પ્રધાનમંત્રી શ્રી નરેન્દ્ર મોદીએ આજે શરૂઆતમાં નીતિ આયોગ ખાતે કેન્દ્રીય બજેટ 2025-26 ની તૈયારીમાં જાણીતા અર્થશાસ્ત્રીઓ અને વિચારશીલ નેતાઓના જૂથ સાથે વાર્તાલાપ કર્યો.
આ બેઠક "વૈશ્વિક અનિશ્ચિતતાના સમયે ભારતના વિકાસની ગતિ જાળવી રાખવી" થીમ પર યોજાઈ હતી.
તેમની ટિપ્પણીમાં પ્રધાનમંત્રીએ વક્તાઓનો તેમના સમજદાર વિચારો માટે આભાર માન્યો હતો. તેમણે ભારપૂર્વક જણાવ્યું હતું કે 2047 સુધીમાં ભારતને વિકસિત બનાવવા તરફ ધ્યાન કેન્દ્રિત કરતી માનસિકતામાં મૂળભૂત પરિવર્તન દ્વારા વિક્ષિત ભારત પ્રાપ્ત કરી શકાય છે.
સહભાગીઓએ વૈશ્વિક આર્થિક અનિશ્ચિતતાઓ અને ભૌગોલિક રાજકીય તણાવો, ખાસ કરીને યુવાનોમાં રોજગાર વધારવાની વ્યૂહરચનાઓ અને તમામ ક્ષેત્રોમાં ટકાઉ નોકરીની તકો ઊભી કરવા, શિક્ષણ અને તાલીમ કાર્યક્રમોને રોજગાર બજારની વિકસતી જરૂરિયાતો સાથે સંરેખિત કરવાની વ્યૂહરચનાઓ, કૃષિ ઉત્પાદકતા વધારવી અને ટકાઉ ગ્રામીણ રોજગારીની તકો ઊભી કરવી, ખાનગી રોકાણ આકર્ષવું અને આર્થિક વિકાસને વેગ આપવા અને નોકરીઓનું સર્જન કરવા અને નાણાકીય સમાવેશને પ્રોત્સાહન આપવા અને નિકાસને પ્રોત્સાહન આપવા અને વિદેશી રોકાણને આકર્ષવા માટે ઈન્ફ્રાસ્ટ્રક્ચર પ્રોજેક્ટ્સ માટે જાહેર ભંડોળ એકત્રિત કરવા સહિત અનેક મહત્વપૂર્ણ મુદ્દાઓ પર તેમના મંતવ્યો શેર કર્યા.
ડૉ. સુરજીત એસ ભલ્લા, ડૉ. અશોક ગુલાટી, ડૉ. સુદીપ્તો મુંડલે, શ્રી ધર્મકીર્તિ જોશી, શ્રી જન્મેજય સિંહા, શ્રી મદન સબનવીસ, પ્રો. અમિતા બત્રા, શ્રી રિધમ દેસાઈ, પ્રો. ચેતન ઘાટે, પ્રો.ભરત રામાસ્વામી, ડો.સૌમ્ય કાંતિ ઘોષ, શ્રી સિદ્ધાર્થ સાન્યાલ, ડૉ. લવેશ ભંડારી, સુશ્રી રજની સિંહા, પ્રો. કેશબ દાસ, ડૉ. પ્રિતમ બેનર્જી, શ્રી રાહુલ બાજોરિયા, શ્રી નિખિલ ગુપ્તા અને પ્રો. શાશ્વત આલોક સહિત અનેક અર્થશાસ્ત્રીઓ અને એનેલિસ્ટ્સ ઉપસ્થિત રહ્યા હતા.
