রাজ্য সরকারশিং অমসুং সেন্ত্রেল পব্লিক সেক্তর অন্দরতেকিংশিংগী অপুনবা জোইন্ত ভেঞ্চর(জে ভি)গী খুৎথাংদা অৱাং-নোংপোক লমদমদা হায়দ্রো ইলেক্ত্রিক চাউখৎনবা অৱাং-নোংপোক লমদমগী সরকারশিংনা ইকুইতি শরুক য়ানবা কেন্দ্র সরকারনা মতেং পীনবা পাৱার মিনিস্ত্রিনা পুখৎলকপা ৱাফম প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে।
শেনবা চহি 2024-25 দগী শেনবা চহি 2031-32 ফাওবা থবক পায়খৎনবা স্কিম অসিগী লুপা করোর 4136 গী শেনফম অমা কাইথোক্লে। স্কিম অসিগী মখাদা মেগাৱাত 15000 গী অপুনবা মৈ পুথোক্কনি। স্কিম অসি পৱার মিনিস্ত্রিগী অপুনবা শেনফমদগী অৱাং-নোংপোক লমদমগীদমক গ্রোস বজেত্তরি সপোর্ত(জি বি এস)গী 10% গী খুৎথাংদা স্কিম অসিদা শেন থাদগনি।
রাজ্য সরকারগা লোয়ননা সেন্ত্রেল পি.এস.য়ু অমগী প্রোজেকশিংগা লোয়ননা জোইন্ত ভেঞ্চর অমগী মওংদা স্কিম অসি পৱার মিনিস্ত্রিনা শেম্বনি।
অৱাং-নোংপোক্কী রাজ্য সরকারগী ইকুইতিগী শরুক্তা গ্রান্ত ওইনা প্রোজেক অমদা খ্বাইদগী য়াম্বা ওইনা লুপা করোর 750 ফাওবগী অপুনবা প্রোজেক ইকুইতিগী 24% ওইগনি। করিগুম্বা দরকার ওইরবদি, থবক-থবক্কী মতুংইন্না প্রোজেক অমগী কেপ অসি লুপা করোর 750 ওইগনি। জোইন্ত ভেঞ্জর অসিদা সি.পি.এস.য়ু অমসুং রাজ্য সরকারগী ইকুইতিগী রেসিও অসি গ্রান্ত পীবা মতমদা লেপকনি।
থবক ওইনা পায়খৎপা য়ারবা হায়দ্রো ইলেক্ত্রিক প্রোজেকশিং খক্তদা কেন্দ্র সরকারগী মতেং পীগনি। প্রোজেক অমা পায়খৎপা য়ানবা রাজ্যশিংনা স্তেগ্গর ফ্রি পৱার/নত্ত্রগা এস.জি.এস.তি লৌরোইদবনি।
স্কিম অসি হৌদোকপা অসিনা, হায়দ্রো ইলেক্ত্রিক চাউনবা রাজ্য সরকারশিং শরুক য়াবা পুক্নিং থৌগৎকনি অমসুং খুদোংথিবা অমসুং দাইত্বশিং চপ মান্ননা শরুক য়ামিন্নগনি। লম লৌশিনবা, খুন্দা-লৈতাহনবা অমসুং মফম অমগী লো অমসুং ওর্দরগী ৱাফমশিং রাজ্য সরকারশিংনা থৌদাং লৌগদবনি। মসিনা প্রোজেকশিংগী মতম চঙবা অমসুং শেন কা হেন্না চঙবা হন্থহনগনি।
স্কিম অসিনা অৱাং-নোংপোক্তা হায়দ্রো পৱারগী কান্নবা লৌবদা অচৌবা থৌদাং অমা লৌগনি। মসিনা অৱাং-নোংপোক লমদমদা শেন য়াম্না থাদগনি অমসুং মফম অমগী মীওইশিংদা নাকোইননা থবক কয়া পীগনি অমসুং ত্রান্সপোর্তেসন, তুরিজম, অপীকপা ললোন-ইতিক্কী থবকশিংনা ওন্ত্রেপ্রেনিউয়রশিংদা কান্নবা পীগনি। হায়দ্রো ইলেক্ত্রিক প্রোজেকশিং পায়খৎপা অসিনা 2030 ফাওবদা ভারতনা গিগাৱাত 500 গী রিন্যুএবল ইনর্জি পুথোক্নবা ভারতকী নেসন্নেলি দিতরমাইন কন্ত্রিব্যুসন(আই এন দি সি)গী পান্দমশিং ফংহনবদা মতেং পাংগনি। মসিনা নেসনেল গ্রিতকী থবকশিং হেনগৎহনগনি।
হায়দ্রো পৱার চাউখৎহন্নবা ৱাফম কয়া পন্দুনা লৈরিবশিং লোইশিন্নবা ভারত সরকারনা থবক কয়া পায়খৎলে। হায়দ্রো পৱার সেক্তর চাউখৎনবা অমসুং মসি শেন্দোং ফংবা প্রোজেক ওইহন্নবা, মার্চ 7, 2019 দা, মন্ত্রীমন্দলনা অচৌবা হায়দ্রো পৱার প্রোজেকশিং রিন্যুএবল ইনর্জি ফংফম ওইনা লাউথোকপা, হায়দ্রো পৱার ওব্লিগেসন(ঐচ পি ও), মৈগী মমল হেনগৎলকপা য়েংশিনবা, প্রোজেকশিংদা ঈশিং তুংশিন্দুনা থম্বদা ঈশিং চাউবা হন্থহন্নবা বজেতকী মতেং পাংবা অমসুং লম্বীশিং অমসুং থোংশিং শানবা মতেং পাংবদা অয়াবা পীখ্রে।
