দক্ষিণ আফ্ৰিকাৰ জোহানেছবাৰ্গত ব্ৰিকছৰ আউটৰিচ্চত প্ৰধানমন্ত্ৰীয়ে প্ৰদান কৰা ভাষণৰ অসমীয়া অনুবাদ

India's ties with Africa are time-tested. The Government of India has deepened engagement with Africa: PM Modi

Several African students come to India to study and also receive scholarships: PM Modi

The Digital Revolution is bringing new opportunities for us. It is essential to look at AI and big data analytics closely: PM Modi

মাননীয় ৰাষ্ট্ৰপতি চাইৰিল ৰামাফ’ছা মহোদয়,

ব্ৰিকছৰ মোৰ সহকৰ্মীসকল,

সমগ্ৰ বিশ্বৰ পৰা উপস্থিত মোৰ আদৰণীয় সহযোগীসকল,

সৰ্বপ্ৰথমে মই ব্ৰিকছত আউটৰিচ্চ প্ৰক্ৰিয়াক সৱলীকৰণ কৰাৰ বাবে ৰাষ্ট্ৰপতি ৰামাফ’ছা মহোদয়ক অভিনন্দন জনাইছোঁ৷ ব্ৰিকছ আৰু অন্য উদ্ভাসিত অৰ্থব্যৱস্থাসমূহৰ মাজত এই সংবাদ বিকাশৰ গুৰুত্বপূৰ্ণ বিষয়ৰ ওপৰত চিন্তাধাৰাৰ আদান-প্ৰদানৰ এক উল্লেখযোগ্য অৱকাশ হিচাপে বিবেচিত হৈছে৷ ইয়াত আফ্ৰিকান দেশৰ বৃহৎ সংখ্যাত হোৱা উপস্থিতি স্বাভাৱিক তথা প্ৰসন্নতাৰ বিষয়৷ আফ্ৰিকাৰ সৈতে ভাৰতৰ সম্বন্ধ ঐতিহাসিক আৰু দৃঢ়৷ আফ্ৰিকাত স্বতন্ত্ৰতা, বিকাশ আৰু শান্তিৰ বাবে ভাৰতৰ ঐতিহাসিক প্ৰয়াসৰ ব্যাপ্তি সন্দৰ্ভত মোৰ চৰকাৰে সকলোতকৈ অধিক গুৰুত্ব প্ৰদান কৰিছে৷ বিগত চাৰিটা বৰ্ষত ৰাজ্য আৰু চৰকাৰৰ মুখ্য পৰ্যায়ত ১০০ত কৈও অধিক পৰস্পৰৰ যাত্ৰা আৰু সাক্ষাৎকাৰৰ জৰিয়তে আমাৰ আৰ্থিক সম্বন্ধ আৰু বিকাশ সহযোগিতাই নতুন উচ্চতাত আৰোহণ কৰিছে৷ আজি ৪০খনত কৈও অধিক আফ্ৰিকান দেশত ১১ বিলিয়নতকৈও অধিক ১৮০টা ঋণৰ শাৰী অব্যাহত আছে৷ প্ৰতি বৰ্ষত ৮০০০জন আফ্ৰিকাৰ শিক্ষাৰ্থীক ভাৰতত জলপানি প্ৰদান, ৪৮খন আফ্ৰিকান দেশত টেলি-মেডিচিনৰ বাবে ই-নেটৱৰ্ক আৰু ব্যক্তিগত খণ্ডৰ দ্বাৰা ৫৪ বিলিয়ন ডলাৰ বিনিয়োগৰ দ্বাৰা আফ্ৰিকাত তেওঁলোকৰ প্ৰয়োজনীয়তাৰ ভিত্তিত সামৰ্থ নিৰ্মাণ হৈ আছে৷ পৰহি উগাণ্ডাৰ সংসদত সম্বোধন কৰি মই ভাৰত আৰু আফ্ৰিকাৰ সহযোগিতাৰ ১০টা সিদ্ধান্তৰ বিষয়ে বিস্তৃতভাৱে বৰ্ণনা কৰিছোঁ৷ এই ১০টা সিদ্ধান্ত আফ্ৰিকাৰ প্ৰয়োজনীয়তা অনুসাৰে বিকাশৰ বাবে সহযোগ, শান্তি আৰু সুৰক্ষাৰ বাবে চৰকাৰ আৰু আমাৰ জনতাৰ মাজত শতিকাজোৰা পুৰণি সম্বন্ধক শক্তিশালী কৰাৰ বাবে দিশ নিৰ্দেশায়িত কৰা হৈছে৷ আফ্ৰিকান মহাদেশীয় মুক্ত বাণিজ্য ক্ষেত্ৰৰ গুৰুত্বপূৰ্ণ প্ৰণয়নৰ বাবে মই সকলো আফ্ৰিকান দেশক অভিনন্দন জনাইছোঁ৷ আফ্ৰিকাত ক্ষেত্ৰীয় অৰ্থনৈতিক সংবদ্ধতাৰ বাবে হোৱা বিভিন্ন প্ৰয়াসক মই স্বাগতম জনাইছোঁ৷

|

সন্মানীয়সকল,

মুক্ত বাণিজ্যই যোৱা তিনিটা দশকত লক্ষাধিক লোকক দৰিদ্ৰতাৰ পৰা মুক্ত কৰিছে৷ গোলকীকৰণ আৰু বিকাশৰ লাভ জনসাধাৰণক প্ৰদান কৰাটো এই প্ৰক্ৰিয়া মুখ্য অংশ আছিল৷ আৰু বিশ্বায়ন দক্ষিণ এই প্ৰয়াসৰ সমান অংশীদাৰ আছিল৷ ২০০৮ চনৰ আৰ্থিক সংকটৰ পিছত গোলকীকৰণৰ এই মূল পদক্ষেপত সংৰক্ষণবাদৰ ক’লা ডাৱৰে আৱৰি ৰাখিছে৷ এই প্ৰবৃত্তিৰ আৰু বিকাশৰ দৰত মন্দাৱস্থাৰ সকলোতকৈ বেয়া প্ৰভাৱ আমাৰ নিচিনা দেশসমূহৰ ওপৰত পৰিছে যিবোৰে ঔপনিৱেশকতাৰ কালচোৱাত ঔদ্যোগিক প্ৰগতিৰ লাভ উঠাব নোৱাৰিলে৷ আজি আমি পুনৰবাৰ ঐতিহাসিক ক্ষণত উপস্থিত হৈছোঁ৷ ডিজিটেল নৱজাগৰণে আমালৈ নতুন সম্ভাৱনা কঢ়িয়াই আনিছে৷ আৰু সেইবাবে এয়া প্ৰয়োজনীয় যে আমি অট’মেচন, কৃত্ৰিম বুদ্ধিমতা আৰু বিগ ডাটা বিশ্লেষণৰ ফলত হোৱা পৰিৱৰ্তনৰ বাবে সম্পূৰ্ণ প্ৰস্তুত৷ ইয়াৰ বাবে ডিজিটেল আন্তঃগাঁথনি আৰু দক্ষ কৰ্মশক্তিত বিনিয়োগৰ আৱশ্যক হ’ব৷ আৰু লগতে সমাহিত বিশ্বজনীন মূল্য শৃংখল, কৰ্মীৰ ভ্ৰাম্যমানতা, প’ৰ্টেবল সামাজিক সুৰক্ষা পৰিকাঠামো আৰু দক্ষ প্ৰেৰণ ক’ৰিডৰো আমাৰ প্ৰাথমিকতা হিচাপে বিবেচিত হৈছে৷

|

সন্মানীয়সকল,

নিজৰ সহযোগী দেশসমূহৰ সৈতে তেওঁলোকৰ বিকাশৰ বাবে ভাৰতে সহযোগিতা কৰিব৷ দক্ষিণ-দক্ষিণ সহযোগিতাৰ অন্তৰ্গত নিজক বিকাশ অভিজ্ঞতাত সাৰথি কৰি আমি অন্য উন্নয়নশীল দেশত প্ৰযুক্তিগত সহযোগ, প্ৰশিক্ষণ তথা সামৰ্থ নিৰ্মাণৰ দ্বাৰা সকলো সম্ভৱ সহযোগিতা আমাৰ বৈদেশিক নীতিৰ গুৰুত্বপূৰ্ণ অংশ৷ লগতে, সহযোগী দেশৰ প্ৰয়োজনীয়তা আৰু প্ৰাথমিকতা অনুসৰি আন্তঃগাঁথনি, শক্তি, কৃষি, শিক্ষা, স্বাস্থ্য, তথ্য প্ৰযুক্তি আদি ক্ষেত্ৰসমূহত স্বয়ং উন্নয়নশীল দেশ হোৱা বাবে ভাৰতে যথা সম্ভৱ আৰ্থিক সহায়ো প্ৰদান কৰে৷ ভাৰতৰ নিজৰ বিকাশ যাত্ৰাত দক্ষিণ-দক্ষিণ সহযোগিতা এক মুখ্য আধাৰস্বৰূপ৷ নিজৰ বিকাশ অভিজ্ঞতাক উন্নয়নশীল দেশৰ সৈতে অংশীদাৰ কৰাটো ভাৰতৰ বাবে সদায়েই প্ৰাথমিক কাম আৰু ভৱিষ্যতলৈও হ’ব৷

আপোনালোক সকলোকে বহু বহু ধন্যবাদ৷

The coming together of so many African leaders during this programme is a wonderful thing. 

India's ties with Africa are time-tested. The Government of India has deepened engagement with Africa: PM @narendramodi at the BRICS Outreach Meeting with African countries

— PMO India (@PMOIndia) July 27, 2018

Several African students come to India to study and also receive scholarships: PM @narendramodi at the BRICS Outreach Meeting with African countries

— PMO India (@PMOIndia) July 27, 2018

I had outlined ten principles for India's ties with Africa during my recent address at the Parliament of Uganda: PM @narendramodi at the BRICS Outreach Meeting with African countries

— PMO India (@PMOIndia) July 27, 2018

I welcome various efforts for closer economic integration among the African nations: PM @narendramodi at the BRICS Outreach Meeting with African countries

— PMO India (@PMOIndia) July 27, 2018

The Digital Revolution is bringing new opportunities for us. It is essential to look at AI and big data analytics closely: PM @narendramodi at the BRICS Outreach Meeting with African countries

— PMO India (@PMOIndia) July 27, 2018