প্ৰধানমন্ত্ৰী শ্ৰী নৰেন্দ্ৰ মোদী আৰু অষ্ট্ৰেলিয়াৰ মহামহিম প্ৰধানমন্ত্ৰী এন্থনী এলবানিছে আমেৰিকা যুক্তৰাষ্ট্ৰৰ উইলমিংটনত অনুষ্ঠিত ‘ষষ্ঠ কোৱাড লীডাৰ্ছ সন্মিলন’ৰ সময়ত এক বৈঠকত মিলিত হয়। ২০২২-ৰ মে’ মাহৰ পৰা এয়া আছিল তেওঁলোকৰ মাজত অনুষ্ঠিত নৱম ব্যক্তিগত বাৰ্তালাপ।
দুয়োগৰাকী নেতাই ৰাজনৈতিক আৰু কৌশলগত, প্ৰতিৰক্ষা আৰু নিৰাপত্তা, বাণিজ্য আৰু বিনিয়োগ, শিক্ষা আৰু গৱেষণা, জলবায়ু পৰিৱৰ্তন আৰু নৱীকৰণযোগ্য শক্তি আৰু জনসাধাৰণৰ মাজৰ সম্পৰ্কৰ দৰে বিভিন্ন ক্ষেত্ৰত দ্বিপাক্ষিক সহযোগিতা শক্তিশালী কৰাৰ বিষয়ে আলোচনা কৰে। প্ৰধানমন্ত্ৰীদ্বয়ে পাৰস্পৰিক স্বাৰ্থজড়িত আঞ্চলিক আৰু গোলকীয় বিষয়সমূহৰ সন্দৰ্ভতো মত বিনিময় কৰে। তেওঁলোকে স্বীকাৰ কৰে যে উচ্চ পৰ্যায়ৰ সম্পৰ্কৰ সঘনতাই দ্বিপাক্ষিক সম্পৰ্কক এক শক্তিশালী গতি প্ৰদান কৰিছে।
দুয়োগৰাকী নেতাই বহুপাক্ষিক ক্ষেত্ৰত সহযোগিতা শক্তিশালী কৰাৰ প্ৰতি শ্ৰদ্ধা প্ৰকাশ কৰাৰ লগতে ভাৰত-অষ্ট্ৰেলিয়া ব্যাপক কৌশলগত অংশীদাৰিত্বক আৰু অধিক উচ্চতালৈ লৈ যোৱাৰ প্ৰতিশ্ৰুতি দোহাৰে।
Held extensive discussions with PM Albanese. We seek to add even more momentum in areas like trade, security, space and culture. India greatly cherishes the time tested friendship with Australia. @AlboMP pic.twitter.com/Bo4kzd8QwY
— Narendra Modi (@narendramodi) September 22, 2024
