ભારતના પ્રધાનમંત્રી શ્રી નરેન્દ્ર મોદીએ આજે રિયો ડી જાનેરોમાં G20 સમિટ દરમિયાન ઇટાલિયન રિપબ્લિકના મંત્રી પરિષદના પ્રમુખ મહામહિમ જ્યોર્જિયા મેલોની સાથે મુલાકાત કરી હતી. છેલ્લા બે વર્ષમાં બંને પ્રધાનમંત્રી વચ્ચે આ પાંચમી મુલાકાત હતી. બંને નેતાઓ છેલ્લે જૂન 2024માં ઇટાલીના પુગલિયામાં પ્રધાનમંત્રી મેલોનીની અધ્યક્ષતામાં યોજાયેલી G7 સમિટના પ્રસંગે મળ્યા હતા. પ્રધાનમંત્રીએ આ પડકારજનક સમયમાં G7નું નેતૃત્વ કરવા બદલ પ્રધાનમંત્રી મેલોનીને અભિનંદન પાઠવ્યા હતા.
પુગલિયામાં તેમની ચર્ચાઓને અનુસરીને, બંને નેતાઓએ ભારત-ઇટાલી વ્યૂહાત્મક ભાગીદારીને આગળ વધારવાની તેમની પ્રતિબદ્ધતાનો પુનરોચ્ચાર કર્યો હતો અને સંયુક્ત વ્યૂહાત્મક કાર્ય યોજના 2025-29ની જાહેરાત કરી જે આગામી પાંચ વર્ષ માટે તેમના વિઝનની રૂપરેખા આપે છે. કાર્ય યોજના વેપાર અને રોકાણ, વિજ્ઞાન અને ટેકનોલોજી, નવી અને ઉભરતી તકનીકો, સ્વચ્છ ઉર્જા, અંતરિક્ષ, સંરક્ષણ, કનેક્ટિવિટી અને લોકોથી લોકોના જોડાણના મુખ્ય ક્ષેત્રોમાં સંયુક્ત સહયોગ, કાર્યક્રમો અને પહેલને આગળ ધપાવવામાં આવશે.
બંને પક્ષો અનેક ક્ષેત્રોમાં નિયમિત રીતે મંત્રીસ્તરીય અને સત્તાવાર સંવાદ કરશે. સહ-ઉત્પાદન, સંબંધિત ઉદ્યોગો અને સંસ્થાઓ વચ્ચે સહયોગ, નવીનતા અને ગતિશીલતા દ્વિપક્ષીય ભાગીદારીને વેગ અને વધુ ઊંડાણ પ્રદાન કરશે અને બંને દેશોની અર્થવ્યવસ્થાઓ અને લોકોને લાભ કરશે.
બંને નેતાઓએ લોકશાહી, કાયદાના શાસન અને સતત વિકાસના તેમના સહિયારા મૂલ્યોને જાળવી રાખવા માટે બહુપક્ષીય અને વૈશ્વિક પ્લેટફોર્મ પર તેમની વાતચીત ચાલુ રાખવા અને સાથે મળીને કામ કરવાની આશા વ્યક્ત કરી હતી. તેઓ ગ્લોબલ બાયોફ્યુઅલ એલાયન્સ અને ઈન્ડિયા-મિડલ ઈસ્ટ-યુરોપ ઈકોનોમિક કોરિડોર સહિત બહુપક્ષીય વ્યૂહાત્મક પહેલોના અમલીકરણ માટે સાથે મળીને કામ કરવાનું ચાલુ રાખવા સંમત થયા હતા, જેના તેઓ સ્થાપક સભ્યો છે.
Glad to have met Prime Minister Giorgia Meloni on the sidelines of the Rio de Janeiro G20 Summit. Our talks centred around deepening ties in defence, security, trade and technology. We also talked about how to boost cooperation in culture, education and other such areas.… pic.twitter.com/BOUbBMeEov
— Narendra Modi (@narendramodi) November 18, 2024
Felice di aver incontrato il Primo Ministro Giorgia Meloni a margine del Summit G20 di Rio de Janeiro. I nostri colloqui si sono incentrati sull'intensificazione dei rapporti in ambiti come difesa, sicurezza, commercio e tecnologia. Abbiamo anche parlato di come incrementare la… pic.twitter.com/jdPoq6hI53
— Narendra Modi (@narendramodi) November 18, 2024
