Share
 
Comments

মাননীয় মহোদয়,

ৰাষ্ট্ৰপতি ঘানী

আপোনাৰ উষ্মা ভৰা শব্দৰ বাবে মই কৃতজ্ঞ৷ আপোনাৰ সৈতে উপস্থিত আফগানিস্তানৰ সকলো জ্যেষ্ঠ পদাধিকাৰীসকল,

বন্ধুসকল,

নমস্কাৰ!

সবাতোকৈ প্ৰথমে মই আপোনালোকৰ ওচৰত ক্ষমা বিচাৰিছো৷ মোৰ অলপ পলম হ’ল৷ আমাৰ সংসদৰ অধিৱেশন চলি আছে৷ সংসদৰ কিছুমান কাৰ্যাৱলীত মই উপস্থিত থকাটো আৱশ্যম্ভাৱী আছিল৷ আজি আমি ভাৰত-আফগানিস্তানৰ বন্ধুত্বৰ দীঘলীয়া পথত আৰু এটা মাইলষ্টোন স্থাপন কৰিবলৈ বিচাৰিছো৷ ভাৰত আৰু আফগানিস্তান কেৱল ভৌগোলিক দিশৰ পৰাই নহয় বৰঞ্চ আমাৰ ইতিহাস আৰু সংস্কৃতিৰ সৈতেও জড়িত৷ পৰস্পৰে পৰস্পৰৰ দ্বাৰা প্ৰভাৱিত৷ এই শতিকা পুৰণি সম্পৰ্ক আমাৰ ভাষা, আমাৰ খাদ্যাভাস, আমাৰ সংগীত, আমাৰ সাহিত্যত প্ৰস্ফুটিত হয়৷

 

বন্ধুসকল,

আমি সকলোৱে জানো যে নদীক বিশ্বৰ মহান সভ্যতাসমূহ বাহক হিচাপে গণ্য কৰা হয়৷ নদীয়ে জীৱনদাতাৰ ৰূপত আমাৰ ৰাষ্ট্ৰ, আমাৰ সমাজক পৰিভাষিত কৰিছে৷ ভাৰতত আমি গংগা নদীক মাতৃৰ স্থান দিও আৰু সেই নদীৰ কায়াকল্পৰ বাবে আমি আমাৰ ‘নমামি গংগে’ কাৰ্যসূচী আৰম্ভ কৰিছো৷ নদীৰ বাবে এই সন্মান ভাৰত আৰু আফগানিস্তানৰ সহযোগিতা সাংস্কৃতিক ঐতিহ্য হিচাপে আছে৷ আমাৰ ইয়াত ঋগবেদৰ ‘নদী স্তুতি-স্কুত’ত নদীসমূহৰ প্ৰশংসা কৰা হৈছে৷ মৌলানা জালালুদ্দিন ৰুমীয়ে নদীসমূহৰ শক্তিশালী সভ্যতাগত সম্বন্ধৰ বিষয়ে কৈছে যে ‘‘যি নদী তোমাতেই বয়, সেই নদী মোৰ তাতো বয়৷’’

বন্ধুসকল,

যোৱা প্ৰায় দুটা দশকৰ পৰা ভাৰত আফগানিস্তানৰ মুখ্য বিকাশ সহযোগী হিচাপে পৰিগণিত হৈ আহিছে৷ আফগানিস্তানত আমাৰ বিকাশৰ পৰিযোজনা, আন্তঃগাঁথনি, সামৰ্থ নিৰ্মাণ, কৃষি, শিক্ষা, স্বাস্থ্যৰ দৰে অনেক খণ্ড বিয়পি আছে৷ এটা দশক পূৰ্বে পুল-এ-খুমৰীৰ পৰা ট্ৰান্সমিছন লাইনৰ নিৰ্মাণৰ দ্বাৰা কাবুল চহৰত বিদ্যুতৰ চাহিদা উন্নত হৈছে৷ ২১৮ কিলোমিটাৰ দৈৰ্ঘৰ ডেলাৰম-জৰঞ্জ ৰাজপথে আফগানিস্তানৰ বাবে যোগাযোগৰ এক বিকল্প প্ৰদান কৰিছে৷ কিছু বৰ্ষ পূৰ্বে নিৰ্মাণ হোৱা ‘মৈত্ৰী বান্ধ’ৰ পৰা হেৰাতত বিদ্যুৎ আৰু জলসিঞ্চনৰ প্ৰণালী সুদৃঢ় হৈছে৷ আফগানিস্তানৰ সংসদৰ নিৰ্মাণ ভাৰত আৰু আফগানিস্তানৰ জনসাধাৰণৰ গণতন্ত্ৰৰ প্ৰতি প্ৰেমৰ গুৰুত্বপূৰ্ণ প্ৰতীক হিচাপে বিবেচিত হৈছে৷ এই আটাইবোৰ প্ৰকল্পৰ এক মুখ্য পৰ্যায় এয়াই যে ইয়াৰ দ্বাৰা ভাৰত আৰু আফগানিস্তানৰ বন্ধুত্ব, আমাৰ সহযোগিতা অধিক শক্তিশালী হৈছে৷ এই বন্ধুত্ব, এই নিকটতা ক’ভিড মহামাৰীৰ বিৰুদ্ধে যুঁজতো প্ৰদৰ্শিত হৈছে৷ ঔষধ, পিপিই কিটেই হওক অথবা ভাৰতত নিৰ্মিত প্ৰতিষেধকৰ যোগান, আমাৰ বাবে আফগানিস্তানৰ আৱশ্যকতা সদায়েই গুৰুত্বপূৰ্ণ হৈ আহিছে৷ সেইবাবে মই এয়া ক’ব পাৰো যে আজি আমি কাবুলত যি শ্বাহটুত বান্ধৰ নিৰ্মাণৰ চুক্তি কৰিছো, তাৰ ভেঁটি কেৱল ইটা আৰু মৰ্টাৰৰ দ্বাৰা নহয়, বৰঞ্চ ভাৰত-আফগানিস্তানৰ বন্ধুত্বৰ শক্তিৰ দ্বাৰা গঠিত হ’ব৷ কাবুল চহৰ ভাৰতীয়ৰ মন-মগজুত সোমাই আছে৷ বহু প্ৰজন্মই, যিদৰে আপুনি উল্লেখ কৰিলে যে গুৰু ৰবীন্দ্ৰনাথ ঠাকুৰৰ ‘কাবুলীৱালা’ কাহিনী পঢ়ি ডাঙৰ হৈছে৷ আৰু সেইবাবে মই অত্যন্ত সুখী কিয়নো শ্বাহটুত বান্ধৰ পৰিযোজনাৰ দ্বাৰা কাবুল চহৰৰ নাগৰিকসকলে পেয়জলৰ সুবিধা লাভ কৰিব৷ লগতে কাবুল নদী বেচিনত জলসিঞ্চনৰ নেটৱৰ্কো বিকশিত হ’ব৷

বন্ধুসকল,

যেতিয়া মই সংসদ ভৱনৰ উদঘাটনৰ বাবে ডিচেম্বৰ ২০১৫ত কাবুললৈ গৈছিলো, তেতিয়া মই আফগান পুৰুষ,মহিলা আৰু শিশুৰ চকুত ভাৰতৰ প্ৰতি থকা প্ৰেম দেখিবলৈ পাইছিলো৷ আফগানিস্তানত মই আনৰ ঘৰলৈ আহিছো বুলি অনুভূতি হোৱা নাছিল, মোৰ এনে লাগিছিল যেন ‘খানা-এ-খুদ-অস্ত’-য়েই হ’ল মোৰ নিজৰ ঘৰ৷ মই বদখশাঙৰ পৰা নিমৰোজ আৰু হেৰাতৰ পৰা কান্ধাৰলৈ প্ৰতিজন আফগান ভাই আৰু ভনীক এই বিশ্বাস প্ৰদান কৰিবলৈ বিচাৰিছো যে ভাৰত আপোনালোকৰ সৈতে আছে৷ আপোনালোকৰ ধৈৰ্য, সাহস আৰু সংকল্পৰ যাত্ৰাৰ প্ৰতিটো খোজত ভাৰত আপোনালোকৰ সৈতে আছে৷ কোনো বাহিৰা শক্তিয়ে আফগানিস্তানৰ বিকাশক অথবা ভাৰত-আফগানিস্তানৰ বন্ধুত্বক ৰোধ কৰিব নোৱাৰে৷

মহোদয়,

আফগানিস্তানত বৃদ্ধি পোৱা হিংসাকলৈ আমি চিন্তিত৷ নিৰ্দোষ নাগৰিক, সাংবাদিক আৰু কৰ্মচাৰীসকলক কাপুৰুষতাৰে লক্ষ্য কৰি লোৱা হৈছে৷ আমি হিংসা তৎকালে সমাপ্ত কৰাৰ আহ্বান জনাইছো আৰু আমি অতি শীঘ্ৰেই এক ব্যাপক সংঘৰ্ষ-বিৰামৰ সমৰ্থন কৰিছো৷ হিংসা শান্তিৰ বিপৰীত আৰু দুয়োটা একেলগে আগবাঢ়িব নোৱাৰে৷ এক নিকট প্ৰতিৱেশী আৰু শক্তিশালী কূটনৈতিক সহযোগীৰ ৰূপত ভাৰত আৰু আফগানিস্তান দুয়োৱেই নিজৰ ক্ষেত্ৰত সন্ত্ৰাসবাদ আৰু উগ্ৰবাদৰ ভয়ংকৰ সংকটৰ পৰা মুক্ত হোৱাটো বিচাৰে৷ ভাৰতে এনে এক শান্তি প্ৰক্ৰিয়াৰ সমৰ্থন কৰে যি আফগানিস্তানৰ নেতৃত্বত হওক, আফগানিস্তানৰ স্বামীত্বত হওক আৰু আফগানিস্তানৰ নিয়ন্ত্ৰণত হওক৷

আফগানিস্তানৰ জনসাধাৰণৰ মাজত ঐক্যৱদ্ধতা শক্তিশালী কৰাটো অতিশয় আৱশ্যক৷ মোৰ বিশ্বাস যে ঐক্যৱদ্ধ আফগানিস্তানে যিকোনো প্ৰত্যাহ্বান হেলাৰঙে ওফৰাই পেলাব পাৰিব৷ আফগানিস্তানৰ সফলতাত আমি ভাৰতৰ আৰু সম্পূৰ্ণ অঞ্চলটোৰ সফলতা প্ৰত্যক্ষ কৰিছো৷ মই পুনৰবাৰে সকলো আফগান বন্ধুক ভাৰতৰ বন্ধুত্বৰ পূৰ্ণ বিশ্বাস প্ৰদান কৰিছো৷ ভাৰতৰ ওপৰত থকা বিশ্বাসৰ বাবে মই হৃদয়েৰে মোৰ আফগানৰ মৰমৰ ভাই-ভনীসকললৈ কৃতজ্ঞতা প্ৰকাশ কৰিছো৷

তশক্কুৰ,

ধন্যবাদ৷

ভাৰতৰ অলিম্পিয়ানসকলক প্ৰেৰণা যোগাওঁক! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Over 44 crore vaccine doses administered in India so far: Health ministry

Media Coverage

Over 44 crore vaccine doses administered in India so far: Health ministry
...

Nm on the go

Always be the first to hear from the PM. Get the App Now!
...
Delhi Karyakartas Pull All Stops To Make The #NaMoAppAbhiyaan A Success
July 28, 2021
Share
 
Comments

The #NaMoAppAbhiyaan received yet another boost as Delhi BJP Karyakartas connected more and more people to the NaMo App. Be it dedicated kiosks, discussions over tea or a quick meeting after an evening walk, Karyakartas were seen taking the NaMo network to residents across Delhi!