প্রধান মন্ত্রী শ্রী নরেন্দ্র মোদীনা ঙসি নীদরলেন্দসকী প্রধান মন্ত্রী ঐচ.ই. শ্রী মার্ক রুত্তেগা ফোন্দা ৱারী শাখ্রে।
লুচিংবা অনিনা স্ত্রেতেজিক পার্তনরশিপ ওন ৱাতর, লৌউ-শিংউগী মরু ওইবা লমদা তেংবাং পীনবা, হায় তেক অমসুং অনৌবা সেক্তরশিংদা বাইলেতরেল কোওপরেসন পীনবা য়াবগী ওইথোকপা য়াবা য়াওনা ভারত- নীদরলেন্দসকী বাইলেতরেলগী মরীশিং খন্নখ্রে। লুচিংবা অনিনা ভারত-ই.য়ু.গী মরীশিং, ইন্দো-পেসিফিক্কী কনভর্জেন্স অমসুং কোওপরেসন য়াওনা রিজনেল অমসুং গ্লোবেলগী সমস্যাশিংগী মতাংদা ৱাখল্লোনশিং ফোঙদোক্নখি।
চাং নাইনা অৱাংবা থাক্কী খোঙচৎশিং অমসুং ৱারী ৱাতাই শাবগা লোয়ননা ভারত- নীদরলেন্দসকী মরীশিংনা চহি খরা অসিদা চাউনা খুমাং চাউশিনবা ঙমখি। লুচিংবা অনিনা এপ্রিল ০৯, ২০২১দা ভর্চুএল সম্মিৎ অমা পাঙথোকখি অমসুং চাং নাইনা ৱারী শাদুনা লাকখি। ‘স্ত্রেতেজিক পার্তনরশিপ ওন ৱাতর’ অসি ভর্চুএল সম্মিৎ মনুংদা নীদরলেন্দসকা লোয়ননা লোঞ্চ তৌখি।
চৎলিবা চহি অসিদা ভারত অমসুং নীদরলেন্দসনা দিপ্লোমেতিক ওইবা মরী অসি থমখিবগী চহি ৭৫ শুরকপগী কুমওন পুন্না পাঙথোকখি। এপ্রিল ৪-৭, ২০২২দা ভারতকী রাস্ত্রপতিনা নীদরলেন্দসতা স্তেৎ বিজিৎ অমা চৎতুনা অখন্নবা মাইলস্তন য়ৌবগী নুংঙাইবা ফোঙদোকখি।
