সেমিকন্দক্তরশিংনা য়ুম্ফম থোন্নবা বিল্দিং ব্লোকশিং ওইবগা লোয়ননা ভারতপু ইলেক্ত্রোনিক্স শারিবা গ্লোবেল হব ওইহন্নবা লুপা করোর ২,৩০,০০০গী ইন্সেন্তিব
ভারত্তা সেমিকন্দক্তরশিং অমসুং দিস্প্লে শানবগী ইকোসিস্তেম শেমগৎনবা লুপা করোর ৭৬০০০ (য়ু.এস.দি. বিলিয়ন >১০) অয়াবা পীখ্রেসেক্তর অসি চাউখৎহন্নবা ইন্দিয়া সেমিকন্দক্তর মিসন (আই.এস.এম.) লিংখৎলিআত্মনির্ভর ভারতকী মঙলান মঙফাওননবা অমসুং ভারতপু ইলেক্ত্রোনিক সিস্তেম দিজাইন অমসুং মেন্যুফেকচরিংগী গ্লোবেল হন ওইহন্নবা ইকাই খুম্নরবা প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা লৈবাক অসিদা সস্তেনেবল সেমিকন্দক্তর অমসুং দিস্প্লে ইকোসিস্তেম শেমগৎনবা কম্প্রিহেন্সিব প্রোগ্রাম অয়াবা পীখ্রে। প্রোগ্রাম অসিনা সেমিকন্দক্তরশিং অমসুং দিস্প্লে শারিবা লোয়ননা দিজাইন তৌরিবা কম্পনীশিংদা মালেমগী চাংদম্নবা য়ারবা ইন্সেন্তিব পেকেজ অমা পীদুনা ইলেক্ত্রোনিক্স মেন্যুফেকচরিংদা অনৌবা চহিচা অমা পুরক্লগনি। হায়রিবা অসিনা য়াম্না মরু ওইনা অমসুং শেন্মীৎলোন্দা মরোমদোম লেপচবা ঙমহন্নবা লমশিং অসিদা ভারতনা তেক্নোলোজীগী ওইবা লুচিংবা ওইনবা লম্বী য়াৎলগনি।
সেমিকন্দক্তরশিং অমসুং দিস্প্লেশিং অসি ইন্দস্ত্রী ৪.০গী মখাদা দিজিতেল ত্রান্সফোর্মেসন পুরক্নবা মথক্কী তাঙ্কক্তা পুগদৌরিবা মোদর্ন ইলেক্ত্রোনিক্সকী য়ুম্ফম থোল্লগনি। সেমিকন্দক্তরশিং অমসুং দিস্প্লে শাবা অসি অচৌবা কেপিতেল ইনভেস্তমেন্তশিং মথৌ তাবা, রিস্ক ৱাংবা, জেস্তেসন অমসুং পেবক পেরিয়দ শাংবা, অমসুং চাউনা অমদি লেপ্তনা ইনভেস্তমেন্তশিং মথৌ তারিবা তেক্নোলোজীদা খোঙজেল য়াংনা অওনবশিং পুরকপা হায়রিবশিং অসি চংবা য়াম্না লুবা অমসুং তেক্নোলোজী-ইন্তেন্সিব সেক্তর অমনি। প্রোগ্রাম অসিনা কেপিতেল সপ্পোর্ত ফংবা অমসুং তেক্নোলোজিকেল কোল্লাবোরেসনশিং তৌবা হেনগৎহন্দুনা সেমিকন্দক্তর অমসুং দিস্প্লে শাবদা ইনোৎ অমা হাপ্লগনি।
প্রোগ্রাম অসিনা সিলিকোন সেমিকন্দক্তর ফেবস, দিস্প্লে ফেবস, কম্পাউন্দ সেমিকন্দক্তরশিং/ সিলিকোন ফোতোনিক্স/ সেন্সর্স (এম.ই.এম.এস. য়াওনা) ফেবস, সেমিকন্দক্তর পেকেজিং (এ.তি.এম.পি/ও.এস.এ.তি.) সেমিকন্দক্তর দিজাইন হায়রিবা অসিগী থবক তৌরিবা কম্পনীশিং/কন্সোর্তিয়াদা অচৌবা ইন্সেন্তিব সপ্পোর্ত পীনবা পান্দম থম্লি।
ভারত্তা সেমিকন্দক্তরশিং অমসুং দিস্প্লে শানবা ইকোসিস্তেম শেমগৎনবা পীরিবা ইন্সেন্তিবশিং অসি অয়াবা পীখ্রে:
সেমিকন্দক্তর ফেবস অমসুং দিস্প্লে ফেবস: ভারত্তা সেমিকন্দক্তর ফেবস অমসুং দিস্প্লে ফেবস লিংখৎনবা স্কীম অসি ইলিজিবল ওইবা অমসুং অসিগুম্বা অচৌবা কেপিতেল ইন্তেন্সতিব অমসুং রিসোর্স ইন্সেন্তিব প্রোজেক্তশিং পাইখৎনবা তেক্নোলোজী লোয়ননা কেপাসিতী লৈবা এপ্লিকেন্তশিংদা পারি-পস্সুদা য়ুম্ফম ওইরগা প্রোজেক্তকী অচংমলগী ৫০% ফাওবা ফিস্কেল সপ্পোর্ত পীগনি। ভারত সরকারনা রাজ্য সরকারশিংগী খুৎশম্নদুনা লৈবাক অসিদা য়ামদ্রবদা গ্রীনফিল্দ সেমিকন্দক্তর ফেবস অনি অমসুং দিস্প্লে ফেবস অনি লিংখৎনবা এপ্লিকেসনশিং অয়াবা পীনবা লম, সেমিকন্দক্তর গ্রেদ ৱাতর, অফবা ক্বালিতীগী পাৱর, লোজিস্তিক্স অমসুং রিসর্চ ইকোসিস্তেমদা মথৌ তাবা ইনফ্রাস্ত্রকচরগা লোয়ননা হায়-তেক ক্লস্তরশিং লৈহনগনি।
সেমি-কন্দক্তর লেবোরেতরী (এস.সি.এল.): সেমিকন্দক্তর লেবোরেতরী (এস.সি.এল.) মোদর্নাইজেসন অমসুং কম্মর্সিএলাইজেসন তৌনবগী মথৌ তাবা খোঙথাংশিং ইলেক্ত্রোনিক্স এন্দ ইনফোর্মেসন তেক্নোলোজী মন্ত্রালয়না লৌখৎপা হায়বা অসিদা কেন্দ্রগী মন্ত্রী-মন্দলনা অয়াবা পীখ্রে। এম.ই.আই.তি.ৱাই.না ব্রাউন্দফিল্দ ফেব ফেসিলিতী মোদর্নাইজ তৌনবা কম্মর্সিএল ফেব পার্তনর অমগা লোয়ননা এস.সি.এল.গী জোইন্ত ভেঞ্চরগী ওইথোকপা য়াবা অদু খঙদোক্কনি।
কম্পাউন্দ সেমিকন্দক্তরশিং/ সিলিকোন ফোতোনিক্স / সেন্সর্স (এম.ই.এম.এস. য়াওনা) ফেবস অমসুং সেমিকন্দক্তর পেকেজিং এ.তি.এম.পি/ও.এস.এ.তি. য়ুনিৎশিং: ভারত্তা কম্পাউন্দ সেমিকন্দক্তরশিং/ সিলিকোন ফোতোনিক্স / সেন্সর্স (এম.ই.এম.এস. য়াওনা) ফেবস অমসুং সেমিকন্দক্তর পেকেজিং এ.তি.এম.পি/ও.এস.এ.তি. ফেসিলিতীশিং লিংখৎনবা অয়াবা পীরবা য়ুনিৎশিংদা কেপিতেল এক্সপেন্দিচেগী ৩০%গী ফিস্কেল সপ্পোর্ত পীরগনি। স্কীম অসিগী মখাদা সরকারগী মতেংগা লোয়ননা অসিগুম্বা কম্পাউন্দ সেমিকন্দক্তর অমসুং সেমিকন্দক্তর পেকেজিং য়ুনিৎ য়ামদ্রবদা ১৫ লিংখৎলবা য়াই হায়না পান্নরি।
সেমিকন্দক্তর দিজাইন কম্পনীশিং: দিজাইন লিঙ্ক ইন্সেন্তিব (দি.এল.আই.) স্কীমনা চহি মঙাগী মতমগী ওইনা ইলিজিবল এক্সপেন্দিচরগী ৫০% ফাওবা প্রদক্ত দিজাইন লিঙ্ক ইন্সেন্তিব অমসুং নেৎ সেল্সতা ৬%-৪%গী প্রদক্ত দিপ্লোইমেন্ত লিঙ্ক ইন্সেন্তিব পীরগনি। ইন্তিগ্রেতেদ সর্কিতশিং (আই.সি.শিং), চিপসেৎশিং, সিস্তেম ওন চিপ্স (এস.ও.সি.শিং), সিস্তেমস এন্দ আই.পি. কোরশিংগী অমসুং সেমিকন্দক্তর লিঙ্ক দিজাইনগী সেমিকন্দক্তর দিজাইনগী দোমেস্তিক কম্পনী ১০০দা সপ্পোর্ত পীগনি অমসুং লাক্কদৌরিবা চহি মঙা অসিদা তর্নওভর লুপা করোর ১৫০০ হেন্না ফংবা ঙম্বা য়ামদ্রবদা অসিগুম্বা কম্পনী ২০দগী তাদবগী গ্রোথ থৌগৎকনি।
ইন্দিয়া সেমিকন্দক্তর মিসন: সস্তেনেবল সেমিকন্দক্তরশিং অমসুং দিস্প্লেগী ইকোসিস্তেম অমা শেমগৎনবা মতম শাংনা চৎকদবা লালোংশিং পাইখৎনবা অখন্নবা অমসুং মরোমদোম ওইজবা “ইন্দিয়া সেমিকন্দক্তর মিসন (আই.এস.এম.)” অমা লিংখৎকনি। ইন্দিয়া সেমিকন্দক্তর মিসন অসি সেমিকন্দক্তর অমসুং দিস্প্লে ইন্দস্ত্রীগী মালেমগী ওইবা অখৈ-অহৈশিংনা লুচিংগনি। মসিনা সেমিকন্দক্তরশিং অমসুং দিস্প্লে ইকোসিস্তেমগী স্কীমশিং কান্নবা মওংদা অমসুং নীংথিনা ইমপ্লিমেন্ত তৌনবা নোদেল এজেন্সী ওইনা মথৌ তৌগনি।
সেমিকন্দক্তরশিং অমসুং ইলেক্ত্রোনিক্সকী কম্প্রিহেন্সিব ফিস্কল সপ্পোর্ত
লুপা করোর ৭৬০০০ (য়ু.এস.দি. বিলিয়ন >১০)গী আউতলে অমগা লোয়ননা ভারত্তা সেমিকন্দক্তরশিং অমসুং দিস্প্লে শাবগী ইকোসিস্তেম শেমগৎনবা প্রোগ্রাম অয়াবা পীখিবগী লোয়ননা ভারত সরকারনা ইলেক্ত্রোনিক কম্পোনেন্তশিং, সব-এসেমব্লিশিং, অমসুং ফিনিশ গুদশিং য়াওনা সপ্লাই চেনগী শরুক খুদিংমক্তা ইন্সেন্তিব পীগনি হায়না লাউথোকখ্রে। লার্জেস স্কেল ইলেক্ত্রোনিক্স মেন্যুফেকচরিংগী পি.এল.আই., আই.তি. হর্দৱেয়রগী পি.এল.আই., স্পেক্স স্কীম অমসুং মোদিফাইদ ইলেক্ত্রোনিক্স মেন্যূফেকচরিং ক্লস্তর্স (ই.এম.সি. ২.০) স্কীমগী মখাদা লুপা করোর ৫৫,৩৯২ (য়ু.এস.দি. বিলিয়ন ৭.৫)গী ইন্সেন্তিব সপ্পোর্ত অয়াবা পীখি। মসিগী মথক্তা, এ.সি.সি. বেত্তরী, ওতো কম্পোনেন্তশিং, তেলিকোম অমসুং নেৎৱর্কিং প্রদক্তশিং, সোলর পি.ভি. মোদ্যুলশিং অমসুং হ্বাইৎ গুদশিং য়াওবা এলাইদ সেক্তরশিংগী ওইনা লুপা করোর ৯৮,০০০গী ক্বান্তমদা (য়ু.এস.দি. বিলিয়ন ১৩) পি.এল.আই. ইন্সেন্তিব অয়াবা পীখ্রে। অপুনবা ওইনা, ভারত সরকারনা সেমিকন্দক্তরশিংনা য়ুম্ফম থোন্নবা বিল্দিং ব্লোকশিং ওইবগা লোয়ননা ভারতপু ইলেক্ত্রোনিক্স শারিবা গ্লোবেল হন ওইহন্নবা লুপা করোর ২,৩০,০০০গী (য়ু.এস.দি. বিলিয়ন ৩০) সপ্পোর্ত পীনবা থাজবা পীখ্রে।
হৌজিক ওইরিবা জিওপোলিতিকেলগী ফীভম অসিদা সেমিকন্দক্তরশিং অমসুং দিস্প্লেগী থাজবা য়াবা সোর্সশিং য়াম্নমক মরু ওই অমসুং ক্রিতিকেল ইনফোর্মেসন ইনফ্রাস্ত্রকচরগী সেক্যুরিতী ফংনবা লম্বীনি। অয়াবা পীখ্রবা প্রোগ্রামনা ইন্নোভেসন হেনগৎহনগনি অমসুং ভারতকী দিজিতেল সোভরেন্তী ফংনবা দোমেস্তিক কেপাসিতীশিং শেমগৎকনি। মসিনা লৈবাক অসিদা দেমোগ্রাফিক দিভিদেন্দ লৈহন্নবা স্কিল ৱাংনা লৈবা থবক্কী খুদোংচাবশিংসু পীরগনি।
সেমিকন্দক্তর অমসুং দিস্প্লেগী ইকোসিস্তেম শেমগৎপা অসিনা গ্লোবল ভেল্যু চেন্দা হেন্না মরা চেৎপা ইন্তিগ্রেসনগা লোয়ননা শেন্মীৎলোনগী তোঙান তোঙানবা সেক্তর খুদিংমক্তা মল্তিপ্লাইয়র ইফেক্ত অমা পীরগনি। মসিগী প্রোগ্রাম অসিনা ইলেক্ত্রোনিক্স শাবদা হায়র দোমেস্তিক ভেল্যু এদিসন প্রমোৎ তৌগনি অমসুং ২০২৫ ফাওবদা য়ূ.এস.দি. ত্রিলিয়ন ১গী দিজিতেল ইকনোমী অমসুং য়ু.এস.দি. ত্রিলিয়ন ৫গী জি.দি.পি. ফংবদা চাউনা মতেং পাংলগনি।
