ମହାମହିମ, ରାଷ୍ଟ୍ରପତି ସିରିଲ ରାମଫୋସା,
ବ୍ରିକ୍ସର ମୋର ମିତ୍ରଗଣ,
ପୁରା ବିଶ୍ୱରୁ ଏଠାରେ ଉପସ୍ଥିତ ମୋର ସମସ୍ତ ଆଦରଣୀୟ ବନ୍ଧୁଗଣ,
ସର୍ବପ୍ରଥମେ ମୁଁ ରାଷ୍ଟ୍ରପତି ରାମଫୋସାଙ୍କୁ ବ୍ରିକ୍ସରେ ଲୋକସମ୍ପର୍କ ପ୍ରକ୍ରୀୟାକୁ ମଜବୁତ କିରଥିବାରୁ ଶୁଭେଚ୍ଛା ଜଣାଉଛି । ବ୍ରିକ୍ସ ଏବଂ ଅନ୍ୟ ବିକଶିତ ଅର୍ଥବ୍ୟବସ୍ଥାଗୁଡିକ ମଧ୍ୟରେ ଏହି ସମ୍ବାଦ ବିକାଶର ଗୁରୁତ୍ୱପୂର୍ଣ୍ଣ ବିଷୟଗୁଡିକ ଉପରେ ମତ ବିନିମୟର ଏକ ଉତ୍ତମ ସୁଯୋଗ । ବହୁ ସଂଖ୍ୟାରେ ଆଫ୍ରିକା ଦେଶଗୁଡିକର ଏଠାରେ ଉପସ୍ଥିତି ହେବା ସ୍ୱାଭାବିକ, ଏବଂ ପ୍ରସନ୍ନତାର ବିଷୟ ମଧ୍ୟ । ଆଫ୍ରିକା ସହିତ ଭାରତର ସଂପର୍କ ଐତିହାସିକ ଏବଂ ନିବିଡ । ଆଫ୍ରିକାରେ ସ୍ୱାଧୀନତା, ବିକାଶ ଏବଂ ଶାନ୍ତି ପାଇଁ ଭାରତର ଐତିହାସିକ ପ୍ରୟାସଗୁଡିକର ବିସ୍ତାରକୁ ମୋ ସରକାର ସବୁଠାରୁ ଅଧିକ ପ୍ରାଥମିକତା ପ୍ରଦାନ କରିଛନ୍ତି । ବିଗତ ଚାରି ବର୍ଷ ମଧ୍ୟରେ ରାଷ୍ଟ୍ର ମୁଖ୍ୟ ଓ ସରକାରୀ ମୁଖ୍ୟ ସ୍ତରର 100ରୁ ଅଧିକ ପାରସ୍ପରିକ ଯାତ୍ରା ଏବଂ ସାକ୍ଷାତ ଜରିଆରେ ଆମର ଅର୍ଥନୈତିକ ସଂପର୍କ ଏବଂ ବିକାଶ ସହଯୋଗ ନୂତନ ଶିଖରରେ ପହଂଚିଛି । ଆଜି 40ରୁ ଅଧିକ ଆଫ୍ରିକୀୟ ଦେଶ ମଧ୍ୟରେ 11 ନିୟୁତ ଡଲାରରୁ ଅଧିକ 180 ଟି ଋଣ ସହାୟତା ଜାରୀ କରାଯାଇଛି । ପ୍ରତି ବର୍ଷ 8 ହଜାର ଆଫ୍ରିକୀୟ ଛାତ୍ରଛାତ୍ରୀମାନଙ୍କୁ ଭାରତରେ ବିଦ୍ୟାବୃତ୍ତି ପ୍ରଦାନ, 48 ଆଫ୍ରିକୀୟ ଦେଶ ମଧ୍ୟରେ ଟେଲି-ମେଡ଼ିସିନ ପାଇଁ ଇ-ନେଟୱାର୍କ, ଏବଂ ଘରୋଇ ଉଦ୍ୟୋଗ ଦ୍ୱାରା 54 ନିୟୁତ ଡଲାରର ପୁଞ୍ଜି ନିବେଶରୁ, ଆଫ୍ରିକାରେ ଆବଶ୍ୟକତା ଆଧାରରେ ଦକ୍ଷତା ବୃଦ୍ଦି ପାଉଛି । ପଅରଦିନ ଉଗାଣ୍ଡାର ସଂସଦକୁ ସମ୍ବୋଧିତ କରି ମୁଁ ଭାରତ ଏବଂ ଆଫ୍ରିକାର ଭାଗିଦାରୀର 10ଟି ସିଦ୍ଧାନ୍ତକୁ ବିସ୍ତୃତ ଭାବେ ବର୍ଣ୍ଣନା କରିଛି । ଏହି 10ଟି ସିଦ୍ଧାନ୍ତ ଆଫ୍ରିକାର ଆବଶ୍ୟକତା ଅନୁସାରେ ବିକାଶ ପାଇଁ ସହଯୋଗ, ଶାନ୍ତି ଏବଂ ସୁରକ୍ଷା ପାଇଁ ସହଯୋଗ, ଏବଂ ଆମ ଲୋକମାନଙ୍କ ମଧ୍ୟରେ ଶତାବ୍ଦୀ ପୁରୁଣା ସଂପର୍କକୁ ଆହୁରୀ ମଜବୁତ କରିବା ପାଇଁ ଦିଗଦର୍ଶନ ଦେବ । ଆଫ୍ରିକା ମହାଦେଶୀୟ ମୁକ୍ତ ବାଣିଜ୍ୟ କ୍ଷେତ୍ର (African Continental Free Trade Area)ର ଗୁରୁତ୍ୱପୂର୍ଣ୍ଣ ପଦକ୍ଷେପ ପାଇଁ, ମୁଁ ସମସ୍ତ ଆଫ୍ରିକୀୟ ଦେଶକୁ ହାର୍ଦ୍ଦିକ ଶୁଭେଚ୍ଛା ଜଣାଉଛି । ଆଫ୍ରିକାରେ କ୍ଷେତ୍ରୀୟ ଅର୍ଥନୈତିକ ଏକୀକରଣ (economic integration) ପାଇଁ ହେଉଥିବା ବିଭିନ୍ନ ପ୍ରୟାସଗୁଡିକୁ ମଧ୍ୟ ସ୍ୱାଗତ ଜଣାଉଛି ।
ମହାମହିମମାନେ,
ବିଗତ ତିନି ଦଶନ୍ଧି ମଧ୍ୟରେ 100 ନିୟୁତ (hundreds of millions) ଲୋକଙ୍କୁ ଦାରିଦ୍ର୍ୟରୁ ମୁକ୍ତ ମିଳିଛି । ବୈଶ୍ୱୀକରଣ ଏବଂ ବିକାଶର ଲାଭକୁ ଲୋକମାନଙ୍କ ପାଖରେ ପହଂଚାଇବା ଏହି ପ୍ରକ୍ରୀୟାର ପ୍ରମୁଖ ଅଂଶ ଥିଲା ଏବଂ ଦକ୍ଷିଣ ବିଶ୍ଵ (Global South) ଏହି ପ୍ରୟାସରେ ସମାନ ଅଂଶୀଦାର ଥିଲା । 2008ର ଅର୍ଥନୈତିକ ସଙ୍କଟ ପରଠାରୁ ବୈଶ୍ୱୀକରଣର ଏହି ଆଧାରଭୂତ ପଦକ୍ଷେପ ଉପରେ ସଂରକ୍ଷଣବାଦର ବାଦଲ ଢାଙ୍କି ହୋଇ ରହିଛି । ଏହି ପ୍ରବୃତ୍ତିର ଏବଂ ବିକାଶ କ୍ଷେତ୍ରରେ ମାନ୍ଦାବସ୍ଥା ସବୁଠାରୁ ଗଭୀର ପ୍ରଭାବ ଆମଭଳି ସେହି ଦେଶଗୁଡିକ ଉପରେ ପଡିଛି ଯେଉଁମାନେ ଉପନିବେଶବାଦ କାଳରେ ଔଦ୍ୟୋଗିକ ପ୍ରଗତିର ସୁଯୋଗଗୁଡିକର ଲାଭ ଉଠାଇପାରିନାହାଁନ୍ତି । ଆଜି ଆମେ ପୁନର୍ବାର ଇତିହାସକୁ ଫେରିବାକୁ ଯାଉଛୁ । ଡିଜିଟାଲ ଆନ୍ଦୋଳନ (Digital Revolution) କାରଣରୁ ଆମ ପାଇଁ ନୂତନ ସୁଯୋଗ ସୃଷ୍ଟି ହେଉଛି । ଏବଂ ଏଥିପାଇଁ, ଏହା ଜରୁରୀ ଯେ ଆମେ ଅଟୋମେଶନ, କୃତ୍ରିମ ଧୀଶକ୍ତି (artificial intelligence) ଏବଂ ବୃହତ ଡାଟା ଏନାଲିଟିକ୍ସ କାରଣରୁ ହେଉଥିବା ପରିବର୍ତ୍ତନ ପାଇଁ ସଂପୂର୍ଣ୍ଣ ଭାବେ ପ୍ରସ୍ତୁତ ଅଛୁ । ଏଥିପାଇଁ ଡିଜିଟାଲ ଭିତ୍ତିଭୂମି (Digital Infrastructure)ଏବଂ ଦକ୍ଷ ଶ୍ରମଶକ୍ତି କ୍ଷେତ୍ରରେ ପୁଞ୍ଜି ନିବେଶର ଆବଶ୍ୟକତାର ରହିଛି । ଏବଂ ଏଥିସହିତ, ସମାବେଶୀ ବୈଶ୍ଵିକ ମୂଲ୍ୟବୋଧ ଶୃଙ୍ଖଳ, ଶ୍ରମିକ ସ୍ଥାନାନ୍ତରଣ, ଅବାଧ ପରିବର୍ତ୍ତନଶୀଳ ସାମାଜିକ ନିରପଟା ଢାଞ୍ଚା ଏବଂ ପାରଦର୍ଶୀ ବୈଦେଶିକ ମୁଦ୍ରା ପ୍ରେରଣ ବ୍ୟବସ୍ଥା ମଧ୍ୟ ଆମର ପ୍ରାଥମିକତାରେ ରହିଛି ।
ମହାମହିମମାନେ,
ନିଜର ଅଂଶୀଦାର ଦେଶଗୁଡିକ ସହିତ ସେମାନଙ୍କ ବିକାଶ ପାଇଁ ଭାରତ ସଂପୂର୍ଣ୍ଣ ଯୋଗଦାନ କରିଆସୁଛି । ଦକ୍ଷିଣ-ଦକ୍ଷିଣ ସହଯୋଗ (South-South Cooperation) ଅନ୍ତର୍ଗତ ନିଜ ବିକାଶ ଅନୁଭୂତିଗୁଡିକୁ ପ୍ରକାଶ କରି ଆମେ ଅନ୍ୟ ବିକାଶଶୀଳ ଦେଶଗୁଡିକ ମଧ୍ୟରେ ଜ୍ଞାନ କୌଶଳର ସହଯୋଗ, ପ୍ରଶିକ୍ଷଣ ଏବଂ ଦକ୍ଷତା ବୃଦ୍ଧି ଦ୍ୱାରା ଯଥାସମ୍ଭବ ସହଯୋଗ ଆମ ବିଦେଶ ନୀତିର ପ୍ରମୁଖ ଅଂଶ । ସ୍ୱୟଂ ବିକାଶଶୀଳ ଦେଶ ଥାଇ ମଧ୍ୟ ଭାରତ ଅଂଶୀଦାର ଦେଶଗୁଡିକୁ ପ୍ରାଥମିକତା ଅନୁସାରେ ଭିତ୍ତିଭୂମି, ଶକ୍ତି, କୃଷି, ଶିକ୍ଷା, ସ୍ୱାସ୍ଥ୍ୟ, ସୂଚନା ପ୍ରଯୁକ୍ତି ଭଳି କ୍ଷେତ୍ରଗୁଡିକରେ ଯଥାସମ୍ଭବ ଆର୍ଥିକ ସହଯୋଗ ମଧ୍ୟ ଦେଇଆସୁଛି । ଭାରତର ବିକାଶ ଯାତ୍ରାରେ ଦକ୍ଷିଣ-ଦକ୍ଷିଣ ସହଯୋଗ (South-South Cooperation) ଏକ ପ୍ରମୁଖ ଆଧାର । ନିଜ ବିକାଶର ଅନୁଭୂତିକୁ ବିକାଶଶୀଳ ଦେଶଗୁଡିକ ସହିତ ବାଣ୍ଟିବା ଭାରତ ପାଇଁ ସର୍ବଦା ପ୍ରାଥମିକତା ରହିଆସିଛି, ଏବଂ ଭବିଷ୍ୟତରେ ମଧ୍ୟ ରହିବ ।
ଆପଣମାନଙ୍କୁ ସମସ୍ତଙ୍କୁ ଅଶେଷ ଅଶେଷ ଧନ୍ୟବାଦ ।
The coming together of so many African leaders during this programme is a wonderful thing.
— PMO India (@PMOIndia) July 27, 2018
India's ties with Africa are time-tested. The Government of India has deepened engagement with Africa: PM @narendramodi at the BRICS Outreach Meeting with African countries
Several African students come to India to study and also receive scholarships: PM @narendramodi at the BRICS Outreach Meeting with African countries
— PMO India (@PMOIndia) July 27, 2018
I had outlined ten principles for India's ties with Africa during my recent address at the Parliament of Uganda: PM @narendramodi at the BRICS Outreach Meeting with African countries
— PMO India (@PMOIndia) July 27, 2018
I welcome various efforts for closer economic integration among the African nations: PM @narendramodi at the BRICS Outreach Meeting with African countries
— PMO India (@PMOIndia) July 27, 2018
The Digital Revolution is bringing new opportunities for us. It is essential to look at AI and big data analytics closely: PM @narendramodi at the BRICS Outreach Meeting with African countries
— PMO India (@PMOIndia) July 27, 2018
