ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা, ন্যু ইনভেস্তমেন্ত পোলিসি,২০১২ অমসুং ওক্তোবর ৭,২০১৪ দা লৈখিবা মসিগী এদমেন্দমেন্তগা লোয়ননা, জোইন্ত ভেঞ্চর অমগী খুৎথাংদা ৭০:৩০ গী দেফ ইকুইতি রেসিওগা লোয়ননা অপুনবা ওইনা লুপা করোর ১০,৬০১.৪০ গী শেনফম অমা চঙনা, ব্রাহ্মাপুত্র ভেল্লি ফর্তিলাইজর কোর্পোরেসন লিমিতেদ (বি ভি এফ সি এল), নামরুপ, অসামগী হৌজিক লৈরিবা মফম অসিদা চহি অমদা য়ুরিয়া মেত্রিক তন লাখ ১২.৭ পুথোক্কদবা অনৌবা ব্রাউনফিল্দ এম্মোনিয়া-য়ুরিয়া কমপ্লেক্স নামরুপ ৪ ফর্তিলাইজর প্লান্ত লিংখৎপা অয়াবা পীরে। নামরুপ-৪ প্রোজেক অসি লোইশিনবদা চাউরাক্না থা ৪৮ রোম চঙগনি হায়না পানরি।
মসিগী মথক্ত, দিপার্তমেন্ত ওফ পব্লিক ইন্তরপ্রাইজেস(দি পি ই) গী চৎন-কাংলোনশিংনা পীরিবা চাং অদু কোমথোক্তুনা নেসনেল ফর্তিলাইজরস লিমিতেদ (এন এফ এল)গী চাদা ১৮ গী ইকুইতি শরুক য়াবা অমসুং নামরুপ-৪ ফর্তিলাইজর প্লান্ত লিংখৎনবা ইন্তর-মিনিস্তরিয়েল কম্মিতি (আই এম সি) অমা লিংখৎপদা মন্ত্রীমন্দলনশু অয়াবা পীরে।
জোইন্ত ভেঞ্চর অসিদা মখাগী অসিগুম্না ইকুইতি লৈগনি:
(i) অসাম সরকার : চাদা ৪০
(ii) ব্রাহ্মাপুত্র ভেল্লি ফর্তিলাইজর কোর্পোরেসন লিমিতেদ (বি ভি এফ সি এল) : চাদা ১১
(iii) হিন্দুস্থান উরবারক এন্দ রষায়ন লিমিতেদ (হুরল): চাদা ১৩
(iv) নেসনেল ফর্তিলাইজরস লিমিতেদ : চাদা ১৮
(v) ওইল ইন্দিয়া লিমিতেদ (ওইল): চাদা ১৮
ব্রাহ্মাপুত্র ভেল্লি ফর্তিলাইজর কোর্পোরেসন লিমিতেদগী ইকুইতিগী সিয়ার অসি মশক উবা ঙম্বা লন-থুমশিং ওইগনি।
প্রোজেক অসিনা মরুওইনা অৱাং-নোংপোক লমদমদা য়ুরিয়া পুথোকপা হেনগৎহনগনি। মসিনা অৱাং-নোংপোক, বিহার, নোংচুপ-বেঙ্গল, নোংপোক থংবা উত্তর প্রদেস অমসুং ঝারখন্দগী দরকার ওইবা য়ুরিয়া ফংহনবা ঙমগনি। নামরুপ-৪ অসি ইনর্জি য়াম্না চঙদবা প্লান্ত ওইগনি। মসিনা লমদম অসিগী মীয়ামদা হকথেংননা অমসুং নাকোইননা থবক ফংনবগী খুদোংচাবশিং পীগনি। মসিনা লৈবাক অসিদা মশাগী ওক্নবা য়ুরিয়া পুথোক্নবা ঙম্নবা পান্দম ফংহনবদা মতেং পাংগনি।
