প্রধান মন্ত্রী শ্রী নরেন্দ্র মোদীনা রিপব্লিক ওব উজবেকিস্তানগী রাস্ত্রপতি, ঐচ.ই. মিস্তর শবকাত মির্জিয়োয়েবকা ঙসি সমর্কন্দ, উজবেকিস্তান্দা সাঙহায় কোওপরেসন ওর্গানাইজেসন (এস.সি.ও.)গী কাউন্সিল ওব হেদস ওব স্তেৎকী ২২শুবা মীফমগা ইরোইননা উনখ্রে।
চহি অসি লৈবাক অনিগী ওইনদি দিপ্লোমেতিক্কী ওইবা মরী শাগৎমিন্নরকপগী চহি ৩০শুবা পালন তাবনা য়াম্না অখন্নবা চহি অমা ওইরি। লুচিংবা অনিনা লৈবাক অনিগী লৈনরিবা মরীদা লাকপা খুমাং চাউশিনবশিং অমসুং দিসেম্বর ২০২০দা ভর্চুএল সম্মিৎকী ৱারেপশিং থবক্তা ওন্থোকখিবগীদমক শিংথাখি।
লুচিংবা অনিনা লৈবাক অনিগী মতেংশিংগী মতাংদা লৈবা হীরমশিংদা হেন্না মরুওইবা পীখি, মরুওইনা লল্লোন ইতীক, শেন্মিৎলোনগী তেংবাং অমসুং কন্নেক্তিবিতীনি। মখোয়না লল্লোন ইতীক্কী মায়কৈ পাকথোক চাউথোকহন্নবা অমসুং ত্রেদ অমসুং ইনভেস্তমেন্ততা তুং কোইনগী ওইবা এরেঞ্জমেন্ত অমা থম্বগী মরুওইবা খন্নখি।
কন্নেক্তিবিতী হায়বসিনা হীরম অসিগী মতাংদা লৈবা থবকশিং পায়খৎপদা খ্বাইদগী মরুওইবা অমনি হায়না লৌনখি, মসিগী মথক্তা, চাবহার পোর্ত অমসুং ইন্তর্নেসনেল নোর্থ সাউথ ত্রান্সপোর্ত কোরিদোর চাউনা শীজিন্নবসু য়াওরি।
লুচিংবশিংনা ভারতকী চাউখৎলোনগী খঙজ-হৈজবশিং অমসুং এক্সপর্তাইজদা য়ুম্ফম ওইদুনা ইনফোর্মেসন তেক্নোলোজী, হেল্থকেয়র, হায়র এজুকেসন অসিনচিংবশিংগুম্বা হীরমশিংদা মতেং পীননবা হৌদোক্নখি। ভারতকী এজুকেসনেল ইন্সতিত্যুসন হাংদোকপা অমসুং উজবেক অমসুং ভারতকী য়ুনিভর্সিতীশিংগী মরক্তা মপাং ওইনবসু তরাম্না ওকনখি।
আফঘনিস্তান য়াওনা রিজনেল ওইবা ইস্যুশিংগী মতাংদসু খন্নখি। আফঘনিস্তানগী ঙখৈ অসি হিংশাগী থবকশিংদা শীজিন্নরোইদবনি হায়না লুচিংবশিংনা মোৎ অমত্তা ওইনা য়ানখি।
লুচিংবশিং অসিনা চহি অসিগী জনুৱারীদা পাঙথোকখিবা অহানবা ইন্দিয়া সেন্ত্রেল এসিয়া সম্মিতকী আউৎকমশিংদা মরুওইবা থমখি। মখোয়না সম্মিতকী ৱারেপশিংবু থবক্তা ওন্থোক্তুনা পুরক্লিবা খুমাং চাউশিনবশিং খঙমিন্নখি।
প্রধান মন্ত্রীনা রাস্ত্রপতি মির্জিয়োয়েবপু এস.সি.ও. সম্মিত মায় পাক্না পাঙথোকখিবগীদমক অমসুং উজবেকিস্তান্না মায় পাক্না চীয়রমেনশিপ লৌখিবগীদমক থাগৎপা ফোংদোকখি।
Had a great meeting with President Shavkat Mirziyoyev. Thanked him for hosting the SCO Summit. Discussed ways to deepen connectivity, trade and cultural cooperation between India and Uzbekistan. pic.twitter.com/64HZz6enrX
— Narendra Modi (@narendramodi) September 16, 2022
