প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দল মীফমদা অৱাং-নোংপোক লমদম অমসুং অন্দমান অমদি নিকোবর ইথৎশিংদা অখন্নবা মীৎয়েং অমগা লোইননা অনৌবা সেন্ত্রেলী স্পোন্সর্দ স্কীম ওইনা নেস্নেল মিসন ওন ইদিবল ওইলস – ওইল পাম (এন.এম.ই.ও.-ও.পি.) হায়না খঙনগদবা অনৌবা ওইল পাম মিসন অমা হৌদোকপদা অয়াবা পীখ্রে। অচা থাওগীদমক মীরমদা চাউনা মীপাল তাংবনা মরম ওইরগা অচা থাও লমদম অসিদা পুথোকপা হেনগৎহন্নবা হোৎনবা মরু ওই অমদি হায়রিবা অসিদা থাও শুংনবা মরুশিং অমসুং ওইল পাম থাবা লম অমসুং পোত্থোক হেনগৎহনবনা মসিদা মরু ওইবা থৌদাং লৌগনি।
স্কীম অসিগীদমক্তা লুপা করোর ১১,০৪০গী ফাইনান্সিএল আউতলে থমখ্রে, মসিগী মনুংদা ভারত সরকারগী শিয়র লুপা করোর ৮,৮৪৪ অমসুং রাজ্যগী শিয়র লুপা করোর ২,১৯৬ ওইখি অমদি মসিদা ভাইএবিলিতী গেপ ফন্দিংসুং য়াওরি।
স্কীম অসিগী মখাদা ইং কুমজা ২০২৫-২৬ ফাওবদা ওইল পাম থানবা অহেনবা লম হেক্তর লাখ ৬.৫ কোনশিন্নবা প্রপোজ তৌখি অমসুং অসুম তৌদুনা লম হেক্তর লাখ ১০গী পান্দম য়ৌবা ঙমগনি। ক্রুদ পাম ওইল (সি.পি.ও.)গী প্রদক্সন অসি ইং কুমজা ২০২৫-২৬ ফাওবদা তন লাখ ১১.২০ ফাওবা অমদি ২০২৯-৩০ ফাওবদা তন লাখ ২৮ ফাওবা য়ৌগনি পান্নরি।
স্কীম অসিনা ওইল পাম থারিবা লৌমীশিংদা চাউনা কান্নবা পীরগনি, কেপিতেল ইনভেস্তমেন্ত হেনগৎহল্লগনি, থবক পীরগনি, মীপাল তাংবা হন্থহল্লগনি অমসুং লৌমীশিংগী শেন্থোক হেনগৎহল্লগনি।
ইং কুমজা ১৯৯১-৯২দগী হৌদুনা ভারত সরকারনা থাও শুংনবা মরুশিং অমসুং ওইল পাম পুথোকপা হেনগৎহন্নবা খোঙথাং কয়া পাইখৎখ্রে। থাও শুনবা মরু পুথোকপা অসি ইং কুমজা ২০১৪-১৫দা তন লাখ ২৭৫ ওইরম্বদগী ইং কুমজা ২০২১-২১দা তন লাখ ৩৬৫.৬৫দা হেনগৎখি। ওইল পামগী প্রদক্সন হেনগৎহন্নবা ইং কুমজা ২০২০দা ইন্দিয়ন ইন্সতিত্যু ওফ ওইল পাম রিসর্চ (আই.আই.ও.পি.আর.)না ওইল পাম থাবগী এসেস্মেন্ত অমা পাঙথোকখি হায়রিবা অসিনা লম হেক্তর লাখ ২৮রোমগী এসেস্মেন্ত অমা পীখৎখি। অসুম্না মসিনা ওইল পাম প্লান্তেসনগী অচৌবা পোতেন্সিএল লৈ হায়বা খঙখি অমসুং মসিনা ক্রুদ পাম ওইল (সি.পি.ও) প্রদক্সন হেনগৎহনখি। হৌজিক্কী ওইনা ওইল পাম থাবা লম হেক্তর লাখ ৩.৭০ খক্তা লৈ। ওইল পামনা অতৈ থাও শুংবা য়াবা মহৈ-মরোংশিংগা চাংদম্নবা মতমদা হেক্তর অমদা থাও শরুক ১০দগী ৪৬ হেন্না পুথোকপা ঙম্মি অমসুং হেক্তর অমদা থাও তন ৪রোম থোকহনবা ঙম্মি। মরম অসিনা মসিনা কলতিবেসন তৌবগী পোতেন্সিএল চাউনা লৈ।
মথংদা থমখ্রিবা ৱাফম অসি য়েংলগা অমসুং ঙসিসু সি.পি.ও.গী ৯৮% মপালদগী পুশিল্লকপনা লৈবাক অসিদা লম অমসুং সি.পি.ও. প্রদক্সন হেনগৎহন্নবা স্কীম অসি হৌদোক্নবা প্রপোজ তৌখি। প্রপোজ তৌখিবা স্কীম অসিনা হৌজিক চৎনরিবা নেস্নেল ফুদ সেক্যুরিতী মিসন-ওইল পাম প্রোগ্রাম অসি সবজ্যুম তৌরগনি।
স্কীম অসিনা মরু ওইবা হীরম অনিদা মীৎয়েং চংলি। ওইল পাম থারিবা লৌমীশিংনা ফ্রেশ ফ্রুৎ বঞ্চেস (এফ.এফ.বি.শিং) পুথোকই মসিদগী ইন্দস্ত্রীনা থাও শুংদোকই। হৌজিক্কী ওইনা এফ.এফ.বি.শিংগী মমলশিং অসি ইন্তরনেস্নেল সি.পি.ও.গী মমলশিংগী অকা-অকুম তৌবগা মরী লৈনৈ। অহানবা ওইনা ভারত সরকারনা এফ.এফ.বিশিংগীদমক্তা ওইল পাম থারিবা লৌমীশিংদা মমলগী থাজবা অমা পীরগনি। মসি ভাইএবিলিতী প্রাইস (ভি.পি.) হায়না খঙনগনি। মসিনা ইন্তরনেস্নেল সি.পি.ও.গী মমলশিং অকা-অকুম তৌরিবা অসিদগী লৌমীশিংদা ঙাকলৌ পীগনি অমসুং মখোয়বু বোলেতিলিতীদগী ঙাকথোক্কনি। ভি.পি. অসি হৌখিবা চহি ৫গী চহিগী এভরেজ সি.পি.ও. মমলগা লোইননা হোলসেল প্রাইস ইন্দেক্সকা এদজস্ত তৌরবা মতুংদা ১৪.৩ৎ%না পুরিগনি। মসি ওইল পামগী চহি, নবেম্বর ১ দগী ওক্তোবর ৩১ ফাওবগী ওইনা চহিগী ওইনা লেপকনি। থাজবা অসিনা ভারত মচা ওইল পাম থারিবা লৌমীশিংদা লম হেনগৎহন্নবা অমসুং পাম ওইল পুথোকপা হেনগৎহন্নবা মশাদা থাজবা পোকহল্লগনি। ফোর্ম্যুলা প্রাইস (এফ.পি.) অসি লেপথোক্লগনি অমসুং মসি সি.পি.ও.গী ১৪.৩% ওইরগনি অমসুং থাগী ওইনা লেপকনি। ভাইএবিলিতী গেপ ফন্দিং অসি ভি.পি.-এফ.পি. ওইগনি অমসুং করিগুম্বা হেনগৎপা মথৌ তারবদি মসি দি.বি.তি.গী মওংদা লৌমীশিংগী একাউন্তশিংদা হকথেংননা পীগনি।
লৌমীশিংদা পীবা থাজবা অসি ভাইএবিলিতী গেপ ফন্দিংগী মওংদা ওইগনি অমসুং ইন্দস্ত্রীনা তুংদা তপ্না তপ্না ১৫.৩%দা হেনগৎলক্কদবা সি.পি.ও.গী মমল ১৪.৩% পীবা মথৌ তাগনি। স্কীম অসিগী সন্সেত ক্লোজ অমা হায়বদি নবেম্বর ১, ২০৩৭ লৈগনি। অৱাং নোংপোক অমসুং অন্দমান্দা ইনোৎ হাপ্পা ওইনা লৌমীশিংদা ভারতকী লেমহৌরিবা মফমশিংগা চাং মান্ননা শেল পীনবা সরকারনা সি.পি.ও.গী মমলগী অহেনবা ২% পুথোক্লগনি। ভারত সরকারনা পুথোক্লিবা মেকানিজম অসি মতুং ইল্লিবা রাজ্যশিংনা স্কীম অসিদা প্রপোজ তৌরিবা ভাইএবিলিতী গেপ পেমেন্তদগী কান্নবা ফংগনি অমসুং মসিগীদমক মখোয়না কেন্দ্র সরকারগা এম.ও.য়ু. খুয়েক পীনগনি।
স্কীম অসিগী মরুওইবা অনিশুবা মীয়েংদি ইনপুৎ/ইন্তরভেন্সনগী মতেং চাউনা হেনগৎহনবনি। ওইল পামগী থানবগী মচাকশিং চাউনা হেনগৎহনখ্রে অদুগা মসি হেক্তর অমদা লুপা ১২,০০০দগী হেক্তর অমদা লুপা লিশিং ২৯,০০০দা হেনগৎহনখ্রে। মখাতানা মেন্তেনেন্স অমসুং ইন্তর-ক্রোপিং ইন্তর্ভেন্সনশিংদা চাউনা হেনগৎহনখ্রে। অরিবা লৌকোলশিং অমুক হিংগৎহন্নবা অরিবা লৌকোলশিংদা নৌনা পাম্বীশিং থানবা অখন্নবা তেংবাং ওইনা পাম্বী অমদা @ ২৫০ পীরগনি।
লৈবাক অসিদা থানবা পোৎলমশিং ৱাৎপগী অৱাবশিং কোকহন্নবা সীদ গার্দেনশিংদা ভারতকী অতোপ্পা মফমশিংদনা হেক্তর ১৫দা লুপা লাখ ৮০ ফাওবগী অমসুং অৱাং নোংপোক অমসুং অন্দমানগী মফমশিংদনা হেক্তর ১৫দা লুপা করোর অমগী মতেং পীরগনি। সীদ গার্দেনশিংগী মখাতাবা তেংবাং ওইনা অতোপ্পা ভারতকী মফমশিংগী অমসুং অৱাং নোংপোক অমসুং অন্দমানগী মফমশিংগী মথংশিৎনা লুপা লাখ @ ৪০ অমসুং লুপা লাখ @ ৫০ পীরগনি। মখাতানা অৱাং নোংপোক অমসুং অন্দমানগী মফমশিংগী অখন্নবা তেংবাং পীরগনি অদুগা ইন্তিগ্রেতেদ ফার্মিংগা লোইননা হাল্ফ মুন তেরেস কলতিবেসন, বাইও ফেন্সিং অমসুং লম শেংদোকপগী অখন্নবা প্রোবিজনশিংসু পীরগনি। ইন্দস্ত্রীদা কেপিতেল এসিস্তেন্স ওইনা অৱাং নোংপোক রাজ্যশিং অমসুং অন্দমানদা অৱাংবা কেপাসিতীগী প্রো রাতা হেনগৎহনবগা লোইননা হেক্তর য়ুনিৎ অমদা মেত্রিক তন ৫দা লুপা করোর ৫গী প্রোবিজন অমা পীরি।
