মাননীয়,
মোৰ ভাই,বন্ধুসকল
ইথিঅ’পিয়া ভ্ৰমণ কৰাটো সঁচাকৈয়ে মোৰ বাবে এক অতি আনন্দৰ বিষয়। এইটো মোৰ প্ৰথম ইথিঅ’পিয়া ভ্ৰমণ। কিন্তু ইয়াত উপস্থিত হোৱাৰ লগে লগে মোৰ একাত্মতা আৰু গভীৰ ঘনিষ্ঠতাৰ এক অতি গভীৰ অভিজ্ঞতা হৈছে। ভাৰত আৰু ইথিঅ’পিয়াত হাজাৰ হাজাৰ বছৰ ধৰি নিৰন্তৰ যোগাযোগ, আলোচনা আৰু বিনিময় হৈ আহিছে। বহু ভাষা আৰু সমৃদ্ধ পৰম্পৰাৰে সমৃদ্ধ আমাৰ দুয়োখন দেশ বৈচিত্ৰ্যৰ মাজত একতাৰ প্ৰতীক। দুয়োখন দেশ শান্তি আৰু মানৱ কল্যাণৰ বাবে দায়বদ্ধ গণতান্ত্ৰিক শক্তি। আমি গোলকীয় দক্ষিণত সহযাত্রী আৰু অংশীদাৰো। আমি আন্তঃৰাষ্ট্ৰীয় মঞ্চতো কান্ধত কান্ধ মিলাই থিয় দিছো।
ইথিঅ’পিয়াত আফ্ৰিকান ইউনিয়নৰ মুখ্য কাৰ্যালয় থকাৰ ফলত ইথিঅ’পিয়া আফ্ৰিকান কূটনীতিৰ মিলন বিন্দু হৈ পৰিছে। এক অন্তৰ্ভুক্তিমূলক বিশ্বৰ অংশীদাৰী দৃষ্টিভংগীৰ দ্বাৰা অনুপ্ৰাণিত হৈ ভাৰতে ২০২৩চনত আফ্ৰিকান ইউনিয়ন জি ২০ৰ সদস্য হোৱাটো নিশ্চিত কৰিছিল। এই সকলোবোৰ দিশ মনত ৰাখি আজি আমি ভাৰত-ইথিঅ’পিয়াৰ সম্পৰ্কক এক কৌশলগত অংশীদাৰিত্বৰ স্তৰলৈ লৈ গৈছো। এই পদক্ষেপে আমাৰ সম্পৰ্কক নতুন শক্তি, নতুন গতি আৰু নতুন গভীৰতা প্ৰদান কৰিব।
ভৱিষ্যতৰ অপৰিসীম সম্ভাৱনা উপলব্ধি কৰিবলৈ এক স্পষ্ট ৰোডমেপ উদ্ভৱ হ’ব। আজি আমি অৰ্থনীতি, উদ্ভাৱন, প্ৰযুক্তি, প্ৰতিৰক্ষা, স্বাস্থ্য, সামৰ্থ্য নিৰ্মাণ আৰু বহুপাক্ষিক সহযোগিতাৰ দৰে আমাৰ সহযোগিতাৰ মূল দিশবোৰৰ ওপৰত আলোচনা কৰাৰ সুযোগ পাইছো। মই সুখী যে আজি আমি ভাৰতত ইথিঅ’পিয়াৰ বাবে শিক্ষা বৃত্তি দুগুণ কৰাৰ সিদ্ধান্ত লৈছো।
মাননীয়,
পেহেলগাম সন্ত্ৰাসবাদী আক্ৰমণত আপোনালোকৰ সমবেদনা আৰু সন্ত্ৰাসবাদৰ বিৰুদ্ধে আমাৰ যুঁজত আপোনালোকৰ সমৰ্থনৰ বাবে বহুত বহুত ধন্যবাদ। সন্ত্ৰাসবাদৰ বিৰুদ্ধে আমাৰ যুঁজত বন্ধুত্বপূৰ্ণ দেশ থকাটো অতি গুৰুত্বপূৰ্ণ। আকৌ এবাৰ, মোক আৰু মোৰ প্ৰতিনিধি দলক ইমান বিশাল আদৰণি জনোৱাৰ বাবে মই আপোনালোকক আন্তৰিক কৃতজ্ঞতা জনাইছো।
