શ્રી મોદી 3-ડી ટેકનીકનો પ્રયોગ કરીને ગુજરાતના 52 સ્થળોએ એકસાથે લોકોને સંબોધન કરશે.

તે જ માધ્યમના ઉપયોગ દ્વારા 4 શહેરોમાં લોકોને અને ત્યારબાદ 26 સ્થળોએ લોકોને સંબોધન કર્યા બાદ આમ બનવા જઈ રહ્યું છે.  

આ અતિઆધુનિક ટેકનીકના પ્રયોગ દ્વારા જોવા-સાંભળવાવાળાને લાગે કે વ્યક્તિ હકીકતમાં તેમની સામે છે અને એટલે સુધી કે તેઓ ‘આભાસી વ્યક્તિ’ સાથે   વાતચીત પણ કરી શકે છે, એવી જ રીતે જાણે કે તેઓ એક અસલી વ્યક્તિ સાથે વાતચીત કરતા હોય, જેમાં 3-ડી ચશ્મા પહેરવાની આવશ્યકતા જ નથી રહેતી. ત્યારબાદ, 3-ડીપ્રોજેક્શન ટેકનીકને અન્ય શહેરોમાં પણ દોહરાવવામાં આવશે. 

18 નવેમ્બર 2012 ની સાંજે શ્રી નરેન્દ્ર મોદી પ્રથમ વખત ગુજરાતના ચાર શહેરોના લોકોની સાથે 3-ડી ટેકનીકના માધ્યમ દ્વારા જોડાયા હતા. આ વાતચીત તરત જ સફળ થઈ અને કેટલાય લોકોએ શ્રી મોદીનું પ્રેરણાદાયી ભાષણ સાંભળ્યું.

ત્યારબાદ, 29 નવેમ્બર 2012 ના રોજ શ્રી મોદીએ 26 સ્થળોએ (15 જિલ્લાને જોડીને) લોકોને 3-ડી પ્રોજેક્શન ટેકનીકનો પ્રયોગ કરતા સંબોધન કર્યું. તેને ખૂબ મોટા પાયા પર કર્યું હતું અને તેનો પ્રતિસાદ અભૂતપૂર્વ રહ્યો. 

તેનાથી એક વાત ફરીથી જાહેર થઈ જાય છે કે જ્યારે આધુનિક ટેકનીકનો ઉપયોગ કરીને લોકો સુધી પહોંચવાની વાત આવે ત્યારે શ્રી મોદી બીજાઓ કરતા માઈલો આગળ છે. તેમણે જાતે કહ્યું હતું કે આવું પ્રથમવાર જ બન્યું છે અને ગુજરાત આવી ટેકનીક સ્વીકારનારું પ્રથમ રાજ્ય છે.   

3-ડી ટેકનીકના પ્રયોગ દ્વારા શ્રી મોદી જે સ્થળોએ લોકો સાથે વાત કરશે તેની યાદી નીચે મુજબ છે. :