কম্বোডিয়াৰ প্ৰধানমন্ত্ৰীৰে হোৱা সাক্ষাতৰ সময়ত প্ৰধানমন্ত্ৰী নৰেন্দ্ৰ মোডীৰ প্ৰেছ বিজ্ঞপ্তিৰ অসমীয়া অনুবাদ (জানুৱাৰী ২৭, ২০১৮)

মাননীয়,

কম্বোডিয়াৰ প্ৰধানমন্ত্ৰী হান চেন৷

সন্মানীয় প্ৰতিনিধি সভাৰ সদস্যসকল

সন্মানীয় অতিথিবৃন্দ

সংবাদ মাধ্যমৰ বন্ধুসকল

ভদ্ৰপুৰুষ আৰু ভদ্ৰমহিলাসকল

অভিবাদন গ্ৰহণ কৰিব৷

প্ৰধানমন্ত্ৰী হান চেনক পুনৰবাৰ আদৰিবলৈ পাই মই অত্যন্ত সুখী হৈছোঁ৷ এটা দশকৰ বিৰতিৰ পিছত এয়া তেওঁৰ দ্বিতীয়বাৰ ভাৰত ভ্ৰমণ৷

প্ৰধানমন্ত্ৰী  হিচাপে ভাৰতত আপুনি সৰ্বজনবিদিত আৰু ভাৰতবাসী আপোনাৰ সৈতে সদায় আছে৷ মোৰ বিশ্বাস যে আপোনাৰ এই ভ্ৰমণৰ কালচোৱাত আপুনি আমাৰ দেশৰ অৰ্থনৈতিক উন্নয়ন আৰু সামাজিক পৰিৱৰ্তন স্বচক্ষে দেখিব৷

দুদিন পূৰ্বে অনুষ্ঠিত হৈ যোৱা আচিয়ান ইণ্ডিয়াৰ স্মাৰক সন্মিলনত আচিয়ান ইণ্ডিয়াৰ সহযোগিতাৰ বিষয়ে বিস্তৃতভাৱে আলোচনা কৰা হৈছে৷ দহখন আচিয়ান দেশে লোৱা সিদ্ধান্তসমূহে অনাগত দিনবোৰত ভাৰত তথা আচিয়ান দেশসমূহে সমৃদ্ধিৰ এত নতুন দিগন্তৰ সূচনা কৰিব৷

প্ৰধানমন্ত্ৰী হান চেনে আমাৰ আমন্ত্ৰণ ৰক্ষা কৰি সৌহাদ্যপূৰ্ণ উপস্থিতিৰে আমাক আহ্লাদিত কৰিলে৷ কেৱল এয়াই নহয়, আপুনি গুৰুত্বপূৰ্ণ আলোচনা আৰু সন্মিলনৰ পৰিণাম প্ৰকাশত উল্লেখনীয় অৱদান আগবঢ়াইছে৷

বন্ধুসকল,

ভাৰতৰ প্ৰাচীন ইতিহাস লক্ষ্য কৰিলে দেখা যায় যে দুয়োখন দেশৰ মাজৰ সম্পৰ্ক যোৱা দশকৰ মাজত সুগভীৰ আছিল৷ কম্বোডিয়াৰ ৰাজনৈতিক পৰিৱৰ্তনৰ কালচোৱাতো ভাৰত কম্বোডিয়াৰ সৈতে আছিল৷

সাম্প্ৰতিক সময়ৰ প্ৰয়োজনীয়তালৈ লক্ষ্য দুয়োখন দেশৰ মাজৰ সম্পৰ্ক অধিক সুদৃঢ় কৰাৰ বাবে প্ৰধানমন্ত্ৰী হান চেনে আমাৰ সৈতে সহমত প্ৰকাশ কৰিছে৷

কম্বোডিয়াৰ সৈতে বাণিজ্য, পৰ্যটন, অৰ্থনৈতিক, সামাজিক উন্নয়ন, ক্ষমতা নিৰ্মাণ, সংস্কৃতি আৰু দুয়োখন দেশৰ জনসাধাৰণৰ মাজত যোগাযোগ আদি সকলো দিশতে সৌহাদ্যপূৰ্ণ সম্পৰ্ক স্থাপন কৰাৰ বাবে ভাৰত কেৱল আগ্ৰহীয়েই নহয়, বৰঞ্চ প্ৰতিশ্ৰুতিবদ্ধও৷ আমাৰ মাজত বিভাজিত হৈ থকা ঐতিহ্য আমাৰ সংস্কৃতিৰ এক উল্লেখযোগ্য অংশ৷ দ্বাদশ শতিকাত অংকৰ বাট মন্দিৰৰ পুনৰ নিৰ্মাণৰ কালৰ সহায় এই সহযোগিতাৰ উজ্বল নিদৰ্শন৷

কম্বোডিয়াৰ সাংস্কৃতিক ঐতিহ্য সংৰক্ষণ আৰু বিকাশৰ দিশত সহায়ক হ’ব পাৰিলে ভাৰত সুখী হ’ব৷

দুয়োখন দেশৰে ভাষাৰ বিকাশ পালি আৰু সংস্কৃতৰ পৰা হৈছে৷

এয়া এক আনন্দৰ কথা যে আমাৰ সাংস্কৃতিক আৰু ঐতিহাসিক সম্পৰ্কৰ শিপা সুগভীৰ সেয়ে পাৰস্পৰিক পৰ্যটনৰ সম্প্ৰসাৰণৰ দিশত অধিক সম্ভাৱনীয়তা আছে৷

বন্ধুসকল,

ই এক সুখৰ কথা যে আমাৰ বন্ধু দেশ কম্বোডিয়াৰ অৰ্থনৈতিক প্ৰগতি দ্ৰুততাৰে হৈছে আৰু বিগত দুই দশক ধৰি এই হাৰ বছৰি ৭%কৈ হৈছে৷

ভাৰত বিশ্বৰ ভিতৰতে ক্ষীপ্ৰতাৰে অৰ্থনৈতিক দিশত আগুৱাই থকা দেশ৷

দুয়োখন দেশৰ মাজত মূল্যবোধ আৰু সাংস্কৃতিক লোকাচাৰৰ সামঞ্জস্যতাৰ বাবে দুয়োখন দেশৰ মাজত বাণিজ্য সম্প্ৰসাৰণৰ অধিক সহায়ক হ’ব৷

কম্বোডিয়াৰ অৰ্থনৈতিক উদাৰীকৰণ নীতি তথা আচিয়ান অৰ্থনীতি সন্মীলনীয়ে ভাৰতীয় বিনিয়োগকাৰীসকলক কম্বোডিয়াৰ স্বাস্থ্য, ঔষধ, তথ্য আৰু জনসংযোগ, কৃষি, অটোমোবাইল আৰু অটো পাৰ্টছ, বয়নখণ্ড আদিত বিনিয়োগ কৰাৰ সুবিধা প্ৰদান কৰিব৷

মই এই কথা নিঃসন্দেহে ক’ব পাৰোঁ যে অনাগত বৰ্ষসমূহত আমাৰ দ্বৈত বাণিজ্যিক ব্যৱস্থাই কম্বোডিয়াত ভাৰতৰ বিনিয়োগকাৰীৰ পৰিমাণ বৃদ্ধি কৰিব আৰু ই কম্বোডিয়াক লাভান্বিত কৰিব৷

বন্ধুসকল,

কম্বোডিয়া আৰু ভাৰতৰ সম্পৰ্কৰ মূল বিষয় হ’ল সহযোগিতাৰ সৈতে উন্নয়ন৷

কম্বোডিয়াৰ সামাজিক আৰু অৰ্থনৈতিক উন্নয়নত সহায় সহযোগ আগবঢ়াবলৈ ভাৰত প্ৰতিশ্ৰুতিবদ্ধ আৰু আগলৈও এনেধৰণেই চলি থাকিব৷

কম্বোডিয়া চৰকাৰৰ উপযোগী হোৱাকৈ প্ৰয়োজন সাপেক্ষে প্ৰকল্প অনুসৰি অধিক ঋণৰ বাবে আহ্বান জনাইছোঁ, বিশেষকৈ কম্বোডিয়াৰ স্বাস্থ্য, সংযোগ আৰু ডিজিটেল জনসংযোগৰ ক্ষেত্ৰত অধিক গুৰুত্ব দিয়া হ’ব৷

ভাৰতে প্ৰতিবছৰে কম্বোডিয়াৰ বাবে ৫ টা ত্বৰান্বিত প্ৰভাৱশালী প্ৰকল্পৰ বাবে কাম কৰে৷ আমি এই সংখ্যা বাৰ্ষিক ৫ৰ পৰা ১০টালৈ বৃদ্ধি কৰাৰ সিদ্ধান্ত গ্ৰহণ কৰিছোঁ৷ আমি ৫০০ কোটি টকাৰ প্ৰকল্প বিকাশৰ পুঁজিত নিৰ্ধাৰণ কৰিছোঁ৷

এই পুঁজি উদ্যোগ সম্প্ৰসাৰণ আৰু বাণিজ্যৰ লগতে উৎপাদিত সামগ্ৰী শৃংখলাক প্ৰভাৱশালী কৰাত ব্যয় কৰা হ’ব৷

কম্বোডিয়াত আমি উৎকৃষ্ট তথ্য আৰু জনসংযোগ কেন্দ্ৰৰ লগতে জনসংযোগৰ সৈতে জড়িত সেৱাৰ ব্যৱস্থা কৰিম৷

বিগত প্ৰায় পাঁচ দশক ধৰি ভাৰত এক সক্ৰিয় সদস্যৰূপে ভাৰতীয় প্ৰযুক্তি আৰু অৰ্থনৈতিক সহযোগিতা অনুষ্ঠানত কম্বোডিয়াৰ সহযোগী হৈ আছে৷

১৪০০ত কৈও অধিক কম্বোডিয়ান নাগৰিকে এই অনুষ্ঠানৰ জৰিয়তে ক্ষমতা বিকাশৰ প্ৰশিক্ষণ লাভ কৰিছে৷

আমি এই অনুষ্ঠান/পাঠ্যক্ৰম ভৱিষ্যতলৈ অব্যাহত ৰাখিম আৰু পৰৱৰ্তী সময়ত কম্বোডিয়াত নিয়োগৰ ব্যৱস্থাও কৰা হ’ব৷

বন্ধুসকল,

আমাৰ দুয়োখন দেশৰ মাজত থকা গভীৰ সহযোগিতাৰে আমি আন্তঃৰাষ্ট্ৰীয় মঞ্চৰ লগতে পাৰস্পৰিক সম্পৰ্কৰে আন বহুতো স্থানীয় আৰু আন্তঃৰাষ্ট্ৰীয় প্ৰেক্ষাপটত একেলগে অৱস্থান গ্ৰহণ কৰিছোঁ৷

ভাৰত আৰু কম্বোডিয়াৰ মাজত থকা বুজাপৰাৰ লগতে এখন দেশে আনখনক সহযোগ কৰাৰ এই প্ৰক্ৰিয়া অব্যাহত থাকিব৷

সামৰণিত আমাৰ দেশৰ এজন অভিন্ন বন্ধু তথা সন্মানীয় অতিথি হিচাপে ভাৰত ভ্ৰমণলৈ অহা প্ৰধানমন্ত্ৰী হান চেনক ধন্যবাদ জ্ঞাপন কৰিছোঁ৷

লগতে মই এই কথাও ক’ব বিচাৰো যে অদূৰ ভৱিষ্যতলৈও ভাৰত আৰু কম্বোডিয়াৰ সম্পৰ্ক এতিয়াতকৈও অধিক সহযোগিতাৰে সুদৃঢ় কৰি তুলিব আৰু দুয়োখন দেশৰ জনসাধাৰণৰ সম্পৰ্কও দৃঢ় কৰিব৷