શેર
 
Comments
As two ancient and glorious civilizations, we are naturally connected to each other: PM Modi at joint press meet with Kyrgyzstan President
Today, terrorism is the biggest threat for democratic and diverse societies like India and Kyrgyzstan: PM Modi
The message that terrorism cannot be considered justified in any way needs to be given to the whole world: PM Modi

દેવીઓ અને સજ્જનો,

મારા પ્રતિનિધિ મંડળ અને મારું ઉષ્માપૂર્ણ સ્વાગત કરવા બદલ હું રાષ્ટ્રપતિ જીન્બેકોવનો આભાર વ્યક્ત કરું છું. હું કિર્ગીસ્તાનને લગભગ છેલ્લા ૩૦ વર્ષની અભૂતપૂર્વ ઉપલબ્ધિઓ માટે અભિનંદન આપું છું. પોતાની પ્રાકૃતિક સુંદરતા, મજબૂત લોકતંત્ર અને પ્રતિભાસંપન્ન લોકોના કારણે આ દેશનું ભવિષ્ય ઉજ્જવળ છે. ભારતના લોકો પ્રત્યે કિર્ગિઝ લોકોની મૈત્રી અને પ્રેમ હૃદયને સ્પર્શી લે છે. મારી ગઈ વખતની યાત્રામાં અને આ વખતે પણ મેં અહિયાં બિલકુલ ઘર જેવા પોતીકાપણાનો અનુભવ કર્યો છે.

મહાનુભાવ,

હું તમને એસસીઓ સમિટની સફળ અધ્યક્ષતા પર શુભકામનાઓ આપું છું. તમારી અધ્યક્ષતામાં, ક્ષેત્રીય સહયોગને વધુ સારો બનાવવામાં એસસીઓએ અનેક પગલા ભર્યા છે. ગયા મહીને નવી દિલ્હીમાં, મારા શપથ ગ્રહણ સમારોહને તમે સુશોભિત કર્યો છે. હું તમારો ખૂબ આભારી છું. મને એ વાતની પણ ખુશી છે કે આજે તમારી સાથે પોતાના દ્વિપક્ષીય સંબંધોની સમીક્ષા કરવાનો અવસર પ્રાપ્ત થયો. ભારત અને કિર્ગિઝ ગણરાજ્ય બંને આંતરિક સંબંધોને ખૂબ વધુ મહત્વ આપે છે.

મિત્રો,

આજે મારી રાષ્ટ્રપતિ જીન્બેકોવ સાથે અનેક મુદ્દાઓ પર વ્યાપક ચર્ચા થઇ. અમે બંન્ને અનુભવીએ છીએ કે આપણી વચ્ચે સહયોગની અપાર સંભાવનાઓ રહેલી છે. આજે અમે આપણા દ્વિપક્ષીય સંબંધોને વ્યુહાત્મક ભાગીદારીના સ્તર પર લઇ જવાનો નિર્ણય કર્યો છે. તેનાથી અમને અમારી ભાગીદારીના દરેક ક્ષેત્રમાં દીર્ઘકાલીન સહયોગ કરવામાં મદદ મળશે.

મિત્રો,

બે પ્રાચીન અને ગૌરવશાળી સભ્યતાઓના રૂપમાં, અમે એક બીજા સાથે સ્વાભાવિક રૂપે જોડાયેલા છીએ. ભારત અને મધ્ય એશિયાના ઊંડા ઐતિહાસિક અને સાંસ્કૃતિક સંબંધો રહ્યા છે. ભારત અને કિર્ગિઝ ગણરાજ્ય મહાકાવ્યોની ભૂમિ છે. ઉદાહરણ તરીકે ભારતમાં મહાભારત અને રામચરિત માનસ અને કિર્ગિઝ ગણરાજ્યમાં માનસ. આપણે બંને દેશો લોકશાહી છીએ અને વૈવિધ્યથી ભરેલા છીએ.

આપણા પ્રાચીન સંબંધો અનેશાંતિને વધારવાની અમારી પારસ્પરિક ભાવનાએ અમને અમારા સંબંધોને વધુ મજબૂત બનાવવાની પ્રેરણા આપી છે. તેનાથી આપણા રાજનૈતિક સંબંધોનો પણ વિસ્તાર થયો છે. દ્વિપક્ષીય અને બહુપક્ષીય મુદ્દાઓના જુદા જુદા ક્ષેત્રો પર ભારત અને કિર્ગિઝ ગણરાજ્ય નિયમિત રૂપે એક બીજા સાથે ઘનિષ્ઠતાથી પરામર્શ કરતા રહ્યા છે. ઘણા બધા આંતરરાષ્ટ્રીય વિષયો પર અમે એક સમાન દૃષ્ટિકોણ ધરાવીએ છીએ. સંયુક્ત રાષ્ટ્ર સંઘ અને અન્ય આંતરરાષ્ટ્રીય પટલો પર અમારો સહયોગ સુદ્રઢ છે. સૈન્ય પ્રશિક્ષણ, સંયુક્ત યુદ્ધ અભ્યાસ, ફિલ્ડ રીસર્ચ અને મીલીટરી ટેકનીકલ ક્ષેત્રોમાં અમારો સંરક્ષણ સહયોગ વધ્યો છે. બંને દેશોએ સંરક્ષણ સહયોગ પર સંયુક્ત કાર્યકારી જૂથ બનાવવાનો નિર્ણય લીધો છે. અમારી વચ્ચે આર્થિક સહયોગની અપાર સંભાવનાઓ છે. બંને દેશો મળીને તેનો ફાયદો ઉઠાવી શકીએ છીએ.

મિત્રો,

આજે આપણી વચ્ચે દ્વિપક્ષીય રોકાણ સંધી અને ડબલ ટેક્સેશન અવોઇડન્સ સમજુતી કરાર (ડીટીએએ) થયા છે. અમે બંને દેશો વેપાર અને આર્થિક સહયોગના ક્ષેત્રમાં પાંચ વર્ષના રોડમેપ પર પણ સહમત થયા છીએ. રાષ્ટ્રપતિજી અને મે બીટુબી સહયોગને વધારવા માટે આજે ભારત કિર્ગિઝ બિઝનેસ ફોરમનો સંયુક્ત રૂપે શુભારંભ કર્યો છે. આ વર્ષે બિશ્કેકમાં “નમસ્કાર યુરેશીયા” ભારતીય ટ્રેડ શોનું આયોજન પણ કરવામાં આવશે. હું ભારતીય કંપનીઓને ભારપૂર્વક કહું છું કે તેઓ કિર્ગિઝ ગણરાજ્યમાં નિર્માણ, રેલવે, હાઈડ્રો પાવર, ખોદકામ અને તેના જેવા અન્ય ક્ષેત્રના અવસરોનો અભ્યાસ કરો.

મિત્રો,

કિર્ગિઝ ગણરાજ્યની વિકાસની જરૂરિયાતોને પૂરી કરવા માટે, આજે મને 200 મિલિયન ડોલરની કન્સેશનલ લાઈન ઓફ ક્રેડીટની જાહેરાત કરતા ખુશી થઇ રહી છે. હું આશા રાખું છું કે ભારતના સહયોગથી કિર્ગિઝ ગણરાજ્યમાં ઘણી બધી સંયુક્ત આર્થિક ગતિવિધિઓને શરુ કરવામાં સહાયતા મળશે. ભારત અને કિર્ગિઝ ગણરાજ્ય તેમજ મધ્ય એશિયાના મોટા ભૂ-ભાગ પર વધુ સારા સંપર્ક વડે બંને તરફના લોકોની વચ્ચે વેપાર, રોકાણ અને લોકોનો લોકો સાથેનો સંપર્ક વધારવામાં પ્રોત્સાહન મળશે.

મિત્રો,

ભારત અને કિર્ગિઝ રિપબ્લિકે જાન્યુઆરીમાં ઉઝબેકિસ્તાનના સમરકંદમાં આયોજિત વિદેશ મંત્રીઓની સ્તરની પ્રથમ ભારત મધ્ય એશિયા સંવાદમાં સક્રિયતા પૂર્વક ભાગીદારી કરી. આપણા પારસ્પરિક ક્ષેત્રમાં સમૃદ્ધિ, શાંતિ અને સ્થિરતા માટે અમારો પારસ્પરિક દૃષ્ટિકોણ પણ છે.

મહાનુભાવ,

ભારત અને કિર્ગિઝ ગણરાજ્ય જેવા લોકશાહી અને વિવિધતાથી ભરેલા સમાજોને આજે આતંકવાદથી સૌથી મોટો ખતરો છે. અમે આતંકવાદ અને કટ્ટરવાદના સમાધાન માટે સંગઠિત છીએ. આતંકવાદના પ્રયોજકોને જવાબદાર ઠેરવવા પડશે. સંપૂર્ણ દુનિયાને આ સંદેશ આપવાની જરૂર છે કે આતંકવાદને કોઇ પણ રીતે યોગ્ય માની શકાય તેમ નથી.

મિત્રો,

બિશ્કેકમાં ભારત કિર્ગિઝ સંયુક્ત ટેકસટાઇલ પ્રદર્શનનો શુભારંભ કરવામાં આવ્યો છે. પ્રદર્શનને ઉત્સાહપૂર્વક જોનારા લોકોને આશ્ચર્ય થયું હશે કે ભારત અને કિર્ગિઝ ટેકસટાઇલ પરંપરાઓની વચ્ચે કેટલી સમાનતા છે. ભારત અને કિર્ગિઝ ગણરાજ્ય પર્વત ઇકોલોજી, હરિત પ્રવાસન અને સ્નો લેપર્ડના સંરક્ષણ જેવા વિષયો પર પણ સહયોગ કરશે. આપણા લોકોની વચ્ચે લોકોની લોકો સાથે મૈત્રી અને સાંસ્કૃતિક ઘનિષ્ઠતા સૌથી મોટી સંપત્તિ છે. હુંઇચ્છુ છું કે તેનું જતન કરવામાં આવે. તેણી માટે પણ અનેક પગલાઓ ઉઠાવવામાં આવ્યા છે.

મને જાહેરાત કરતા પ્રસન્નતા થાય છે કે વર્ષ 2021ને કિર્ગિઝ ગણરાજ્ય અને ભારતની વચ્ચે સાંસ્કૃતિક અને મૈત્રીના વર્ષના રૂપમાં ઉજવવા અંગે અમે સહમત થયા છીએ. એક વાર ફરી રાષ્ટ્રપતિજી, તમારો આભાર પ્રગટ કરું છું. આ અવસર પર હું તમને ભારત આવવાનું આમંત્રણ આપું છું. તમારું ભારતમાં સ્વાગત કરવું એ અમારી માટે મોટા સન્માનની વાત હશે.

આભાર!  

20 વર્ષની સેવા અને સમર્પણ દર્શાવતા 20 ચિત્રો.
Mann KI Baat Quiz
Explore More
‘ચલતા હૈ’ નું વલણ છોડી દઈને ‘બદલ સકતા હૈ’ વિચારવાનો સમય પાકી ગયો છે: વડાપ્રધાન મોદી

લોકપ્રિય ભાષણો

‘ચલતા હૈ’ નું વલણ છોડી દઈને ‘બદલ સકતા હૈ’ વિચારવાનો સમય પાકી ગયો છે: વડાપ્રધાન મોદી
52.5 lakh houses delivered, over 83 lakh grounded for construction under PMAY-U: Govt

Media Coverage

52.5 lakh houses delivered, over 83 lakh grounded for construction under PMAY-U: Govt
...

Nm on the go

Always be the first to hear from the PM. Get the App Now!
...
પીએમ 3જી ડિસેમ્બરે ઈન્ફિનિટી ફોરમનું ઉદ્ઘાટન કરશે
November 30, 2021
શેર
 
Comments
ફોરમ 'બિયોન્ડ' ની થીમ પર, 'ફિનટેક બિયોન્ડ બાઉન્ડ્રીઝ', 'ફિનટેક બિયોન્ડ ફાઇનાન્સ' અને 'ફિનટેક બિયોન્ડ નેક્સ્ટ' સહિતની વિવિધ પેટા થીમ્સ સાથે ધ્યાન કેન્દ્રીત કરશે

પ્રધાનમંત્રી શ્રી નરેન્દ્ર મોદી 3જી ડિસેમ્બર, 2021ના રોજ સવારે 10 વાગ્યે વીડિયો કોન્ફરન્સિંગ દ્વારા ઈન્ફિનિટી ફોરમ, ફિનટેક પર વિચારશીલ નેતૃત્વ મંચનું ઉદ્ઘાટન કરશે.

3 અને 4 ડિસેમ્બર, 2021 ના ​​રોજ GIFT સિટી અને બ્લૂમબર્ગના સહયોગથી ભારત સરકારના નેજા હેઠળ, ઇન્ટરનેશનલ ફાઇનાન્શિયલ સર્વિસિસ સેન્ટર્સ ઓથોરિટી (IFSCA) દ્વારા આ ઇવેન્ટનું આયોજન કરવામાં આવી રહ્યું છે. ફોરમની પ્રથમ આવૃત્તિના ઇન્ડોનેશિયા, દક્ષિણ આફ્રિકા અને યુકે ભાગીદાર દેશો છે.

ઈન્ફિનીટી ફોરમ વિશ્વના અગ્રણી બોધિકોને એકસાથે લાવશે અને નીતિ, વ્યાપાર અને ટેક્નોલોજીમાં અને વ્યાપકપણે માનવતાની સેવા કરવા માટે ફિનટેક ઉદ્યોગ દ્વારા કેવી રીતે ટેક્નોલોજી અને નવીનતાનો લાભ લઈ શકાય તે અંગે ચર્ચા કરવા અને કાર્યવાહી કરવા યોગ્ય સમજ સાથે આગળ આવશે.

ફોરમની કાર્યસૂચિ 'બિયોન્ડ' ની થીમ પર ધ્યાન કેન્દ્રીત કરશે; નાણાકીય સર્વસમાવેશકતાને પ્રોત્સાહિત કરવા વૈશ્વિક હિસ્સાના વિકાસમાં ભૌગોલિક સીમાઓની બહાર સરકારો અને વ્યવસાયો ધ્યાન કેન્દ્રીત કરવા સાથે ફિનટેક બાયન્ડરીઝ સહિતની વિવિધ પેટા થીમ્સ સાથે; ફાઇનાન્સથી આગળ ફિનટેક, ટકાઉ વિકાસને આગળ વધારવા માટે સ્પેસટેક, ગ્રીનટેક અને એગ્રીટેક જેવા ઉભરતા ક્ષેત્રો સાથે સંકલન કરીને; અને ફિનટેક બિયોન્ડ નેક્સ્ટ, ક્વોન્ટમ કમ્પ્યુટિંગ કેવી રીતે ભવિષ્યમાં ફિનટેક ઉદ્યોગની પ્રકૃતિને અસર કરી શકે છે અને નવી તકોને પ્રોત્સાહન આપી શકે છે તેના પર ધ્યાન કેન્દ્રીત કરશે.

ફોરમમાં 70 થી વધુ દેશોની ભાગીદારી જોવા મળશે. ફોરમના મુખ્ય વક્તાઓમાં મલેશિયાના નાણા મંત્રી તેંગકુ શ્રી ઝફરુલ અઝીઝ, ઇન્ડોનેશિયાના નાણા મંત્રી શ્રીમતી શ્રી મુલ્યાની ઇન્દ્રાવતી, ક્રિએટિવ ઇકોનોમી ઇન્ડોનેશિયાના મંત્રી શ્રી સેન્ડિયાગા એસ યુનો, રિલાયન્સ ઇન્ડસ્ટ્રીઝના ચેરમેન અને એમડી શ્રી મુકેશ અંબાણી, ચેરમેન અને સીઇઓ સોફ્ટ બેન્ક ગ્રુપ કોર્પો. શ્રી મસાયોશી સન, ચેરમેન અને સીઈઓ,આઈબીએમ કોર્પોરેશન શ્રી અરવિંદ કૃષ્ણા, એમડી અને સીઈઓ કોટક મહિન્દ્રા બેંક લિમિટેડ શ્રી ઉદય કોટક, અન્યો સહિતના મહાનુભાવો સામેલ છે. નીતિ આયોગ, ઈન્વેસ્ટ ઈન્ડિયા, FICCI અને NASSCOM આ વર્ષના ફોરમના કેટલાક મુખ્ય ભાગીદારો છે.

IFSCA વિશે

ઇન્ટરનેશનલ ફાઇનાન્સિયલ સર્વિસ સેન્ટર્સ ઓથોરિટી (IFSCA), જેનું મુખ્ય મથક ગિફ્ટ સિટી, ગાંધીનગર ગુજરાત ખાતે છે, તેની સ્થાપના ઇન્ટરનેશનલ ફાઇનાન્સિયલ સર્વિસ સેન્ટર્સ ઓથોરિટી એક્ટ, 2019 હેઠળ કરવામાં આવી છે. તે નાણાકીય ઉત્પાદનો, નાણાકીય સેવાઓ અને વિકાસ અને નિયમન માટે એકીકૃત સત્તા તરીકે કામ કરે છે. ભારતમાં આંતરરાષ્ટ્રીય નાણાકીય સેવા કેન્દ્ર (IFSC) માં નાણાકીય સંસ્થાઓ. હાલમાં, GIFT IFSC એ ભારતમાં પ્રથમ આંતરરાષ્ટ્રીય નાણાકીય સેવા કેન્દ્ર છે.