ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা, গিফ সিতিদগী সাহপুরদা ফাওবদা শাংদোকপদা অয়াবা পীরে, মসি কিমি ৩.৩৩ শাংগনি অমসুং মসিদা ইলাবেতেদ ষ্টেসন অহুম লৈগনি। প্রোজেক অসি চাউরক্না চহি মরিদা লোইশিনগনি।
প্রোজেক অসি চাউরাক্না লুপা করোর ১,০৬৭.৩৫ চঙগনি। শাংদোক্কদৌরিবা কোরিদোর অদুনা ২০২৯ দা পেসেঞ্জর ২৩,৭০২ রোম অমসুং ২০৪১ দা পেসেঞ্জর ৫৮,০৫৯ রোম কান্নবা পীগনি।
কোরিদোর অসিনা অহমেদবাদ অমসুং গিফ লমদমগী মরক্ত চৎথোক-চৎশিন ফগৎহনগনি। পায়খৎকদৌরিবা লম্বী পরিংদা লৈবা অচৌবা মল্তিনেসনেল কম্পেনিশিং, মহৈলোয়শঙশিং অমসুং ললোন-ইতিক্কী মফমশিং হকথেংননা কান্নবা পীগনি।
মসিগী মথক্ত, ললোন-ইতিক, থবক অমসুং লাইরিক-লাইশু তম্বগী অহমেদবাদ অমসুং গিফ লমদমগী মরক্ত নুমিৎ খুদিংগী চৎথোক-চৎশিন তৌরিবা লম্বী শাংদোকপা অসিনা কান্নবা পীগনি, লোয়ননা নেতৱার্ক পুনশিনবা অমসুং পেসেঞ্জরশিং খুদোংচাবা হেনগৎহনগনি।
প্রোজেক অসিনা শেমগৎ-শাগৎপগী হিরমদা চাউরাক্না থবক ১,০০০ রোম পীগনি হায়না পানরি। মথৌ পাংথোক্নবা অমসুং য়েংশিনবগীদমক শেম-শাগৎপা লোইরবা মতমদা চাউরাক্না মীওই ২৫০ রোম থবক পীগনি। প্রোজেক অসিনা হকথেংননা অমসুং নাকোইননা থবক কয়া পীনবা খুদোংচাবশিং পীগনি। মসিগী মথক্ত, অতোপ্পা থবকশিংদা মীওই কয়া নাকোইনবা থবকশিং পীগনি।
ভারত সরকার অমসুং গুজরাত সরকারগী মথক্ত ৫০:৫০ গী অপুনবা ভেঞ্চর অমদা, প্রোজেক অসি গুজরাত মেত্রো রেল কোর্পোরেসন লিমিতেদ(জি এম আর সি) না পায়খৎকনি।
নুঙগীৱারোল:
হৌজিক, গুজরাত মেত্রোগী কিমি ৬৮.২৮ গী অহমেদবাদ মেত্রো ফেজ-১ (নোর্থ সাউথ কোরিদোরদা এ.পি.এম.সিদগী মোতেরা ষ্টদিয়ম ফাওবা) অমসুং থালতেজদগী বাষ্টঘ্রাল গাম ফাওবা (ইষ্ট-ৱেষ্ট কোরিদোর) অমসুং ফেজ-২ দা (মোতেরা ষ্টদিয়মদগী মহাত্মা মন্দির অমসুং জি.এন.এল.য়ু দগী গিফ সিতি ফাওবা) ফাওবা সেপ্তেম্বর ২০২২ (ফেজ-১) অমসুং জনুৱারি-২০২৬ (ফেজ-২) দগী অপুনবা ষ্টেসন ৫৩ মাইপাক্না মথৌ পাংথোক্লে। লাইন অসিদা নুমিৎ খুদিংগী মীওই ১,৬০,০০ চৎথোক-চৎশিন তৌরি।
The Cabinet decision on extending the North-South corridor from GIFT City to Shahpur will improve connectivity between Ahmedabad and GIFT City. It will boost commerce and further ‘Ease of Living.’https://t.co/OVCpDWvIW3
— Narendra Modi (@narendramodi) February 24, 2026
