প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা সিতি ইনভেস্তমেন্তস তু ইন্নোবেত, ইন্তেগ্রেদ এন্দ সস্তেন ২.০ (সিতিস ২.০) অয়াবা পীখ্রে। সিতিস ২.০ অসি হাওসিং অমসুং অর্বান এফেয়ার্স মিনিস্ত্রিনা ফ্রেঞ্চ দিবলপমেন্ত এজেন্সি (এ এফ দি), ক্রেদিতান্সতাল্ত ফর ৱৈদেরাওবাও(কে এফ দব্লিউ), য়ুরোপিয়ান য়ুনিয়ন(ই য়ু) অমসুং নেসনেল ইন্সতিতুৎ ওফ অর্বান এফেয়ার্স(এন আই য়ু এ)গা খুৎশম্নদুনা শেমগৎপা থৌরম অমনি। থৌরম অসি চহি ৪ হায়বদি ২০২৩দগী ২০২৭ ফাওবা চৎথগনি।
সহরদা ইন্তেগ্রেতেদ ৱেস্ত মেনেজমেন্তদা য়ুম্ফম ওইদুনা সর্কুলার ইকোনোমি য়োকখৎনবা প্রোজেকশিং, রাজ্যগী থাক্তা নোংজু-নুংশাগী অহোংবা পুরক্নবা থবকশিং অমসুং জাতিগী থাক্তা ইন্সতিতুৎশিং মপাঙ্গল কনখৎহন্নবা অমসুং লৌশিং পীনবা খনগৎলবা প্রোজেকশিং থৌরম অসিনা মতেং পাংগনি।
সিতিস ২.০গী থাদগদবা দরকার ওইবা শেনফমশিংগী মনুংদা এ.এফ.দি (য়ুরো মিল্লিয়ন ১০০) অমসুং কে.এফ.দব্লি(য়ুরো মিল্লিয়ন ১০০) দগী লুপা করোর ১৭৬০ (য়ুরো মিল্লিয়ন ২০০) য়াওরি অমসুং ই.য়ুদগী লুপা করোর ১০৬গী তেক্নিকেল এসিস্তেন্স অমা য়াওরি।
সিতিস ১.০ মাইপাকপা হেনগৎহন্নবা অমসুং তাকপী-তম্বীবা হেনগৎহন্নবা সিতিস ২.০না পান্দম থম্লি। লুপা করোর ৯৩৩গী শেনফম অমগা লোয়ন্না ২০১৮দা অসি হাওসিং অমসুং অর্বান এফেয়ার্স মিনিস্ত্রিনা ফ্রেঞ্চ দিবলপমেন্ত এজেন্সি (এ এফ দি), ক্রেদিতান্সতাল্ত ফর ৱৈদেরাওবাও(কে এফ দব্লিউ), য়ুরোপিয়ান য়ুনিয়ন(ই য়ু) অমসুং নেসনেল ইন্সতিতুৎ ওফ অর্বান এফেয়ার্স(এন আই য়ু এ)না সিতিস ১.০ হৌদোকখিবনি। সিতিস ১.০দা মখাগী কম্পোনেন্তশিং অসি য়াওখি:
কম্পোনেন্ত ১: চাংদম্নবা অমা পাংথোক্তুনা সিতি-লেভেল প্রোজেক ১২ খনখি।
কম্পোনেন্ত ২: ওরিসাদা কেপাসিতি-দিবলপমেন্তগী থবকশিং পাংথোকখি
কম্পোনেন্ত ৩: সিতিস ১.০গী প্রোগ্রাম মেনেজমেন্ত য়ুনিত (পি এম য়ু) ওইরিবা এন.আই.য়ু.এনা পায়খৎপা থবকশিংগী খুৎথাংদা জাতিগী থাক্তা ইন্তেগ্রেতেদ অর্বান মেনেজমেন্ত ফগৎহনবা
লৈবাক মনুংগী অখঙ-অহৈশিং অমসুং মালেমগী লৈবাকশিংগী অখঙ-অহৈশিংগী খুৎথাংদা থাক অহুমদা থৌরম অসিগী মখাদা তেক্নিকেলগী মতেং পীরে। মসিনা অনৌবা অমসুং পুনশিনবা অমসুং তুংকোইনা চৎনবা য়াগদবা সহর শেমগৎনবা থবকশিং পায়খৎপা ঙমহল্লে। মসি কম্পিতিতিপ অমসুং কোওপরেতিপ ফেদেরেলিজমগী ৱাখল্লোন্দা য়ুম্ফম ওইবা শেন-থুমগী নমুনা অমগী মখাদা পায়খৎপনি।
সিতিস ১.০গী নমুনা মতুংইন্দুনা, সিতিস ২.০গী কম্পোনেন্ত অহুম লৈরে:
কম্পোনেন্ত ১ : চাংদম্নদুনা খনখৎপা স্মার্দ সিতি ১৮দা ক্লাইমেত ঙাকথোকপা ঙম্বা, চুশিন্নবা ঙম্বা অমসুং থেংনবা ঙম্বা প্রোজেকশিং পায়খৎনবা শেন্থং অমসুং তেক্নিকেলগী মতেং পীবা
কম্পোনেন্ত ২: রাজ্যশিং অমসুং য়ু.তিশিং দরকারগী মতুংইন্না মতেং লৌবা য়াগনি। হৌজিক লৈরিবা স্তেৎ ক্লাইমেত সেন্তরশিং/ক্লাইমেত সেলশিং/ মতেং পাংনবা, স্তেৎ অমসুং সিতি লেবেল ক্লাইমেত দেতা ওজার্বেতোরিশিং শেমগৎপা, ক্লাইমেত দেতাদা য়ুম্ফম ওইবা প্লান্নিং অমসুং মিউনিসিপালগী মীওইশিং ত্রেনিং পীবদা রাজ্যশিংগী মতেং পাংগনি। হায়রিবা পান্দমশিং অসি ফংনবা এন.আই.য়ু.এদা লৈরিবা পি.এম.য়ুনা রাজ্য সরকারশিংদা তেক্নিকেলগী মতেং পাংগনি।
কম্পোনেন্ত ৩: লৌশিং পীথোক-পীশিন তৌদুনা, ত্রেনিং পীদুনা, রিছার্স অমসুং দিবলপমেন্তগী খুৎথাংদা রাজ্যশিং অমসুং সহরশিংদা মতেং পাংগনি।
হৌজিক পায়খৎলিবা জাতি থাক্কী থৌরমশিং (নেসনেল মিসন ওন স্তেনেবল হেবিতেদ, অমরুত ২.০, শ্বাছ ভারত মিসন ২.০ অমসুং স্মার্দ সিতিস মিসন)গী খুৎথাংদা ভারত সরকারগী ক্লাইমেতকী থবকশিং সিতিস ২.০না মতেং পাংগনি অমসুং ভারতকী নেসনেল্লি দিতরমাইন্দ কন্ত্রিবিউসন্স(আই এন দি সি) অমসুং কনফরেন্স ওফ পার্তিস(কোপ২৬)গী ৱাশকশিং ঙাক্নবা মতেং পাংগনি।
