Share
 
Comments
ভেহিকল স্ক্রেপেজ পোলিসী হৌদোকখ্রে
ঐখোয়গী পান্দম অসি সর্কুলার ইকোনোমী অমা মায় পাক্নবা অমসুং স্তেকহোল্দর পুম্বা অকোইবগী থৌদাং লৌবদা মতিক চাবা অমা ওইনবা শেমগৎনবগী পান্দম্নি: পি.এম.
ভেহিকল স্ক্রেপেজ পোলিসীনা লৈবাক অসিদা ভেহিকলগী মশীং মতমগা চুনবা পুরক্নবা মতমগা চান্নদ্রবা গারীশিং সাইন্তিফিক ওইবা মওংদা লম্বীশিংদগী লৌথোকপদা চাউরবা থৌদাংশিং লৌগনি: পি.এম.
লু-নানবা, অয়েৎপা লৈতবা অমসুং চৎথোক-চৎশিন নুঙাইনবগী পন্থুং অসি ২১শুবা চহি চা অসিদা ভারতকী তঙাইফ্রদবা পুংফম ওইরি: পি.এম.
পোলিসী অসিনা লুপা কোতি ১০গী অনৌবা শেন্থং অমা পুরক্লগনি অমসুং থবক লিশিং কয়া অমা লৈরগনি: পি.এম.
অনৌবা স্ক্রেপিং পোলিসী অসি ৱেস্ততগী ৱেলথ ওইনবা সর্কুলার ইকোনোমীদা মরুওইবা লিঙ্ক অমনি: পি.এম.
অরিবা ভেহিকলগী স্ক্রেপিং সর্তিফিকেৎ পায়রবা মীওইশিংনা অনৌবা ভেহিকল অমা লৈবা মতমদা রেজিস্ত্রেসনগীদমক পৈশা তিংলরোই, লম্বীগী তেক্স খরা হন্থগনি: পি.এম.
তো মেনুফেকচরিংগী ভেল্যু চেনগা মরী লৈননা মপাল লমদগী পোৎলম পুশিল্লকপদা মীপাল তাংবা হন্থহন্নবা ঐখোয়না হোৎনগদবনি: পি.এম.

প্রধান মন্ত্রী, শ্রী নরেন্দ্র মোদীনা গুজরাত্তা ইনভেস্তর সম্মিৎতা ভিদিও কনফরেন্সকী খুৎথাংদা ৱা ঙাংখ্রে। সম্মিৎ অসি ভোলুন্তরী ভেহিকল-ফ্লীত মোদর্নাইজেসন প্রোগ্রাম নত্ত্রগা ভেহিকল স্ক্রেপিং পোলিসীগী মখাদা ভেহিকল স্ক্রেপিং ইনফ্রাস্ত্রকচর লিংখৎনবগীদমক শেন্থং পীরক্নবা বার্তোন তৌবনি। হায়রিবা অসিনা ইন্তিগ্রেতেৎ স্ক্রেপিং হব অমা শেমগৎনবা অলাংদা শিপ ব্রেকিং ইন্দস্ত্রীদা মিয়েংসু চিংশিল্লি। রোদ ত্রান্সপোর্ত অমসুং হায়ৱেজগী কেন্দ্রগী মন্ত্রী অমসুং গুজরাতকী মুখ্য মন্ত্রীসু থৌরম অসিদা শরুক য়াখি।

ঙসি হৌদোকখিবা ভেহিকল স্ক্রেপেজ পোলিসী অসিনা ভারতকী চাউখৎ খোঙচৎতা মশক থোকপা মফম অমনি। ভেহিকল স্ক্রেপিং ইনফ্রাস্ত্রকচর লিংখৎনবগীদমক গুজরাত্তা ইনভেস্তর সম্মিৎ অসিনা ওইরকপা য়াবা কয়া অমা লৈরি। ভেহিকল স্ক্রেপিংনা অকোইবগা চুননবা মতমগা চান্নদ্রবা অমসুং মৈখু থোকপা ভেহিকল লৌথোকপদা মতেং ওইরগনি। “ঐখোয়গী পান্দম অসি সর্কুলার ইকোনোমী অমা মায় পাক্নবা অমসুং স্তেকহোল্দর পুম্বা অকোইবগী থৌদাং লৌবদা মতিক চাবা অমা ওইনবা শেমগৎনবগী পান্দম্নি,” হায়না প্রধান মন্ত্রীনা থৌরম অসিগী মাংওইননা ত্বীতকী পরিং অমদা হায়খি।  

নেস্নেল ওতোমোবাইল স্ক্রেপেজ পোলিসী হৌদোকপা মতমদা, প্রধান মন্ত্রীনা হায়খি মদুদি হায়রিবা পোলিসী অসিনা অনৌবা ভারতকী ওতো সেক্তর অমসুং চৎথোক-চৎশিন্দা অনৌবা মশক অমা তাক্লগনি। মসিগী পোলিসী অসিনা লৈবাক অসিদা সাইন্তিফিক ওইবা মওংদা লম্বীদগী মতমগা চুনদ্রবা ভেহিকল লৌথোক্তুনা ভেহিকলগী মশীং মতমগা চুনবা মওংদা শেম্বদা চাউরবা থৌদাং লৌগনি। মহাক্না হায়খি মদুদি  চৎথোক-চৎশিন্দা মতমগা চুনবা অমা শেমগৎপা অসিনা, ত্রাবেল অমসুং ত্রান্সপোর্তেসন্দা অয়েৎপা হন্থবতা নত্তনা মসিনা শেল-থুমগী ফিভম ফগৎহনবদা মতেং পাংনবগী খুদম অমা ওইগনি। লু-নানবা, অয়েৎপা লৈতবা অমসুং চৎথোক-চৎশিন নুঙাইনবগী পন্থুং অসি ২১শুবা চহি চা অসিদা ভারতকী তঙাইফ্রদবা পুংফম ওইরি।  

প্রধান মন্ত্রীনা হায় মদুদি অনৌবা স্ক্রেপিং পোলিসী অসি সর্কুলার ইকোনোমী অমসুং ৱেস্ততগী ৱেলথ কেম্পেইন্দা মরুওইবা লিঙ্ক অমা ওইরি। পোলিসী অসিনা অমুকসু লৈবাক অসিগী সহরশিংদা পোল্লুসন হন্থহনবা অমসুং অকোইবা ঙাক-শেনবা অমসুং য়াম্না থুনা চাউখৎনবা ঐখোয়না হায়দোকখিবা ৱাহৈশিংগী মমি তারি। রিয়ুজ, রিসাইকল অমসুং রিকোবরীগী প্রিন্সিপাল ইন্দুনা মসিগী পোলিসী অসিনা লৈবাক অসিগী ওতো সেক্তর অমসুং মেতেল সেক্তরদা পুক্নিং থৌগৎলি। পোলিসী অসিনা লুপা কোতি ১০গী অনৌবা ইনভেস্তমেন্ত পুরক্লগনি অমসুং থবক লিশিং কয়া অমা পীরগনি।

প্রধান মন্ত্রীনা মরুওইবা পীদুনা হায় মদুদি ভারত অসি নিং-খা তম্বা চহি ৭৫শুবা চংলকপগা লাক্কদৌরিবা চহি ২৫ অসি য়াম্না মরু ওইরি। মহাক্না হায়খি লাক্কদৌরিবা চহি ২৫ অসিদা ব্যুজিনেসতা থবক তৌবা অমসুং নুমিৎ খুদিংগী ওইবা পুন্সি মহিংদা অহোংবা কয়া অমা লাক্লগনি। মহাক্না হায়খি অহোংবা মরক অসিদা, ঐখোয়গী অকোইবা, ঐখোয়গী লম, ঐখোয়গী লল অমসুং রো-মেতরিএল অসিবু ঙাক-শেনবা য়াম্না মরু ওই। মহাক্না হায়খি ঐখোয়না তুংদা অনৌবা পুথোকপা অমসুং তেক্নোলোজীগা লোয়ননা থবক তৌবা য়াই, অদুবু ঐখোয়না ইমা লৈবাক্তগী ফংলিবা লল অসি ঐখোয়গী খুৎতা লৈবা নত্তে।

ঙসি প্রধান মন্ত্রীনা হায়খি মদুদি, নাকন অমদা ভারতনা দীপ ওসিন মিসন্দা অনৌবা কয়া অমা থিরি, অমরোমদা সর্কুলার ওইবা ইকোনোমী  অমদা পুক্নিং থৌগৎলি। মহাক্না মখা তানা হায় মদুদি হোৎরিবা অসি লেঙদবা চাউখৎপা অমা অমসুং অকোইবগা চুনবা ওইনবনি।

ইনর্জী সেক্তরদা অমুক্তা থোকখিদ্রিবা থবক কয়া অমা তৌরি হায়না প্রধান মন্ত্রীনা উৎখি। ভারতনা সোলার অমসুং ৱিন্দ ইনর্জীগী লমদা অতৈ মাংজিল থারিবা লৈবাকশিংগা চৎমিন্নরি। শ্রী মোদীনা মরুওইবা পীখি মদুদি হায়রিবা ৱেস্ততগী ৱেলথ কেম্পেইন অসি স্বাচাতা অমসুং আত্মির্ভরতাগা মরী লৈনৈ।

প্রধান মন্ত্রীনা হায়খি মদুদি প্রজা মীয়াম্না পোলিসী অসিদগী মায়কৈ কয়া অমদা য়াম্না চাউনা কান্নবা ফংগনি। অহানবা খুদোংচাবা অদুদি অরিবা ভেহিকল অমা স্ক্রেপ তৌবা মতমদা সর্তিফিকেৎ অমা পীগনি। হায়রিবা সর্তিফিকেৎ অসি পায়রবা মীওই অমনা অনৌবা ভেহিকল অমা লৈবা মতমদা রেজিস্ত্রেসন তৌবগী মথৌ তাররোই। মসিগা লোয়ননা, হায়রিবা মহাক অদুদা লম্বীগী তেক্সতা হন্থনা পীগনি। অনিশুবা কান্নবা অসিনা মেন্তেনেন্সকী মমল, শেমবগী মমল, অরিবা ভেহিকলগুম্না থাও চাবা হন্থরগনি। অহুমশুবা কান্নবা অসি পুন্সিগা য়াম্না মরী লৈনৈ। অরিবা ভেহিকল অমসুং অরিবা তেক্নোলোজীনা মরম ওইদুনা লম্বীদা খুদোংথীবা থোকপা হন্থহল্লগনি। মরিশুবদা, পোলুসন থোক্তুনা ঐখোয়গী হকচাংদা শোকহনবা হন্থহল্লগনি।

প্রধান মন্ত্রীনা মরুওইবা পীরদুনা হায় মদুদি, অনৌবা পোলিসী অসিগী মখাদা ভেহিকলশিং অসি শুপ্নতগী চহিদা য়েংদুনা স্ক্রেপ তৌরোই। ভেহিকলশিং অসি অয়াবা য়াওরবা, ওতোমেতিক ওইবা তেস্তিং সেন্তরগী থোঙদা সাইন্তিফিকেল ওইনা তেস্ত তৌগনি। শিজিন্নবা য়াদ্রবা ভেহিকলশিং সাইন্তিফিকেল ওইনা স্ক্রেপ তৌগনি।

প্রধান মন্ত্রীনা হায়খি মদুদি হায়রিবা অনৌব পোলিসী অসিনা স্ক্রেপকা মরী লৈনবা সেক্তরশিংদা অনৌবা ইনর্জী অমসুং সেক্যুরিতী পীগনি। এমপ্লোয়ী অমসুং এন্ত্রেপ্রিন্যুর মচাশিংনা শাফরবা অকোইবা অমা লৈরগনি অমসুং অতোপ্পা ওর্গানাইজ সেক্তরগা মান্ননা কান্নবা ফংগনি। প্রধান মন্ত্রীনা হায়খি মদুদি ঐখোয়না মমাং চহিদা লুপা কোতি ২৩,০০০ রোমগী শেনফম ওইবা স্ক্রেপ স্তীল মীরমদগী পুশিল্লকখি।  

প্রধান মন্ত্রীনা হায় মদুদি আত্মনির্ভর ভারতকী থৌওং য়াম্না থুনা চংশিন্নবগীদমক ভারতকী ইন্দস্ত্রীশিং লেঙদবা অমসুং পোত্থোক লৈবা খোঙথাং লেপ্পা লৈতনা চংশিনগনি। মহাক্না মরুওইবা পীদুনা হায় মদুদি ঐখোয়না হোৎনরিবা অসি ওতো মেনুফেকচরগী ভেল্যু চেনগা মরী লৈননা মপাল লমগী এক্সপোর্ত্তা মিপাল তাংবা হন্থনবনি।

প্রধান মন্ত্রীনা হায়খি মদুদি ইথানোল, হায়দ্রোজেন ফুএল নত্ত্রগা ইলেক্ত্রিক মোবিলিতী ওইসনু, হায়রিবা অসি সরকারনা লুম্না লৌদুনা, ইন্দস্ত্রীশিংনা মপুং ওইনা শরুক য়াবা য়াম্না মথৌ তাই হায়খি। আর. অমসুং দি.দগী ইনফ্রাস্ত্রকচর ফাওবা ইন্দস্ত্রীশিংনা খুৎশম্নবা হেনগৎলক্লি। মহাক্না লাক্কদৌরিবা চহি ২৫ অসিদা আত্মনির্ভর ভারতকীদমক লম্বী অমা শেম্নবা হায়খি। হায়রিবা অসিদা করিগুম্বা অদোম্না মতেং পাম্লবা, সরকার অসিনা পীননবা শেম শাদুনা লৈরি, হায়না মহাক্না থাজবা পীখি।

ঙসি প্রধান মন্ত্রীনা হায়খি মদুদি, লু-নানবা, অয়েৎপা লৈতবা অমসুং চৎথোক-চৎশিন নুঙাইনবগীদমক হোৎনরিবা অসিদা, থায়নগী চৎনবিশিং হোংদোকপা মথৌ তাই হায়না হায়খি। ঙসিদি ভারতনা মালেমগী থাক্তা শাফবা অমসুং অফবা অমা নাগরীকশিংদা পীনবা লেপতুনা লৈরি অমসুং হায়রিবা ৱাখল অসি বি.এস.-৪দগী বি.এস.৬গী ত্রান্সিসনগী মরুমদনি, হায়রগা মহাক্না লোইশিনখি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
India exports Rs 27,575 cr worth of marine products in Apr-Sept: Centre

Media Coverage

India exports Rs 27,575 cr worth of marine products in Apr-Sept: Centre
...

Nm on the go

Always be the first to hear from the PM. Get the App Now!
...
PM bows to Sri Guru Teg Bahadur Ji on his martyrdom day
December 08, 2021
Share
 
Comments

The Prime Minister, Shri Narendra Modi has paid tributes to Sri Guru Teg Bahadur Ji on his martyrdom day.

In a tweet, the Prime Minister said;

"The martyrdom of Sri Guru Teg Bahadur Ji is an unforgettable moment in our history. He fought against injustice till his very last breath. I bow to Sri Guru Teg Bahadur Ji on this day.

Sharing a few glimpses of my recent visit to Gurudwara Sis Ganj Sahib in Delhi."