પ્રધાનમંત્રી શ્રી નરેન્દ્ર મોદીની અધ્યક્ષતામાં કેન્દ્રીય કેબિનેટે આજે પાત્રતા ધરાવતા નિકાસકારો, જેમાં MSME નો પણ સમાવેશ થાય છે, તેમને રૂ. 20000 કરોડ સુધીની વધારાની ક્રેડિટ સુવિધાઓ પૂરી પાડવા માટે સભ્ય ધિરાણ સંસ્થાઓ (Member Lending Institutions - MLIs) ને નેશનલ ક્રેડિટ ગેરંટી ટ્રસ્ટી કંપની લિમિટેડ (NCGTC) દ્વારા 100% ક્રેડિટ ગેરંટી કવરેજ પ્રદાન કરવા માટે નિકાસકારો માટે ક્રેડિટ ગેરંટી યોજના (Credit Guarantee Scheme for Exporters - CGSE) શરૂ કરવાની મંજૂરી આપી.
અમલીકરણ વ્યૂહરચના અને લક્ષ્યો:
આ યોજના નાણાકીય સેવાઓ વિભાગ (Department of Financial Services - DFS) દ્વારા નેશનલ ક્રેડિટ ગેરંટી ટ્રસ્ટી કંપની લિમિટેડ (NCGTC) મારફતે અમલમાં મૂકવામાં આવશે, જેથી MLIs દ્વારા MSME સહિતના પાત્રતા ધરાવતા નિકાસકારોને વધારાનો ક્રેડિટ સપોર્ટ પૂરો પાડી શકાય. DFS ના સચિવની અધ્યક્ષતામાં રચાયેલી એક વ્યવસ્થાપન સમિતિ આ યોજનાની પ્રગતિ અને અમલીકરણ પર દેખરેખ રાખશે.
મુખ્ય અસર:
આ યોજના ભારતીય નિકાસકારોની વૈશ્વિક સ્પર્ધાત્મકતા વધારવા અને નવા તથા ઉભરતા બજારોમાં વૈવિધ્યકરણને ટેકો આપવાની અપેક્ષા છે. CGSE હેઠળ કોલેટરલ-મુક્ત ક્રેડિટ ઍક્સેસને સક્ષમ કરીને, તે લિક્વિડિટીને મજબૂત કરશે, સરળ વ્યવસાયિક કામગીરી સુનિશ્ચિત કરશે, અને USD 1 ટ્રિલિયન નિકાસ લક્ષ્યાંક હાંસલ કરવા તરફ ભારતના પ્રગતિને મજબૂત કરશે. આનાથી આત્મનિર્ભર ભારત તરફની ભારતની યાત્રાને વધુ બળ મળશે.
પૃષ્ઠભૂમિ:
નિકાસ ભારતીય અર્થતંત્રનો એક નિર્ણાયક સ્તંભ છે, જે નાણાકીય વર્ષ 2024-25માં જીડીપીના લગભગ 21% જેટલો હિસ્સો ધરાવે છે અને વિદેશી વિનિમય અનામતમાં નોંધપાત્ર યોગદાન આપે છે. નિકાસ-લક્ષી ઉદ્યોગો પ્રત્યક્ષ અને પરોક્ષ રીતે 45 મિલિયનથી વધુ લોકોને રોજગાર આપે છે અને MSME કુલ નિકાસમાં લગભગ 45% જેટલું યોગદાન આપે છે. સતત નિકાસ વૃદ્ધિ ભારતના ચાલુ ખાતાના સંતુલન અને મેક્રોઇકોનોમિક સ્થિરતાને ટેકો આપવામાં મહત્ત્વપૂર્ણ રહી છે.
નિકાસકારોને તેમના બજારોમાં વિવિધતા લાવવા અને ભારતીય નિકાસકારોની વૈશ્વિક સ્પર્ધાત્મકતા વધારવા માટે ઉન્નત નાણાકીય સહાયતા અને પૂરતો સમય આપવો મહત્ત્વપૂર્ણ છે. તદનુસાર, વધારાનો લિક્વિડિટી સપોર્ટ પૂરો પાડવા માટે સરકારનો સક્રિય હસ્તક્ષેપ વ્યવસાય વૃદ્ધિ સુનિશ્ચિત કરશે અને બજારોના વિસ્તરણને પણ સક્ષમ બનાવશે.
The Credit Guarantee Scheme for Exporters which has been approved by the Cabinet will boost global competitiveness, ensure smooth business operations and help realise our dream of an Aatmanirbhar Bharat.https://t.co/CCUeE1e1Ux
— Narendra Modi (@narendramodi) November 13, 2025
