ફેડરેશન ઓફ ગુજરાત ઈન્ડસ્ટ્રીઝના ૧૪ FGI ઍવોર્ડ ફોર એકસેલન્સ એનાયત કરતા મુખ્યમંત્રીશ્રી
FGI ના ઈન્વેસ્ટમેન્ટ હેલ્પ ડેસ્કનું ઉદ્ઘાટન
ન્યુ ટેક્ષટાઈલ પોલીસીથી ગુજરાતમાં ટેક્ષટાઈલ સેકટરમાં સૌથી વધુ મૂડીરોકાણ
ભારતના સ્વાભિમાન માટે સ્વદેશી શસ્ત્રોના ઉત્પાદન માટે ગુજરાતે પહેલ કરી ડિફેન્સ ઈકવીપમેન્ટ મેન્યુફેકચરીંગ સેકટર માટે પોલીસી લાવશે
ભારત સરકાર MSME માટેના પેરામિટર્સ બદલે
મુખ્ય મંત્રીશ્રી નરેન્દ્રભાઈ મોદીએ ફેડરેશન ઓફ ગુજરાત ઈન્ડસ્ટ્રીઝના ઉપક્રમે ૧૪ ઔદ્યોગિક કંપની સંચાલકોને FGI ઍવોર્ડ ફોર એકસેલન્સ એનાયત કરતા આજે જણાવ્યું હતું કે આગામી વર્ષેમાં સૌથી વધુ રોકાણ ગુજરાતમાં કાપડ ઉદ્યોગક્ષેત્રે આવવાનું છે અને તે માટે વાઈબ્રન્ટ ટેક્ષટાઈલ પોલીસી જાહેર કરી છે
ગુજરાતે અનેક ક્ષેત્રોમાં નવી પહેલ કરી છે તેનો નિર્દેશ કરતા મુખ્યમંત્રીશ્રીએ જણાવ્યું કે રાષ્ટ્રીય, એશિયન, આંતરરાષ્ટ્રીય પરિષદો સંમેલનો માટે પણ હવે ગુજરાતની ભૂમિ પસંદગીનું સ્થળ બની રહી છે. વિશ્વમાંથી નવા વિચારો ટેકનોલોજી, સંશોધનોના આદાન પ્રદાનનું મંથન ગુજરાતમાં થાય તે રીતની ગુજરાતની નવી શકિતની શાખ બની છે.
ભારત સરકાર MSME ના પેરામિટર્સ બદલે તેવો અનુરોધ તેમણે કર્યો હતો.
પ્રારંભમાં ફેડરેશન ઓફ ગુજરાત ઈન્ડસ્ટ્રીઝના પ્રમુખ શ્રીમતી ગીતા ગોરડિયાએ સ્વાગત પ્રવચનમાં ફેડરેશન ઓફ ગુજરાત ઈન્ડસ્ટ્રીઝની પ્રવૃત્તિઓનો ચિતાર રજુ કર્યો હતો. અંતમાં ફેડરેશન ઓફ ગુજરાત ઈન્ડસ્ટ્રીઝના ઉપપ્રમુખ અમિત પટેલે ઈન્વેસ્ટમેન્ટ હેલ્પ ડેસ્કની વિગતો આપી હતી. જયારે મનોહર ચાવલાએ આભાર દર્શન કર્યું હતું. આ સમારોહમાં વડોદરાના સાંસદ બાળકૃષ્ણ શુકલ, મહાનગર પાલિકાના મેયર ડૉ. જયોતિબેન પંડયા જિલ્લા કલેકટર શ્રી વિનોદ રાવ સહિત અગ્રણી ઉદ્યોગપતિઓ, ઉદ્યોગ જગતના સંચાલકો ઉપસ્થિત રહયા હતા.
