ಪ್ರಮುಖ ಸರ್ಕಾರಿ ಯೋಜನೆಗಳ ಪರಿಪೂರ್ಣತೆ ಖಚಿತಪಡಿಸಿಕೊಳ್ಳಲು 'ವಿಕ್ಷಿತ್ ಭಾರತ್ ಸಂಕಲ್ಪ ಯಾತ್ರೆ' ಅನಾವರಣ ಮಾಡಲಾಗಿದೆ
ಸುಮಾರು 24,000 ಕೋಟಿ ರೂಪಾಯಿ ಬಜೆಟ್‌ನೊಂದಿಗೆ ಪ್ರಧಾನ ಮಂತ್ರಿ ಜಂಜಾತಿ ಆದಿವಾಸಿ ನ್ಯಾಯ ಮಹಾ ಅಭಿಯಾನ ಪಿಎಂ-ಜನ್ಮನ್ ಪ್ರಾರಂಭ
ಪಿಎಂ-ಕಿಸಾನ್ ಅಡಿ, ಸುಮಾರು 18,000 ಕೋಟಿ ರೂಪಾಯಿ ಮೊತ್ತದ 15ನೇ ಕಂತು ಬಿಡುಗಡೆ
ಜಾರ್ಖಂಡ್‌ನಲ್ಲಿ ಸುಮಾರು 7,200 ಕೋಟಿ ರೂ. ಮೊತ್ತದ ಯೋಜನೆಗಳು ರಾಷ್ಟ್ರಕ್ಕೆ ಸಮರ್ಪಣೆ ಮತ್ತು ಶಿಲಾನ್ಯಾಸ
ವಿಕ್ಷಿತ್ ಭಾರತ್ ಸಂಕಲ್ಪವನ್ನು ಪ್ರತಿಜ್ಞಾವಿಧಿ ಮುನ್ನಡೆಸುತ್ತದೆ
"ಭಗವಾನ್ ಬಿರ್ಸಾ ಮುಂಡಾ ಅವರ ಹೋರಾಟಗಳು ಮತ್ತು ತ್ಯಾಗಗಳು ಅಸಂಖ್ಯಾತ ಭಾರತೀಯರಿಗೆ ಸ್ಫೂರ್ತಿ ನೀಡುತ್ತವೆ"
"2 ಐತಿಹಾಸಿಕ ಉಪಕ್ರಮಗಳು - 'ವಿಕ್ಷಿತ್ ಭಾರತ್ ಸಂಕಲ್ಪ ಯಾತ್ರೆ' ಮತ್ತು 'ಪಿಎಂ ಜಂಜಾತಿ ಆದಿವಾಸಿ ನ್ಯಾಯ ಮಹಾ ಅಭಿಯಾನ'ವನ್ನು ಇಂದು ಜಾರ್ಖಂಡ್‌ನಿಂದ ಆರಂಭಿಸಲಾಗುತ್ತಿದೆ"
"ಭಾರತದ ಅಭಿವೃದ್ಧಿಯ ಮಟ್ಟವು ಅಮೃತ ಕಾಲದ 4 ಆಧಾರಸ್ತಂಭಗಳನ್ನು ಬಲಪಡಿಸುವ ಸಾಮರ್ಥ್ಯವನ್ನು ಅವಲಂಬಿಸಿದೆ - ಮಹಿಳಾ ಶಕ್ತಿ, ಯುವ ಶಕ್ತಿ, ಕೃಷಿ ಶಕ್ತಿ ಮತ್ತು ನಮ್ಮ ಬಡ ಮತ್ತು ಮಧ್ಯಮ ವರ್ಗದ ಶಕ್ತಿ"
" ಸೌಲಭ್ಯವಂಚಿತರಿಗೆ ಸವಲತ್ತು ಒದಗಿಸುವುದನ್ನು ಮೋದಿ ತಮ್ಮ ಆದ್ಯತೆಯನ್ನಾಗಿ ಮಾಡಿಕೊಂಡಿದ್ದಾರೆ"
"ನಾನು ಸೌಲಭ್ಯವಂಚಿತರಿಗೆ ನೀಡಬೇಕಾದ ಋಣ ತೀರಿಸಲು ಭಗವಾನ್ ಬಿರ್ಸಾ ಮುಂಡಾ ಅವರ ಭೂಮಿಗೆ ಬಂದಿದ್ದೇನೆ"
"ದೇಶದ ಯಾವುದೇ ನಾಗರಿಕರಿಗೆ ತಾರತಮ್ಯದ ಎಲ್ಲಾ ಸಾಧ್ಯತೆಗಳನ್ನು ತೊಡೆದುಹಾಕಿದಾಗ ಮಾತ್ರ ನಿಜವಾದ ಜಾತ್ಯತೀತತೆ ಬರುತ್ತದೆ"
ಭಗವಾನ್ ಬಿರ್ಸಾ ಮುಂಡಾ ಅವರ ಜಯಂತಿಯಂದು ಇಂದಿನಿಂದ ಪ್ರಾರಂಭವಾಗುವ 'ವಿಕ್ಷಿತ್ ಭಾರತ್ ಸಂಕಲ್ಪ ಯಾತ್ರೆ' ಮುಂದಿನ ವರ್ಷ ಜನವರಿ 26ರ ವರೆಗೆ ಮುಂದುವರಿಯಲಿದೆ"

ಭಾರತ್ ಮಾತಾ ಕಿ - ಜೈ!

ಭಾರತ್ ಮಾತಾ ಕಿ - ಜೈ!

ಧಾರ್ತಿ ಆಬಾ ಭಗವಾನ್ ಬಿರ್ಸಾ ಮುಂಡಾ ಕಿ – ಜೈ!

ಧಾರ್ತಿ ಆಬಾ ಭಗವಾನ್ ಬಿರ್ಸಾ ಮುಂಡಾ ಕಿ – ಜೈ!

ಜಾರ್ಖಂಡ್ ರಾಜ್ಯಪಾಲರಾದ ಸಿ.ಪಿ. ರಾಧಾಕೃಷ್ಣನ್ ಜಿ, ಮುಖ್ಯಮಂತ್ರಿ ಹೇಮಂತ್ ಸೊರೆನ್ ಜಿ, ಕೇಂದ್ರ ಸರ್ಕಾರದ ನನ್ನ ಸಹೋದ್ಯೋಗಿಗಳಾದ ಅರ್ಜುನ್ ಮುಂಡಾ ಜಿ ಮತ್ತು ಅನ್ನಪೂರ್ಣ ದೇವಿ ಜಿ, ನಮ್ಮ ಗೌರವಾನ್ವಿತ ಮಾರ್ಗದರ್ಶಕ ಶ್ರೀ ಕರಿಯಾ ಮುಂಡಾ ಜಿ, ನನ್ನ ಆತ್ಮೀಯ ಸ್ನೇಹಿತ ಬಾಬುಲಾಲ್ ಮರಾಂಡಿ ಜಿ, ಇಲ್ಲಿರುವ ಇತರೆ ಗಣ್ಯ ಅತಿಥಿಗಳು ಮತ್ತು ಜಾರ್ಖಂಡ್‌ನ ನನ್ನ ಪ್ರೀತಿಯ ಕುಟುಂಬ ಸದಸ್ಯರೆ.

ಎಲ್ಲರಿಗೂ ಜೋಹರ್ ಶುಭಾಶಯಗಳು! ಇಂದು ಅದೃಷ್ಟ ತುಂಬಿದ ದಿನ. ನಾನು ಸ್ವಲ್ಪ ಸಮಯದ ಹಿಂದೆ ಭಗವಾನ್ ಬಿರ್ಸಾ ಮುಂಡಾ ಅವರ ಜನ್ಮಸ್ಥಳವಾದ ಉಲಿಹಾತುದಿಂದ ಹಿಂತಿರುಗಿದೆ. ಅವರ ಬಂಧುಗಳನ್ನು ಭೇಟಿಯಾಗಲು ನನಗೆ ಸಂತೋಷವಾಯಿತು. ನನ್ನ ಹಣೆಯ ಮೇಲೆ ಪವಿತ್ರ ಮಣ್ಣನ್ನು ಇಡುವ ಅವಕಾಶ ಸಿಕ್ಕಿರುವುದು ನನಗೆ ಸಂದ ಸಂಪೂರ್ಣ ಗೌರವವಾಗಿದೆ. ಭಗವಾನ್ ಬಿರ್ಸಾ ಮುಂಡಾ ಮೆಮೋರಿಯಲ್ ಪಾರ್ಕ್ ಹಾಗೂ ಫ್ರೀಡಂ ಫೈಟರ್ ಮ್ಯೂಸಿಯಂಗೆ ಭೇಟಿ ನೀಡುವ ಅವಕಾಶವೂ ನನಗೆ ಸಿಕ್ಕಿತು. 2 ವರ್ಷಗಳ ಹಿಂದೆ ಇದೇ ದಿನ ಈ ವಸ್ತುಸಂಗ್ರಹಾಲಯವನ್ನು ರಾಷ್ಟ್ರಕ್ಕೆ ಅರ್ಪಿಸುವ ಭಾಗ್ಯ ನನ್ನದಾಯಿತು. 'ಜನ್ ಜಾತೀಯ ಗೌರವ್ ದಿವಸ್' (ಬುಡಕಟ್ಟು ಜನಾಂಗದ ಹೆಮ್ಮೆಯ ದಿನ)ದಂದು ನಾನು ಎಲ್ಲಾ ನಾಗರಿಕರಿಗೆ ನನ್ನ ಹೃತ್ಪೂರ್ವಕ ಅಭಿನಂದನೆಗಳು ಮತ್ತು ಶುಭಾಶಯಗಳನ್ನು ಸಲ್ಲಿಸುತ್ತೇನೆ.

ಇಂದು ಗೌರವಾನ್ವಿತ ನಾಗರಿಕರು ಜಾರ್ಖಂಡ್‌ನ ಸಂಸ್ಥಾಪನಾ ದಿನವನ್ನು ದೇಶಾದ್ಯಂತ ಹಲವಾರು ಸ್ಥಳಗಳಲ್ಲಿ ಆಚರಿಸುತ್ತಿದ್ದಾರೆ. ಅಟಲ್ ಜಿಯವರ ಪ್ರಯತ್ನದಿಂದ ಈ ರಾಜ್ಯದ ರಚನೆ ಸಾಧ್ಯವಾಯಿತು. ರಾಷ್ಟ್ರವು ವಿಶೇಷವಾಗಿ ಜಾರ್ಖಂಡ್ ಒಟ್ಟು 50,000 ಕೋಟಿ ರೂಪಾಯಿಗಳ ವಿವಿಧ ಯೋಜನೆಗಳ ರೂಪದಲ್ಲಿ ಉಡುಗೊರೆಗಳನ್ನು ಸ್ವೀಕರಿಸಿದೆ. ಇಂದು ಜಾರ್ಖಂಡ್‌ನಲ್ಲಿ ರೈಲ್ವೆ ಮೂಲಸೌಕರ್ಯ ಮತ್ತು ಸಂಪರ್ಕದ ವಿಸ್ತರಣೆಯ ಅಡಿ, ಹಲವಾರು ರೈಲ್ವೆ ಯೋಜನೆಗಳನ್ನು ಪ್ರಾರಂಭಿಸಲಾಗಿದೆ. ಜಾರ್ಖಂಡ್ ಈಗ ದೇಶದಲ್ಲಿ 100 ಪ್ರತಿಶತ ವಿದ್ಯುದ್ದೀಕರಣದ ರೈಲು ಮಾರ್ಗಗಳನ್ನು ಹೊಂದಿರುವ ರಾಜ್ಯಗಳಲ್ಲಿ ಒಂದಾಗಿದೆ ಎಂದು ತಿಳಿದರೆ ನಿಮಗೆ ಸಂತೋಷವಾಗುತ್ತದೆ. ಈ ಯೋಜನೆಗಳಿಗಾಗಿ ನಾನು ಜಾರ್ಖಂಡ್‌ನ ಎಲ್ಲಾ ನಿವಾಸಿಗಳಿಗೆ ನನ್ನ ಹೃತ್ಪೂರ್ವಕ ಅಭಿನಂದನೆಗಳನ್ನು ಸಲ್ಲಿಸುತ್ತೇನೆ.

 

ನನ್ನ ಕುಟುಂಬದ ಸದಸ್ಯರೆ,

ಬುಡಕಟ್ಟು ಜನಾಂಗದ ಹೆಮ್ಮೆ ಮತ್ತು ಹೋರಾಟದ ಸಂಕೇತವಾದ ಭಗವಾನ್ ಬಿರ್ಸಾ ಮುಂಡಾ ಅವರ ಸಾಹಸಗಾಥೆಯು ಪ್ರತಿಯೊಬ್ಬ ನಾಗರಿಕರಿಗೂ ಸ್ಫೂರ್ತಿ ನೀಡುತ್ತದೆ. ಜಾರ್ಖಂಡ್‌ನ ಪ್ರತಿಯೊಂದು ಮೂಲೆಯು ಅಂತಹ ಮಹಾನ್ ವ್ಯಕ್ತಿಗಳು, ಅವರ ಧೈರ್ಯ ಮತ್ತು ಅವಿರತ ಪ್ರಯತ್ನಗಳೊಂದಿಗೆ ಸಂಪರ್ಕ ಹೊಂದಿದೆ. ತಿಲ್ಕಾ ಮಾಂಝಿ, ಸಿಧು ಕನ್ಹು, ಚಾಂದ್ ಭೈರವ್, ಫುಲೋ ಜಾನೋ, ನೀಲಾಂಬರ್, ಪೀತಾಂಬರ್, ಜತ್ರಾ ತಾನಾ ಭಗತ್, ಮತ್ತು ಆಲ್ಬರ್ಟ್ ಎಕ್ಕಾ ಮುಂತಾದ ವ್ಯಕ್ತಿಗಳು ಈ ನೆಲದ ವೈಭವವನ್ನು ಹೆಚ್ಚಿಸಿದ್ದಾರೆ. ಸ್ವಾತಂತ್ರ್ಯ ಸಂಗ್ರಾಮವನ್ನು ಅವಲೋಕಿಸಿದಾಗ ಬುಡಕಟ್ಟು ಯೋಧರು ಆಂದೋಲನದಲ್ಲಿ ಪಾಲ್ಗೊಳ್ಳದ ದೇಶದ ಯಾವ ಮೂಲೆಯೂ ಇರಲಿಲ್ಲ. ಮಂಗರ್ ಧಾಮದಲ್ಲಿ ಗೋವಿಂದ ಗುರುಗಳ ಕೊಡುಗೆಯನ್ನು ಯಾರು ಮರೆಯಲು ಸಾಧ್ಯ? ಮಧ್ಯಪ್ರದೇಶದ ತಾಂತಿಯಾ ಭಿಲ್, ಭೀಮಾ ನಾಯಕ್, ಛತ್ತೀಸ್‌ಗಢದ ಹುತಾತ್ಮ ವೀರ ನಾರಾಯಣ್ ಸಿಂಗ್, ವೀರ್ ಗುಂಡಾಧುರ್, ಮಣಿಪುರದ ರಾಣಿ ಗೈದಿನ್ಲಿಯು... ತೆಲಂಗಾಣದ ರಾಮ್‌ಜಿ ಗೊಂಡ್, ಆಂಧ್ರ ಪ್ರದೇಶದ ಅಲ್ಲೂರಿ ಸೀತಾರಾಮ ರಾಜು, ಆಂಧ್ರ ಪ್ರದೇಶದ ಬುಡಕಟ್ಟು ಜನಾಂಗದವರಿಗೆ ಸ್ಫೂರ್ತಿ ನೀಡಿದ ಅಲ್ಲೂರಿ ಸೀತಾರಾಮ ರಾಜು, ಗೊಂಡ್ವಾನಾದ ರಾಣಿ ದುರ್ಗಾವತಿ-ಇವರು ದಿಗ್ಗಜರು. ನಮ್ಮ ರಾಷ್ಟ್ರ ಇಂದಿಗೂ ಇವರೆಲ್ಲರಿಗೂ ಋಣಿಯಾಗಿದೆ. ದುರದೃಷ್ಟವಶಾತ್, ಸ್ವಾತಂತ್ರ್ಯಾನಂತರ ಈ ವೀರರಿಗೆ ನ್ಯಾಯ ಸಿಕ್ಕಿಲ್ಲ. ಸ್ವಾತಂತ್ರ್ಯದ 75ನೇ ವರ್ಷದ ಅಮೃತ ಮಹೋತ್ಸವದ ಸಂದರ್ಭದಲ್ಲಿ, ನಾವು ಅಂತಹ ವೀರ ಪುರುಷ ಮತ್ತು ಮಹಿಳೆಯರ ನೆನಪುಗಳನ್ನು ಮುಂದಿನ ಪೀಳಿಗೆಗೆ ತಂದಿದ್ದೇವೆ ಮತ್ತು ಸ್ಮರಿಸಿದ್ದೇವೆ ಎಂಬುದು ನನಗೆ ಸಂತೋಷವಾಗಿದೆ.

ಸ್ನೇಹಿತರೆ,

ಜಾರ್ಖಂಡ್‌ಗೆ ಬರುವುದರಿಂದ ನನಗೆ ಹಳೆಯ ನೆನಪುಗಳನ್ನು ಮೆಲುಕು ಹಾಕಲು ಅನುವು ಮಾಡಿಕೊಡುತ್ತದೆ. ಬಡವರಿಗೆ ಅತ್ಯಂತ ದೊಡ್ಡ ಶಕ್ತಿಯಾದ ಆಯುಷ್ಮಾನ್ ಯೋಜನೆಯು ಜಾರ್ಖಂಡ್‌ನಲ್ಲಿ ಮೊದಲಿಗೆ ಪ್ರಾರಂಭವಾಯಿತು. ಕೆಲವು ವರ್ಷಗಳ ಹಿಂದೆ ನಾನು ಕುಂತಿಯಲ್ಲಿ ಸೌರಶಕ್ತಿ ಚಾಲಿತ ಜಿಲ್ಲಾ ನ್ಯಾಯಾಲಯವನ್ನು ಉದ್ಘಾಟಿಸಿದ್ದೆ. ಜಾರ್ಖಂಡ್‌ನ ಈ ಪುಣ್ಯಭೂಮಿಯಿಂದ ಇಂದು ಒಂದಲ್ಲ ಎರಡಲ್ಲ ಐತಿಹಾಸಿಕ ಅಭಿಯಾನಗಳು ಆರಂಭವಾಗಲಿವೆ. 'ವಿಕ್ಷಿತ್ ಭಾರತ್ ಸಂಕಲ್ಪ ಯಾತ್ರೆ' (ಭಾರತ್ ವಿಕಸನ ಪರಿಹಾರ ಯಾತ್ರೆ) ಸರ್ಕಾರದ ಸಂತೃಪ್ತ ಅಥವಾ ಪರಿಪೂರ್ಮತೆ ಗುರಿಗಳನ್ನು ಸಾಧಿಸಲು ಪ್ರಬಲ ಸಾಧನವಾಗಿ ಕಾರ್ಯ ನಿರ್ವಹಿಸುತ್ತದೆ. ‘ಪಿಎಂ ಜನಜಾತಿ ಆದಿವಾಸಿ ನ್ಯಾಯ ಮಹಾಅಭಿಯಾನ’ (ಪಿಎಂ ಬುಡಕಟ್ಟು ನ್ಯಾಯದ ಬೃಹತ್ ಅಭಿಯಾನ) ಆದಿವಾಸಿ ಬುಡಕಟ್ಟುಗಳೆಂದು ನಮಗೆ ತಿಳಿದಿರುವ ಅಳಿವಿನ ಅಂಚಿನಲ್ಲಿರುವ ಬುಡಕಟ್ಟು ಸಮುದಾಯಗಳನ್ನು ರಕ್ಷಿಸುತ್ತದೆ ಮತ್ತು ಸಬಲಗೊಳಿಸುತ್ತದೆ. ಇದು ಅವರನ್ನು ರಕ್ಷಿಸುತ್ತದೆ ಮತ್ತು ಅವರಿಗೆ ಅಧಿಕಾರ ನೀಡುತ್ತದೆ. ಈ ಎರಡೂ ಅಭಿಯಾನಗಳು 'ಅಮೃತ್ ಕಾಲ'ದಲ್ಲಿ ಭಾರತ್‌ನ ಅಭಿವೃದ್ಧಿಯ ಪಯಣಕ್ಕೆ ಹೊಸ ಶಕ್ತಿ ತುಂಬುತ್ತವೆ.

ನನ್ನ ಕುಟುಂಬದ ಸದಸ್ಯರೆ,

ಸರ್ಕಾರದ ಚುಕ್ಕಾಣಿ ಹಿಡಿದಿದ್ದು, ಸರ್ಕಾರದ ಮುಖ್ಯಸ್ಥನಾಗಿ ನಾನು ಈ ಪಾತ್ರವನ್ನು ವಹಿಸಿ 2 ದಶಕಗಳಿಗೂ ಹೆಚ್ಚು ಕಾಲ ಕಳೆದಿದೆ. ಪ್ರಜೆಗಳ ಆಶೋತ್ತರಗಳನ್ನು ಬಹಳ ಹತ್ತಿರದಿಂದ ತಿಳಿದುಕೊಳ್ಳುವ ಮತ್ತು ಅರ್ಥ ಮಾಡಿಕೊಳ್ಳುವ ಅವಕಾಶ ನನಗೆ ಸಿಕ್ಕಿದೆ. ಆ ಅನುಭವಗಳ ಆಧಾರದ ಮೇಲೆ ನಾನು ಇಂದು ನಿಮ್ಮ ಮುಂದೆ ‘ಅಮೃತ ಮಂತ್ರ’ವನ್ನು ಪ್ರಸ್ತುತಪಡಿಸುತ್ತಿದ್ದೇನೆ, ಅದನ್ನು ಭಗವಾನ್ ಬಿರ್ಸಾ ಮುಂಡಾ ಅವರ ಪುಣ್ಯಭೂಮಿಯಿಂದ ಪ್ರಸ್ತುತಪಡಿಸುತ್ತಿದ್ದೇನೆ. ‘ಅಮೃತ್ ಕಾಲ್’ನ ಮುಂದಿನ 25 ವರ್ಷಗಳಲ್ಲಿ ನಾವು ಅಭಿವೃದ್ಧಿ ಹೊಂದಿದ ಭಾರತದ ಭವ್ಯವಾದ ಮತ್ತು ದೈವಿಕ ಸ್ವರೂಪವನ್ನು ನಿರ್ಮಿಸಲು ಬಯಸಿದರೆ, ನಾವು ಅದರ 4 ‘ಅಮೃತ ಸ್ತಂಭಗಳನ್ನು’ (ಆಧಾರಸ್ತಂಭಗಳು) ಬಲಪಡಿಸಬೇಕು ಮತ್ತು ನಿರಂತರವಾಗಿ ಸಶಕ್ತಗೊಳಿಸಬೇಕು. ನಮ್ಮ ಸರ್ಕಾರವು ಕಳೆದ 10 ವರ್ಷಗಳಲ್ಲಿ ಬಹಳಷ್ಟು ಸಾಧಿಸಿದೆ, ಆದರೆ ಈಗ ನಾವು ಈ 4 ‘ಅಮೃತ್’ ಸ್ತಂಭಗಳಿಗೆ ನಿರಂತರ ಗಮನ ಹರಿಸುವುದರೊಂದಿಗೆ ಇನ್ನೂ ಹೆಚ್ಚಿನ ಶಕ್ತಿಯನ್ನು ಹಾಕಬೇಕಾಗಿದೆ. ಅಭಿವೃದ್ಧಿ ಹೊಂದಿದ ಭಾರತದ ಈ 4 ‘ಅಮೃತ’ ಸ್ತಂಭಗಳನ್ನು ನಿಮ್ಮೊಂದಿಗೆ ಹಂಚಿಕೊಳ್ಳುತ್ತೇನೆ.

 

ಈ 4 ‘ಅಮೃತ’ ಸ್ತಂಭಗಳು ಯಾವುವು?

ಮೊದಲ ‘ಅಮೃತ’ ಸ್ತಂಭ: ಭಾರತದ ನಮ್ಮ ಮಹಿಳೆಯರು - ನಮ್ಮ ತಾಯಂದಿರು, ಸಹೋದರಿಯರು, ನಮ್ಮ ‘ನಾರಿ ಶಕ್ತಿ’ (ನಮ್ಮ ಸ್ತ್ರೀಶಕ್ತಿ).

2ನೇ 'ಅಮೃತ' ಸ್ತಂಭ: ಭಾರತದ ರೈತರು - ನಮ್ಮ ರೈತ ಸಹೋದರರು ಮತ್ತು ಸಹೋದರಿಯರು, ಮತ್ತು ಕೃಷಿಗೆ ಸಂಬಂಧಿಸಿದವರು, ಅದು ಜಾನುವಾರು ಸಾಕಣೆ ಇರಬಹುದು ಅಥವಾ ಮೀನು ಸಾಕಣೆ ಇರಬಹುದು – ಇವರೆಲ್ಲರೂ ನಮ್ಮ 'ಅನ್ನದಾತ'ರು (ಆಹಾರ ಕೊಡುವವರು).

3ನೇ ‘ಅಮೃತ’ ಸ್ತಂಭ: ಭಾರತದ ಯುವ ಪೀಳಿಗೆ, ಮುಂಬರುವ 25 ವರ್ಷಗಳಲ್ಲಿ ದೇಶವನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯುವ ಯುವ ಶಕ್ತಿ.

4ನೇ ‘ಅಮೃತ’ ಸ್ತಂಭ: ಭಾರತದ ಮಧ್ಯಮ ವರ್ಗ - ನವಮಧ್ಯಮ ವರ್ಗ ಮತ್ತು ಭಾರತದ ನನ್ನ ಬಡ ಸಹೋದರರು ಮತ್ತು ಸಹೋದರಿಯರಾಗಿದ್ದಾರೆ.

ಈ 4 ಆಧಾರಸ್ತಂಭಗಳನ್ನು ಬಲಪಡಿಸುವುದು 'ವಿಕ್ಷಿತ್ ಭಾರತ್' ರಚನೆಯನ್ನು ಹೊಸ ಎತ್ತರಕ್ಕೆ ಏರಿಸುತ್ತದೆ. ಕಳೆದ 10 ವರ್ಷಗಳಲ್ಲಿ ಈ 4 ಆಧಾರಸ್ತಂಭಗಳನ್ನು ಸಶಕ್ತಗೊಳಿಸಲು ಮಾಡಿದ ಪ್ರಯತ್ನಗಳು ಹಿಂದೆಂದೂ ನಡೆದಿಲ್ಲ ಎಂಬುದು ನನಗೆ ಸಂತೋಷವಾಗಿದೆ.

ಸ್ನೇಹಿತರೆ,

ಇತ್ತೀಚಿನ ದಿನಗಳಲ್ಲಿ ಭಾರತದ ಯಶಸ್ಸಿನ ಬಗ್ಗೆ ಚರ್ಚೆಗಳು ವಿಶ್ವದೆಲ್ಲೆಡೆ ಪ್ರಚಲಿತದಲ್ಲಿವೆ. ನಮ್ಮ ಸರ್ಕಾರದ ಕಳೆದ 5 ವರ್ಷಗಳಲ್ಲಿ, 130 ದಶಲಕ್ಷಕ್ಕೂ ಹೆಚ್ಚು ಜನರು ಬಡತನದಿಂದ ಮೇಲಕ್ಕೆ ಏರಿದ್ದಾರೆ ಎಂದು ಒಪ್ಪಿಕೊಳ್ಳುತ್ತಾರೆ. ಕಳೆದ ಕೆಲವು ವರ್ಷಗಳಲ್ಲಿ ಯಾವ ಮಹತ್ವದ ಬದಲಾವಣೆಗಳು ಸಂಭವಿಸಿವೆ, ಅದು ನೆಲಗಟ್ಟಿನ  ಮೇಲೆ ಅಂತಹ ಗಮನಾರ್ಹ ಪರಿವರ್ತನೆ ಅಥವಾ ರೂಪಾಂತರಕ್ಕೆ ಕಾರಣವಾಗಿದೆ? 2014ರಲ್ಲಿ ದೆಹಲಿಯಲ್ಲಿ ಸರ್ಕಾರವನ್ನು ಮುನ್ನಡೆಸುವ ಜವಾಬ್ದಾರಿಯನ್ನು ನೀವು ನಮಗೆ ವಹಿಸಿದಾಗ, ಆ ದಿನದಿಂದ ನಮ್ಮ ‘ಸೇವಾ ಕಾಲ’ (ಸೇವಾಯುಗ) ಪ್ರಾರಂಭವಾಯಿತು. ನಾವು ಜನರ ಸೇವೆ ಮಾಡಲು ಬಂದಿದ್ದೇವೆ. ಈ ಸೇವಾ ಅವಧಿಯ ಕುರಿತು ಹೇಳುವುದಾದರೆ, ನಾವು ಸರ್ಕಾರ ರಚಿಸುವ ಮೊದಲು ಭಾರತದ ಜನಸಂಖ್ಯೆಯ ಹೆಚ್ಚಿನ ಭಾಗವು ಮೂಲಭೂತ ಸೌಕರ್ಯಗಳಿಂದ ವಂಚಿತವಾಗಿತ್ತು. ಲಕ್ಷಾಂತರ ಬಡ ವ್ಯಕ್ತಿಗಳು ತಮ್ಮ ಜೀವನವು ಬದಲಾಗಬಹುದು ಎಂಬ ಭರವಸೆಯನ್ನೇ ತೊರೆದಿದ್ದರು. ಹಿಂದಿನ ಸರಕಾರಗಳ ಧೋರಣೆ ಹೇಗಿತ್ತೆಂದರೆ ಅವರೇ ಪರಮ ಅಧಿಕಾರ ಎಂದುಕೊಳ್ಳುತ್ತಿದ್ದರು. ಆದಾಗ್ಯೂ, ನಾವು ಅಧಿಕಾರದ ಭಾವನೆಯಿಂದಲ್ಲ, ಆದರೆ ಸೇವಕರಾಗಿ ಕೆಲಸ ಮಾಡಲು ಪ್ರಾರಂಭಿಸಿದ್ದೇವೆ. ನಿರ್ಲಕ್ಷಿತ ಜನರಿಗೆ ಅಥವಾ ಅಂಚಿನಲ್ಲಿರುವ ಜನರಿಗೆ ಆದ್ಯತೆ ನೀಡುವತ್ತ ಗಮನ ಹರಿಸಿದ್ದೇವೆ. ನಾವು ದೂರದವರೆಂದು ಪರಿಗಣಿಸಲ್ಪಟ್ಟವರನ್ನು ತಲುಪಿದ್ದೇವೆ. ಸರ್ಕಾರವನ್ನು ನೇರವಾಗಿ ಅವರ ಮನೆ ಬಾಗಿಲಿಗೆ ತಂದಿದ್ದೇವೆ. ದಶಕಗಳಿಂದ ನಿರ್ಲಕ್ಷಿಸಲ್ಪಟ್ಟವರು ನಮ್ಮ ಸರ್ಕಾರದಲ್ಲಿ ಬೆಂಬಲ ಮತ್ತು ಒಡನಾಟ ಕಂಡುಕೊಂಡಿದ್ದಾರೆ. ಅಧಿಕಾರಶಾಹಿ ಹಾಗೆಯೇ ಇತ್ತು, ಜನರು ಒಂದೇ ಆಗಿದ್ದರು, ಕಡತಗಳು ಒಂದೇ ಆಗಿದ್ದವು ಮತ್ತು ಕಾನೂನುಗಳು ಮತ್ತು ನಿಯಮಗಳು ಸಹ ಒಂದೇ ಆಗಿದ್ದವು. ಆದಾಗ್ಯೂ, ಮನಸ್ಥಿತಿಯ ಬದಲಾವಣೆಯು ಫಲಿತಾಂಶಗಳಲ್ಲಿನ ಬದಲಾವಣೆಗೆ ಕಾರಣವಾಯಿತು. 2014ರ ಮೊದಲು ದೇಶದ ಹಳ್ಳಿಗಳಲ್ಲಿ ನೈರ್ಮಲ್ಯ ವ್ಯಾಪ್ತಿ ಶೇ.40ಕ್ಕಿಂತ ಕಡಿಮೆ ಇತ್ತು. ಇಂದು ನಾವು 100% ಗುರಿ ತಲುಪುತ್ತಿದ್ದೇವೆ. ನಮ್ಮ ಸರ್ಕಾರ ರಚನೆಗೆ ಮುನ್ನ ಶೇ.50-55ರಷ್ಟು ಕುಟುಂಬಗಳು ಮಾತ್ರ ಎಲ್ ಪಿಜಿ ಸಂಪರ್ಕ ಹೊಂದಿದ್ದವು. ಈಗ ಸುಮಾರು 100% ಕುಟುಂಬಗಳಲ್ಲಿ ಮಹಿಳೆಯರು ಹೊಗೆಯ ಹೊರೆಯಿಂದ ಮುಕ್ತರಾಗಿದ್ದಾರೆ. ಆರಂಭದಲ್ಲಿ ದೇಶದ ಕೇವಲ 55% ಮಕ್ಕಳು ಜೀವರಕ್ಷಕ ಲಸಿಕೆಗಳನ್ನು ಪಡೆಯುತ್ತಿದ್ದರು, ಅರ್ಧದಷ್ಟು ಮಕ್ಕಳು ಅಸುರಕ್ಷಿತರಾಗಿದ್ದರು. ಇಂದು ಲಸಿಕೆ ವ್ಯಾಪ್ತಿಯು ಸುಮಾರು 100% ಇದೆ. ಸ್ವಾತಂತ್ರ್ಯಾ ನಂತರದ 7 ದಶಕಗಳಲ್ಲಿ 17% ಗ್ರಾಮೀಣ ಕುಟುಂಬಗಳಿಗೆ ಮಾತ್ರ ಪೈಪ್‌ಲೈನ್‌ ನೀರು ಲಭ್ಯವಿತ್ತು. ಆದರೆ ಈಗ ಅದು ಬಹುತೇಕ 70%ಗೆ ತಲುಪಿದೆ. ಹಾಗಾಗಿ, ಜಲ ಜೀವನ್ ಮಿಷನ್‌ ಯೋಜನೆಗೆ ಧನ್ಯವಾದಗಳು,

 

ಸ್ನೇಹಿತರೆ,

ಆ ಸಮಯದಲ್ಲಿ ಸವಲತ್ತುಗಳನ್ನು ಪಡೆದವರು ಯಾರೆಂದು ನಮಗೆಲ್ಲರಿಗೂ ತಿಳಿದಿದೆಯೇ? ಆರಂಭದಲ್ಲಿ ಲಾಭ ಪಡೆದವರು ಯಾರು? ಇದು ಶ್ರೀಮಂತರು, ಸರ್ಕಾರದ ಮಧ್ಯಪ್ರವೇಶದೊಂದಿಗೆ ಮಾನ್ಯತೆ ಮತ್ತು ಸೌಲಭ್ಯಗಳನ್ನು ಹೊಂದಿರುವವರು ಸುಲಭವಾಗಿ ಸೌಲಭ್ಯಗಳನ್ನು ಪಡೆದರು. ಸರ್ಕಾರದ ವಿಧಾನವೆಂದರೆ ಅದು ಸುಲಭವಾಗಿ ಸಂಪನ್ಮೂಲಗಳನ್ನು ಮತ್ತು ಸೌಕರ್ಯಗಳನ್ನು ಹೊಂದಿರುವವರಿಗೆ ವ್ಯವಸ್ಥೆಗಳನ್ನು ಒದಗಿಸುವುದಾಗಿತ್ತು. ಆದರೆ, ಸಮಾಜದಲ್ಲಿ ಹಿಂದುಳಿದವರು, ಮೂಲಭೂತ ಸೌಕರ್ಯಗಳಿಂದ ವಂಚಿತರಾದವರ ಬಗ್ಗೆ ಸ್ವಲ್ಪವೂ ಗಮನ ಹರಿಸಲಿಲ್ಲ. ಹಾಗಾಗಿ, ಸೌಲಭ್ಯವಂಚಿತರು ಅನನುಕೂಲತೆಗಳ ನಡುವೆಯೇ ಜೀವನ ನಡೆಸುತ್ತಿದ್ದರು. ಅಂತಹ ಅಂಚಿನಲ್ಲಿರುವ ವ್ಯಕ್ತಿಗಳ ಮೇಲೆ ಗಮನ ಕೇಂದ್ರೀಕರಿಸಲು ಮೋದಿ ಆದ್ಯತೆ ನೀಡಿದರು. ಏಕೆಂದರೆ ಇವರ ನಡುವೆಯೇ ನಾನು ಸಹ ಬದುಕಿದವನು. ಸಮಾಜದಲ್ಲಿ ಇಂತಹ ಕಟ್ಟಕಡೆಯ ಕುಟುಂಬಗಳ ರೊಟ್ಟಿ ತಿಂದು ಉಪ್ಪನ್ನು ಸವಿದಿದ್ದೇನೆ. ಇಂದು ಭಗವಾನ್ ಬಿರ್ಸಾ ಮುಂಡಾ ಅವರ ಋಣ ತೀರಿಸಲು ನಾನಿಲ್ಲಿಗೆ ಬಂದಿದ್ದೇನೆ.

ನನ್ನ ಕುಟುಂಬದ ಸದಸ್ಯರೆ,

ವಿಶಿಷ್ಟವಾಗಿ, ಸರ್ಕಾರಗಳು ಮೊದಲು ಸುಲಭವಾಗಿ ಸಾಧಿಸಬಹುದಾದ ಗುರಿಗಳನ್ನು ಹಾಕಿಕೊಂಡು ಸಾಧಿಸುವ ಕಾರ್ಯವಿಧಾನ ಅನುಸರಿಸುತ್ತವೆ. ಆದರೆ, ನಾವು ವಿಭಿನ್ನ ಕಾರ್ಯತಂತ್ರದಲ್ಲಿ ಕೆಲಸ ಮಾಡಿದ್ದೇವೆ. ಇದನ್ನು ಅಧ್ಯಯನ ಮಾಡಲು ನಾನು ವಿದ್ವಾಂಸರನ್ನು ಪ್ರೋತ್ಸಾಹಿಸುತ್ತೇನೆ. ಸ್ವಾತಂತ್ರ್ಯ ಬಂದು ಇಷ್ಟು ದಶಕಗಳು ಕಳೆದರೂ ಇನ್ನೂ 18,000 ಹಳ್ಳಿಗಳಲ್ಲಿ ವಿದ್ಯುತ್‌ ಸಂಪರ್ಕವೇ ಸಿಕ್ಕಿಲ್ಲ ಎಂಬುದು ನಿಮಗೆ ನೆನಪಿರಬಹುದು. ಈ ಜನರು 18ನೇ ಶತಮಾನದಂತೆ ಕತ್ತಲೆಯಲ್ಲಿ ಬದುಕುತ್ತಿದ್ದರು. ಅಲ್ಲಿಗೆ ವಿದ್ಯುತ್ ತರುವುದೇ ಸವಾಲಾಗಿರುವುದರಿಂದ ನಾನಾ ತೊಂದರೆಗಳನ್ನು ಎದುರಿಸಿ ಕತ್ತಲಲ್ಲಿ ಬದುಕುವಂತಾಗಿದೆ. ಇದು ಕಷ್ಟ ಎಂದು ನಾನು ನಂಬುತ್ತೇನೆ. ಅದಕ್ಕಾಗಿಯೇ ಇದನ್ನು ಮಾಡಬೇಕಾಗಿತ್ತು. ಎಲ್ಲರೂ ಬೆಣ್ಣೆಯ ಮೇಲೆ ಗೆರೆಗಳನ್ನು ಎಳೆಯುತ್ತಾರೆ. ಎಲ್ಲಾ ಆದ ನಂತರ, ನೀವು ಕಲ್ಲುಗಳ ಮೇಲೆ ರೇಖೆಗಳನ್ನು ಗುರುತಿಸಬೇಕು. 18,000 ಹಳ್ಳಿಗಳಿಗೆ ಸಾವಿರ ದಿನಗಳೊಳಗೆ ವಿದ್ಯುತ್ ಸಂಪರ್ಕ ಕಲ್ಪಿಸುವ ಸವಾಲಿನ ಬದ್ಧತೆಯನ್ನು ಕೈಗೆತ್ತಿಕೊಳ್ಳುತ್ತೇನೆ ಎಂದು ಕೆಂಪುಕೋಟೆಯಿಂದ ಭರವಸೆ ನೀಡಿದ್ದೆ. ಇಂದು ನಿಮ್ಮ ‘ಸೇವಕ’ ಆ ಕೆಲಸವನ್ನು ಸಮಯಕ್ಕೆ ಸರಿಯಾಗಿ ಪೂರೈಸಿದ್ದಾನೆ ಎಂದು ಹೇಳಲು ವಿನಮ್ರನಾಗಿದ್ದೇನೆ.

ಸ್ನೇಹಿತರೆ,

ನಮ್ಮ ದೇಶದಲ್ಲಿ 110ಕ್ಕೂ ಹೆಚ್ಚು ಜಿಲ್ಲೆಗಳು ಅಭಿವೃದ್ಧಿಯ ಎಲ್ಲಾ ನಿಯತಾಂಕಗಳಲ್ಲಿ ಹಿಂದುಳಿದಿವೆ. ಈ ಜಿಲ್ಲೆಗಳು ತೀರಾ ಹಿಂದುಳಿದಿದ್ದವು. ಈ ಜಿಲ್ಲೆಗಳನ್ನು ಹಿಂದಿನ ಸರಕಾರಗಳು ನಿರ್ಲಕ್ಷಿಸಿ, ಹಿಂದುಳಿದಿವೆ ಎಂಬ ಹಣೆಪಟ್ಟಿ ಕಟ್ಟಿಕೊಂಡು, ಪ್ರಗತಿಗೆ ಅಸಮರ್ಥವಾಗಿವೆ ದು ಹೇಳಿ, ಸರ್ಕಾರಗಳು ಈ ಹಳ್ಳಿಗಳ ಮೇಲೆ ಮಲಗಿದ್ದವು. ಈ ಪ್ರದೇಶಗಳು ಶಿಕ್ಷಣ, ಆರೋಗ್ಯ ಮತ್ತು ಸೌಲಭ್ಯಗಳ ವಿಷಯದಲ್ಲಿ ದಶಕಗಳಿಂದ ಬಳಲುತ್ತಿದ್ದವು. ಕುತೂಹಲಕಾರಿಯಾಗಿ, ಈ ಹಿಂದುಳಿದ ಜಿಲ್ಲೆಗಳು ನನ್ನ ಬುಡಕಟ್ಟು ಕುಟುಂಬಗಳ ಹೆಚ್ಚಿನ ಜನಸಂಖ್ಯೆಯನ್ನು ಹೊಂದಿವೆ. ಅಧಿಕಾರಿಗಳಿಗೆ ಶಿಕ್ಷಾರ್ಹ ಪೋಸ್ಟಿಂಗ್ ನೀಡಬೇಕಾಯಿತು, ಅವರನ್ನು ಈ ಜಿಲ್ಲೆಗಳಿಗೆ ಕಳುಹಿಸಲಾಯಿತು. ದಣಿದ, ಸೋಲು, ಸೋಲು ಕಾಣದ ವ್ಯಕ್ತಿಯನ್ನು ಅಲ್ಲಿಗೆ ಕಳುಹಿಸಿದ್ದು, ಇಲ್ಲಿ ಅವರಿಗೆ ಕೆಲಸವಿಲ್ಲವೆಂಬ ಯೋಚನೆಯಲ್ಲಿ. ಈಗ, ಅವರು ಅಲ್ಲಿಗೆ ಬಂದ ನಂತರ ಏನು ಮಾಡುತ್ತಿದ್ದಾರೆ? ಈ 110ಕ್ಕೂ ಹೆಚ್ಚು ಜಿಲ್ಲೆಗಳನ್ನು ಅಭಿವೃದ್ಧಿಯಿಂದ ಬಿಟ್ಟರೆ, ಭಾರತವು ಎಂದಿಗೂ ಅಭಿವೃದ್ಧಿ ಹೊಂದಲು ಸಾಧ್ಯವಿಲ್ಲ. ಆದ್ದರಿಂದ, ಹಿಂದುಳಿದವರಿಗೆ ಆದ್ಯತೆ ನೀಡುವ ತತ್ವ ಅನುಸರಿಸಿ, ನಮ್ಮ ಸರ್ಕಾರವು ಈ ಜಿಲ್ಲೆಗಳನ್ನು ಮಹತ್ವಾಕಾಂಕ್ಷೆಯ ಜಿಲ್ಲೆಗಳೆಂದು ಘೋಷಿಸಿತು. ಆಯಾ ರಾಜ್ಯ ಸರ್ಕಾರಗಳ ಒಪ್ಪಿಗೆಯೊಂದಿಗೆ ಈ ಜಿಲ್ಲೆಗಳಲ್ಲಿ ಅತ್ಯಂತ ಸಮರ್ಥ ಅಧಿಕಾರಿಗಳ ನೇಮಕಕ್ಕೆ ನಾವು ಒತ್ತು ನೀಡಿದ್ದೇವೆ. ಈ ಜಿಲ್ಲೆಗಳಲ್ಲಿ ಶಿಕ್ಷಣ, ಆರೋಗ್ಯ, ರಸ್ತೆಗಳು ಮತ್ತು ಇನ್ನೂ ಹಲವು ವಿಷಯಗಳ ಕುರಿತು ನಾವು ಇಂದು ಶೂನ್ಯದಿಂದ ಕೆಲಸ ಮಾಡಲು ಪ್ರಾರಂಭಿಸಿದ್ದೇವೆ.

 

ನನ್ನ ಕುಟುಂಬದ ಸದಸ್ಯರೆ,

ದಶಕಗಳಿಂದ ನಮ್ಮ ದೇಶವು ಸಾಮಾಜಿಕ ನ್ಯಾಯ ಮತ್ತು ಜಾತ್ಯತೀತತೆಯ ಬಗ್ಗೆ ಮಾತನಾಡಿದೆ, ಚರ್ಚೆ ನಡೆಸಿದೆ. ದೇಶದ ಎಲ್ಲಾ ನಾಗರಿಕರು ಯಾವುದೇ ತಾರತಮ್ಯದಿಂದ ಮುಕ್ತರಾದಾಗ ನಿಜವಾದ ಜಾತ್ಯತೀತತೆ ಸಾಧಿಸಿದಂತೆ. ಎಲ್ಲರೂ ಸಮಾನತೆ ಮತ್ತು ಸಮಾನ ಪರಿಗಣನೆಯೊಂದಿಗೆ ಸರ್ಕಾರದ ಯೋಜನೆಗಳ ಪ್ರಯೋಜನಗಳನ್ನು ಪಡೆದಾಗ ಮಾತ್ರ ಸಾಮಾಜಿಕ ನ್ಯಾಯದ ಅರಿವಾಗುತ್ತದೆ. ದುರದೃಷ್ಟವಶಾತ್, ಇಂದಿಗೂ ಅನೇಕ ರಾಜ್ಯಗಳಲ್ಲಿ ಸರ್ಕಾರಿ ಯೋಜನೆಗಳ ಬಗ್ಗೆ ಸಾಕಷ್ಟು ಮಾಹಿತಿಯ ಕೊರತೆಯಿರುವ ಹಲವಾರು ಬಡ ವ್ಯಕ್ತಿಗಳು ಇದ್ದಾರೆ. ಈ ಯೋಜನೆಗಳ ಪ್ರಯೋಜನಗಳನ್ನು ಪಡೆಯಲು ಓಟದಲ್ಲಿ ಭಾಗವಹಿಸಲು ಸಾಧ್ಯವಾಗದ ಅನೇಕ ಬಡವರೂ ಇದ್ದಾರೆ. ಎಷ್ಟು ದಿನ ನಾವು ಅವರ ಅವಸ್ಥೆಯನ್ನು ನಿರ್ಲಕ್ಷಿಸುತ್ತೇವೆ? ಈ ನೋವು, ಸಂಕಟ ಮತ್ತು ಸಹಾನುಭೂತಿಯಿಂದ, ಒಂದು ದೃಷ್ಟಿ ಹೊರಹೊಮ್ಮಿದೆ. ಈ ದೂರದೃಷ್ಟಿಯೊಂದಿಗೆ ಇಂದಿನಿಂದ ‘ವಿಕ್ಷಿತ್ ಭಾರತ್’ ಪಯಣ ಆರಂಭವಾಗುತ್ತಿದೆ. ಈ ಪ್ರಯಾಣವು ನವೆಂಬರ್ 15ರಂದು ಭಗವಾನ್ ಬಿರ್ಸಾ ಮುಂಡಾ ಅವರ ಜನ್ಮದಿನವನ್ನು ಗುರುತಿಸುತ್ತದೆ, ಇದು ಮುಂದಿನ ವರ್ಷ ಜನವರಿ 26ರ ವರೆಗೆ ಮುಂದುವರಿಯುತ್ತದೆ. ಈ ಪ್ರಯಾಣದ ಸಮಯದಲ್ಲಿ, ಸರ್ಕಾರವು ಮಿಷನ್ ಮೋಡ್‌ನಲ್ಲಿ ಪ್ರತಿ ಹಳ್ಳಿಯನ್ನು ತಲುಪುತ್ತದೆ. ಪ್ರತಿಯೊಬ್ಬ ಬಡ ಮತ್ತು ಅಂಚಿನಲ್ಲಿರುವ ವ್ಯಕ್ತಿಯನ್ನು ಅವರ ಹಕ್ಕುಗಳಿಗೆ ಅರ್ಹರಾಗಿರುವ ಸರ್ಕಾರಿ ಯೋಜನೆಗಳ ಫಲಾನುಭವಿಗಳನ್ನಾಗಿ ಮಾಡುತ್ತದೆ. ಯೋಜನೆಗಳನ್ನು ಅವರಿಗೆ ತಲುಪಿಸಲಾಗುವುದು ಮತ್ತು ಅವುಗಳ ಅನುಷ್ಠಾನಕ್ಕೆ ವ್ಯವಸ್ಥೆ ಮಾಡಲಾಗುವುದು.

ನೀವೆಲ್ಲರೂ ನೆನಪಿಸಿಕೊಳ್ಳುತ್ತೀರಿ, ಆದರೂ ನನ್ನ ಕೆಲವು ಮಾಧ್ಯಮದ ಸ್ನೇಹಿತರಿಗೆ ಇದರ ಬಗ್ಗೆ ತಿಳಿದಿಲ್ಲ. 2018ರಲ್ಲಿ ನಾನು ಇದೇ ರೀತಿಯ ಪ್ರಯೋಗ ಮಾಡಿದ್ದೇನೆ. ಕೇಂದ್ರ ಸರ್ಕಾರವು ಗ್ರಾಮ ಸ್ವರಾಜ್ ಅಭಿಯಾನ ಪ್ರಾರಂಭಿಸಿದೆ. ಆಗ ನಾನು ಭಾರತ ಸರ್ಕಾರದಿಂದ 1 ಸಾವಿರ ಅಧಿಕಾರಿಗಳನ್ನು ಹಳ್ಳಿಗಳಿಗೆ ಕಳುಹಿಸಿದೆ. ಈ ಅಧಿಕಾರಿಗಳನ್ನು ಹವಾನಿಯಂತ್ರಿತ ಕೊಠಡಿಗಳಿಂದ ಹಳ್ಳಿಗಳಿಗೆ ಕಳುಹಿಸಲಾಗಿದೆ. ಈ ಅಭಿಯಾನದಲ್ಲಿ ನಾವು 7 ಪ್ರಮುಖ ಯೋಜನೆಗಳೊಂದಿಗೆ ಪ್ರತಿ ಹಳ್ಳಿಗೆ ಭೇಟಿ ನೀಡಿದ್ದೇವೆ. ಗ್ರಾಮ ಸ್ವರಾಜ್ ಅಭಿಯಾನದಂತೆ, ನಾವು ‘ವಿಕ್ಷಿತ್ ಭಾರತ್ ಸಂಕಲ್ಪ ಯಾತ್ರೆ’ಯನ್ನು ಪ್ರಾರಂಭಿಸಬೇಕು, ಪ್ರತಿ ಹಳ್ಳಿ ಮತ್ತು ಪ್ರತಿ ಹಕ್ಕುದಾರರನ್ನು ತಲುಪಬೇಕು. ಈ ಯೋಜನೆಯನ್ನು ಯಶಸ್ವಿಗೊಳಿಸಲು ಸಂಕಲ್ಪ ತೊಡಬೇಕು ಎಂದು ನಾನು ನಂಬುತ್ತೇನೆ. ಭಗವಾನ್ ಬಿರ್ಸಾ ಮುಂಡಾ ಭೂಮಿಯಿಂದ ನಾವು ಈ ಪ್ರಯಾಣವನ್ನು ಪ್ರಾರಂಭಿಸಿದಾಗ, ಯಶಸ್ಸು ಖಂಡಿತವಾಗಿಯೂ ನಮ್ಮನ್ನು ಅನುಸರಿಸುತ್ತದೆ.

 

ಪ್ರತಿಯೊಬ್ಬ ಬಡವರಿಗೂ ಉಚಿತ ಪಡಿತರ ನೀಡಲು ಪಡಿತರ ಚೀಟಿ ಕೊಡುತ್ತಿದ್ದ ದಿನವನ್ನು ನಾನು ಊಹಿಸುತ್ತೇನೆ. ಪ್ರತಿಯೊಬ್ಬ ಬಡ ವ್ಯಕ್ತಿಗೆ ಉಜ್ವಲ ಅನಿಲ ಸಂಪರ್ಕ, ಸೌಭಾಗ್ಯ ಯೋಜನೆಯ ಮೂಲಕ ವಿದ್ಯುತ್ ಮತ್ತು ಪೈಪ್ ಸಂಪರ್ಕಗಳ ಮೂಲಕ ನೀರು ದೊರೆಯುವ ದಿನ. ಪ್ರತಿಯೊಬ್ಬ ಹಿಂದುಳಿದ ವ್ಯಕ್ತಿಯೂ ಆಯುಷ್ಮಾನ್ ಕಾರ್ಡ್ ಹೊಂದುವ, 5 ಲಕ್ಷ ರೂಪಾಯಿವರೆಗೆ ಉಚಿತ ಆರೋಗ್ಯ ಸೇವೆ ನೀಡುವ ದಿನವನ್ನು ನಾನು ನಿರೀಕ್ಷಿಸುತ್ತೇನೆ. ಪ್ರತಿಯೊಬ್ಬ ನಿರ್ಗತಿಕ ವ್ಯಕ್ತಿಯು ತಮ್ಮದೇ ಆದ ಶಾಶ್ವತ ಮನೆಯನ್ನು ಹೊಂದುವ ದಿನವನ್ನು ನಾನು ಊಹಿಸುತ್ತೇನೆ. ಪ್ರತಿಯೊಬ್ಬ ರೈತನನ್ನು ಕೇಂದ್ರ ಸರ್ಕಾರದ ಪಿಂಚಣಿ ಯೋಜನೆಗೆ ಜೋಡಿಸುವ ಮತ್ತು ಪ್ರತಿಯೊಬ್ಬ ಕಾರ್ಮಿಕನು ಪಿಂಚಣಿ ಯೋಜನೆಗಳಿಂದ ಪ್ರಯೋಜನ ಪಡೆಯುವ ದಿನದ ಕನಸು ಕಾಣುತ್ತೇನೆ. ಪ್ರತಿಯೊಬ್ಬ ಅರ್ಹ ಯುವಕರು ಮುದ್ರಾ ಯೋಜನೆಯ ಪ್ರಯೋಜನಗಳನ್ನು ಪಡೆದುಕೊಳ್ಳುವ ಮತ್ತು ಉದ್ಯಮಶೀಲರಾಗುವತ್ತ ಹೆಜ್ಜೆ ಹಾಕುವ ದಿನವನ್ನು ನಾನು ನಿರೀಕ್ಷಿಸುತ್ತೇನೆ. ‘ವಿಕ್ಷಿತ್ ಭಾರತ್ ಸಂಕಲ್ಪ ಯಾತ್ರೆ’ಯು ದೇಶದ ಬಡವರು, ತಾಯಂದಿರು ಮತ್ತು ಸಹೋದರಿಯರು, ಯುವಕರು ಮತ್ತು ರೈತರಿಗೆ ಮೋದಿ ಅವರು ಕೊಡುವ ಬದ್ಧತೆಯಾಗಿದೆ. ಮೋದಿ ಗ್ಯಾರಂಟಿ ಕೊಟ್ಟಾಗ ಆ ಗ್ಯಾರಂಟಿ ಏನು ಗೊತ್ತಾ? ಮೋದಿ ಅವರು ಗ್ಯಾರಂಟಿ ಈಡೇರಿಸುವ ಗ್ಯಾರಂಟಿ ಅದಾಗಿದೆ.

ನನ್ನ ಕುಟುಂಬದ ಸದಸ್ಯರೆ,

ಪಿಎಂ ಜನ್ಮನ್ – ಪ್ರಧಾನ ಮಂತ್ರಿ ಜನ್ ಜಾತೀಯ ಆದಿವಾಸಿ ನ್ಯಾಯ ಮಹಾ ಅಭಿಯಾನ - ‘ವೀಕ್ಷಿತ್ ಭಾರತ್’ ಬದ್ಧತೆಯ ಪ್ರಮುಖ ಅಂಶವಾಗಿದೆ. ಸಾಮಾಜಿಕ ನ್ಯಾಯವನ್ನು ವಿಶಾಲವಾಗಿ ಚರ್ಚಿಸಲಾಗಿದ್ದರೂ, ಬುಡಕಟ್ಟು ನ್ಯಾಯವನ್ನು ಪರಿಹರಿಸಲು ಮೋದಿ ಉಪಕ್ರಮ ಕೈಗೊಂಡಿದ್ದಾರೆ. ಸ್ವಾತಂತ್ರ್ಯದ ನಂತರ ದಶಕಗಳವರೆಗೆ, ಬುಡಕಟ್ಟು ಸಮುದಾಯವನ್ನು ಸತತವಾಗಿ ಕಡೆಗಣಿಸಲಾಯಿತು. ಅಟಲ್ ಜಿ ಅವರ ಸರ್ಕಾರದ ಅವಧಿಯಲ್ಲಿ, ಬುಡಕಟ್ಟು ಕಲ್ಯಾಣಕ್ಕಾಗಿ ಪ್ರತ್ಯೇಕ ಸಚಿವಾಲಯ ಮತ್ತು ಬಜೆಟ್ ಮೀಸಲಿಡಲಾಗಿತ್ತು. ನಮ್ಮ ಸರ್ಕಾರದ ಅಡಿ, ಬುಡಕಟ್ಟು ಕಲ್ಯಾಣಕ್ಕಾಗಿ ಹಿಂದಿನ ಅವಧಿಗಳಿಗೆ ಹೋಲಿಸಿದರೆ ಬಜೆಟ್ 6 ಪಟ್ಟು ಹೆಚ್ಚಾಗಿದೆ. ಬುಡಕಟ್ಟು ನ್ಯಾಯದ ಮೇಲೆ ಗಮನ ಕೇಂದ್ರೀಕರಿಸುವ ಈ ಉಪಕ್ರಮಕ್ಕೆ ಪಿಎಂ-ಜನ್ಮನ್ ಎಂದು ಹೆಸರಿಸಲಾಗಿದೆ. ಇದು ಹಿಂದೆಂದೂ ತಲುಪದ ನಮ್ಮ ಬುಡಕಟ್ಟು ಸಹೋದರ ಸಹೋದರಿಯರನ್ನು ತಲುಪುವ ಸ್ಪಷ್ಟ ಗುರಿ ಹೊಂದಿರುವ ಅಭಿಯಾನವಾಗಿದೆ. ಇವು ಪ್ರಾಚೀನ ಬುಡಕಟ್ಟುಗಳು, ಅವರಲ್ಲಿ ಅನೇಕರು ಇನ್ನೂ ಕಾಡುಗಳಲ್ಲಿ ವಾಸಿಸುತ್ತಿದ್ದಾರೆ. ಅವರು ರೈಲಿನ ಸದ್ದನ್ನು ಸಹ ಕೇಳಿಲ್ಲ. ರೈಲು ನೋಡಿದ್ದನ್ನು ಮರೆತುಬಿಟ್ಟಿದ್ದಾರೆ. ದೇಶಾದ್ಯಂತ 22,000ಕ್ಕೂ ಹೆಚ್ಚು ಹಳ್ಳಿಗಳಲ್ಲಿ 75ಕ್ಕೂ ಹೆಚ್ಚಿನ ಪ್ರಾಚೀನ ಬುಡಕಟ್ಟು ಸಮುದಾಯಗಳು ವಾಸಿಸುತ್ತಿವೆ. ನಮ್ಮ ಸರ್ಕಾರವು ಈ 75 ಆದಿವಾಸಿ ಬುಡಕಟ್ಟು ಸಮುದಾಯಗಳನ್ನು ಗುರುತಿಸಿದೆ. ಅವರು ಬುಡಕಟ್ಟು ಜನರಲ್ಲೇ ಅತ್ಯಂತ ನಿರ್ಲಕ್ಷ್ಯಕೆಕ ಒಳಗಾಗಿದ್ದಾರೆ. ಹಿಂದುಳಿದವರಲ್ಲಿ ಕೆಲವರು ತೀರಾ ಹಿಂದುಳಿದಿರುವಂತೆ ಆದಿವಾಸಿಗಳಲ್ಲಿ ಅವರು ಕೊನೆಯವರಾಗಿದ್ದಾರೆ. ದೇಶಾದ್ಯಂತ ಈ ಬುಡಕಟ್ಟು ಜನರ ಸಂಖ್ಯೆ ಲಕ್ಷ ಸಂಖ್ಯೆಗಳಲ್ಲಿದೆ. ಸ್ವಾತಂತ್ರ್ಯ ಬಂದು 75 ವರ್ಷಗಳಾದರೂ ಅತ್ಯಂತ ಹಿಂದುಳಿದ ಬುಡಕಟ್ಟು ಸಮುದಾಯಗಳಿಗೆ ಮೂಲ ಸೌಕರ್ಯಗಳು ಸಿಕ್ಕಿಲ್ಲ. ಈ ಬುಡಕಟ್ಟು ಸಮಾಜದ ಜನರಿಗೆ ಶಾಶ್ವತ ವಸತಿ ಕಲ್ಪಿಸಿಲ್ಲ. ಈ ಸಮುದಾಯದ ಹಲವು ತಲೆಮಾರುಗಳ ಮಕ್ಕಳು ಶಾಲೆಯ ಒಳಭಾಗವನ್ನೇ ನೋಡಿಲ್ಲ. ಈ ಸಮಾಜದ ಜನರ ಕೌಶಲ್ಯ ಅಭಿವೃದ್ಧಿಯ ಬಗ್ಗೆ ಯಾರೂ ಕಾಳಜಿ ವಹಿಸಲಿಲ್ಲ. ಆದ್ದರಿಂದ, ಈ ಬುಡಕಟ್ಟು ಸಮುದಾಯಗಳನ್ನು ತಲುಪಲು ಭಾರತ ಸರ್ಕಾರವು ವಿಶೇಷ ಅಭಿಯಾನವನ್ನು ಪ್ರಾರಂಭಿಸುತ್ತಿದೆ.

 

ಹಿಂದಿನ ಸರ್ಕಾರಗಳು ಅಸ್ತಿತ್ವದಲ್ಲಿರುವ ದತ್ತಾಂಶ ಅವಲಂಬಿಸಿ ಹತ್ತಿರವಿರುವ ಅಥವಾ ಈಗಾಗಲೇ ಅಧಿಕಾರ ಹೊಂದಿರುವವರೊಂದಿಗೆ ಸಂಪರ್ಕ ಸಾಧಿಸಲು ಗಮನ ಹರಿಸಿದವು. ಆದರೆ ನನಗೆ  ಕೇವಲ ಸಂಖ್ಯೆಗಳನ್ನು ಸಂಪರ್ಕಿಸುವ ಬಗ್ಗೆ ಆಸಕ್ತಿ ಇಲ್ಲ, ಅವರ ಜೀವನವನ್ನು ಸಂಪರ್ಕಿಸುವ ಬಗ್ಗೆ, ಅಸ್ತಿತ್ವಗಳನ್ನು ಒಟ್ಟಿಗೆ ನೇಯ್ಗೆ ಮಾಡುವುದಾಗಿದೆ. ಪ್ರತಿ ಜೀವನವನ್ನು ಚೈತನ್ಯದಿಂದ ತುಂಬುವುದು ಮತ್ತು ಪ್ರತಿ ಜೀವನದಲ್ಲಿ ತಾಜಾ ಚೈತನ್ಯ ತುಂಬುವುದಾಗಿದೆ. ಈ ಗುರಿ ಮನಸ್ಸಿನಲ್ಲಿ ಇಟ್ಟುಕೊಂಡು, ಇಂದು ಪ್ರಧಾನ ಮಂತ್ರಿ ಜನ್ ಜಾತೀಯ ಆದಿವಾಸಿ ನ್ಯಾಯ ಮಹಾಅಭಿಯಾನ ಅಥವಾ ಪಿಎಂ ಜನ್ಮನ್ ಆರಂಭವಾಗಿದೆ. ನಾವು ರಾಷ್ಟ್ರಗೀತೆ ಹಾಡುತ್ತಿದ್ದಂತೆ, ಇಂದು ನಾನು ಈ ಮಹಾನ್ ಅಭಿಯಾನ ಪಿಎಂ-ಜನ್ಮನ್ ಪ್ರಾರಂಭಿಸುತ್ತಿದ್ದೇನೆ. ಈ ಬೃಹತ್ ಅಭಿಯಾನಕ್ಕಾಗಿ ಭಾರತ ಸರ್ಕಾರ 24 ಸಾವಿರ ಕೋಟಿ ರೂಪಾಯಿ ಖರ್ಚು ಮಾಡಲು ಸಿದ್ಧವಾಗಿದೆ.

ಸ್ನೇಹಿತರೆ,

ಈ ಮಹಾ ಅಭಿಯಾನಕ್ಕಾಗಿ ನಾನು ಗೌರವಾನ್ವಿತ ರಾಷ್ಟ್ರಪತಿ ದ್ರೌಪದಿ ಮುರ್ಮು ಜಿ ಅವರಿಗೆ ವಿಶೇಷ ಕೃತಜ್ಞತೆ ವ್ಯಕ್ತಪಡಿಸಲು ಬಯಸುತ್ತೇನೆ. ನಾವು ಅವರ ವೀಡಿಯೊ ಸಂದೇಶ ಕೇಳಿದ್ದೇವೆ. ಅವರು ಇಲ್ಲಿ ಜಾರ್ಖಂಡ್‌ನಲ್ಲಿ ರಾಜ್ಯಪಾಲರಾಗಿ ಮತ್ತು ಹಿಂದೆ ಒಡಿಶಾದಲ್ಲಿ ಸಚಿವರಾಗಿ ಸೇವೆ ಸಲ್ಲಿಸಿದಾಗ, ಅವರು ಸಾಮಾಜಿಕ ಕಾರ್ಯಕರ್ತೆಯಾಗಿ ದಣಿವರಿಯದೆ ಕೆಲಸ ಮಾಡಿದರು. ದೂರದ ಪ್ರದೇಶಗಳಲ್ಲಿ ವಾಸಿಸುವ ಬುಡಕಟ್ಟು ಸಮುದಾಯಗಳನ್ನು ಮೇಲಕ್ಕೆತ್ತಲು ಅವರು ನಿರಂತರ ಪ್ರಯತ್ನಗಳನ್ನು ಮಾಡಿದರು. ರಾಷ್ಟ್ರಪತಿಯಾದ ನಂತರವೂ ಅವರು ರಾಷ್ಟ್ರಪತಿ ಭವನಕ್ಕೆ ಸಂಬಂಧಿಸಿದಂತೆ ಅಂತಹ ಗುಂಪುಗಳನ್ನು ಆಹ್ವಾನಿಸುವುದನ್ನು ಮುಂದುವರೆಸಿದರು, ಅವರ ಸಮಸ್ಯೆಗಳನ್ನು ಅರ್ಥ ಮಾಡಿಕೊಂಡಿದ್ದಾ ಮತ್ತು ಪರಿಹಾರಗಳನ್ನು ಚರ್ಚಿಸಿದ್ದಾರೆ. ಅವರ ಮಾರ್ಗದರ್ಶನ ಮತ್ತು ಸ್ಫೂರ್ತಿ ನಮಗೆ ಪ್ರಧಾನ ಮಂತ್ರಿ ಜನ್ಮನ್ - ಪ್ರಧಾನಮಂತ್ರಿ ಜನಜಾತಿ ಆದಿವಾಸಿ ನ್ಯಾಯ ಮಹಾಅಭಿಯಾನವನ್ನು ಯಶಸ್ಸಿನತ್ತ ಕೊಂಡೊಯ್ಯುತ್ತದೆ ಎಂಬ ವಿಶ್ವಾಸ ನನಗಿದೆ.

ನನ್ನ ಕುಟುಂಬದ ಸದಸ್ಯರೆ,

ನಮ್ಮ ರಾಷ್ಟ್ರಪತಿ ದ್ರೌಪದಿ ಮುರ್ಮು ಜಿ ಕೂಡ ಮಹಿಳಾ ನೇತೃತ್ವದ ಅಭಿವೃದ್ಧಿಯ ಪ್ರತೀಕ. ಕಳೆದ ಕೆಲವು ವರ್ಷಗಳಲ್ಲಿ ಭಾರತವು ಮಹಿಳಾ ಸಬಲೀಕರಣದ ಹಾದಿಯನ್ನು ಜಗತ್ತಿಗೆ ತೋರಿಸಿದ ರೀತಿ ಅಭೂತಪೂರ್ವವಾಗಿದೆ. ನಮ್ಮ ತಾಯಂದಿರು, ಸಹೋದರಿಯರು ಮತ್ತು ಹೆಣ್ಣು ಮಕ್ಕಳಿಗೆ ಸೌಲಭ್ಯಗಳು, ಭದ್ರತೆ, ಗೌರವ, ಆರೋಗ್ಯ ಮತ್ತು ಉದ್ಯೋಗಾವಕಾಶಗಳನ್ನು ಖಚಿತಪಡಿಸಿಕೊಳ್ಳಲು ಈ ವರ್ಷಗಳನ್ನು ಮೀಸಲಿಡಲಾಗಿದೆ. ಕ್ರೀಡೆಯಲ್ಲಿ ಹೆಸರು ಗಳಿಸುತ್ತಿರುವ ಜಾರ್ಖಂಡ್‌ನ ಹೆಣ್ಣು ಮಕ್ಕಳು ನಮಗೆ ಹೆಮ್ಮೆ ತಂದಿದ್ದಾರೆ. ನಮ್ಮ ಸರ್ಕಾರ ಮಹಿಳೆಯರಿಗಾಗಿ ಅವರ ಜೀವನದ ಪ್ರತಿಯೊಂದು ಹಂತವನ್ನು ಗಮನದಲ್ಲಿಟ್ಟುಕೊಂಡು ಯೋಜನೆಗಳನ್ನು ರೂಪಿಸಿದೆ. ಬೇಟಿ ಬಚಾವೋ ಬೇಟಿ ಪಢಾವೊ ಉಪಕ್ರಮದಿಂದ ಹೆಣ್ಣು ಮಕ್ಕಳ ಸಂಖ್ಯೆ ಹೆಚ್ಚಿದ್ದು, ಶಾಲೆಗಳಲ್ಲಿ ವಿದ್ಯಾರ್ಥಿನಿಯರ ದಾಖಲಾತಿಯಲ್ಲಿ ಹೆಚ್ಚಳವಾಗಿದೆ. ಸರಕಾರಿ ಶಾಲೆಗಳಲ್ಲಿ ವಿದ್ಯಾರ್ಥಿನಿಯರಿಗೆ ಪ್ರತ್ಯೇಕ ಶೌಚಾಲಯ ನಿರ್ಮಾಣದಿಂದ ಶಾಲೆ ತೊರೆಯುವ ಅನಿವಾರ್ಯತೆ ಕಡಿಮೆಯಾಗಿದೆ.

ಪ್ರಧಾನ ಮಂತ್ರಿ ಆವಾಸ್ ಯೋಜನೆಯಡಿ ಲಕ್ಷಾಂತರ ಕುಟುಂಬಗಳು ಮಹಿಳೆಯರ ಹೆಸರಿನಲ್ಲಿ ನೋಂದಣಿಯಾಗಿದ್ದು, ಮೊದಲ ಬಾರಿಗೆ ಅವರ ಹೆಸರಿನಲ್ಲಿ ಆಸ್ತಿ ನೋಂದಣಿ ಮಾಡಲಾಗುತ್ತಿದೆ. ಸೈನಿಕ ಶಾಲೆ ಮತ್ತು ಡಿಫೆನ್ಸ್ ಅಕಾಡೆಮಿಗೆ ಪ್ರಥಮ ಬಾರಿಗೆ ಬಾಲಕಿಯರಿಗಾಗಿ ಪ್ರವೇಶ ತೆರೆಯಲಾಗಿದೆ. ನನ್ನ ಹೆಣ್ಣು ಮಕ್ಕಳು ಸೇರಿದಂತೆ ನನ್ನ ದೇಶದ ಶೇಕಡ 70ರಷ್ಟು ಮಹಿಳೆಯರು ಮುದ್ರಾ ಯೋಜನೆಯಡಿ ಯಾವುದೇ ಜಾಮೀನು ಇಲ್ಲದೆ ಸಾಲ ಪಡೆಯುತ್ತಿದ್ದಾರೆ. ಮಹಿಳಾ ಸ್ವಸಹಾಯ ಸಂಘಗಳಿಗೂ ಇಂದು ಸರಕಾರದಿಂದ ಗಣನೀಯ ಆರ್ಥಿಕ ನೆರವು ದೊರೆಯುತ್ತಿದೆ. ಲಕ್ಪತಿ(ಲಕ್ಷಾಧಿಪತಿ) ದೀದಿ ಅಭಿಯಾನದ ಬಗ್ಗೆ ಹೇಳಿದಾಗ ಹಲವಾರು ಜನರ ತಲೆ ತಿರುಗಲು ಪ್ರಾರಂಭಿಸುತ್ತದೆ.

 

2 ಕೋಟಿ ಮಹಿಳೆಯರನ್ನು ಲಕ್ಪತಿ ದೀದಿಗಳನ್ನಾಗಿ ಮಾಡುವುದು ನನ್ನ ಕನಸು, ಸ್ವಸಹಾಯ ಸಂಘಗಳನ್ನು ನಡೆಸುತ್ತಿರುವ 2 ಕೋಟಿ ಮಹಿಳೆಯರನ್ನು ಲಕ್ಪತಿ ದೀದಿಗಳಾಗಲು ಸಬಲೀಕರಣಗೊಳಿಸುವುದು. ಕೆಲವೇ ತಿಂಗಳ ಹಿಂದೆ, ನಮ್ಮ ಸರ್ಕಾರವು ವಿಧಾನಸಭೆ ಮತ್ತು ಸಂಸತ್ತು ಎರಡರಲ್ಲೂ ಮಹಿಳೆಯರಿಗೆ ಮೀಸಲಾತಿ ನೀಡುವ ನಾರಿ ಶಕ್ತಿ ವಂದನ್ ಅಧಿನಿಯಂ ಅಂಗೀಕರಿಸಿತು. ಇಂದು ಭಾಯಿ ದೂಜ್‌ನ ಶುಭ ಸಂದರ್ಭವೂ ಆಗಿದೆ. ಈ ಸಹೋದರನು ತನ್ನ ಸಹೋದರಿಯರ ಅಭಿವೃದ್ಧಿಯಲ್ಲಿನ ಪ್ರತಿಯೊಂದು ಅಡೆತಡೆಗಳನ್ನು ತೆಗೆದುಹಾಕುವುದನ್ನು ಮುಂದುವರಿಸುತ್ತೇನೆ ಎಂದು ದೇಶದ ಎಲ್ಲಾ ಸಹೋದರಿಯರಿಗೆ ಭರವಸೆ ನೀಡುತ್ತಾನೆ. ನಿಮ್ಮ ಸಹೋದರನು ನಿಮ್ಮ ಕಷ್ಟಗಳ ವಿಮೋಚನೆಗಾಗಿ ಅವಿರತವಾಗಿ ಶ್ರಮಿಸುತ್ತಾನೆ. ಮಹಿಳಾ ಶಕ್ತಿಯ ‘ಅಮೃತ’ ಆಧಾರಸ್ತಂಭವು ವಿಕ್ಷಿತ್ ಭಾರತ ನಿರ್ಮಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ.

ನನ್ನ ಕುಟುಂಬದ ಸದಸ್ಯರೆ,

ಕೇಂದ್ರ ಸರ್ಕಾರವು ವಿಕ್ಷಿತ್ ಭಾರತ್ ಕಡೆಗಿನ ಪ್ರಯಾಣದಲ್ಲಿ ಪ್ರತಿಯೊಬ್ಬ ವ್ಯಕ್ತಿಯ ಸಾಮರ್ಥ್ಯವನ್ನು ಬಳಸಿಕೊಳ್ಳಲು ಬದ್ಧವಾಗಿದೆ. 2 ತಿಂಗಳ ಹಿಂದೆಯಷ್ಟೇ ನಾವು ಪ್ರಧಾನ ಮಂತ್ರಿ ವಿಶ್ವಕರ್ಮ ಯೋಜನೆ ಆರಂಭಿಸಿದ್ದೇವೆ. ಪಾರಂಪರಿಕ ಕೌಶಲದಲ್ಲಿ ತೊಡಗಿರುವವರನ್ನು ಉನ್ನತೀಕರಿಸಲು ಸರ್ಕಾರ ಪ್ರಯತ್ನ ನಡೆಸಿದೆ. ನೀವು ಕುಂಬಾರರು, ಕಮ್ಮಾರರು, ಬಡಗಿ, ಅಕ್ಕಸಾಲಿಗರು, ಹೂಮಾಲೆ ಮಾಡುವವರು, ಕಲ್ಲುಕುಟಿಗರು, ನೇಕಾರರು, ಅಥವಾ ಬಟ್ಟೆ ಒಗೆಯುವುದು, ಹೊಲಿಗೆ, ಪಾದರಕ್ಷೆ ತಯಾರಿಕೆಯಲ್ಲಿ ತೊಡಗಿರುವವರು ಇರಬಹುದು - ಇವರೇ ನಮ್ಮ ಜೊತೆಗಾರರು, ನಮ್ಮ ವಿಶ್ವಕರ್ಮ ಸಹಚರರು. ಈ ಯೋಜನೆಯಡಿ, ನಮ್ಮ ವಿಶ್ವಕರ್ಮ ಸಹೋದರರು  ಆಧುನಿಕ ತರಬೇತಿ, ತರಬೇತಿ ಸಮಯದಲ್ಲಿ ಹಣಕಾಸಿನ ನೆರವು, ಹೊಸ ಮತ್ತು ಸುಧಾರಿತ ಪರಿಕರಗಳ ಪ್ರವೇಶ ಮತ್ತು ಹೊಸ ತಂತ್ರಜ್ಞಾನ ಪಡೆಯುತ್ತಾರೆ. ಈ ಯೋಜನೆಗೆ ಸರ್ಕಾರ 13,000 ಕೋಟಿ ರೂಪಾಯಿ ವೆಚ್ಚ ಮಾಡಲಿದೆ.

ನನ್ನ ಕುಟುಂಬದ ಸದಸ್ಯರೆ,

ಇಂದು ಪಿಎಂ ಕಿಸಾನ್ ಸಮ್ಮಾನ್ ನಿಧಿಯ 15ನೇ ಕಂತು ಬಿಡುಗಡೆಯಾಗಿದ್ದು, ಒಟ್ಟು 2 ಲಕ್ಷ 75 ಸಾವಿರ ಕೋಟಿ ರೂಪಾಯಿ ದಾಟಿದೆ. ಇದನ್ನು ದೇಶಾದ್ಯಂತ ಲಕ್ಷಾಂತರ ರೈತರ ಖಾತೆಗಳಿಗೆ ಕಳುಹಿಸಲಾಗಿದೆ. ನಿಮ್ಮ ನಡುವೆ ರೈತರಿದ್ದರೆ, ನಿಮ್ಮ ಖಾತೆಗೆ 2,000 ರೂಪಾಯಿ ಜಮೆಯಾಗಿದೆ ಎಂದು ಈಗಾಗಲೇ ನಿಮ್ಮ ಮೊಬೈಲ್ ಫೋನ್‌ಗೆ ಸಂದೇಶ ಬಂದಿರಬಹುದು. ಇದರಲ್ಲಿ ಮಧ್ಯವರ್ತಿಗಳಿಲ್ಲ, ಇದು ಮೋದಿ ಅವರೊಂದಿಗೆ ನೇರ ಸಂಪರ್ಕ. ಈ ಹಿಂದೆ ಆಗಾಗ ಕಡೆಗಣಿಸಲ್ಪಡುತ್ತಿದ್ದ ರೈತರ ಬಗ್ಗೆ ಸರಕಾರ ಈಗ ಅವರ ಬೇಕು ಬೇಡಗಳತ್ತ ಗಮನ ಹರಿಸುತ್ತಿದೆ. ಕಿಸಾನ್ ಕ್ರೆಡಿಟ್ ಕಾರ್ಡ್‌ನ ಪ್ರಯೋಜನಗಳನ್ನು ಜಾನುವಾರು ಮತ್ತು ಮೀನುಗಾರಿಕೆ ರೈತರಿಗೆ ವಿಸ್ತರಿಸಿದ್ದು ನಮ್ಮ ಸರ್ಕಾರ. ಜಾನುವಾರುಗಳಿಗೆ ಉಚಿತ ಲಸಿಕೆ ಹಾಕಲು ನಮ್ಮ ಸರ್ಕಾರ 15,000 ಕೋಟಿ ರೂಪಾಯಿ ಖರ್ಚು ಮಾಡಿದೆ. ಕೊರೊನಾ ಸಾಂಕ್ರಾಮಿಕ ಸಮಯದಲ್ಲಿ ಉಚಿತ ಲಸಿಕೆಗೆ ಸಾವಿರಾರು ಕೋಟಿ ರೂ. ವೆಚ್ಚ ಮಾಡಿದೆ. ನಿಮ್ಮ ಕುಟುಂಬದ ಪ್ರತಿಯೊಂದು ಜೀವ ಉಳಿಸಲು ಸಕಲ ಪ್ರಯತ್ನ ಮಾಡಲಾಗಿದೆ. ಅಷ್ಟೇ ಅಲ್ಲ, ಪ್ರಾಣಿಗಳಿಗೆ ಉಚಿತ ಲಸಿಕೆ ಹಾಕಲು ಹೆಚ್ಚುವರಿಯಾಗಿ 15,000 ಕೋಟಿ ರೂ. ಒದಗಿಸಲಾಗಿದೆ. ಈ ಯೋಜನೆಯ ಸದುಪಯೋಗ ಪಡೆದುಕೊಳ್ಳಬೇಕು. ಸರಕಾರವೂ ಮೀನು ಸಾಕಣೆಗೆ ಉತ್ತೇಜನ ನೀಡುತ್ತಿದೆ. ಇಲ್ಲಿ ನಾನು ಭೇಟಿ ನೀಡಿದ ಪ್ರದರ್ಶನವಿದೆ. ಪ್ರಸ್ತುತ ಒಂದೂವರೆಯಿಂದ 2 ಲಕ್ಷ ರೂಪಾಯಿ ಮೌಲ್ಯದ ಮೀನುಗಳ ಪ್ರದರ್ಶನ ಏರ್ಪಡಿಸಲಾಗುತ್ತಿದ್ದು, ಅವುಗಳಿಂದ ಮುತ್ತುಗಳನ್ನು ತಯಾರಿಸುವಲ್ಲಿ ಜನರು ತೊಡಗಿದ್ದಾರೆ. ಅವರಿಗೆ ಮತ್ಸ್ಯ ಸಂಪದ ಯೋಜನೆ ಮೂಲಕ ಆರ್ಥಿಕ ಸಹಾಯವನ್ನೂ ನೀಡುತ್ತಿದ್ದೇವೆ. ಸರ್ಕಾರದ ಪ್ರಯತ್ನಗಳು 10,000 ಹೊಸ ರೈತ ಉತ್ಪಾದಕ ಸಂಸ್ಥೆಗಳ (ಎಫ್‌ಪಿಒ) ರಚನೆಗೆ ಕಾರಣವಾಗಿವೆ. ರೈತರಿಗೆ ವೆಚ್ಚ ಕಡಿಮೆ ಮಾಡುವಲ್ಲಿ ಮತ್ತು ಮಾರುಕಟ್ಟೆಗಳಿಗೆ ಸುಲಭವಾಗಿ ಪ್ರವೇಶಿಸಲು ಇದು ಮಹತ್ವದ ಪಾತ್ರ ವಹಿಸುತ್ತಿದೆ. ಸರಕಾರದ ಪ್ರಯತ್ನದಿಂದಾಗಿ ಈ ವರ್ಷ ಅಂತಾರಾಷ್ಟ್ರೀಯ ಸಿರಿಧಾನ್ಯ ವರ್ಷ ಆಚರಿಸಲಾಗುತ್ತಿದೆ. ಸಿರಿಧಾನ್ಯಗಳನ್ನು ಗುರುತಿಸಲು ಮತ್ತು ಅವುಗಳನ್ನು 'ಶ್ರೀ ಅನ್ನ' ಎಂದು ಬ್ರಾಂಡ್ ಮಾಡುವ ಮೂಲಕ ಅವುಗಳು ಅಂತಾರಾಷ್ಟ್ರೀಯ ಮಾರುಕಟ್ಟೆಗಳ ಪ್ರವೇಶ ಖಚಿತಪಡಿಸಿಕೊಳ್ಳಲು ಪ್ರಯತ್ನಗಳನ್ನು ಮಾಡಲಾಗುತ್ತಿದೆ. ಇದರಿಂದ ನಮ್ಮ ಆದಿವಾಸಿ ಸಹೋದರ ಸಹೋದರಿಯರಿಗೂ ಅನುಕೂಲವಾಗಲಿದೆ.

ಸ್ನೇಹಿತರು,

ಸರ್ಕಾರದ ಪ್ರಯತ್ನಗಳು ಜಾರ್ಖಂಡ್‌ನಂತಹ ರಾಜ್ಯಗಳಲ್ಲಿ ನಕ್ಸಲ್ ಹಿಂಸಾಚಾರವನ್ನು ಗಣನೀಯವಾಗಿ ಕಡಿಮೆ ಮಾಡಲು ಕಾರಣವಾಗಿವೆ. ಜಾರ್ಖಂಡ್ ಒಂದು ಅಥವಾ ಎರಡು ವರ್ಷಗಳಲ್ಲಿ ತನ್ನ 25 ನೇ ವಾರ್ಷಿಕೋತ್ಸವವನ್ನು ಸಮೀಪಿಸುತ್ತಿರುವಂತೆ, ಇದು ನಿಜವಾಗಿಯೂ ರಾಜ್ಯಕ್ಕೆ ಸ್ಪೂರ್ತಿದಾಯಕ ಸಮಯವಾಗಿದೆ. ಈ ಮೈಲಿಗಲ್ಲು ಜಾರ್ಖಂಡ್‌ನಲ್ಲಿ 25 ಹೊಸ ಯೋಜನೆಗಳ ಪ್ರಾರಂಭಕ್ಕೆ ವೇಗವರ್ಧಕವಾಗಿದೆ. ಈ 25 ಯೋಜನೆಗಳಿಗೆ ಮಹತ್ವಾಕಾಂಕ್ಷೆಯ ಗುರಿಗಳನ್ನು ಹೊಂದಿಸಲು ನಾನು ಜಾರ್ಖಂಡ್ ಸರ್ಕಾರ ಮತ್ತು ರಾಜ್ಯದ ಎಲ್ಲಾ ನಾಯಕರನ್ನು ಪ್ರೋತ್ಸಾಹಿಸುತ್ತೇನೆ. ಇದು ರಾಜ್ಯವನ್ನು ಹೊಸ ಎತ್ತರಕ್ಕೆ ಕೊಂಡೊಯ್ಯುತ್ತದೆ, ಅದರ ಜನರಿಗೆ ಜೀವನವನ್ನು ಸುಲಭಗೊಳಿಸುತ್ತದೆ. ನಮ್ಮ ಸರ್ಕಾರ ಶಿಕ್ಷಣ ಮತ್ತು ಯುವಜನರಿಗೆ ಅವಕಾಶ ಕಲ್ಪಿಸಲು ಬದ್ಧವಾಗಿದೆ. ರಾಷ್ಟ್ರೀಯ ಶಿಕ್ಷಣ ನೀತಿಯ ಅನುಷ್ಠಾನದೊಂದಿಗೆ, ವಿದ್ಯಾರ್ಥಿಗಳು ಈಗ ತಮ್ಮ ಮಾತೃಭಾಷೆಯಲ್ಲಿ ವೈದ್ಯಕೀಯ ಮತ್ತು ಎಂಜಿನಿಯರಿಂಗ್ ಅಧ್ಯಯನವನ್ನು ಮುಂದುವರಿಸಲು ಆಯ್ಕೆಯನ್ನು ಹೊಂದಿದ್ದಾರೆ. ಕಳೆದ ಒಂಬತ್ತು ವರ್ಷಗಳಲ್ಲಿ, ದೇಶಾದ್ಯಂತ 300 ಕ್ಕೂ ಹೆಚ್ಚು ವಿಶ್ವವಿದ್ಯಾಲಯಗಳು ಮತ್ತು 5,500 ಕ್ಕೂ ಹೆಚ್ಚು ಹೊಸ ಕಾಲೇಜುಗಳನ್ನು ಸ್ಥಾಪಿಸಲಾಗಿದೆ. ಡಿಜಿಟಲ್ ಇಂಡಿಯಾ ಅಭಿಯಾನವು ಯುವಕರಿಗೆ ಹೊಸ ಅವಕಾಶಗಳನ್ನು ತೆರೆದಿದೆ ಮತ್ತು ಹಳ್ಳಿಗಳಲ್ಲಿನ ಸಾಮಾನ್ಯ ಸೇವಾ ಕೇಂದ್ರಗಳಲ್ಲಿ ಸಾವಿರಾರು ಜನರು ಉದ್ಯೋಗವನ್ನು ಕಂಡುಕೊಂಡಿದ್ದಾರೆ. ಒಂದು ಲಕ್ಷಕ್ಕೂ ಹೆಚ್ಚು ಸ್ಟಾರ್ಟ್‌ಅಪ್‌ಗಳೊಂದಿಗೆ, ಭಾರತ್ ವಿಶ್ವದ ಮೂರನೇ ಅತಿದೊಡ್ಡ ಸ್ಟಾರ್ಟ್‌ಅಪ್ ಪರಿಸರ ವ್ಯವಸ್ಥೆಯಾಗಿದೆ. ಇಂದು, ಐಐಎಂ ರಾಂಚಿಯಲ್ಲಿ ಹೊಸ ಕ್ಯಾಂಪಸ್ ಮತ್ತು ಐಐಟಿ-ಐಎಸ್‌ಎಂ ಧನ್‌ಬಾದ್‌ನಲ್ಲಿ ಹೊಸ ಹಾಸ್ಟೆಲ್ ಕೂಡ ಉದ್ಘಾಟನೆಗೊಂಡಿದೆ.

ಸ್ನೇಹಿತರೆ,

‘ಅಮೃತ ಕಾಲ’ದ 4 ‘ಅಮೃತ’ ಸ್ತಂಭಗಳು - ನಮ್ಮ ಮಹಿಳಾ ಶಕ್ತಿ, ನಮ್ಮ ಯುವ ಶಕ್ತಿ, ನಮ್ಮ ಕೃಷಿ ಶಕ್ತಿ ಮತ್ತು ನಮ್ಮ ಬಡ ಮತ್ತು ಮಧ್ಯಮ ವರ್ಗದ ಸಬಲೀಕರಣವು ನಿಸ್ಸಂದೇಹವಾಗಿ ಭಾರತವನ್ನು ಹೊಸ ಎತ್ತರಕ್ಕೆ ಕೊಂಡೊಯ್ದು, ಅಭಿವೃದ್ಧಿ ಹೊಂದಿದ ರಾಷ್ಟ್ರ ನಿರ್ಮಿಸುತ್ತದೆ. ಈ ಯೋಜನೆಗಳಿಗೆ, ರಾಷ್ಟ್ರ ನಿರ್ಮಾಣ ಅಭಿಯಾನಗಳಿಗೆ ನಾನು ಮತ್ತೊಮ್ಮೆ ನಿಮ್ಮೆಲ್ಲರಿಗೂ ಆಹ್ವಾನ ನೀಡುತ್ತೇನೆ. ನಿಮ್ಮೆಲ್ಲರಿಗೂ ಅಭಿನಂದನೆಗಳು!

ನಾನು "ಭಗವಾನ್ ಬಿರ್ಸಾ ಮುಂಡಾ" ಎಂದು ಹೇಳುತ್ತೇನೆ – ನಂತರ ನೀವು "ಅಮರ್ ರಹೇ, ಅಮರ್ ರಹೇ" ಎಂದು ಹೇಳಿ.

ಭಗವಾನ್ ಬಿರ್ಸಾ ಮುಂಡಾ - ಅಮರ್ ರಹೇ, ಅಮರ್ ರಹೇ!

ಭಗವಾನ್ ಬಿರ್ಸಾ ಮುಂಡಾ - ಅಮರ್ ರಹೇ, ಅಮರ್ ರಹೇ!

ನಿಮ್ಮ ಎರಡೂ ಕೈಗಳನ್ನು ಮೇಲಕ್ಕೆತ್ತಿ ಪೂರ್ಣ ಬಲದಿಂದ ಹೇಳಿ:

ಭಗವಾನ್ ಬಿರ್ಸಾ ಮುಂಡಾ - ಅಮರ್ ರಹೇ, ಅಮರ್ ರಹೇ!

ಭಗವಾನ್ ಬಿರ್ಸಾ ಮುಂಡಾ - ಅಮರ್ ರಹೇ, ಅಮರ್ ರಹೇ!

ಭಗವಾನ್ ಬಿರ್ಸಾ ಮುಂಡಾ - ಅಮರ್ ರಹೇ, ಅಮರ್ ರಹೇ!

ಭಗವಾನ್ ಬಿರ್ಸಾ ಮುಂಡಾ - ಅಮರ್ ರಹೇ, ಅಮರ್ ರಹೇ!

ತುಂಬು ಧನ್ಯವಾದಗಳು!

 

Explore More
77ನೇ ಸ್ವಾತಂತ್ರ್ಯ ದಿನಾಚರಣೆಯ ಸಂದರ್ಭದಲ್ಲಿ ಕೆಂಪು ಕೋಟೆಯ ಕೊತ್ತಲದಿಂದ ರಾಷ್ಟ್ರವನ್ನು ಉದ್ದೇಶಿಸಿ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ಮಾಡಿದ ಭಾಷಣದ ಕನ್ನಡ ಪಠ್ಯಾಂತರ

ಜನಪ್ರಿಯ ಭಾಷಣಗಳು

77ನೇ ಸ್ವಾತಂತ್ರ್ಯ ದಿನಾಚರಣೆಯ ಸಂದರ್ಭದಲ್ಲಿ ಕೆಂಪು ಕೋಟೆಯ ಕೊತ್ತಲದಿಂದ ರಾಷ್ಟ್ರವನ್ನು ಉದ್ದೇಶಿಸಿ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರು ಮಾಡಿದ ಭಾಷಣದ ಕನ್ನಡ ಪಠ್ಯಾಂತರ
India to complete largest defence export deal; BrahMos missiles set to reach Philippines

Media Coverage

India to complete largest defence export deal; BrahMos missiles set to reach Philippines
NM on the go

Nm on the go

Always be the first to hear from the PM. Get the App Now!
...
PM Modi's Dynamic Damoh rally in M.P. ahead of the Lok Sabha elections
April 19, 2024
During the COVID pandemic, our government ensured the well-being of all & worked with the spirit of 'Nation First.'
Amidst global uncertainty, even our neighbouring country, the supplier of terror, is struggling for necessities, but India is on the path of significant progress.
Congress was against the Atmanirbharta of India in the defence sector
Rani Damyanti is the brave symbol of Damoh's Nari Shakti
I.N.D.I alliance called all people worshipping Shri Ram's Surya Tilak as 'Hypocrites.'

Ahead of the upcoming Lok Sabha elections, PM Modi addressed a dynamic rally in Damoh, MP. He said that voting is our duty and that all must vote in the upcoming Lok Sabha elections.

Regarding the importance of the Lok Sabha elections, PM Modi said, "India needs a government that can navigate it through times of war." He added that the people must vote for a strong government that can secure the future of India. He said, "During the COVID pandemic, our government ensured the well-being of all & worked with the spirit of 'Nation First'." He said that only a strong government can ensure the same. He said, "Amidst global uncertainty, even our neighbouring country, the supplier of terror, is struggling for basic necessities, but India is on the path of great progress." He said that all this has been possible owing to the decisive vote of the people.

Highlighting how Congress weakened India's defence sector, PM Modi said, "For decades, Congress weakened India's defence sector." He added that the Congress stalled various defence deals including the Rafale and Tejas fighter. He said, "Congress was against the Atmanirbharta of India in the defence sector." He said “India's defence exports today are worth Rs. 21,000 crores and that India will soon export BrahMos missile to other countries.”

Elaborating on Modi's guarantee, PM Modi said "Modi guarantees to enable the last-mile reach of development of all & Modi's guarantee is the fulfilment of all guarantees." He said, "Har Ghar Jal' & 'Har Khet ko Pani' is Modi's priority." He said, "The Pancham Nagar Yojana aims to provide Har Ghar Jal' & 'Har Khet ko Pani'." He added, "The Mudra Yojana has benefitted the deprived sections such as the Dalits, Poor and the Janjatiyas in easily availing of loans.

Showcasing the brave Nari Shakti of MP and India, PM Modi said, "Rani Damyanti is the brave symbol of Damoh's Nari Shakti." He added that our model of governance has always prioritized Nari Shakti. He said that be it toilets, drinking water, or cooking gas, we have aimed to facilitate the empowerment of Nari Shakti. He added, "Unlike previous times, Nari Shakti today own houses, 10 crore are part of various S.H.G.s, and 1 crore have become Lakhpati Didis."

Lamenting the I.N.D.I alliance, PM Modi said, "Modi's guarantee has given sleepless nights to the I.N.D.I alliance." He added, "Bundelkhand is the land of 'Ram Rajya' & Rashtrabhakti." He said that despite this, the I.N.D.I alliance boycotted the Pran-Pratishtha of Shri Ram and compared 'Sanatana' with 'Dengue & Malaria'. He added, "I.N.D.I alliance called all people worshipping Shri Ram's Surya Tilak 'Hypocrites'."

In conclusion, PM Modi remarked that voting for the I.N.D.I alliance will not fetch anybody anything, while a vote for the BJP-NDA will enable the creation of a 'Viksit Bharat' and an India that will cater to the needs of all sections in the future. He also thanked the people of Damoh for their overwhelming support and expressed his confidence in their support of the BJP-NDA for the upcoming Lok Sabha elections.