প্ৰধানমন্ত্ৰী শ্ৰী নৰেন্দ্ৰ মোদীয়ে চৰকাৰৰ মুৰব্বী হিচাপে ২৩ বছৰ সম্পূৰ্ণ কৰাৰ বাবে আন্তৰিক ধন্যবাদ জ্ঞাপন কৰিছে। গুজৰাটৰ মুখ্যমন্ত্ৰী হিচাপে থকা কাৰ্যকালৰ কথা স্মৰণ কৰি তেওঁ কয় যে কেনেকৈ ৰাজ্যখন ‘সবকা সাথ, সবকা বিকাশ’ৰ আৰ্হি হৈ পৰিল, সমাজৰ সকলো শ্ৰেণীৰ বাবে সমৃদ্ধিৰ প্ৰসাৰ ঘটিল। প্ৰধানমন্ত্ৰীয়ে উল্লেখ কৰে যে বিগত দশকলৈ উভতি চালে দেখা যায় যে ভাৰতৰ উল্লেখযোগ্য উন্নয়নমূলক অগ্ৰগতিয়ে দেশখনক বিশ্বজুৰি আশাবাদৰ অভিকেন্দ্ৰ হিচাপে স্থান দিছে। তেওঁ নাগৰিকসকলক আশ্বস্ত কৰি কয় যে তেওঁ অক্লান্তভাৱে, জিৰণি নোহোৱাকৈ, এখন ‘বিকশিত ভাৰত’ৰ সামূহিক লক্ষ্য বাস্তৱায়িত নোহোৱালৈকে কাম কৰি যাব।
প্ৰধানমন্ত্ৰীয়ে এক্সত এটা পোষ্ট কৰি উল্লেখ কৰে -
“#23YearsOfSeva…
চৰকাৰৰ মুৰব্বী হিচাপে ২৩ বছৰ সম্পূৰ্ণ কৰাৰ সময়ত যিসকলে আশীৰ্বাদ আৰু শুভেচ্ছা প্ৰেৰণ কৰিছে তেওঁলোকৰ প্ৰতি আন্তৰিক কৃতজ্ঞতা জ্ঞাপন কৰিছো। ২০০১ চনৰ ৭ অক্টোবৰত মই গুজৰাটৰ মুখ্যমন্ত্ৰী হিচাপে কাৰ্যনিৰ্বাহ কৰাৰ দায়িত্ব লৈছিলো। মোৰ দল @BJP4India ৰ মহত্ত্বই মোৰ দৰে নম্ৰ কৰ্মকৰ্তাক ৰাজ্য প্ৰশাসনৰ নেতৃত্ব দিয়াৰ দায়িত্ব অৰ্পণ কৰিছিল।”
“যেতিয়া মই মুখ্যমন্ত্ৰী হিচাপে কাৰ্যভাৰ গ্ৰহণ কৰিছিলো, তেতিয়া গুজৰাটে অসংখ্য প্ৰত্যাহ্বানৰ সৈতে যুঁজি আছিল — ২০০১ চনৰ কুচ ভূমিকম্প, তাৰ আগতে হোৱা ছুপাৰ চাইক্ল’ন, ভয়াৱহ খৰাং, আৰু দুৰ্নীতি, সাম্প্ৰদায়িকতা আৰু জাতিবাদৰ দ্বাৰা চিহ্নিত কংগ্ৰেছৰ দশক দশক ধৰি হোৱা ভুল শাসনৰ গভীৰ শিপাই থকা পৰম্পৰা। ইয়াৰ পিছতজনশক্তিৰ শক্তিৰ দ্বাৰা পৰিচালিত হৈ আমি গুজৰাটক পুনৰ নিৰ্মাণ কৰি নতুন উচ্চতালৈ লৈ গ’লোঁ, আনকি কৃষিৰ দৰে খণ্ডতো আমি উত্তৰণ লাভ কৰিলোঁ, য’ত ৰাজ্যখনক পৰম্পৰাগতভাৱে স্বীকৃতি দিয়া হোৱা নাছিল।”
“মূখ্যমন্ত্ৰী হিচাপে মোৰ ১৩ বছৰত গুজৰাট সমাজৰ সকলো শ্ৰেণীৰ সমৃদ্ধি নিশ্চিত কৰি 'সবকা সাথ, সবকা বিকাশ'ৰ এক উজ্জ্বল নিদৰ্শন হৈ পৰিল। ২০১৪ চনত ভাৰতৰ জনসাধাৰণে মোৰ দলটোক অভিলেখৰ আদেশেৰে আশীৰ্বাদ দিলে, যাৰ ফলত মই সেৱা আগবঢ়াব পাৰিলোঁ।" প্ৰধানমন্ত্ৰী হিচাপে এইটো আছিল এক ঐতিহাসিক মুহূৰ্ত, কিয়নো ৩০ বছৰৰ ভিতৰত প্ৰথমবাৰৰ বাবে এটা দলে সম্পূৰ্ণ সংখ্যাগৰিষ্ঠতা লাভ কৰিছিল।”
“যোৱা এটা দশকত আমি আমাৰ জাতিৰ সন্মুখত থকা কেইবাটাও প্ৰত্যাহ্বান সফলভাৱে মোকাবিলা কৰিছো। ২৫ কোটিতকৈ অধিক লোকক দৰিদ্ৰতাৰ পৰা মুক্ত কৰা হৈছে, আৰু ভাৰত পঞ্চম বৃহত্তম অৰ্থনীতি হিচাপে আত্মপ্ৰকাশ কৰিছে। এই অগ্ৰগতিৰ ফলত আমাৰ এমএছএমই, ষ্টাৰ্টআপ আদিয়ে বিশেষভাৱে উপকৃত হৈছে।" আমাৰ কঠোৰ পৰিশ্ৰমী কৃষক নাৰী শক্তি, যুৱ শক্তিৰ লগতে সমাজৰ দৰিদ্ৰ আৰু প্ৰান্তীয় শ্ৰেণীৰ বাবে সমৃদ্ধিৰ নতুন পথ মুকলি হৈছে।”
"ভাৰতৰ উল্লেখযোগ্য উন্নয়নমূলক অগ্ৰগতিয়ে আমাৰ দেশক বিশ্বৰ মঞ্চত আশাবাদৰ অভিকেন্দ্ৰ হিচাপে স্থান দিছে। বিশ্বই আমাৰ সৈতে জড়িত হ'বলৈ, আমাৰ জনসাধাৰণৰ মাজত বিনিয়োগ কৰিবলৈ, আৰু আমাৰ সফলতাৰ অংশ হ'বলৈ আগ্ৰহী। একে সময়তে ভাৰতে জলবায়ু পৰিৱৰ্তন, স্বাস্থ্যসেৱা উন্নত কৰা, এছডিজি বাস্তৱায়িত কৰা আদিয়েই হওক বিশ্বজনীন প্ৰত্যাহ্বানসমূহ অতিক্ৰম কৰাৰ বাবে ব্যাপকভাৱে কাম কৰি আছে।”
"বছৰ বছৰ ধৰি বহুখিনি সাফল্য লাভ কৰা হৈছে, কিন্তু এতিয়াও বহু কাম বাকী আছে। এই ২৩ বছৰত শিকি অহা শিক্ষাই আমাক এনে অগ্ৰণী পদক্ষেপ আৰম্ভ কৰিবলৈ শক্তিশালী কৰি তুলিছে যিয়ে ৰাষ্ট্ৰীয় আৰু বিশ্বব্যাপী উভয়তে উল্লেখযোগ্য প্ৰভাৱ পেলাইছে। মই মোৰ সতীৰ্থ ভাৰতীয়সকলক আশ্বস্ত কৰিছো যে, "যেতিয়ালৈকে আমাৰ সামূহিক লক্ষ্য 'বিকশিত ভাৰত'ৰ স্বপ্ন বাস্তৱায়িত নহয়, তেতিয়ালৈকে মই অক্লান্তভাৱে, আৰু অধিক জোৰদাৰভাৱে, জনসাধাৰণৰ সেৱাত কাম কৰি যাম।"
#23YearsOfSeva…
— Narendra Modi (@narendramodi) October 7, 2024
A heartfelt gratitude to everyone who has sent their blessings and good wishes as I complete 23 years as the head of a government. It was on October 7, 2001, that I took on the responsibility of serving as the Chief Minister of Gujarat. It was the greatness of…
