প্ৰধানমন্ত্ৰী শ্ৰী নৰেন্দ্ৰ মোদীয়ে ১৬ ফেব্ৰুৱাৰী ২০১৯ তাৰিখে মহাৰাষ্ট্ৰৰ য়াভাতমল আৰু ধুলে পৰিভ্ৰমণ কৰিব৷ তাতে তেওঁ বিভিন্ন প্ৰকল্প মুকলি কৰিব৷
য়াভাতমলত
প্ৰধানমন্ত্ৰীয়ে বুটাম টিপি নন্দেদত একলব্য মডেল আৱাসিক বিদ্যালয় মুকলি কৰিব৷ ৪২০জন শিক্ষাৰ্থীৰ সামৰ্থযুক্ত এই বিদ্যালয়খনত ষ্টেট-অব্-আৰ্টৰ সুবিধা প্ৰদান কৰা হ’ব৷ ইয়াৰ দ্বাৰা জনজাতীয় শিক্ষাৰ্থীসকল উপকৃত হ’ব৷
প্ৰধানমন্ত্ৰীয়ে প্ৰধানমন্ত্ৰী আৱাস যোজনা (পিএমএৱাই)ৰ অধীনত নিৰ্মাণ হোৱা গৃহসমূহৰ চাবি নিৰ্বাচিত হিতাধিকাৰীসকলক ই-গৃহ প্ৰৱেশৰ জৰিয়তে প্ৰদান কৰিব৷
প্ৰধানমন্ত্ৰীয়ে ভিডিঅ’ লিংকযোগে আজনি (নাগপুৰ)-পুণে ৰে’লৰ ফ্লেগ-অফ কৰিব৷ এই ৰে’লখনত থ্ৰী-টায়াৰৰ দবা প্ৰদান কৰা হৈছে যি নাগপুৰৰ পৰা পুণেলৈ নিশা যাত্ৰা কৰিব৷ কেন্দ্ৰীয় পথ পুঁজি (চিআৰএফ)ৰ অধীনত পথসমূহৰ বুটাম টিপি আধাৰশিলা স্থাপন কৰা হ’ব৷
তাৰোপৰি প্ৰধানমন্ত্ৰীয়ে মহাৰাষ্ট্ৰ ৰাজ্যিক গ্ৰামীণ জীৱিকা অভিযান (এমএছআৰএলএম)ৰ অধীনত মহিলাৰ আত্মসহায়ক গোটসমূহলৈ স্বীকৃতিপত্ৰ/চেক প্ৰদান কৰিব৷ এমএছআৰএলএমৰ দ্বাৰা সামাজিক ম’বিলাইজেছনৰ জৰিয়তে বিত্তীয় সমাপন কৰি জীৱিকাৰ সুবিধা প্ৰদানৰ পদক্ষেপ গ্ৰহণ কৰা হৈছে৷
ধুলেত
ইয়াৰ পিছত প্ৰধানমন্ত্ৰীয়ে মহাৰাষ্ট্ৰৰ ধুলে ভ্ৰমণ কৰিব৷ তাতে তেওঁ পিএমকেএছৱাইৰ অধীনত ল’ৱাৰ পানাজাৰা মজলীয়া প্ৰকল্প মুকলি কৰিব৷ এই প্ৰকল্পটো ২০১৬-১৭ চনত প্ৰধানমন্ত্ৰী কৃষি সিঞ্চন যোজনা (পিএমকেএছৱাই)ৰ অধীনত গ্ৰহণ কৰা হৈছিল৷ ইয়াৰ ১০৯.৩১ মেট্ৰিক ঘনমিটাৰৰ সামৰ্থৰ সৈতে ধুলে জিলাৰ ২১খন গাঁৱত ৭৫৮৫ হেক্টৰ ভূমিত জলসিঞ্চনৰ সুবিধা প্ৰদান কৰাৰ ক্ষমতা আছে৷
প্ৰধানমন্ত্ৰীয়ে ছুলৱাড়ে জামফাল কানলি লিফ্ট জলসিঞ্চন আঁচনিৰো আধাৰশিলা স্থাপন কৰিব৷ ইয়াৰ বাৰিষাৰ ঋতুৰ ১২৪ দিনত টাপি নদীৰ পৰা ৯.২৪ টিএমচি বানপানী সিঁচাৰ ক্ষমতা আছে৷ ইয়াৰ দ্বাৰা ধুলে জিলাৰ ১০০খন গাঁৱৰ ৩৩৩৬৭ হেক্টৰ ভূমিত জলসিঞ্চনৰ সুবিধা প্ৰদান কৰা হ’ব৷
প্ৰধানমন্ত্ৰীয়ে অমৃত যোজনাৰ অধীনত ধুলে চিটী পানী যোগান আঁচনিৰ আধাৰশিলা স্থাপন কৰিব৷ ইয়াৰ দ্বাৰা উদ্যোগ তথা বাণিজ্যিক উত্তৰণৰ বাবে প্ৰয়োজনীয় পানীৰ ব্যৱস্থাপনা সম্ভৱ হ’ব৷
প্ৰধানমন্ত্ৰীয়ে ধুলে-নাৰদানা ৰে’লৱে লাইন আৰু জলগাঁও-মানমাড় তৃতীয় ৰে’লৱে লাইনৰ আধাৰশিলাও স্থাপন কৰিব৷ তেওঁ ভিডিঅ’ লিংকযোগে ভুশাৱাল-বান্দ্ৰা খান্দেশ এক্সপ্ৰেছ ৰে’লৰ ফ্লেগ-অফ্ কৰিব৷ ই মুম্বাই আৰু ভুশাৱালৰ মাজত নৈশ ৰে’লযাত্ৰাৰ সুবিধা প্ৰদান কৰিব৷ এই ৰে’লখন সপ্তাহত তিনি দিন চলিব৷
প্ৰধানমন্ত্ৰীয়ে জলগাঁও-উধানা দ্বৈতকৰণ আৰু বৈদ্যুতিক ৰে’ল প্ৰকল্পৰ মুকলি কৰিব৷ এই প্ৰকল্পৰ জৰিয়তে যাত্ৰী কঢ়িওৱা সামৰ্থ বৃদ্ধি হ’ব৷ ই নন্দুবাৰ, ব্যাৰা, ধাৰণগাঁও আৰু অন্য স্থানসমূহৰ উন্নয়নৰ অনুঘটক হিচাপে বিবেচিত হ’ব৷
