প্ৰধানমন্ত্ৰী শ্ৰী নৰেন্দ্ৰ মোদীয়ে ১১ ফেব্ৰুৱাৰীত উত্তৰ-প্ৰদেশৰ গ্ৰেটাৰ নইডাৰ ইণ্ডিয়া এক্সপ’ চেণ্টাৰত পেট্ৰ্’টেক-২০১৯ উদ্বোধন কৰিব৷ অনুষ্ঠানৰ উদ্বোধনী অধিৱেশনত তেওঁ ভাষণো আগবঢ়াব৷
পেট্ৰ’টেক-২০১৯ক ভাৰতৰ ধ্বজাবাহী হাইড্ৰ’কাৰ্বন সন্মিলন হিচাপে গণ্য কৰা হয়৷ ভাৰত চৰকাৰৰ পেট্ৰ’লিয়াম আৰু প্ৰাকৃতিক গেছ মন্ত্ৰালয়ৰ উদ্যোগত এই সন্মিলনৰ আয়োজন কৰা হৈছে৷
১০ৰ পৰা ১২ ফেব্ৰুৱাৰীলৈ চলিবলগীয়া তিনিদিনীয়া মেগা ইভেণ্টটোৱে ভাৰতৰ তেল আৰু গেছ খণ্ডৰ শেহতীয়া বজাৰ আৰু বিনিয়োগ-উপযোগী উন্নয়নক প্ৰদৰ্শন কৰিব৷ অংশীদাৰ দেশৰ প্ৰায় ৯৫গৰাকী শক্তি মন্ত্ৰী আৰু ৭০০০ প্ৰতিনিধিয়ে সন্মিলনত অংশ লোৱাৰ আশা কৰা হৈছে৷
সন্মিলনৰ সমান্তৰালকৈ অনুষ্ঠানত ২০,০০০ স্কোৱেৰ মিটাৰ ঠাই আগুৰি থকা এখন বৃহৎ প্ৰদৰ্শনীৰো আয়োজন কৰা হৈছে৷ পেট্ৰ’টেক প্ৰদৰ্শনীত ১৩খন দেশৰ পেভিলিয়ন আৰু ৪০খন দেশৰ প্ৰায় ৭৫০ গৰাকী প্ৰদৰ্শনকাৰীয়ে অংশ লৈছে৷
প্ৰধানমন্ত্ৰীয়ে ইয়াৰ পূৰ্বে ২০১৬ৰ ৫ ডিচেম্বৰত দ্বাদশ সংস্কৰণৰ পেট্ৰ’টেক উদ্বোধন কৰিছিল৷
তেওঁ আজি কয়, ‘ভাৰতৰ শক্তিখণ্ডৰ ভৱিষ্যতক লৈ মোৰ লক্ষ্যৰ চাৰিটা স্তম্ভ আছে—শক্তিৰ উপলব্ধতা, শক্তি উৎপাদনৰ দক্ষতা, শক্তিৰ সুস্থিৰতা আৰু শক্তিখণ্ডৰ সুৰক্ষা৷’
