৬দগী FY ২০২৮-২৯ ফাওবগী মনুংদা NCDCদা লুপা করোর ২০০০গী তেংবাং পীনবগী য়ুম্ফমদা NCDCনা চহি মরিগী মনুংদা ওপন মার্কেৎতগী লুপা করোর ২০,০০০ পুথোকপা ঙম্লগনি।
কান্নবশিং:
দাইরী, শা-ষন, ফিশরিজ, চিনি, তেক্সতাইল, ফুদ প্রোসেসিং, স্তোরেজ অমসুং কোল্দ স্তোরেজ; লেবর অমসুং নুপীশিংনা লুচিংবা কোওপরেতিবশিংগুম্বা তোঙান তোঙানবা সেক্তরশিংগী লৈবাক শিনবা থুংনা লৈরিবা কোওপরেতিব সোসাইতী ১৩,২৮৮গী চাউরাক্না মেম্বর করোর ২.৯না কান্নবা ফংলগনি।
ইমপ্লিমেন্ত তৌবগী লালোং অমসুং পান্দমশিং:
(i) ফন্দ অসিদগী দিসবর্সমেন্ত, ফোল্লো অপ, প্রোজেক্ত পায়খৎপা য়েংশিনবা অমসুং লোন রিকোভরীগী মতাংদা NCDCনা স্কিম অসিগী একজিক্যুতিং এজেন্সী ওইগনি।
(ii) NCDCগী চৎন-কাংলোনশিংগী মতুং ইন্না রাজ্য সরকারগী খুত্থাংদা নৎত্রগা হকথেংননা কোওপরেতিবশিংদা NCDCনা লোনশিং পীগনি। NCDCগী দাইরেক্ত ফন্দিং গাইদলাইনশিংগী ক্রাইতেরিয়া থুংলবা কোওপরেতিবশিং অসি অয়াবা পীরবা সেক্যুরিতী নৎত্রগা রাজ্য সরকারগী গরেন্তীগী মথক্তা হকথেংননা শেলগী তেংবাং ফংনবা খন্নগনি।
(iii) NCDCনা কোওপরেতিবশিংদা লোন, তোঙান তোঙানবা সেক্তরশিংগীদমক প্রোজেক্ত ফেসিলিতীশিং শেম্বা/ মোদর্নাইজেসন তৌবা/ তেক্নোলোজী অপগ্রেদেসন তৌবা/ পাকথোক চাউথোকহনবগীদমক লোং-তর্ম ক্রেদিৎ পীগনি অমসুং মখোয়গী বিজিনেসশিং অসি মপুং ফানা অমসুং শেন্দোং লৈনা চলাইবগীদমক ৱার্কিং কেপিতেল পীগনি।
থবক পীবা ঙম্বগী পোতেন্সিএল য়াওনা মসিগী ইম্পেক্ত:
- কোওপরেতিবশিং অসিদা পীরক্লিবা ফন্দশিং অসিনা শেন্থোক লৈহন্নবা কেপিতেল এসেতশিং শেমগৎকনি অমসুং কোওপরেতিবশিংদা মথৌ তাবা লিক্বিদিতী অসি ৱার্কিং কেপিতেলগী মওংদা পীরগনি।
- শেন্মিৎলোনগী কান্নবশিংগী মথক্তা, কোওপরেতিবশিংনা দেমোক্রেসী, ইক্বেলিতী অমসুং কম্ম্যুনিতীগী প্রিন্সিপলশিংগী মতুং ইন্না সোসিও-ইকোনোমিক গেপ অদু কোকহনগনি অমসুং ৱার্কফোর্সতা নুপীশিংগী শরুক য়াবা হেনগৎনবা মরু ওইবা খুৎলাই অমনি।
- লোনশিং ফংহনবা অসিনা কোওপরেতিবশিংদা মখোয়গী কেপাসিতী হেনগৎহনবা, মোদর্নাইজেসন তৌবা, এক্তিবিতীশিং দাইভর্সিফাইদ তৌবা, মখোয়গী শেন্দোং লৈহনবা হেনগৎহনবা অমসুং মখোয়গী প্রদক্তিবিতী হেনগৎহনবা অমসুং মখোয়গী ফার্মর মেম্বরশিংগী শেন্মিৎলোনগী ফিভম ফগৎহন্দুনা থবক ফংহনবদা মতেং পাংগনি।
- মসিগী মথক্তা, ইনফ্রাস্ত্রকচর দিবেলপমেন্তকীদমক তর্ম লোনশিং অসিনা তোঙান তোঙানবা স্কিল লেভেলশিংদা পাক শন্না থবক ফংহন্নবগী খুদোংচাবা পীরি।
বেকগ্রাউন্দ:
কোওপরেতিব সেক্তরনা ভারতকী শেন্মিৎলোনদা চাউনা মতেং পাংলি। কোওপরেতিবশিংনা খুঙ্গংগী সেক্তরদা সোসিও-ইকোনোমিক অপলিফমেন্ত, ইনফ্রাস্ত্রকচর দিবেলপমেন্ত, অমসুং থবক ফংহনবদা মরু ওইবা থৌদাং অমা লৌরি। কোওপরেতিব সেক্তরনা লৈবাক অসিদা মখোয়গী মরী লৈনবা প্রদক্সন সেক্তর পুম্নমক্তা চাউনা শরুক তম্লি। ভারত্তা কোওপরেতিবশিংনা ক্রেদিৎ অমসুং বেঙ্কিং, ফর্তিলাইজর, সুগর, দাইরী, মার্কেতিং, কঞ্জ্যুমর গুদস, হেন্দলুম, হেন্দিক্রাফ্ত, ফিশরিজ, হাউজিং, অসিনচিংবা থবক থৌরম কয়া অমা কোনশিল্লি। ভারত্তা কোওপরেতিব লাখ ৮.২৫ হেন্না লৈরি অমসুং মেম্বর করোর ২৯ হেন্না লৈরি অমসুং লৌমীশিংগী চাদা ৯৪দি কোওপরেতিবশিংগা মওং অমদা মরী লৈনৈ।
খুঙ্গংগী শেন্মিৎলোনদা মখোয়গী মরুওইবা সোসিও-ইকোনোমিক কন্ত্রিব্যুসননা মরম ওইদুনা, দাইরী, পোলত্রী অমসুং শা-ষন, ফিশরিজ, সুগর, তেক্সতাইল, প্রোসেসিং, স্তোরেজ অমসুং কোল্দ স্তোরেজ, লেবর কোওপরেতিব অমসুং ৱুমেন কোওপরেতিব অসিনচিংবা শোত্থরবা সেক্তরশিংদা লোং তর্ম অমসুং ৱার্কিং কেপিতেল লোন পীদুনা মতেং পাংবা অসি য়াম্না মরু ওই।
