প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রীমন্দলগী মীফমনা লেপ্পা লৈতবা মেরিতাইম ইন্সুরেন্স কোভরেজশিংদা মতেং পাংনবা লুপা করোর ১২,৯৮০গী সোভরেন গরেন্তীগা লোয়ননা ‘ভারত মেরিতাইম ইন্সুরেন্স পুল’ (বি.এম.আই. পুল) কৌবা দোমেস্তিক ইন্সুরেন্স পুল অমা শেম্নবা পুখৎলকখিবা ৱাফম অমা অয়াবা পীখ্রে। পুল অসিনা ভারতকী ললোন-ইতিক্না ইন্তর্নেস্নেল পোর্ত অমা হেক্তদগী ইন্দিয়ন পোর্তশিংদা অমসুং ভাইস-ভর্সাদা, ভোলেতাই। মেরিতাইম কোরিদোরশিং ফাওদুনা চৎপা মতমদসু কার্গো পুদুনা চৎলিবা জহাজশিংগীদমক শেল চংদবা ইন্সুরেন্সকী খুদোংচাবা ফংহন্নবা হোৎনরি।
মালেমগী ওইনা অহোংবা হেনগৎলকপা অমসুং জিওপোলিতিকেলগী তংদু লৈতাদবা ফিভম লৈরকপনা মরম ওইদুনা, ইনস্যুরেন্সকী মমল হেনগৎলকপা অমসুং ইনস্যুরেন্স লেপ্পা লৈতনা ফংহনবদা তম্বা ঙমদবা ওইহন্দুনা কার্গো অমসুং জহাজশিংদা মাং-তাকপগী রিস্ক হেনগৎলকপগা লোয়ননা সমুদ্রগী ওইবা ললোন-ইতিক্তা শাফু পীরি। মখা তানা, ওইল পোলুসন লাইএবিলিতী, অতেক-অকাই লৌথোকপা, কার্গোদা অমাং-অতা থোকপ, ক্রিয়ু শোকপ অমসুং শাফনা য়ুমদা অমুক পুরকপা, থেংজিন্নবগী লাইএবিলিতীশিংগুম্বা থর্দ-পার্তী লাইএবিলিতীশিং কোনশিল্লিবা পি এন্দ আই ইন্সুরেন্সকীদমক ইন্তর্নেস্নেল গ্রুপ ওফ প্রোতেক্সন এন্দ ইন্দেমন্নিতি (আই.জি.পি.এন্দ আই.) ক্লবতা ভারতকী জহাজশিংনা চাউনা মপাল তাংলি। মসিগী মতুং ইন্না, সেঙ্কসনশিং নৎত্রগা জিওপোলিতিকেল তেন্সনশিংনা মরম ওইদুনা কোভরেজ লৌথোকপদা, ললোন-ইতিক্কী সোভরেন্তী অমসুং কন্তিন্যুতি ঙাক্নবা দোমেস্তিক মেরিতাইম রিস্ক কোভর পুল অমা মথৌ তাই।
মথক্তা পনখ্রিবা ফিভম অসিদা, সরকারনা ভারত মেরিতাইম ইন্সুরেন্স পুল (বি.এম.আই. পুল) শেমগৎপদা অয়াবা পীখ্রে, মসিদা ভারতকী ফিরাল য়াওবা নৎত্রগা কন্ত্রোল তৌরিবা জহাজশিং নৎত্রগা ভারত্তা চৎপা নৎত্রগা ভারত্তগী চৎপা জহাজশিং অসি সোভরেন গরেন্তীনা শৌগৎলগনি। পুল অসিনা হুল অমসুং মেছিনরী, কার্গো, পি অমসুং আই অমসুং ৱার রিস্ককুম্বা মেরিতাইম রিস্ক পুম্নমক কোনশিনগনি। পোলিসীশিং অসি পুলগী মেম্বর ওইরিবা ইন্স্যুররশিংনা পুন্না লুপা করোর ৯৫০ রোমগী অন্দররাইতিং কেপাসিতী শীজিন্নদুনা ইসু তৌগনি। পুল অসিনা ভারতকী শিপ্পিংগী ফিভমশিং অমসুং রেগুলেতরীগী মথৌ তাবশিংগা চান্নবা, লোকেল ওইনা শেম্বা ইন্সুরেন্স মেনেজমেন্ত তৌবদা মতেং পাংগনি। ভারতকী মনুংদা স্পেসিএলাইজ মেরিন অন্দররাইতিং, ক্লেম মেনেজমেন্ত অমসুং লিগেল এক্সপর্সিতী শেমগৎকনি।
মসিগী মথক্তা, পুল অসিগী শেমগৎ-শাগৎপা অমসুং মথৌ পাংথোকপদা য়েংশিন্নবা পুল অসিগীদমক গভর্নিং বোদী অমা শেমগনি। প্রোপোজ তৌরিবা লৈবাক অসিগী ইন্সুরেন্স ইন্তিতীদা সোভরেন গরেন্তী অমা পীনবগী মরমদি মশা-মরোমদোম লেপচবা, সেঙ্কসন রেসিলিয়েন্স অমসুং সোভরেন কন্ত্রোল হেনগৎহন্নবগী পান্দমদা য়ুম্ফম ওইরি।
