પ્રધાનમંત્રી શ્રી નરેન્દ્ર મોદીએ 19 નવેમ્બરના રોજ રિયો ડી જાનેરોમાં G20 સમિટની સાથે સાથે બ્રાઝિલના રાષ્ટ્રપતિ મહામહિમ શ્રી લુઇઝ ઇનાસિયો લુલા દા સિલ્વા સાથે મુલાકાત કરી. પ્રધાનમંત્રીએ રાષ્ટ્રપતિ લુલાનો તેમના આતિથ્ય સત્કાર માટે આભાર માન્યો હતો અને બ્રાઝિલના G-20 અને IBSA પ્રેસિડન્સીની સફળતા બદલ તેમને અભિનંદન આપ્યા હતા. પ્રધાનમંત્રીએ ગરીબી અને ભૂખ સામે વૈશ્વિક જોડાણની સ્થાપના માટે બ્રાઝિલની પહેલની પ્રશંસા કરી અને તેના માટે ભારતનું મજબૂત સમર્થન વ્યક્ત કર્યુ હતું.
G-20 ટ્રોઇકાના સભ્ય તરીકે, પ્રધાનમંત્રીએ બ્રાઝિલના જી-20 એજન્ડા માટે ભારતના સમર્થનને પણ રેખાંકિત કર્યું હતું જે ટકાઉ વિકાસ અને વૈશ્વિક શાસન સુધારણા પર કેન્દ્રિત છે, જેણે વૈશ્વિક દક્ષિણની ચિંતાઓને પ્રાધાન્ય આપ્યું છે. તેમણે આવતા વર્ષે BRICS અને COP 30ના બ્રાઝિલના નેતૃત્વ માટે તેમની શુભેચ્છાઓ પાઠવી હતી અને તેમને ભારતના સંપૂર્ણ સમર્થનની ખાતરી આપી હતી.
બેઠક દરમિયાન, ભારત-બ્રાઝિલ વ્યૂહાત્મક ભાગીદારીને વધારવા પર પણ ચર્ચા કરવામાં આવી હતી, જેમાં કૃષિ, સંરક્ષણ, ડિજિટલ ટેકનોલોજી, પ્રવાસન, બાયોફ્યુઅલ, ફાર્માસ્યુટિકલ્સ અને અવકાશ જેવા ક્ષેત્રો પર ધ્યાન કેન્દ્રિત કરવામાં આવ્યું હતું.
બંને નેતાઓએ વૈશ્વિક અને પ્રાદેશિક મહત્વના મુદ્દાઓ પર પણ વિચાર વિનિમય કર્યો હતો.
Held talks with President Lula during the G20 Summit in Rio de Janeiro. Complimented him on various efforts of Brazil during their G20 Presidency. We took stock of the full range of bilateral ties between our nations and reaffirmed our commitment to improving cooperation in… pic.twitter.com/PIdCJtKg1Z
— Narendra Modi (@narendramodi) November 19, 2024
Conversei com o Presidente Lula durante a Cúpula do G20 no Rio de Janeiro e parabenizei o Brasil pelo excelente exercicio da Presidência do G20. Aprofundamos os laços entre as nossas nações e reafirmamos o nosso compromisso com a cooperação em diversos setores como os de… pic.twitter.com/Gc2vf7b2K1
— Narendra Modi (@narendramodi) November 19, 2024
