প্ৰধানমন্ত্ৰী শ্ৰী নৰেন্দ্ৰ মোদীয়ে আজি নাগপুৰত স্থাপন কৰা ‘এইমছ’খন ৰাষ্ট্ৰৰ প্ৰতি উচৰ্গা কৰে। প্ৰধানমন্ত্ৰীয়ে ‘নাগপুৰ এইমছ প্ৰকল্প’ৰ নক্সাৰ লগতে অনুষ্ঠান উপলক্ষে অনুষ্ঠিত কৰা ‘মাইলষ্টন এগজিবিশ্যন গেলাৰী’ও পৰিদৰ্শন কৰে।
সমগ্ৰ দেশতে স্বাস্থ্য-আন্তঃগাঁথনি শক্তিশালী কৰাৰ বাবে প্ৰধানমন্ত্ৰীয়ে প্ৰদান কৰা প্ৰতিশ্ৰুতিবদ্ধতাক ‘নাগপুৰ এইমছ’ৰ উচৰ্গাই আৰু অধিক শক্তিশালী কৰি তুলিব বুলি মন্তব্য কৰে প্ৰধানমন্ত্ৰীয়ে। ২০১৭ চনত চিকিত্সা প্ৰতিষ্ঠানখনৰ আধাৰশিলাও প্ৰধানমন্ত্ৰীয়েই স্বয়ং স্থাপন কৰিছিল আৰু ইয়াক নিৰ্মাণ কৰা হৈছে ‘প্ৰধানমন্ত্ৰী স্বাস্থ্য সুৰক্ষা যোজনা’ নামৰ কেন্দ্ৰীয় চৰকাৰৰ পৃষ্ঠপোষকতাৰে ৰূপায়িত আঁচনিখনৰ অধীনত।
১৫৭৫ কোটি টকাৰ বিনিয়োগৰে ‘এইমছ নাগপুৰ’ৰ বিকাশ সাধন কৰা হৈছে। অত্যাধুনিক সা-সুবিধা সম্বলিত চিকিত্সা প্ৰতিষ্ঠানখনত অ’পিডি, আইপিডি, ডায়েগ্নষ্টিক ছাৰ্ভিচ, অপাৰেশ্যন থিয়েটাৰকে ধৰি চিকিত্সা বিজ্ঞানৰ সকলোবোৰ ‘মেজৰ স্পেচিয়েলিটী’ আৰু ‘ছুপাৰ স্পেচিয়েলিটী’ বিষয়ৰ বিভাগ সামৰি লোৱা হৈছে। চিকিত্সালয়খনে মহাৰাষ্ট্ৰ বিদৰ্ভ অঞ্চলৰ আবাসীসকলৰ বাবে অত্যাধুনিক স্বাস্থ্যসেৱা উপলব্ধ কৰাৰ লগতে গাড়চিৰলি, গোণ্ডীয়া আৰু মেলঘাটৰ দৰে আশে-পাশে থকা জনজাতীয় অঞ্চলসমূহকো বাৰুকৈয়ৈ সকাহ দান কৰিব।
এই অনুষ্ঠানত প্ৰধানমন্ত্ৰীৰ সৈতে উপস্থিত থাকে মহাৰাষ্ট্ৰৰ মুখ্যমন্ত্ৰী শ্ৰী একনাথ শিন্দে, মহাৰাষ্ট্ৰ ৰাজ্যপাল শ্ৰী ভগত সিং কোশিয়াৰী, মহাৰাষ্ট্ৰৰ উপ মুখ্যমন্ত্ৰী শ্ৰী দেৱেন্দ্ৰ ফড়নৱীশ আৰু কেন্দ্ৰীয় স্থল পৰিবহণ আৰু ঘাইপথ দপ্তৰৰ মন্ত্ৰী শ্ৰী নীতীন গাড়কাৰী।
AIIMS Nagpur will boost healthcare infrastructure for the city and neighbouring areas, especially the remote areas where many tribal communities live. Glad to have inaugurated it today. pic.twitter.com/WC1EqpUlIN
— Narendra Modi (@narendramodi) December 11, 2022
एम्स नागपूरमुळे शहर आणि परिसरातील , विशेषतः दुर्गम आदिवासी भागातील आरोग्यविषयक पायाभूत सुविधा मजबूत होतील. आज एम्सचे उदघाटन करतांना मला विशेष आनंद होत आहे. pic.twitter.com/OvTOkG4cN1
— Narendra Modi (@narendramodi) December 11, 2022
