Share
 
Comments

 

প্ৰধানমন্ত্ৰী শ্ৰী নৰেন্দ্ৰ মোদীয়ে আজি প্ৰয়াগৰাজত স্বচ্ছ কুম্ভ, স্বচ্ছ আভাৰ অনুষ্ঠান সম্বোধন কৰে৷

প্ৰয়াগৰাজৰ পবিত্ৰ সংগমত স্মান কৰি আৰু কুম্ভমেলাক স্বচ্ছ কৰাৰ দায়িত্বত নিয়োজিত কেইগৰাকীমান নিৰ্বাচিত চাফাইকৰ্মীৰ ‘চৰণ বন্দনা’ কৰাৰ পিছত তেওঁ মঞ্চত উপস্থিত হয়৷

প্ৰয়াগৰাজৰ কুম্ভত সমবেত ভক্তৰ বাবে সৰ্বশ্ৰেষ্ঠ আয়োজন নিশ্চিত কৰাত জড়িত সকলো কৰ্মকৰ্তাক প্ৰধানমন্ত্ৰীয়ে কৰ্ম-যোগী আখ্যা দিয়ে৷ এই প্ৰসংগত তেওঁ এনডিআৰএফ, নাৱৰীয়া, স্থানীয় ৰাইজ আৰু চাফাই কৰ্মীসকলৰ কথা উল্লেখ কৰে৷ বিগত কেইসপ্তাহত প্ৰায় ২১ কোটি লোকে কুম্ভমেলা দৰ্শন কৰিছে বুলি উল্লেখ কৰি প্ৰধানমন্ত্ৰীয়ে কয় যে চাফাই কৰ্মীসকলে অসম্ভৱক সম্ভৱ কৰি তুলিছে৷ কুম্ভমেলাৰ সফল আয়োজনত তেওঁলোকৰ ভূমিকাক সকলোৱে স্বীকাৰ কৰিবই লাগিব৷ তেওঁ কয় যে চাফাই কৰ্মীৰ চৰণ বন্দনা কৰাৰ সময়ছোৱা তেওঁৰ মানসপটত সদায় সজীৱ হৈ থাকিব৷

প্ৰধানমন্ত্ৰীয়ে কয় যে আজি স্বচ্ছ সেৱা সন্মান কোষ মুকলি কৰা হৈছে আৰু ইয়ে চাফাইকৰ্মী তথা তেওঁলোকৰ পৰিয়ালৰ লোকক সহায় কৰিব৷

স্বচ্ছ ভাৰত অভিযান তীব্ৰতাৰে আগুৱাই গৈছে বুলি উল্লেখ কৰি প্ৰধানমন্ত্ৰীয়ে কয় যে মহাত্মা গান্ধীৰ ১৫০সংখ্যক জন্মজয়ন্তীৰ পূৰ্বে ভাৰতবৰ্ষ মুকলিত শৌচমুক্ত দেশত পৰিণত হ’ব৷

শ্ৰী নৰেন্দ্ৰ মোদীয়ে কয় যে গংগা নদীৰ স্বচ্ছতা ওপৰতো চলিত বৰ্ষত অধিক গুৰুত্ব আৰোপ কৰা হৈছে৷ তেওঁ স্বচক্ষে আজি এয়া প্ৰত্যক্ষ কৰিছে৷ প্ৰধানমন্ত্ৰীয়ে দাবী কৰে যে এয়া কেন্দ্ৰীয় চৰকাৰৰ নমামী গংগে আঁচনিৰ ফল৷ তেওঁ কয় যে নৰ্দমাৰ পানী নদীত পৰাটো বন্ধ কৰা হৈছে আৰু নৰ্দমাৰ আৱৰ্জনা নিষ্কাষণৰ ব্যৱস্থা নিৰ্মাণ কৰা হৈছে৷ শেহতীয়াকৈ তেওঁ লাভ কৰা ছিউল শান্তি পুৰস্কাৰৰ সৈতে সন্নিবিষ্ট ১.৩০ কোটিৰ ধনৰাশি নমামী গংগে অভিযানৰ নামত উৎসৰ্গা কৰা হৈছে৷ বিভিন্ন সময়ত উপহাৰ হিচাপে লাভ কৰা স্মাৰক সামগ্ৰীসমূহ নিলামত কৰি লাভ কৰা ধনো নমানী গংগে অভিযানলৈ আগবঢ়োৱা হৈছে৷

প্ৰধানমন্ত্ৰীয়ে কুম্ভৰ সৈতে জড়িত নাৱিকসকলকো বিশেষভাৱে প্ৰসংসা কৰে৷ তেওঁ লগতে কয় যে স্বাধীনতাৰ পাছত প্ৰথমবাৰৰ বাবে কুম্ভমেলালৈ অহা ভক্তই অক্ষয় ভাট দৰ্শনৰ সুযোগ লাভ কৰিছে৷

প্ৰধানমন্ত্ৰীয়ে কয় যে চলিত বৰ্ষত কুম্ভৰ বাবে প্ৰস্তুত কৰা আন্তঃগাথনিসমূহ অনাগত সময়তো চহৰখনৰ উপযোগী হৈ থাকিব৷ অৰ্থাৎ কুম্ভমেলাৰ পাছতো ই ব্যৱহাৰযোগ্য হৈ থাকিব৷

 

 

 

 

 

‘মন কী বাত’ৰ বাবে আপোনাৰ ধাৰণা আৰু পৰামৰ্শ এতিয়াই শ্বেয়াৰ কৰক!
সেৱা আৰু সমৰ্পণৰ ২০ বছৰক সূচিত কৰা ২০ খন আলোকচিত্ৰ
Explore More
Our Jawans are the 'Suraksha Kavach' of 'Maa Bharti': PM Modi

Popular Speeches

Our Jawans are the 'Suraksha Kavach' of 'Maa Bharti': PM Modi
Capital expenditure of States more than doubles to ₹1.71-lakh crore as of Q2

Media Coverage

Capital expenditure of States more than doubles to ₹1.71-lakh crore as of Q2
...

Nm on the go

Always be the first to hear from the PM. Get the App Now!
...
চ'ছিয়েল মিডিয়া কৰ্ণাৰ 6 ডিচেম্বৰ 2021
December 06, 2021
Share
 
Comments

India takes pride in the world’s largest vaccination drive reaching 50% double dose coverage!

Citizens hail Modi Govt’s commitment to ‘reform, perform and transform’.