પ્રધાનમંત્રી શ્રી નરેન્દ્ર મોદી 25 નવેમ્બર, 2020ના રોજ વીડિયો કોન્ફરન્સિંગ દ્વારા સાંજના 5:30 કલાકે લખનઉ યુનિવર્સિટીના 100મા સ્થાપના દિવસની ઉજવણીમાં સહભાગી થશે. યુનિવર્સિટીની સ્થાપના 1920માં કરવામાં આવી હતી અને તેનું શતાબ્દી (100મુ) વર્ષ ઉજવવામાં આવી રહ્યું છે.
પ્રધાનમંત્રી આ પ્રસંગે યુનિવર્સિટીના શતાબ્દી સ્મરણ સિક્કાનું અનાવરણ કરશે. સમારોહ દરમિયાન ઈન્ડિયા પોસ્ટની વિશેષ સ્મારક ટપાલ ટિકિટ તથા તેનું વિશેષ કવર પણ બહાર પાડશે. આ પ્રસંગે સંરક્ષણ મંત્રી, ઉત્તર પ્રદેશના રાજ્યપાલ અને ઉત્તર પ્રદેશના મુખ્યમંત્રી પણ ઉપસ્થિત રહેશે.
