প্ৰধানমন্ত্ৰী শ্ৰী নৰেন্দ্ৰ মোদী আৰু ৰাষ্ট্ৰপতি ইমানুৱেল মেক্ৰনে কালি ফ্ৰান্সৰ ৰাষ্ট্ৰপতিৰ বিমানেৰে পেৰিছৰ পৰা মাৰ্চেইললৈ বিমান যাত্ৰা কৰে। এই বিমান যাত্ৰাই দুয়োজন নেতাৰ ব্যক্তিগত সম্পৰ্কক প্ৰতিফলিত কৰে। তেওঁলোকে দ্বিপাক্ষিক সম্পৰ্ক তথা মূল বিশ্বজনীন আৰু আঞ্চলিক বিষয়সমূহৰ ওপৰত সবিস্তাৰে আলোচনা কৰে। মাৰ্চেইল পোৱাৰ পিছত প্ৰতিনিধি পৰ্যায়ৰ আলোচনা অনুষ্ঠিত হয়। যোৱা ২৫ বছৰত বহুমুখী সম্পৰ্কলৈ ক্ৰমাগতভাৱে বিকশিত হোৱা ভাৰত-ফ্ৰান্সৰ কৌশলগত অংশীদাৰিত্বৰ প্ৰতি নেতাদ্বয়ে নিজৰ দৃঢ় প্ৰতিশ্ৰুতি পুনৰ দৃঢ় কৰে।
এই আলোচনাত ভাৰত-ফ্ৰান্সৰ কৌশলগত অংশীদাৰিত্বৰ সকলো দিশ সামৰি লোৱা হয়। দুয়োগৰাকী নেতাই প্ৰতিৰক্ষা, অসামৰিক পাৰমাণৱিক শক্তি আৰু মহাকাশৰ দৰে কৌশলগত খণ্ডত সহযোগিতাৰ পৰ্যালোচনা কৰে। প্ৰযুক্তি আৰু উদ্ভাৱনৰ ক্ষেত্ৰত সহযোগিতা শক্তিশালী কৰাৰ ক্ষেত্ৰতো তেওঁলোকে আলোচনা কৰে। শেহতীয়াকৈ সম্পন্ন হোৱা এআই একচন শীৰ্ষ সন্মিলন আৰু ২০২৬ চনত হ’বলগীয়া ভাৰত-ফ্ৰান্স উদ্ভাৱন বছৰৰ পটভূমিত এই অংশীদাৰিত্বৰ ক্ষেত্ৰখন আৰু অধিক গুৰুত্বপূৰ্ণ হৈ পৰিছে। নেতাদ্বয়ে বাণিজ্য আৰু বিনিয়োগৰ সম্পৰ্ক বৃদ্ধিৰ বাবেও আহ্বান জনায় আৰু এই সন্দৰ্ভত চতুৰ্দশ ভাৰত-ফ্ৰান্স চিইঅ’ ফ’ৰামৰ প্ৰতিবেদনক আদৰণি জনায়।
প্ৰধানমন্ত্ৰী আৰু ৰাষ্ট্ৰপতি মেক্ৰনে স্বাস্থ্য, সংস্কৃতি, পৰ্যটন, শিক্ষা আৰু জনসাধাৰণৰ মাজত পাৰস্পৰিক সম্পৰ্কৰ ক্ষেত্ৰত চলি থকা সহযোগিতাৰ ওপৰত সন্তুষ্টি প্ৰকাশ কৰে। তেওঁলোকে ভাৰত-প্ৰশান্ত মহাসাগৰীয় আৰু বিশ্বব্যাপী মঞ্চ আৰু পদক্ষেপসমূহত পাৰস্পৰিক সংযোগ আৰু অধিক গভীৰ কৰাৰ প্ৰতিশ্ৰুতি প্ৰকাশ কৰে।
আলোচনাৰ অন্তত ভাৰত-ফ্ৰান্সৰ সম্পৰ্কত আগবাঢ়ি যোৱাৰ পথৰ ৰূপৰেখা দাঙি ধৰি এক যৌথ বিবৃতি গ্ৰহণ কৰা হয়। প্ৰযুক্তি আৰু উদ্ভাৱন, অসামৰিক পাৰমাণৱিক শক্তি, ত্ৰিকোণীয় সহযোগিতা, পৰিৱেশ, সংস্কৃতি আৰু জনসাধাৰণৰ মাজত পাৰস্পৰিক সম্পৰ্কৰ ক্ষেত্ৰতো দহটা সিদ্ধান্ত চূড়ান্ত কৰা হয় (তালিকা সংলগ্ন কৰা হৈছে)।
ৰাষ্ট্ৰপতি মেক্ৰনে মাৰ্চেইলৰ সমীপৰ উপকূলীয় চহৰ কেছিছত প্ৰধানমন্ত্ৰীৰ সন্মানত নৈশভোজৰ আয়োজন কৰে। প্ৰধানমন্ত্ৰীয়ে ৰাষ্ট্ৰপতি মেক্ৰনক ভাৰত ভ্ৰমণলৈ আমন্ত্ৰণ জনায়।
সিদ্ধান্তৰ তালিকা: প্ৰধানমন্ত্ৰীৰ ফ্ৰান্স ভ্ৰমণ (১০-১২ ফেব্ৰুৱাৰী ২০২৫)
|
ক্ৰঃনং |
বুজাবুজি চুক্তি/চুক্তি/সংশোধন |
ক্ষেত্ৰ |
|
১ |
কৃত্ৰিম বুদ্ধিমত্তা (এআই) সন্দৰ্ভত ভাৰত-ফ্ৰান্স ঘোষণা |
প্ৰযুক্তি আৰু উদ্ভাৱন, বিজ্ঞান আৰু প্ৰযুক্তি |
|
২ |
ভাৰত-ফ্ৰান্স উদ্ভাৱন বৰ্ষ ২০২৬ৰ বাবে প্ৰতীক চিহ্ন (ল'গ') মুকলি |
প্ৰযুক্তি আৰু উদ্ভাৱন, বিজ্ঞান আৰু প্ৰযুক্তি |
|
৩ |
ভাৰত চৰকাৰৰ বিজ্ঞান আৰু প্ৰযুক্তি বিভাগ (ডিএছটি) তথা ইনষ্টিটিউট নেশ্যনেল ডে’ ৰিছাৰ্চ এন ইনফৰ্মেটিক এট এন অটোমেটিক (আইএনআৰআইএ) ফ্ৰান্সৰ মাজত ডিজিটেল বিজ্ঞানৰ বাবে ভাৰত-ফ্ৰান্স কেন্দ্ৰ স্থাপন কৰাৰ সন্মতি পত্ৰ |
প্ৰযুক্তি আৰু উদ্ভাৱন, বিজ্ঞান আৰু প্ৰযুক্তি |
|
৪ |
ফ্ৰান্সৰ ষ্টাৰ্টআপ ইনকিউবেটৰ ষ্টেচন এফত ১০টা ভাৰতীয় ষ্টাৰ্টআপৰ আয়োজনৰ বাবে চুক্তি |
প্ৰযুক্তি আৰু উদ্ভাৱন, বিজ্ঞান আৰু প্ৰযুক্তি |
|
৫ |
উন্নত মডিউলাৰ ৰিয়েক্টৰ আৰু ক্ষুদ্ৰ মডিউলাৰ ৰিয়েক্টৰ সন্দৰ্ভত সহযোগিতা স্থাপনত সন্মতি ঘোষণা |
অসামৰিক পাৰমাণৱিক শক্তি |
|
৬ |
বিশ্বজনীন পাৰমাণৱিক শক্তি সহযোগিতা কেন্দ্ৰ (জিচিএনইপি)ৰ সৈতে সহযোগিতা সন্দৰ্ভত ভাৰতৰ পৰমাণু শক্তি বিভাগ (ডিএই) আৰু ফ্ৰান্সৰ কমিছেৰিয়েট ল’এনাৰ্জি এটমিক এট অক্স এনাৰ্জিজ অল্টাৰনেটিভছ (চিএই)ৰ মাজত বুজাবুজি চুক্তিৰ নবীকৰণ |
অসামৰিক পাৰমাণৱিক শক্তি |
|
৭ |
জিচিএনইপি, ভাৰত আৰু ইনষ্টিটিউট ফৰ নিউক্লিয়াৰ ছাইন্স এণ্ড টেকনলজি (আইএনএছটিএন) ফ্ৰান্সৰ মাজত সহযোগিতা সন্দৰ্ভত ভাৰতৰ ডিএই আৰু ফ্ৰান্সৰ চিএইৰ মাজত চুক্তি ৰূপায়ন কৰা |
অসামৰিক পাৰমাণৱিক শক্তি |
|
৮ |
ত্ৰিকোণীয় বিকাশ সহযোগিতা সন্দৰ্ভত যৌথ সন্মতিৰ ঘোষণা |
ভাৰত-প্ৰশান্ত/বহনক্ষম বিকাশ |
|
৯ |
মাৰ্চেইলত ভাৰতৰ বাণিজ্যিক দূতাবাসৰ যৌথ উদ্বোধন |
সংস্কৃতি/জনসাধাৰণৰ মাজত পাৰস্পৰিক সম্পৰ্ক |
|
১০ |
পৰিস্থিতিৰ পৰিৱৰ্তন, জৈৱ বৈচিত্ৰ্য, বন, সামুদ্ৰিক বিষয় আৰু মীন পালন মন্ত্ৰালয় তথা পৰিৱেশ, বন আৰু জলবায়ু পৰিৱৰ্তন মন্ত্ৰালয়ৰ মাজত পৰিৱেশৰ ক্ষেত্ৰত সন্মতি ঘোষণা |
পৰিৱেশ |
