প্রধানমন্ত্রী শ্রী নৰেন্দ্র মোদীয়ে কাইলৈ, ২৩ অক্টোবৰৰ বিয়লি ১১বজাত ভিডিঅ’ কনফাৰেন্সিংযোগে আত্মনির্ভৰ ভাৰত স্বয়ংপূর্ণ গোৱা আঁচনিৰ হিতাধিকাৰী আৰু অংশীদাৰসকলৰ সৈতে মত বিনিময় কৰিব। মত বিনিয়মৰ শেষত তেওঁ ভাষণ আগবঢ়াব।
প্রধানমন্ত্রীৰ আত্মনির্ভৰ ভাৰত গঠনৰ আহ্বান উদ্বুদ্ধ হৈ ২০২০ৰ ১ অক্টোবৰ স্বয়ংপূর্ণ গোৱা আঁচনিৰ সূচনা হয়। এই আঁচনিৰ অধীনত স্বয়ংপূর্ণ মিত্র হিচাপে ৰাজ্য চৰকাৰী বিষয়া নিয়োগ কৰা হয়। এই চৰকাৰী বিষয়াসকলে নির্দিষ্ট এখন পঞ্চায়ত বা পৌৰসভাত গৈ সাধাৰণ মানুহৰ সৈতে মত বিনিময় কৰি বিভিন্ন চৰকাৰী বিভাগৰ সৈতে সমন্বয় সাধন কৰিব, যাতে যোগ্য হিতাধিকাৰীসকলৰ বাবে চৰকাৰী আঁচনিৰ সা-সুবিধা সুনিশ্চিত হয়৷
এই উপলক্ষে গোৱাৰ মুখ্যমন্ত্রী শ্রী প্রমোদ ছাৱন্তো উপস্থিত থাকিব৷
