প্রধান মন্ত্রী শ্রী নরেন্দ্র মোদীনা চেয়রমেন ওইবা কেবিনেৎ কমিতি ওন ইকোনোমিক এফেয়রসনা উত্তর প্রদেশ অমসুং হরিয়ানা রাজ্যশিংদা দীল্লি-মুম্বাই এক্সপ্রেসৱে ওন হায়ব্রীদ এনুইতি মোদকি দীল্লি-ফরিদবাদ-বল্লভগর-সোহনা স্পরদগী জেৱার ইন্তর্নেস্নেল এয়রপোর্ত গ্রীনফিল্দ কনেক্তিবিতি শেমগৎনবা লুপা করোর ৩৬৩০.৭৭ কী রিভাইজ তৌরবা অপুনবা কেপিতেল কোস্ত অদু অয়াবা পিখ্রে।
কিলোমিতর ৩১.৪২ শাংবা প্রোজেক্ত কোরিদোর অসিনা খা থংবা দীল্লি, ফরিদবাদ অমসুং গুরুগ্রামদগী জেৱার ইন্তর্নেস্নেল এয়রপোর্ত ফাওবা হকথেংননা অমসুং খোঙজেল য়াংনা কনেক্তিবিতি ফংহল্লগনি, মসিনা নেস্নেল কেপিতেল রিজন (এন.সি.আর.) পুম্বদা ইকোনোমিক গ্রোথ অমসুং লোজিস্তিক্সকী মঙম হেনগৎহল্লগনি।
কোরিদোর অসিনা ইস্তর্ন পেরিফেরেল এক্সপ্রেসৱে, যমুনা এক্সপ্রেসৱে, অমসুং দেদিকেতেদ ফ্রেত কোরিদোর (দী.এফ.সি.)গা শম্নদুনা মল্তিমোদল ত্রান্সপোর্ত কনভরজেন্স তৌবা ঙমহল্লি। ৱাংখৎলকলিবা কোরিদোর অসি স্ত্রকচরেল হেনগৎহনবা খক্তা নত্তনা অর্বান ত্রান্সফোর্মেসন, রিজনেল কনেক্তিবিতি, অমসুং নেস্নেল লোজিস্তিক্স ইফিসিএন্সিগী স্তরেতেজিক অসিবু ঙমহল্লিবা অমনি। মসিগী শাবগী থবক অসি জেৱার এয়রপোর্ত–দীল্লি–মুম্বই এক্সপ্রেসৱে কোরিদোরগী মপুঙ ফাবা পোতেন্সিয়েল অদু অনলোক তৌনবা অমসুং ফরিদবাদতা তুং কোয়না চৎকদবা সহরগী চাওখৎ-থৌরাং শোয়দনা লৈহন্নবা য়াম্না মরু ওই।
প্রোজেক্ত অসিগী চাওরাক্না কিলোমিতর ১১ শাংবা অসি দীল্লি-মুম্বাই এক্সপ্রেসৱেগা শম্নহন্দুনা দি.এন.দি.-বল্লভগর বাইপাস অমসুং জেৱার ইন্তর্নেস্নেল এয়রপোর্তকি মরক্তা গ্রীনফিল্দ কনেক্তিবিতিগী মরুওইবা সেগমেন্ত অমা ওইরিবা এলিভেতেদ হায়ৱে ওইনা শেমগৎপনি। মসিগী কোরিদোর অসিনা ফরিদবাদা মাস্তর প্লান, ২০৩১গী মখাদা হায়-দেন্সিতি অরবান দীবেলপমেন্ত অমসুং তুংদা ইনফ্রাস্ত্রকচর এক্সপান্সন তৌনবা থমখিবা মফম অদু লান্থোক্লি, প্রপোজ তৌরিবা এলিভেতেদ কোরিদোর অসিগী অহেনবা মমল অসি লুপা কোতি ৬৮৯.২৪নি অমসুং হরিয়ানা সরকারনা এলিভেতেদ কোরিদোরগীদমক লুপা কোতি ৪৫০ লৌনবা য়ানখ্রে।
দীল্লি-মুম্বইগী দীল্লি-ফরিদবাদ-বল্লভগর-সোহনা স্পরদগী জেৱার ইন্তর্নেস্নেল এয়রপোর্ত ফাওবা গ্রীনফিল্দা কনেক্তিবিতিগীদমক প্রোজেক্ত এলাইন্মেন্ত মেপ
