પ્રધાનમંત્રી શ્રી નરેન્દ્ર મોદી 22 ફેબ્રુઆરી 2026 ના રોજ મેરઠ, ઉત્તર પ્રદેશની મુલાકાત લેશે. બપોરે આશરે 12:30 વાગ્યે, પ્રધાનમંત્રી શતાબ્દી નગર નમો ભારત સ્ટેશન પર મેરઠ મેટ્રો અને નમો ભારત ટ્રેનને લીલી ઝંડી બતાવી રવાના કરશે. ત્યાંથી, તેઓ મેરઠ દક્ષિણ સ્ટેશન સુધી મેટ્રોની સવારી કરશે. બપોરે આશરે 1 વાગ્યે, પ્રધાનમંત્રી મેરઠમાં આશરે ₹12,930 કરોડના વિવિધ વિકાસ પ્રોજેક્ટ્સનું ઉદ્ઘાટન અને રાષ્ટ્રને લોકાર્પણ કરશે. તેઓ આ પ્રસંગે જનમેદનીને સંબોધન પણ કરશે.
પ્રધાનમંત્રી સમગ્ર 82 કિમી લાંબો દિલ્હી-મેરઠ નમો ભારત કોરિડોર રાષ્ટ્રને સમર્પિત કરશે. તેઓ ભારતની પ્રથમ નમો ભારત રિજનલ રેપિડ ટ્રાન્ઝિટ સિસ્ટમ (RRTS) ના બાકીના વિભાગોનું ઉદ્ઘાટન કરશે. આમાં દિલ્હીમાં સરાઈ કાલે ખાન અને ન્યુ અશોક નગર વચ્ચેનો 5 કિમીનો વિભાગ અને ઉત્તર પ્રદેશમાં મેરઠ દક્ષિણ અને મોદીપુરમ વચ્ચેનો 21 કિમીનો વિભાગ સામેલ છે.
પ્રતિ કલાક 180 કિમીની ડિઝાઇન ઝડપ સાથે, નમો ભારત એ ભારતની પ્રથમ રિજનલ રેપિડ ટ્રાન્ઝિટ સિસ્ટમ છે. તે સાહિબાબાદ, ગાઝિયાબાદ, મોદીનગર અને મેરઠ જેવા મુખ્ય શહેરી કેન્દ્રોને દિલ્હી સાથે ઝડપી ગતિએ જોડશે.
સરાઈ કાલે ખાન, કોરિડોરનું પ્રારંભિક સ્ટેશન, આ ઉદ્ઘાટન સાથે કાર્યરત થનારા ચાર નમો ભારત સ્ટેશનોમાંનું એક છે. તે એક મુખ્ય મલ્ટી-મોડલ હબ તરીકે વ્યૂહાત્મક રીતે સ્થિત છે, જે હઝરત નિઝામુદ્દીન રેલવે સ્ટેશન, દિલ્હી મેટ્રોની પિંક લાઇન, વીર હકીકત રાય ISBT અને રિંગ રોડને એકીકૃત રીતે જોડે છે. અન્ય ત્રણ વધુ નમો ભારત સ્ટેશનો, શતાબ્દી નગર, બેગમપુલ અને મોદીપુરમ જે કાર્યરત થઈ રહ્યા છે તે મેરઠમાં છે.
પ્રધાનમંત્રી મેરઠ દક્ષિણ અને મોદીપુરમ વચ્ચે મેરઠ મેટ્રો સેવાઓનું પણ ઉદ્ઘાટન કરશે, જે દેશમાં આ પ્રકારની પ્રથમ પહેલમાં, નમો ભારતના સમાન ઈન્ફ્રાસ્ટ્રક્ચર પર કાર્યરત થશે. મેરઠ મેટ્રો આશરે 120 કિમી પ્રતિ કલાકની મહત્તમ ઓપરેશનલ ઝડપ સાથે ભારતની સૌથી ઝડપી મેટ્રો સિસ્ટમ હશે. મેટ્રો રસ્તામાં તમામ નિર્ધારિત સ્ટોપેજ સાથે માત્ર 30 મિનિટમાં સમગ્ર પટ્ટાને આવરી લેશે. સમાન ઈન્ફ્રાસ્ટ્રક્ચર પર નમો ભારત અને મેરઠ મેટ્રોનું આ સીમલેસ એકીકરણ હાઈ-સ્પીડ ઇન્ટરસિટી મુસાફરી અને ઝડપી ઇન્ટ્રા-સિટી હિલચાલ સુનિશ્ચિત કરશે, જે ભારતમાં સંકલિત શહેરી અને પ્રાદેશિક પરિવહન માટે એક બેન્ચમાર્ક સ્થાપિત કરશે. તે માર્ગ ટ્રાફિકને હળવો કરશે અને પરિણામે વાહનોના કાર્બન ડાયોક્સાઇડ ઉત્સર્જનમાં નોંધપાત્ર ઘટાડો લાવશે.
આ પ્રોજેક્ટ્સ શહેરી ગતિશીલતાને પરિવર્તિત કરવાના અને નાગરિકો માટે જીવન જીવવાની સરળતા (ease of living) માં સુધારો કરતી સીમલેસ, કાર્યક્ષમ, આધુનિક અને ટકાઉ જાહેર પરિવહન પ્રણાલીઓને સુનિશ્ચિત કરવાના પ્રધાનમંત્રીના વિઝનને વધુ વેગ આપશે.
उत्तर प्रदेश समेत देशभर में रेल कनेक्टिविटी के तेज विस्तार के लिए हम प्रतिबद्ध हैं। इसी दिशा में कल दोपहर करीब 12:30 बजे मेरठ में देश की सबसे तेज मेरठ मेट्रो और नमो भारत ट्रेन के उद्घाटन का सौभाग्य मिलेगा। इसके बाद नमो भारत रीजनल रैपिड ट्रांजिट सिस्टम के दूसरे खंडों के शुभारंभ के…
— Narendra Modi (@narendramodi) February 21, 2026
