প্রধান মন্ত্রী শ্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা ত্রিপুরাগী অগরতলা এয়রপোর্তকী মমিং হোংদোক্তুনা মহারাজা বীর বিক্রম মানিক্য কিশোর এয়রপোর্ত, অগরতলা হায়না থোনবদা অয়াবা পীখ্রে। ৱারেপ অসি ত্রিপুরাগী মীয়ামগী মতম কুইনদগী তাল্লক্লবা অপাম্বা লোইননা ত্রিপুরা সরকারনা মহারাজা বীর বিক্রম মানিক্য কিশোরদা কৎচবা শ্রদ্ধাঞ্জলি অমা ওইনা লৌখিবনি।
য়ুম্ফমঃ
মহারাজা বীর বিক্রম মানিক্য কিশোর ১৯২৩দা ত্রিপুরা রাজ্যগী নিংথৌ ওইখি। মহাক থৌনা ফবা অমসুং থৌজাল লৈবা লৈঙাকলোই অমা ওইখি। মহারাজা বীর বিক্রম মানিক্য কিশোরনা খুদোল ওইনা পীখিবা মফমদা ১৯৪২দা অগরতলা এয়রপোর্ত শাখি। যাম্না শাংনা উবা ঙম্বা লৈঙাকলোই অমা ওইনা মরাজানা মালেম পুম্বদা চৎখি অমসুং ত্রিপুরাদা মখল পুম্নমক্কী চাউখৎ–থৌরাংগীদমক খোংথাং কয়া লৌখৎলম্মি। মহাক্না হোৎনখিবা অদুনা অগরতলাদা এরোদ্রোম অমা শাখি, মদু মতম অসিদা অৱাং নোংপোক্কী খ্বাইদগী চাউবা এয়রপোর্ত ওইরি। মসিনা ত্রিপুরাবু নোংথক্কী লম্বীদা শম্নহল্লি। মরম অসিনা মহাক্কী মিংদা অগরতলা এয়রপোর্তকী মমিং থোনবা অসি মতিক চাই অমসুং মসি মাহারাজা বীর বিক্রম মানিক্য কিশোরগী মফমদা কৎচবা অশেংবা শ্রদ্ধাঞ্জলি ওইগনি।
