Share
 
Comments

অহা ২আগষ্ট ২০২১ৰ বিয়লি ৪.৩০বজাত প্ৰধানমন্ত্ৰী শ্ৰী নৰেন্দ্ৰ মোদীয়ে ‘ভিডিঅ’ কনফাৰেন্সিং’ ব্যস্থাৰে এক ব্যক্তি আৰু উদ্দেশ্যবিশিষ্ট ‘ডিজিটেল পৰিশোধ সমাধান’ ‘ই-ৰুপি’-ৰ শুভাৰম্ভ ঘোষণা কৰিব।

ডিজিটেল পদক্ষেপ গ্ৰহণৰ ক্ষেত্ৰত প্ৰধানমন্ত্ৰীয়ে সদায়ে অগ্ৰণী ভূমিকা পালন কৰি আহিছে। বিগত বছৰসমূহত চৰকাৰ আৰু হিতাধিকাৰীসকলৰ মাজত অন্যৰ হস্তক্ষেপ তেনেই সীমিত কৰাৰ জৰিয়তে হেৰ-ফেৰৰ আশংকা-শূণ্য কৰি লক্ষ্য-নিৰ্দিষ্ট হিতাধিকাৰীসকলক প্ৰদান কৰিব বিচৰা লাভ নিশ্চিত ৰূপত আদায় দিয়াৰ বাবে বহু সংখ্যক কাৰ্যক্ৰম গ্ৰহণ কৰি আহিছে। ‘ইলেক্ট্ৰনিক ভাউচাৰ’ৰ অৱধাৰণাই সু-শাসনৰ সপোনক আগুৱাই নিয়াত বিশেষ সহযোগিতা আগবঢ়াব।

ই-ৰুপিৰ বিষয়ে

‘ই-ৰুপি’ হৈছে নগদ আৰু স্পৰ্শ-শূণ্য এবিধ ‘ডিজিটেল পৰিশোধ আহিলা’। দৰাচলতে ই ‘কিউআৰ কোড’ অথবা ‘এছএমএছ’ বিশিষ্ট এবিধ ‘ই-ভাউচাৰ’, যাক মোবাইলৰ মাধ্যমেৰে হিতাধিকাৰীসকললৈ প্ৰেৰণ কৰা হ’ব। তেনেই সহজ এই এককালীন দেনা ব্যৱস্থা ব্যৱহাৰ কৰোতাসকলে ‘কাৰ্ড’, ‘ডিজিটেল পেমেণ্ট এপ্’ অথবা ‘ইণ্টাৰনেট বেংকিং’-ব্যৱস্থাত প্ৰৱেশ নকৰাকৈয়ে এই ‘ভাউচাৰ’ৰ ধনৰাশিৰ উপযোগ কৰিব পাৰিব। ‘নেশ্যনেল পেমেণ্ট কৰ্পোৰেশ্যন অব ইণ্ডিয়া’ই ‘বিত্তীয় সেৱা বিভাগ’, ‘স্বাস্থ্য আৰু পৰিয়াল কল্যাণ মন্ত্ৰালয়’ আৰু ‘ৰাষ্ট্ৰীয় স্বাস্থ্য প্ৰাধিকৰণ’ৰ সহযোগত ইয়াৰ ‘ইউপিআই প্লেটফৰ্ম’ত এই আহিলা বিকশিত কৰি উলিয়াইছে।

‘ই-ৰুপি’-য়ে হিতাধিকাৰী আৰু সেৱা আগবঢ়াওতাৰ সৈতে সেৱাৰ পৃষ্ঠপোষকতাকৰোতাসকলক সোঁ-শৰীৰে সম্পৰ্কলৈ নহাকৈয়ে ‘ডিজিটেল’ মাধ্যমেৰে সংযোজিত কৰে। তদুপৰি ই সেৱা আগবঢ়াওতাক আদায় দিব লগা ধন লেন-দেন প্ৰক্ৰিয়া সম্পূৰ্ণ হোৱাৰ পিচতহে সম্পন্ন হোৱাটো নিশ্চিত কৰে। ই মধ্যস্থতাকাৰীক জড়িত নকৰাকৈয়ে সেৱা আগবঢ়াওতালৈ দিবলগা ধন নিৰ্দ্ধাৰিত সময়ত আদায় দিয়াটোও নিশ্চিত কৰে।   

কল্যাণকামী সেৱা আগবঢ়োৱাৰ ক্ষেত্ৰত হেৰ-ফেৰৰ আশংকাশূণ্য প্ৰেৰক ব্যৱস্থা নিশ্চিত কৰাৰ দিশত ই এক বৈপ্লৱিক পদক্ষেপ হিচাপেই চিহ্নিত হ’ব বুলি আশা কৰা হৈছে। এই ব্যৱস্থাক ‘মাতৃ আৰু শিশু কল্যাণ আঁচনি’ৰ অধীনত ঔষধ আৰু পৰিপুষ্টি সহযোগিতা, ‘আয়ুষ্মান ভাৰত প্ৰধানমন্ত্ৰী জন ঔষধী যোজনা’ৰ অধীনত ‘যক্ষ্মা নিবাৰণ কাৰ্যক্ৰম’, ‘ঔষধ আৰু ৰোগ-বিশ্লেষণ’ তথা সাৰ আৰু ৰাসায়ণ আদিৰ ৰাজসাহায্য প্ৰদানৰ বেলিকাও ব্যৱহাৰ কৰিব পৰা যাব। আনকি, কৰ্মচাৰী কল্যাণ আৰু কৰ্পোৰেট সামাজিক দায়বদ্ধতা কাৰ্যক্ৰম আদিৰ দৰে ক্ষেত্ৰত ব্যক্তিগত খণ্ডৰ নিকায়সমূহেও এই ‘ডিজিটেল ভাউচাৰ’ৰ সহযোগিতা গ্ৰহণ কৰিব পাৰিব।

 

সেৱা আৰু সমৰ্পণৰ ২০ বছৰক সূচিত কৰা ২০ খন আলোকচিত্ৰ
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Mohandas Pai Writes: Vaccine Drive the Booster Shot for India’s Economic Recovery

Media Coverage

Mohandas Pai Writes: Vaccine Drive the Booster Shot for India’s Economic Recovery
...

Nm on the go

Always be the first to hear from the PM. Get the App Now!
...
চ'ছিয়েল মিডিয়া কৰ্ণাৰ 26 অক্টোবৰ 2021
October 26, 2021
Share
 
Comments

PM launches 64k cr project to boost India's health infrastructure, gets appreciation from citizens.

India is making strides in every sector under the leadership of Modi Govt