প্ৰধানমন্ত্ৰী শ্ৰী নৰেন্দ্ৰ মোদীয়ে আজি বিশ্ব স্বাস্থ্য দিৱস উপলক্ষে আনৰ সেৱাৰ বাবে অক্লান্তভাৱে নিজকে উৎসৰ্গিত কৰা আৰু এক স্বাস্থ্যৱান বিশ্বৰ দিশত কাম কৰা সকলো ব্যক্তিৰ প্ৰতি গভীৰ কৃতজ্ঞতা প্ৰকাশ কৰিছে।
সুস্থ সমাজ গঢ়ি তোলাৰ বাবে ৰাষ্ট্ৰীয় প্ৰতিশ্ৰুতি পুনৰ দোহাৰি শ্ৰী মোদীয়ে স্বাস্থ্যসেৱা প্ৰণালী শক্তিশালী কৰা আৰু প্ৰতিজন ব্যক্তিৰ কল্যাণক অগ্ৰাধিকাৰ দিয়াৰ বাবে সামূহিক প্ৰচেষ্টা অব্যাহত ৰাখিবলৈ আহ্বান জনায়।
প্ৰধানমন্ত্ৰীয়ে লগতে সকলো নাগৰিকৰ সুস্বাস্থ্যৰ বাবে শুভেচ্ছা জ্ঞাপন কৰে আৰু সকলোকে তেওঁলোকৰ ব্যক্তিগত সুস্থতা বৰ্তাই ৰাখিবলৈ সকলো সম্ভৱ প্ৰচেষ্টা কৰিবলৈ উৎসাহ প্ৰদান কৰে। এই সন্দৰ্ভত প্ৰধানমন্ত্ৰীয়ে শাৰীৰিক ব্যায়ামৰ উপকাৰসমূহৰ ওপৰত আলোকপাত কৰি এটা সংস্কৃত হিতোপদেশ শ্বেয়াৰ কৰে।
প্ৰধানমন্ত্ৰীয়ে এক্সত লিখিছেঃ
"বিশ্ব স্বাস্থ্য দিৱসৰ দিনা আমি সেই সকলোৰে প্ৰতি কৃতজ্ঞতা প্ৰকাশ কৰিছো যিসকলে আনৰ সেৱাৰ বাবে অক্লান্তভাৱে নিজকে উৎসৰ্গা কৰিছে আৰু এক স্বাস্থ্যকৰ বিশ্বৰ হকে কাম কৰি আছে। আমি এক স্বাস্থ্যকৰ সমাজ গঢ়ি তোলাৰ ক্ষেত্ৰত আমাৰ প্ৰতিশ্ৰুতি পুনৰ দোহাৰিছো। আহক আমি সকলোৱে স্বাস্থ্যসেৱা প্ৰণালী শক্তিশালী কৰিবলৈ আৰু প্ৰতিজন ব্যক্তিৰ কল্যাণক অগ্ৰাধিকাৰ দিবলৈ একেলগে কাম কৰি যাও।"
"বিশ্ব স্বাস্থ্য দিৱসৰ দিনা মই সকলো দেশবাসীৰ সুস্বাস্থ্য কামনা কৰিছো। মই আশা কৰিছো আপোনালোকে নিজকে সুস্থ ৰাখিবলৈ সকলো প্ৰচেষ্টা অক্ষুণ্ণ ৰাখক।
लाघवं कर्मसामर्थ्यं दीप्तोऽग्निर्मेदसः क्षयः।
विभक्तघनगात्रत्वं व्यायामादुपजायते॥"
ব্যায়ামে কাম কৰাৰ ক্ষমতা বৃদ্ধি কৰে, পাচন শক্তি বৃদ্ধি কৰে, মেদবহুলতা হ্ৰাস কৰে আৰু শৰীৰৰ অংগবোৰ শক্তিশালী আৰু সঠিক অনুপাতৰ হ’বলৈ আৰম্ভ কৰে।
On World Health Day, we express our gratitude to all those who dedicate themselves tirelessly to the service of others and work towards a healthier planet. We also reaffirm our commitment to building a healthier society. Let us all keep working together to strengthen healthcare…
— Narendra Modi (@narendramodi) April 7, 2026
विश्व स्वास्थ्य दिवस पर मैं सभी देशवासियों के उत्तम स्वास्थ्य की कामना करता हूं। मेरा आग्रह है कि खुद को स्वस्थ रखने के लिए हरसंभव प्रयास जरूर करें।
— Narendra Modi (@narendramodi) April 7, 2026
लाघवं कर्मसामर्थ्यं दीप्तोऽग्निर्मेदसः क्षयः।
विभक्तघनगात्रत्वं व्यायामादुपजायते॥ pic.twitter.com/EEH6gNbodz
