প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত কেন্দ্ৰীয় কেবিনেটে আজি গিফ্ট চিটিৰ পৰা শ্বাহপুৰলৈ সম্প্ৰসাৰণৰ বাবে অনুমোদন জনাইছে, যাৰ দৈৰ্ঘ্য হ’ব ৩.৩৩ কিলোমিটাৰ আৰু ইয়াত তিনিটা এলিভেটেড ষ্টেচন অন্তৰ্ভুক্ত থাকিব। প্ৰায় চাৰি বছৰৰ ভিতৰত এই প্ৰকল্পটো সম্পূৰ্ণ হোৱাৰ পৰিকল্পনা কৰা হৈছে।
প্ৰকল্পটোৰ আনুমানিক ব্যয় হৈছে ১,০৬৭.৩৫ কোটি টকা। এই সম্প্ৰসাৰিত কৰিডৰে ২০২৯ চনত প্ৰায় ২৩,৭০২ গৰাকী যাত্ৰী আৰু ২০৪১ চনত প্ৰায় ৫৮,০৫৯ গৰাকী যাত্ৰীক উপকৃত কৰিব বুলি আশা কৰা হৈছে।
এই কৰিডৰে আহমেদাবাদ আৰু গিফ্ট অঞ্চলৰ মাজত সংযোগ শক্তিশালী কৰিব। প্ৰস্তাৱিত পথত অৱস্থিত বৃহৎ বহুজাতিক কোম্পানী, শিক্ষা প্ৰতিষ্ঠান আৰু বাণিজ্যিক কেন্দ্ৰসমূহ প্ৰত্যক্ষভাৱে লাভান্বিত হ’ব।
ইয়াৰ উপৰি এই সম্প্ৰসাৰণৰ জৰিয়তে আহমেদাবাদ আৰু গিফ্ট অঞ্চলৰ মাজত ভ্ৰমণ কৰা দৈনিক যাত্ৰীসকলৰ ব্যৱসায়, নিযুক্তি আৰু শিক্ষাৰ সৈতে সম্পৰ্কিত ভ্ৰমণৰ প্ৰয়োজনীয়তা পূৰণ হোৱাৰ ফলত নেটৱৰ্ক একত্ৰীকৰণ আৰু যাত্ৰীৰ সুবিধা উল্লেখযোগ্যভাৱে বৃদ্ধি পাব।
এই প্ৰকল্পটোৱে নিৰ্মাণ খণ্ডত প্ৰায় ১,০০০ চাকৰিৰ সৃষ্টি কৰিব বুলি আশা কৰা হৈছে। নিৰ্মাণৰ পাছৰ পৰ্যায়ত সঞ্চালন আৰু ৰক্ষণাবেক্ষণৰ বাবে প্ৰায় ২৫০ গৰাকী লোকক নিয়োগ কৰা হ’ব। এই প্ৰকল্পটোৱে ওপৰত উল্লেখ কৰা সংখ্যাৰ সমতুল্য এক উল্লেখযোগ্য সংখ্যক প্ৰত্যক্ষ নিযুক্তিৰ সুযোগ সৃষ্টি কৰিব। ইয়াৰ উপৰি আনুসংগিক কাৰ্যকলাপে আৰু অধিক লোকৰ বাবে পৰোক্ষ নিযুক্তিৰ সৃষ্টি কৰিব।
এই প্ৰকল্পটো ভাৰত চৰকাৰ আৰু গুজৰাট চৰকাৰৰ যৌথ উদ্যোগ গুজৰাট মেট্ৰ’ ৰে’ল কৰ্পোৰেচন লিমিটেডে (জি এম আৰ চি) ৰূপায়ণ কৰিব।
পটভূমিঃ
বৰ্তমান গুজৰাট মেট্ৰ’ৰ ৬৮.২৮ কিলোমিটাৰ আহমেদাবাদ মেট্ৰ’ পৰ্যায়-১ {এ পি এম চিৰ পৰা ম’টেৰা ষ্টেডিয়াম (উত্তৰ-দক্ষিণ কৰিডৰ) আৰু থালতেজ গামৰ পৰা ভষ্ট্ৰাল গাম (পূব-পশ্চিম কৰিডৰ)} আৰু দ্বিতীয় পৰ্যায় (ম’টেৰা ষ্টেডিয়ামৰ পৰা মহাত্মা মন্দিৰ আৰু জি এন এল ইউৰ পৰা গিফ্ট চহৰ), ছেপ্টেম্বৰ-২০২২ (প্ৰথম পৰ্যায়) আৰু জানুৱাৰী-২০২৬ (দ্বিতীয় পৰ্যায়)ৰ পৰা মুঠ ৫৩ টা ষ্টেচনৰ সৈতে সফলতাৰে কাৰ্যক্ষম কৰা হৈছে। এই পথটোত দৈনিক যাতায়াতৰ সংখ্যা প্ৰায় ১,৬০,০০০।
The Cabinet decision on extending the North-South corridor from GIFT City to Shahpur will improve connectivity between Ahmedabad and GIFT City. It will boost commerce and further ‘Ease of Living.’https://t.co/OVCpDWvIW3
— Narendra Modi (@narendramodi) February 24, 2026
