Share
 
Comments

প্ৰধানমন্ত্ৰী শ্ৰী নৰেন্দ্ৰ মোদীয়ে আজি ভিডিঅ’ কনফাৰেন্সযোগে চেন্নাইত অনুষ্ঠিত তামিল আলোচনী থুগলকৰ ৫০তম বাৰ্ষিকীত অংশগ্ৰহণ কৰে৷ উপস্থিত ব্যক্তিসকলক সম্বোধি প্ৰধানমন্ত্ৰীয়ে বিগত ৫০ বছৰ ধৰি আলোচনীখনে প্ৰদৰ্শিত কৰি অহা সাফল্যৰ ধাৰাক প্ৰশংসা কৰে৷ আলোচনীখনৰ প্ৰতিষ্ঠাতা চো ৰামাস্বামীৰ দেহাৱসানত তেওঁ শোকো প্ৰকাশ কৰে৷ প্ৰধানমন্ত্ৰীয়ে আলোচনীখন সত্য, বৌদ্ধিক তৰ্ক আৰু ব্যংগ সাহিত্যৰ ওপৰত প্ৰতিষ্ঠিত বুলি উল্লেখ কৰে৷

তামিলনাডুৰ গতিশীলতা

তামিলনাডুৰ গতিশীলতাৰ বিষয়ে উল্লেখ কৰি প্ৰধানমন্ত্ৰীয়ে কয় যে ৰাজ্যখনে শতিকাজুৰি দেশক পথ প্ৰদৰ্শিত কৰি আহিছে৷ এই সন্দৰ্ভত তেওঁ এইদৰে কয়, ‘‘তামিলনাডুৰ গতিশীলতা তথা ইয়াৰ জনসাধাৰণে মোক আচৰিত কৰি তোলে৷ তামিলনাডুয়ে শতিকাজুৰি দেশক পথ প্ৰদৰ্শিত কৰি আহিছে৷ ইয়াত সামাজিক সংস্কাৰৰ সৈতে অৰ্থনৈতিক সংস্কাৰো সুন্দৰভাৱে খাপ খাই পৰিছে৷ এই ভূমি বিশ্বৰ সবাতোকৈ প্ৰাচীন ভাষাৰ গৃহভূমি৷ যোৱা বছৰৰ ছেপ্টেম্বৰ মাহত মই ৰাষ্ট্ৰসংঘৰ ভাষণত তামিল ভাষাত কেইশাৰীমান বাক্য উপস্থাপন কৰিবলৈ সক্ষম হৈছিলো৷’’

তামিলনাডুৰ বাবে প্ৰতিৰক্ষা কৰিডৰ

ৰাজ্যখনৰ বিকাশৰ ধাৰাক আলোকপাত কৰি প্ৰধানমন্ত্ৰীয়ে কয় যে কেন্দ্ৰীয় চৰকাৰে এই ক্ষেত্ৰত বিভিন্ন পদক্ষেপ যেনে দুটা প্ৰতিৰক্ষা কৰিডৰৰ ভিতৰত এটা তামিলনাডুত স্থাপন কৰিবলৈ ওলাইছে৷ এই সন্দৰ্ভত তেওঁ এইদৰে কয়, ‘‘বিগত কেইটামান বৰ্ষ ধৰি তামিলনাডুত বিকাশৰ গতি দ্ৰুত হৈছে৷ প্ৰতিৰক্ষা কৰিডৰ স্থাপনৰ দৰে অভিলাসী আঁচনি গ্ৰহণ কৰাৰ পৰিপ্ৰেক্ষিতত তাৰে এটা কৰিডৰ আমি তামিলনাডুত স্থাপন কৰিবলৈ ওলাইছো৷ এই কৰিডৰে ৰাজ্যখনলৈ অধিক উদ্যোগৰ স্ৰোত সম্ভৱ কৰি তোলাৰ লগতে তামিল যুৱক-যুৱতীসকলে কৰ্মসংস্থাপনৰ সুযোগো লাভ কৰিব৷’’

বস্ত্ৰ আৰু ফিচাৰীখণ্ডৰ প্ৰসাৰণ

প্ৰধানমন্ত্ৰীয়ে কয় যে ৰাজ্যখনৰ বস্ত্ৰখণ্ডৰ আধুনিকীকৰণৰ বাবে বিশেষ প্ৰয়াস কৰা হৈছে৷ বস্ত্ৰখণ্ডক তামিলনাডুৰ বিকাশৰ অন্যতম উৎস বুলি অভিহিত কৰি প্ৰধানমন্ত্ৰীয়ে কয় যে বস্ত্ৰখণ্ডৰ আধুনিকীকৰণৰ বাবে ৰাষ্ট্ৰীয় হস্ততাঁত বিকাশ কাৰ্যসূচীৰ অধীনত বিত্তীয় সাহায্য প্ৰদান কৰা হৈছে৷ দুটা মেগা হস্ততাঁত ক্লাষ্টাৰ স্থাপন কৰা হ’ব আৰু লগতে যান্ত্ৰিক আধুনিকীকৰণৰ বাবে সংসাধনো আৱণ্টিত কৰা হৈছে বুলি তেওঁ উল্লেখ কৰে৷

শ্ৰী নৰেন্দ্ৰ মোদীয়ে ফিচাৰীখণ্ডৰ প্ৰসাৰণৰ বাবেও বিশেষ ব্যৱস্থা গ্ৰহণ কৰা বুলি জানিবলৈ দিয়ে৷ তেওঁ কয় যে প্ৰযুক্তি, বিত্তীয় সাহায্য তথা মানৱ সম্পদৰ জৰিয়তে ফিচাৰীখণ্ডৰ বিকাশৰ ব্যৱস্থা গ্ৰহণ কৰা হৈছে৷ কিছুদিন পূৰ্বে তামিলনাডুৰ মাছমৰীয়াসকলক গভীৰ সাগৰৰ মাছ ধৰা নাও আৰু ট্ৰেন্সপ’ণ্ডাৰ্ছো বিতৰণ কৰা বুলি তেওঁ উল্লেখ কৰে৷ মাছমৰীয়াসকলেও এতিয়াৰে পৰা কিষাণ ক্ৰেডিট কাৰ্ডৰ সুবিধা লাভ কৰাৰ লগতে নাওসমূহৰো আধুনিকীকৰণ কৰা হৈছে বুলি প্ৰধানমন্ত্ৰীয়ে জানিবলৈ দিয়ে৷

পৰ্যটনৰ প্ৰসাৰণ

প্ৰধানমন্ত্ৰীয়ে দেশৰ জনসাধাৰণক আগন্তুক দুবছৰৰ ভিতৰত ভাৰতৰ যিকোনো ১৫টা স্থান ভ্ৰমণ কৰিবলৈ আহ্বান জনায়৷ এই সন্দৰ্ভত তেওঁ এইদৰে কয়, ‘‘যোৱা পাঁচ বছৰত ভাৰতত বিদেশী পৰ্যটকৰ সংখ্যা উল্লেখযোগ্য ধৰণে বৃদ্ধি পাইছে৷ ফলত পৰ্যটনৰ পৰা বৈদেশিক মুদ্ৰাও উপাৰ্জন হৈছে৷ আপোনালোকে এই কথা জানি সুখী হ’ব যে তামিলনাডুয়ে কেন্দ্ৰীয় চৰকাৰৰ স্বদেশ দৰ্শন আৰু প্ৰসাদ আঁচনিৰ অধীনত বিশেষভাৱে উপকৃত হৈছে৷ চেন্নাইৰ পৰা কন্যাকুমাৰী, কাঞ্চীপুৰম আৰু ভেল্লানকালিলৈ সাগৰীয় উপকূলক পৰ্যটন অনুকূল হিচাপে নিৰ্মাণ কৰা হ’ব৷’’

নতুন ভাৰত-নতুন দশক

প্ৰধানমন্ত্ৰীয়ে কয়, ‘‘ভাৰতে নতুন দশকত প্ৰৱেশ কৰাৰ মুহূৰ্তত ভাৰতৰ জনসাধাৰণে দেশক বিকাশৰ নতুন উচ্চতাত অৱৰোহণ কৰোৱাব৷ মই সদায়েই বিশ্বাস কৰোঁ: আমাৰ সভ্যতা বিকশিত হোৱাৰ মূলতে দুটা কাৰণ আছে৷ প্ৰথমটো হ’ল দেশৰ ঐক্যতা, বৈচিত্ৰতা আৰু ভ্ৰাতৃত্ববোধৰ উদযাপন৷ আৰু দ্বিতীয়টো হ’ল ভাৰতৰ জনসাধাৰণৰ সদিচ্ছা আৰু উৎসাহ৷ যেতিয়া ভাৰতে কিবা এটা কৰাৰ বাবে সিদ্ধান্ত গ্ৰহণ কৰে, তেতিয়া কোনো শক্তিয়েই তেওঁলোকক স্তব্ধ কৰিব নোৱাৰে৷’’
এই সন্দৰ্ভত তেওঁ সংবাদ মাধ্যমৰ ভূমিকাক প্ৰশংসা কৰি কয় যে সংবাদ মাধ্যমে ৰাষ্ট্ৰ নিৰ্মাণৰ প্ৰতিটো মহৎ পদক্ষেপ যেনে স্বচ্ছতা, এবাৰ ব্যৱহৃত প্লাষ্টিকৰ বৰ্জন আদি আঁচনিসমূহক দেশৰ জনসাধাৰণৰ মাজলৈ লৈ গৈছে৷ আগন্তুক সময়তো এই উদ্দীপনা যাতে বৰ্তি থাকে তাৰবাবে প্ৰধানমন্ত্ৰীয়ে আশা প্ৰকাশ কৰে৷

 

‘মন কী বাত’ৰ বাবে আপোনাৰ ধাৰণা আৰু পৰামৰ্শ এতিয়াই শ্বেয়াৰ কৰক!
সেৱা আৰু সমৰ্পণৰ ২০ বছৰক সূচিত কৰা ২০ খন আলোকচিত্ৰ
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
An order that looks beyond just economics, prioritises humans

Media Coverage

An order that looks beyond just economics, prioritises humans
...

Nm on the go

Always be the first to hear from the PM. Get the App Now!
...
চ'ছিয়েল মিডিয়া কৰ্ণাৰ 26 নৱেম্বৰ 2021
November 26, 2021
Share
 
Comments

Along with PM Modi, nation celebrates Constitution Day.

Indians witness firsthand the effectiveness of good governance under PM Modi.